ئه‌ڤرۆنيوز:
ژبه‌ر روودانا رۆژا پێنجشه‌مبى يا بۆرى ل ده‌ڤه‌را ده‌ريا مرى ل ئوردنێ كو ژئه‌نجامێ له‌هيان زێده‌تر ژ 20 كه‌سان گيانێ خوه ده‌ستداى، نێچيرڤان بارزانى سه‌رۆك وه‌زيرێن هه‌رێما كوردستانێ نامه‌كا هه‌ڤخه‌ميێ ئاراسته‌ى شاهێ ئوردنێ عه‌بدوللا كورێ حوسه‌ينى كر.
نێچيرڤان بارزانى دناما خوه يا هه‌ڤخه‌ميێ دا گۆت” هه‌ڤسۆز وهه‌ڤخه‌مێن هه‌وه و گه‌ل وحوكمه‌تا ئوردونێ وكه‌سوكارێن قوربانيان نه وسه‌رخوه‌شيێ ل هه‌وه دكه‌ين”.
ئەڤرۆ نیوز، شەهلا رێكانی:
سوئات ئوستا، ئەكتەرێ بەرنیاسێ باكورێ كوردستانێ بۆ ئەڤرۆنيوز گۆت: (ئەڤە جارا چارێ یە ئەز پشكداریێ د فلمە ڤیستەڤالا دهوكێ یا نیڤدەولەتی دا دكەم، گەلەكێ كەیف خوه‌شم ب ئەنجامدانا ڤێ ڤیستەڤالێ ل باژێرێ دهوكێ).
سوئات ئەو ژی گۆت: (نێزیكبۆنا من و هونەری هوسا چێبو ل دەستپێكێ من تەمبور دژەنی پاشی دەست ژ تەمبورێ بەردا و دەست ب شانویێ كر و پاش درامایێ و پاش سینەمایێ).
سوئات گۆت ژی: (من پشكداری د چەندین فلمێن سینەمایا كوردیدا كریە ژ وان ژی ( زاگرۆس، چاردەی تیرمەهێ، وەلاتێ منێ تەعل و شرین، بیرئانینا ل سەر كەڤرا، ئالان، پانتور…) و ئەڤ فلمە د ڤیستەڤالێن نیڤ دەولەتی دا هاتینە نیشان دان و خەلات ژی ڤان فلما وەرگرتینە، هەروەسا ئەڤە 17 سالە ئەز د ناڤا سینەمایێ دا كار دكەم).
دياركر: (هەتا نها من یەك خەلات د وارێ سینەمایێ دا وەرگرتیە).
ل دۆر شەشەمین فلمە ڤیستەڤالا دهۆكێ گۆت: (سینەمایێ سنور نینە، ئاستێ ڤیستەڤالێ باش د هەلسەنگینم، ژبەركو ئەڤ سالە فلمە ڤیستەڤالا دهوكێ پێشڤەچۆنەكا باشتر ب خۆڤە دیتیە ژ سالێن بوری).
بۆ زانین فلمێ (زاگرۆس) د شەشەمین فلمە ڤیستەڤالا دهوك یا نیڤدەولەتی دا هاتیە نیشان دان.
ئەڤرۆ نیوز ، نەوزاد هلۆری:
پشتی كو ل سێ روژێن بوری ژبەر ئەگەرا بارینا باران و رابوونا لەهیان و چەندین زیان بەر وەلاتیان و جهێن گشتی كەفتی ب تایبەتی ل سنوورێ قەزا چومان و سۆران ،بزاڤ دهێتەكرن كو حوكمەتا عیراقێ قەرەبوویا زیانان بكەت ، و زێدەباری كو زیان ل چومان و سۆران هەبوون ، دهەمان دەم دا ل قەزا ئامێدیێ ژی هەبوون.
بەشیر حەداد، جێگرێ دویێ یێ سەرۆكێ پەرلەمانێ عیراقێ د كونگرەیەكێ رۆژنامەڤانی دا دیاركر كو ئەو دێ ژ نێزیك سەرەدانا جهێن زیانڤێكەفتی دكەن و گۆت: (پشتی كو ژ نێزیك سەرەدانا وان جهان دكەین ئەوێن كو ژ ئەگەرا باراینا باران و رابوونا لەهیان زیانپێكەفتی دێ ئەنجامان بو حوكمەتا عیراقێ بلند كەین ، و پێدڤی یە حوكمەتا عیراقێ قەرەبوویا زیانڤێگەفتیان بكەت ژبەركو حوكمەتا عیراقێ بودجەكا تایبەت بۆ قەرەبوكرنا رودانێن سرۆشتی هەیە).
زێدەتر گۆت: (ژئەنجامێ لەهیێن كوردستانێ ب تایبەتی ل چومان و سوران پر هەرفینە و جاددە خراپ بوینە و زیان گەهشتینە وەلاتیان و جهێن گشتی و خزمەتگوزاریێن مینا كارەبا و ئاڤ و قوتابخانە و باچخە، و نوكە ئەم یێ بزاڤێ دكەین لسەر ئەوێ بودجا بو روودانان ل عیراقێ هاتیە تەرخانكرن قەرەبوویا زیانڤێكەفتیێن لەهیان بكەین ئەو ژی پشتی كو لژنەیەك دهێتە پێكئینان).
شوكری حەجی ، خودانێ كارگەهەكا حەسو و خیزی یە ل دێرەلوكێ بو ئەڤرۆ نیوز گۆت: (پشتی كو باران و لەهی ل سنوورێ ناحیا دێرەلوك درۆست بوی ، و بویە ئەگەر كو ئاستێ ئاڤا رووبارێ زێ بچوك بلند ببیت، و پشكەك ژ ئامیرێن كارگەها من یا حەسو و خیزی بكەڤیتە بن ئاڤێ مینا حەفارە و شوفەر و مالیدا كارەبای و چەند ئامیرەكێن دی ، و ئەگەر باران بەردەوام بیت رەنگە ئەو ئامیرە ل گەل رووباری بچن).
ب گورەی پێزانینێن دەستپێكی ل سنوورێ هەردو قەزایێن سۆران و چومان هژمارەكا زور یا زیانان رووداینە ژ وانان هەرفینا سێ پرا و ژكاركەفتنا پێنج ترومبێل و هەرفینا حەفت خانویان، و 11 باخچە و چەند جهەكێن گشتی و تێكچونا كارەبا گشتی و رێیێن سەرەكی و تێكچونا پروسا خواندنێ ل چەند قوتابخانە و ئاوارەبوونا نێزیكێ 50 خێزانان ل پەی لەهیان رووداینە. و هەر ژ ئەنجامێ روودانێن لەهیان ل سنوورێ ناحیا سیدەكان تەرمێ كەسەكێ هاتیە دیتن ، بەلێ هەتا نوكە ناسناما وی نەهاتیە زانین.
ب گورەی زانیاریێن مەیدانیێن ئه‌ڤرۆنيوز زیان ب پروژێ هایدروپاوەرێ گەلیێ رەشاڤە ژی گەهشتیە و پشكەك ژ پروژەی بن ئاڤ بویە و چەند ئامیرەكێن وان ل گەل رووباری چوینە.
ئەڤرۆ نیوز ، زنار تۆڤی:
رێبه‌رێ باسکێ سه‌دری راگه‌هاندیە، کو ده‌وله‌تا سه‌ربه‌خۆیا عیراقێ گاڤێن ده‌ستپێكێ یێن چاكسازیان هاڤێتینه و نابیت ئەڤ دەلیڤە ژ دەست بهێتەدان.
موقته‌دا سه‌در، رێبه‌رێ باسکێ سه‌دری، د تویته‌كێ دا راگه‌هاندیە، کو وان پشكه‌كا چاكسازیان د پێكئینانا حوکمه‌تا نوو دا كریه، لێ ئه‌و د خوازن چاكسازیان د ده‌وله‌تێ ژی دا بكه‌ن، ده‌وله‌تەکا وەسابیت كو عیراق و خه‌لكێ وێ تێدا سه‌ربلندبن و گه‌نده‌ل ژی تێدا سه‌ر شۆر ببن.
موقته‌دا سه‌در گۆتیە ژی، دخوازم عیراق ده‌وله‌ته‌كا وه‌سا بیت، کو فه‌رمانا ب تنێ ژ حوکمه‌تا خوه وه‌ربگریت و كاریگه‌ریا چ ده‌ستێن ده‌ره‌كی ل سه‌ر عیراقێ نه‌بیت.
هه‌روه‌سا دیارکریە ژی: دڤێت ده‌وله‌ته‌كا وه‌سا بهێتە ئاڤاكرن، کو چه‌ندین وه‌زیرێن خودان شیان حوکمه‌تا وێ ب رێڤه‌ببه‌ن، نه‌كو وه‌زیرێن حزبی یێن بێ مفا هه‌روه‌سا دڤێت مافێن وه‌لاتیێن عیراق بهێنەدان و دوژمنێن عیراقێ ژی بهێنە سزادان.
ئه‌ڤرۆ نیۆز،عه‌زیز هه‌ورامی
هێزێن پاسدارێن ئيرانى ل نێزيك باژێركێ ته‌وێله يێ سه‌ر ب پاريزگه‌ها هه‌له‌بجه ڤه دو وه‌لاتيێن كوردێن رۆژهه‌لات دده‌نه به‌ر گۆله‌يان ودكۆژن وته‌رمێن وان دبنه پارێزگه‌ها پاوه ل رۆژهه‌لاتێ كوردستانێ.
به‌رزان عوسمان، په‌يڤدارێ پۆليسێن پارێزگه‌ها هه‌له‌بجه دبه‌ياننامه‌كێ دا راگه‌هاند، سپێده‌يا ئه‌ڤرۆ شه‌مبيێ 27/10/2018 ل نێزيك سه‌يرانگه‌ها ئاوێسه‌ر ل باژێركێ ته‌وێله يێ سه‌ر ب پارێزگه‌ها هه‌له‌بجه ب دو كيلۆمه‌تران هێزه‌كا پاسدارێن ئيرانى ته‌قه ل دو وه‌لاتيێن كوردێن رۆژهه‌لات دكه‌ت ودكۆژن.
گۆت ژى” ئه‌و هێزا هه‌ردو وه‌لاتى كوشتين ته‌رمێن وان ل گه‌ل خوه برن باژێرێ پاوه ل رۆژهه‌لاتێ كوردستانێ”.
باژێركێ ته‌وێله يێ هه‌ڤسنوره ل گه‌ل رۆژهه‌لاتێ كوردستانێ ورۆژانه وه‌لاتيان ل وى سنورى هاتنوچوونێ دكه‌ن وهنده‌ك جاران هێزێن ئيرانى ته‌قێ ل وه‌لاتيان وكاسبكاران دكه‌ن كو دئه‌نجامدا چه‌ندين وه‌لاتى دهێنه كوشتن وبرينداركرن.
ئه‌ڤرۆ نیوز، مه‌حمود نهێلى:
ژ ئه‌نجامێ بارینا بارانێن زۆر و رابوونا رووبارێ زێ و دروست بوونا له‌هیان زیان گه‌هشتینه پرۆژیێ هایدروپاوه‌رێ دێره‌لۆك و كارێ چێكرنا پرۆژه‌ى راوه‌ستاندیه.
سائیر ئامێدى ئه‌ندازیارێ سه‌رپه‌رشتێ پرۆژه‌ى بۆ ئه‌ڤرۆ نیوز دیاركر، كو ئه‌ڤه بارینا باراێن زۆر بوویه ئه‌گه‌رێ دروست بلند بوونا ئاستێ رووبارێ زێ و ب ڤێ یه‌كێ چه‌ند زیانێن بچووك گه‌هشتینه پرۆژه‌ێ هایدروپاوه‌رى و گۆت: ( ئه‌ڤ بارانه بوویه ئه‌گه‌رێ خراب بوونا جاده‌یه‌كا هاتن و چوونا ئامیرێن كارى یێن پرۆژه‌ى و هه‌روه‌سا ئاڤ چوویه جهێ سه‌بكرنێ یا كارى كو دێ بیته ئه‌گه‌رێ گیروبوونا كارى).
ناڤهاتى دیار ژى كر، كو ئامیره‌كى كونكرنا كه‌ڤران ژى مایه د ئاڤێ دا لێ زیان نه‌گه‌هشتینێ و دشیان دا یه بیننه ده‌ر
ئه‌ڤرۆنيوز:
هه‌ردو يانێن جه‌ويه يا عيراقى وئه‌لتين ئه‌سير يا توركمانستانى سوباهى شه‌مبيێ 27/10/2018 دێ ياريا دووماهيێ ژ قاره‌مانيا ئێكه‌تيا ئاسيا يا ته‌پا پێ ل ياريگه‌ها به‌سرا ئه‌نجام ده‌ن.
يانا جه‌ويه يا عيراقى هه‌لگرا هه‌ردو ناسناڤێن دووماهيێ يێن وێ قاره‌مانيێ يه ويانا ئه‌لتين ئه‌سير يا توركمانستانى بۆ جارا ئێكێ يه دگه‌هيته دووماهيا وێ قاره‌مانيێ.
ئه‌ڤرۆنيوز:
وه‌زيرێ دارايى وئابوورى ل هه‌رێما كوردستانێ راگه‌هاند، ب رازيبوونا نێچيرڤان بارزانى سه‌رۆك وه‌زيرێن هه‌رێما كوردستانێ ل حه‌فتيا بهێت وژداهاتيا په‌ترۆلێ دێ ده‌ست ب به‌لاڤكرنا گۆژمێ 100 مليۆن دۆلاران بۆ هه‌موو قونته‌رچيێن ل هه‌رێما كوردستانێ كاركرى هێته كرن.
رێباز حه‌ملان، وه‌زيرێ دارايى ل هه‌رێمێ دبه‌ياننامه‌كێ دياركر كو ب هه‌ماهه‌نگى ل گه‌ل هه‌ردو وه‌زاره‌تێن دارايى وپلاندانانێ وئێكه‌تيا قونته‌رچيێن كوردستانێ ئه‌و پاره دێ هێته به‌لاڤكرن.
حه‌ملانى سوپاسيا خۆراگرى وهه‌لويست وكارێ به‌رده‌وامێ هه‌موو قونته‌رچيان كو مل ب ملێ مووچه‌خۆران ملێ خوه دايه به‌ر هه‌موو بارگرانى وقه‌يرانان.
وه‌زيرێ دارايى هه‌موو وه‌لاتيێن هه‌رێما كوردستانێ پشت راستكرن كو ئێدى رۆژێن دژوار به‌ر ب دووماهيێ دچن.
ئه‌ڤرۆنيوز:
رێڤه‌به‌رێ فه‌رمانگه‌ها دووڤچوونا پرۆژان ل جڤاتا وه‌زيرێن هه‌رێما كوردستانێ راگه‌هاند، بازارێ له‌نگه ل هه‌ولێرێ ناهێته تێكدان وئه‌و دوكانێن زيان گه‌هشتينێ ژ ئه‌گه‌رێ ئاگربه‌ربوونێ دێ بزاڤا چێكرنا وان هێته كرن.
هشيار قادر، رێڤه‌به‌رێ رێڤه‌به‌رێ فه‌رمانگه‌ها دووڤچوونا پرۆژان ل جڤاتا وه‌زيرێن هه‌رێما كوردستانێ دياركر كو ب چو شێوه‌كى بازارێ له‌نگه ل هه‌ولێرێ ناهێته تێكدان وده‌ستكارى د دوكانێن وى بازارى دا ناهێته كرن، به‌لێ ئه‌و دوكانێن زيان گه‌هشتينێ دێ بزاڤا چێكرنا وان هێته كرن ودێ سيسته‌مێ كاره‌بێ يێ سه‌رده‌م بۆ بازاى هێته دابينكرن.
گۆت ژى” لژنه‌كا تايبه‌ت ب قه‌ره‌بووكرنا زيانداران دێ ده‌ست بكاربيت وقه‌ره‌بووكرن ژى ل سه‌ر شيانێن دارايى يێن حوكمه‌تا هه‌رێما كوردستانێ رادوه‌ستيت”.
سپێده‌يا زوو يا رۆژا پێنجشه‌مبى 25/10/2018 ئاگر به‌ربوو پشكه‌كا مه‌زن ژ بازارێ له‌نگه ل هه‌ولێرێ وپتر ژ نيڤا دوكانێن وى بازارى سوتن وزيانه‌كا مه‌زن يا دارايى ل دووڤ خوه هێلا.
نيشاندان