ئه‌ڤرۆ نيوز:
هەولێر 7.3 ملم
پیرمام 8.7 ملم
سلێمانى 10.5ملم
چەمچەماڵ 0.8 ملم
دهۆک 22.6 ملم
زاخۆ 24.0 ملم
کرکوک دڵۆپ دڵۆپ
ئاکرێ 12.2 ملم
ئامێدى 33.4 ملم ب
امەرنێ 21.0 ملم
بارزان 24.8 ملم
بازیان 5.2 ملم
دوکان 8.0 ملم
حاجى ئۆمەران 16.8 ملم
کانى ماسى 25.8 ملم
خەبات 5.0 ملم
پێنجوێن 6.8 ملم
ماوەت 8.0 ملم
قەڵادزە 5.4 ملم
سمێلان 18.6 ملم
دینارتە 19.0 ملم
مێرگەسۆر 23.0
سیدەکان 19.2 ملم
ئه‌ڤرۆنيوز:
مالپه‌رێ (ده‌يلى مه‌يل) يێ بريتانى دراپۆرته‌كێ دا ناڤێ 50 باژێرێن ئارام ل جيهانێ دخشته‌كى دا به‌لاڤكر وتێدا ئه‌گه‌رێ ئاراميێ وديرۆكا وان باژێران دبوارێن جودا جودا به‌حسكر.
ئێك ژ وان بوارێن كو وى مالپه‌رى دياركرى، هه‌بوونا ئاراميێ يه ل وان 50 باژێران دا، كو باژێرێ هه‌ولێرێ دناڤ وان 50 باژێران دا د رێزا پێنجێ بوو كو پشتى هه‌ر ئێك ژ باژێرێن (ئه‌بو زه‌بى يێ ئيماراتى وده‌وحه يێ قه‌ته‌رى وئۆساكا يێ يابانى وكيوبيك يێ كه‌ندى) هات.
وى مالپه‌رێ بريتانى سه‌رنج خسته سه‌ر باژێرێ هه‌ولێرێ كو دناڤ وه‌لاته‌كێ نه‌ئارام ونه‌سه‌قامگير دا، شيا دئاراميێ وئێمناهيێ دا جهێ خوه بكه‌ت وب ده‌ڤه‌ره‌كا تمام ئارام وه‌كو پايته‌ختێ هه‌رێما كوردستانێ هژمارت وب باژێره‌كێ هه‌ره دێرين ل جيهانێ وهه‌مه‌جريا پێكهاتێ ئاينى ونه‌ته‌وى يێ جودا جودا هژمارت.
ل دووڤ وى مالپه‌رى ژى 10 باژێرێن ئارام ل جيهانێ ئه‌ڤه‌نه:
بۆ ديتنا وى بابه‌تى دمالپه‌رێ بريتانى دا ڤى لينكى كليك بكه
ئه‌ڤرۆ نیوز ، نه‌وزاد هلۆرى:
بازارێن ده‌ستێ دوو ل هه‌ولێرێ كو ب له‌نگه دهێته نیاسین و ل ده‌ڤه‌را بادینان په‌یڤا جهێن بالا یان مه‌یدانك بو دهێته بكارئینان بوویه ئێك ژ مه‌زنترین بازارێن كرین و فروتنێ ل كوردستانێ ب گشتى و هه‌ولێرێ ب تایبه‌تى ، و نها ژبه‌ر گرنگى و قه‌ره‌بالغێ ب له‌نگه موول دهێته نیاسین ، به‌لێ ئه‌ڤرۆ د روودانه‌كا نه‌چاڤه‌رێكرى دا نێزیكێ هزار و 200 دوكان و بازاران هاتینه سوتن.
سامان شێركو وه‌لاتیه‌كێ هه‌ولێرێ یه دیاركر كو ئه‌و سه‌رجه‌م پێدڤیێن خوه ل بازارێن له‌نگه‌یا هه‌ولێرێ دكریت و بو ئه‌ڤرۆ نیوز گۆت : ( بازارێ له‌نگه ل هه‌ولێرێ بوویه ئێك ژ گرنگترین بازارێن هه‌ژارا و خه‌لكه‌كێ زور ل هه‌موو كوردستانێ قه‌ستا له‌نگه دكه‌ت و سه‌رجه‌م كه‌ل و په‌ل و پێدڤیێن ژیانێ تێدا هه‌نه و هه‌موو ژى ب بهایه‌كێ گونجاى و ئه‌رزانن ، راسته بازارێ ده‌ستێ دوو و كه‌ڤن و نوویایه به‌لێ كه‌لوپه‌لێن وێ كێمتر نینه ژلایێ كوالێتى و جورى ڤه ژ بازارێن دن ، ئه‌ڤه ب تایبه‌تى بو خه‌لكێ هه‌ژار و ئاواره دڤێ قه‌یرانێ دا بوویه ده‌لیڤه ، و بهزرا من ئه‌گه‌ر له‌نگه نه‌بایه دا هه‌موو بازارێن هه‌ولێرێ ب دوو قاتى و چه‌ند قاتى كه‌لوپه‌ل ب گرانى هێنه فروتن)
زێده‌تر گۆت : (بازارێ له‌نگه ل هه‌ولێرێ هه‌ند قه‌ره‌بالغه ره‌نگه هزر د چێكرنا كلینیك و گه‌له‌ك پێدڤیێن دن یێن گرنگ بهێته‌كرن ب كورتى توو هه‌وجه‌یێ چوو ببى ل له‌نگه هه‌یه ، به‌لێ ب مخابنیڤه شوونا حوكمه‌ت و لایه‌نێن شوله‌ژێ گرنگیێ پێ بده‌ن روژ بو روژێ یا ژ ناڤ دچیت و نها ژى ژ ئه‌گه‌ره‌كێ نه‌دیار ئاگر به‌ربویێ و نێزیكێ هزار و 200 دوكان و بازاران هاتینه سوتن)
دكتور ئه‌یوب عه‌بدوللا ئابووریناس و ئێك ژ شاره‌زایێن بازارێ له‌نگه دیاركر كو پێدڤى یه ل هه‌موو باژێرێن كوردستانێ بازارێن مینا له‌نگه بهێنه چێكرن و بۆ ئه‌ڤرۆ نیوز گۆت : (بازارێن له‌نگه كو نها هنده‌ك ب له‌نگه موول ژى بناڤ دكه‌ن كو بازارێن قه‌یسه‌رى و پێدڤیێن ده‌ستێ دوو واته كه‌ڤن و نوو بخوڤه دگریت ب تایبه‌تى یێن نافمالێَ بوویه ده‌لیڤه‌ك بو پرانیا خه‌لكێ كوردستانێ و هه‌ولێرێ و هه‌موو جوره مرۆڤه‌ك ژى كرین و فروتنێ تێدا دكه‌ن ، و دكه‌ڤیته دناڤبه‌را جاددا 100 مه‌ترى كو ب جاددا پێشه‌وا دهێته نیاسین و دیسان جاددا 40 مه‌ترى ، و ئه‌ڤ بازاره پشتى سالا 2000 هاتیه چێكرن و له‌نگه‌یا كه‌ڤن بو هاتیه ڤه‌گوهاستن ژبه‌ركو د كه‌ڤن دا له‌نگه‌یا هه‌ولێرێ ب ره‌خ گورستانا شێخه‌لا بوو ل نێزیك ئاڤاهیێ كه‌ڤنێ وه‌زاره‌تا شاره‌وانیێ به‌لێ دوڤدا بوو سه‌راڤترا گوره‌پانا پاسێن كو نها ئاڤاهیێن بازارێ نیشتمان لێهاتینه درۆستكرن)
زێده‌تر گۆت : (دكه‌ڤن دا له‌نگه ئێك بوو ژ وان بازارێن كو گه‌له‌ك دهاته سووتن ژبه‌ركو سه‌رجه‌م دوكان و جهێن ویێن كرین و فروتنێ لسه‌ر شێوه‌یه‌كێ ساده دهاتنه درۆستكرن ئه‌و ژى چه‌ند داره‌ك پێكڤه گرێددان و سه‌رێن وان ژى ب قوماشه‌كێ دهاتنه گرتن و پرانیا وان ژى وه‌كو خیڤه‌تان بوو و هه‌رده‌ما روودانه‌كا ئاگرى ل وى جهى درۆست ببایه دا ئاگر چیته هه‌موو جهان و زویكا نه‌دهاته كونترولكرن و پرانیا جاران ژى ئه‌وو روودان ب قه‌زا و قه‌ده‌ر دهاتنه ناساندن)
ل بارا په‌یڤا ” له‌نگه” كو ل بادینان پتر ب باله و مه‌یدانك دهێته نیاسین ناڤبرى گوت : (هه‌ر ناڤه‌كێ بچته سه‌رڤان بازاران مه‌ره‌م ئه‌وه كو ئه‌ڤ بازار جهێ كه‌لوپه‌لێن ده‌ستێ دوویه واته كه‌ڤن و نوو و ژ ناڤێ وێ دیاره كو جهێن كه‌لوپه‌لێن كه‌ڤنه و ره‌نگه كه‌لوپه‌لێن نوو ژى هه‌بن و بازارێ له‌نگه‌یا هه‌ولێرێ و هه‌موو بازارێن دن یێن كه‌ڤن و نوو ل هه‌رێمێ پشتى كوچا ملیونى یا كوردستانێ پتر دناڤ خه‌لكى دا به‌لاڤبوویه ئه‌و ده‌ما كو خێرخوازێن ئه‌وروپى جلوبه‌رگ و كه‌لوپه‌لێن خوه‌یێن بكارهاتى د رێیا نه‌ته‌وه‌یێن هه‌ڤگرتى و رێكخراوێن خێرخوازى بو كوردان فرێكرن ب تایبه‌تى بو كوردێن ئێران و توركیا و عیراقێ به‌لێ ب مخابنیڤه ل وى ده‌مى ژى ده‌ستێن به‌رپرسێن وى ده‌مى گه‌هشته ئه‌ڤان باله‌یان و پرانیا وان كه‌لوپه‌لان گه‌نده‌لى تێدا هاته‌كرن و به‌ریكێن خوه شوونا گه‌رمكرنا له‌شێ هه‌ژاران ل زستانێ گه‌رمكرن و هه‌ژار و زاروو ژ وان هه‌موو كه‌لوپه‌ل و نامه‌یان هاتنه بێبه‌هركرن ئه‌ڤێن كو وه‌كو سووز و ڤیان كربوونه د به‌ریكێن وان جلوبه‌رگان دا و پشكه‌كا زور یا وان نامه‌یان ژلایێ رۆژناما كوردستانا نوو ل سالێن 1992-1993 هاتینه وه‌رگێران بوسه‌ر زمانێ كوردى كو ده‌ربرین ژ سووز و ڤیانێ دكر و ئه‌وان دلگرانیا خوه بوو ئه‌ڤان روودانێن ب سه‌رى َوان دهاتن دانه دیاركرن ، و ژ وێ رۆژێ هه‌تا نها بازارێ له‌نگه هاته دانان و نها بوویه گه‌رمترین بازارێ هه‌ولێرێ)
ل دوماهیێ گۆت : (وه‌كو پێدڤى جهێن شوله‌ژێ خزمه‌ت بو له‌نگه نه‌كرینه ژبه‌رڤێ پێدڤى یه جهێن شوله‌ژێ خوه ژ بازارێن بڤى ره‌نگى بكه‌ن خودان ژبه‌ركو رێژه‌یه‌كا زور یا خه‌لكى قه‌ست دكه‌نێ و بوویه ده‌لیڤه‌ك بو خه‌لكێ هه‌ژار كو كرین و فروتنێ تێدا بكه‌ن ، و ژلایه‌كێ دنڤه نها له‌نگه بوویه ئێك ژ هێمایێن كه‌لتورى و گه‌شت و گوزار و ده‌مبوراندنا خه‌لكى و هه‌زاران خه‌لك به‌س بو دیتن و گه‌ریان قه‌ستا بازارى دكه‌ن كو ئه‌ڤ یه‌ك ژى زور گرنگه ، و نها ژى لسه‌ر هه‌ما ستایلێ به‌رێ یه و چوو تشت بو له‌نگه نه‌هاتیه‌كرن كو ئه‌ڤ یه‌ك ژى ب راستى جهێ داخێ یه و من دڤێت پرسیار بكه‌م بوچى ئه‌و جهێ بو هه‌ژاران باش گرنگى پێ ناهێته‌دان)
ناڤبرى ل بارا روودانێن ئاگرى و مه‌ترسیا وان لسه‌ر ژیانا وه‌لاتیان و دوكانداران گۆت: (بازارێ له‌نگه ئه‌گه‌ر روودان ب سه‌رى بهێ، دوو زیان هه‌نه، زیانه‌ك بوو دوكان دار و خودان بازارایه كو ئه‌و ژى گه‌له‌ك یا مه‌زنه و هه‌زاران خه‌لكى دهێتیله بێ كار ، و زیانه‌ك ژى بو خه‌لكێ هه‌ژارێ هه‌ولێرێ یه كو ئێدى نكارن ب بهایه‌كێ گونجاى و ئه‌رزان پێدڤیێن خوه بكرن، ژبه‌رڤێ گرنگه حوكمه‌ت و لایه‌نێن شوله‌ژێ ب زوترین ده‌م هه‌ڤكاریا خودان بازاران بكه‌ن و هه‌مووان قه‌ره‌بو بكه‌ن داكو خه‌لك بشێن لسه‌ر كارێن خوه به‌رده‌وام بن)
ئه‌ڤرۆنيوز:
جڤاتا وه‌زيرێن عيراقێ يا نوو ب سه‌رۆكاتيا عادل عه‌بدولمه‌هدى سه‌رۆك وه‌زيرێن نوو ئه‌ڤرۆ پێنجشه‌مبى 25/10/2018 ئێكه‌مين كۆمبوونا خوه ل به‌غدا ئه‌نجامدا.
ئه‌و كۆمبوون ل ده‌رڤه‌ى ده‌ڤه‌را كه‌سك ل به‌غدا هاته ئه‌نجامدان كو ئه‌و ده‌ڤه‌ر دهێته نياسين ب جهێ باره‌گايێن حوكه‌مه‌تا عيراقێ وبالۆزخانێن وه‌لاتێن بيانى ل عيراقێ.
ئەڤرۆ نیوز ،نەوزاد هلۆری:
پشتی کو مامۆستایەکێ کومەلگەها سیریێ یا سەر ب ناحیا شێلادزێ پارێ 800 قوتابیێن کێم دەرامەت و زاروکێن پێشمەرگەيان و کەسوکارێن شەهیدان زڤراندى ، ژلایێ لقێ 18 يێ پارتی دیموکراتی کوردستان ڤه هاتە خەلاتکرن.
عەونی ئەرتیسی، برپرسێ راگەهاندنا لقێ 18 يێ پارتی دیموکراتی کوردستان بۆ ئەڤرۆ نیوز گۆت: (پشتی کو مامۆستا فەیزی رەمەزان رێکانی دده‌مێ بۆری دا خزمەتەکا زۆر ب رێیا خۆلێن خوه‌بەخش بۆ قوتابیان و کەسوکارێن شەهید و پێشمەرگەى و خەلکێ هەژار کری، مە وەکو لقێ 18يێ پارتی دیموکراتی کوردستان ب فەر دیت بهێتە خەلاتکرن ب خەلاتێ رێزلێنانێ وپشتەڤانیا خوە ژی بۆ وى مامۆستای و هەر کەسەکێ هاریکار ل گەل قوتابیان و پێکهاتەیێن جڤاکی دکەین).
فەیزی رەمەزان، مامۆستایێ وانەیا بیرکاریێ ل شێلادزێ بۆ ئەڤرۆ نیوز گۆت: (ژبەرکو رەوشا دارایی و ئابووریا خەلکێ کوردستانێ و دەڤەرێ د ئاستەکێ باش و پێدڤی دا نینە ، من ب فەر زانی کو پارێ 800 قوتابیێن خۆلێن خوە دوبارە بۆ وان بزڤرینم ڤە کو دبیتە گۆژمێ 23 ملیۆن دیناران).
زێدەتر گۆت: (ئەو قوتابیێن کو هاریکاری بۆ هاتیەکرن هەموو کەسوکارێن شەهید و ئەفالکری و پیشمەرگە و دەستکورت و هەژاربوون و ئەز دێ ب رێیا خوه ل سەر هاریکاریکرنا وان بەردەوام بم وسوپاس بۆ رێزگرتنا لقێ 18يێ پارتی).
ئه‌ڤرۆنيوز:
رێڤه‌به‌ريا گشتى يا كه‌شناسيێ وبيڤه‌له‌رزان ل هه‌رێما كوردستانێ به‌لاڤكر كو سوباهى ئه‌ينيێ 26/10/2018 ره‌وشا سه‌قاى ل دهۆكێ دێ ب ڤى شێوه‌ى بيت:
ئه‌سمان دێ ئه‌ورێ تمام بيت وباران ل سه‌نته‌رێ باژێرێ دهۆكێ دێ باريت ول ده‌ڤه‌رێن چيايێ دێ رێژا بارانێ زێده‌تر بيت.
دياركر ژى كو پلا گه‌رمێ يا سوباهى ل پارێزگه‌ها دهۆكێ دێ 19 بيت.
فه‌رهاد ئه‌مین ئه‌ترووشی پارێزگه‌رێ دهۆكێ ئه‌ڤرۆ 25/10/2018 د په‌یامه‌كێ دا ب هه‌لكه‌فتا رۆژا جیهانی یا كورته بالا، پیرۆزباهیێ ل هه‌موو كورته بالا یێن كوردستانێ ب گشتی و یێن پارێزگه‌ها دهۆكێ ب تایبه‌تی دكه‌ت، ئه‌ڤه ده‌قێ په‌یامێ یه:
ب هه‌لكه‌فتا روژا جیهانی یا كورته بالا ئه‌ز ب ناڤێ خو و كارگێریا پارێزگه‌ها دهوكێ ژدل پیروزباهیێ ل هه‌می كورته بالا یێن كوردستانێ ب گشتی و یێن پارێزگه‌ها دهوكێ ب تایبه‌تی دكه‌م , چینا كورته بالا وه‌كو هه‌می چینێن دی شیایه ریكا كاری بخو د هه‌می بوارا دا ڤه‌كه‌ن و ل سنورێ پارێزگه‌ها دهوكێ كه‌سێن كاریگه‌ر و مفادار بن دناڤ جڤاكی دا و هه‌ر بواره‌كێ قه‌ستا خزمه‌تێ تیدا كربیت روله‌كێ باش و كاریگه‌ر هه‌بویه مینا هه‌می چینێن دی یێن جڤاكی و بتایبه‌تی بیاڤێ وه‌رزشی دا كورته‌بالایێن كوردستانێ شیاینه ببنه قاره‌مان و پلێن هه‌ره باش یێن قاره‌مانیا ب ده‌ست خوڤه بینن , هه‌لبه‌ت ئه‌ڤه‌ژی ژ ئه‌نجامێ پویته‌دان و پشته‌ڤانیا حكومه‌تا هه‌رێما كوردستانێ یه ب ڤێ جینا كاریگه‌را جڤاكی ,,
وه‌كو كارگێریا پارێزگه‌ها دهوكێ دێ به‌رده‌وام پشته‌ڤانێن هه‌وه بین بو هندێ هه‌می ئه‌ندامێن هه‌وه كه‌سێن كاریگه‌ر و مفا دار بن دناڤ جڤاكی دا ,,
دوباره روژا جیهانی یا كورته بالا پیروزبیت ل هه‌می كورته بالایێن كوردستانێ و پارێزگه‌ها دهوكێ ب تایبه‌تی .
نيشاندان