ئه‌ڤرۆنيوز:
رێڤه‌به‌ريا ئاڤێ ل پارێزگه‌ها سلێمانيێ گرێدانا پيڤه‌رێن ئاڤا مالان راگرت.
ل دووڤ مالپه‌ێ كوردستان تى ڤى، رێڤه‌به‌ريا ئاڤێ ل پارێزگه‌ها سلێمانيێ ب برياره‌كا رێڤه‌به‌ريا گشتى يا ئاڤێ بۆ ده‌مه‌كێ به‌روه‌خت گرێدانا پيڤه‌رێن ئاڤا مالان راگرت.
رێڤه‌به‌ريا ئاڤا سلێمانيێ دياركريه كو ل ده‌مێ ده‌ستپێكرنا كاركرنێ د گريدانا پيڤه‌رێن ئاڤا مالان، دێ وه‌لاتيان ئاگه‌هداركه‌ت.
ئه‌ڤرۆنيوز:
وه‌زاره‌تا كاره‌بێ ل هه‌رێما كوردستانێ راگه‌هاند، ڤه‌كۆلينه‌كا زانستى يا نوشدارى په‌يوه‌نديێ دناڤبه‌را نه‌خوه‌شيا په‌نجه‌شێرێ وكاره‌بێ ئاشكرا دكه‌ت.
وه‌زاره‌تا كاره‌بێ دبه‌رپه‌ري خوه دا ل سه‌ر تۆرا جڤاكى يا فه‌يسبووكى به‌لاڤكر” دڤه‌كۆلينه‌كا زانستى دا هاتيه كو په‌يوه‌نديه‌كا كاريگه‌ر يا خراب يا هه‌ى دناڤبه‌را كاره‌بێ ونه‌خوه‌شيا په‌نجه‌شێرێ ودياركريه كو بكارئينانا زۆر يا كاره‌بێ دێ بيته ئه‌گه‌رێ زێده‌بوونا بكارئينانا موه‌ليدان وويستگه‌هێن به‌رهه‌مئينانا كاره‌بێ وب ڤێ چه‌ندێ ژى ژينگه پيس دبيت وئه‌و دوكێله دبيته هوكاره‌ك بۆ تێكچۆوونا ساخله‌ميێ”.
وه‌زاره‌تا كاره‌بێ دياركر ژى” هه‌ڤده‌م بكارئينانا زێده ژپێدڤيا مرۆڤى يا ئاميرێن كاره‌بێ ئه‌گه‌ره‌كه بۆ ده‌ركه‌فتنا تيشكا زێده وكاريگه‌ريه‌كا راسته‌وخوه يا خراب ل سه‌ر ساخله‌ميا مرۆڤى دبيت ووێ ڤه‌كۆلينێ داخواز كريه كاره‌با زێده ژپێدڤێ دناڤ مالان دا بهێته كێمكرن وئه‌و گلۆپێن دهێنه بكارئينان كو ب led دناڤدارن ول ده‌مێ نڤستنێ ته‌له‌ڤزيۆن وكۆمپيۆته‌ر ولاپتۆب بهێنه ڤه‌مراندن”.
ئه‌ڤرۆنيوز:
سەرۆکێ فراکسیۆنا پارتی دیموکراتی کوردستان ل پەرلەمانێ کوردستانێ راگەهاند، پۆستێن سه‌رۆكێ حوكمه‌تا هه‌رێما كوردستانێ وسه‌رۆكێ په‌رله‌مانێ كوردستانێ يێن پارتى نه وئه‌وێ هه‌ڤپه‌يمانيێ ژى ل گه‌ل مه بكه‌ت، تنێ دێ جێگرێن وان به‌ركه‌ڤيت.
ئومێد خوشناو، سەرۆکێ فراکسیۆنا پارتی دیموکراتی کوردستان ل پەرلەمانێ کوردستانێ كو بۆ خۆلا نوو يا په‌رله‌مانى ژى هاته هه‌لبژارتن گۆت” ئه‌م يێن ل گه‌ل ته‌وافوقێ ولێكتێگه‌هشتنا هه‌ڤپشك دا، به‌لێ ده‌مه‌كى هێزا ئێكێ دو جاران هندى هێزا دويێ زێده‌تر بيت وئه‌و جوداهيا مه‌زن درێژا ده‌نگێن وان دا هه‌بيت، دڤێت ب گۆره‌ى خالبه‌نديێ وهژمارا كورسيان پۆست بهێنه به‌لاڤكرن”.
خوشناو د داخۆيانيه‌كا رۆژنامه‌ڤانى دا ل دۆر ئۆپوزسيۆنا هنده‌ك لايه‌نێن سياسى، گۆت ” ئه‌م رێزێ ل بۆچوونێن وان دگرين وئه‌و دێ بيته پشكه‌كا گرنگ ژجوان نيشادانا پرۆسا سياسى، بۆ وێ چه‌ندێ بشێين ب شێوه‌كێ ساخله‌م ره‌فتارێ بكه‌ين”.
خوياكر”هه‌كه پارتى زێده‌تر ژ 45 كورسيێن په‌رله‌مانێ كوردستانێ ژى بده‌ستڤه‌ئينابان، هه‌ر بزاڤ نه‌دكر ب تنێ حوكمه‌تێ پێك بينيت، چونكى مه به‌رژه‌وه‌نديێن خوه يێن گشتى ل به‌رى هه‌موو ده‌ستكه‌فتێن خوه داناينه ول جيهانا پێشكه‌فتى دا به‌رده‌وام هێزا سه‌ركه‌فتى يا ئێكێ دهه‌لبژارتنان دا پۆستێ ئێكێ دبه‌ت، ئانكو مافێ مه‌يه بێژين سه‌رۆكێ حوكمه‌تێ وسه‌رۆكێ په‌رله‌مانى بۆ مه‌نه، له‌وما هه‌كه ل گه‌ل هه‌ر لايه‌نه‌كى هه‌ڤپه‌يمانيێ بكه‌ين، دێ پۆستێ دويێ ئانكو جێگرێن وان به‌ركه‌ڤيت”.
ئه‌ڤرۆ نیوز، نه‌وزاد هلۆرى:
پشتى كو دوهى گروپه‌كێ چیاڤانى ل ده‌ڤه‌را بارزان گه‌شته‌ك بو گه‌لیێ دالاش و شكه‌فتا بیستون ل چیایێ برادوست كرى، ژ ئه‌نجامێ وێ گه‌شتێ دو چیاڤان ب گرانى بریندار دبن.
ئه‌نوه‌ر دوله‌مه‌رى، ئێك ژ وان برینداران كو دهه‌مان ده‌م دا سه‌رۆكێ سه‌نته‌رێ بارزان بۆ چیاڤانى و ژینگه پارێزیێ یه بۆ ئه‌ڤرۆ نیوز گۆت: (دوهى مه وه‌كو سه‌نته‌رێ بارزان بۆ چیاڤانى و ژینگه‌پارێزى ب مێهڤانداریا هنده‌ك چیاڤانێن ئیرانى و توركى گه‌شته‌ك بۆ گه‌لیێ دالاش و شكه‌فتا بیستون ل چیایێ برادوست ل سنوورێ ده‌ڤه‌را بارزان ئه‌نجامدا، ژ ئه‌نجامێ وێ گه‌شتێ دا ئه‌ز و چیاڤانه‌كێ دى ب گرانى بریندار بووین).
زێده‌تر گۆت: (ئه‌و كه‌سانێن كو وه‌كو چیاڤان گه‌شتێن چیایى ئه‌نجام دده‌ن پێدڤیه د هشیار بن و ئاگه‌ه ژ خوه هه‌بیت ژبه‌ركو هه‌ر لڤینه‌كا نه درۆست دێ بیته ئه‌گه‌رێ كاره‌ساتێن مه‌زن و گیان ژ ده‌ستدان یان برینداربوون، و سوپاس بو خودێ نها ره‌وشا مه باشه).
سه‌نته‌رێ بارزان بو چیاڤانى و ژینگه پارێزى نێزیكێ دو سالایه هاتیه دامه‌زراندن و زێده‌تر ژ 100 گه‌شتێن چیایى ئه‌نجامداینه و شیانه ئه‌رشیفه‌كێ مه‌زن یێ وێنه و ڤیدیو و دیمه‌ن و زانیاریێن چیایێن كوردستانێ تۆمار بكه‌ن، وپشكه‌ك ژ وان دیمه‌نان د په‌رتوكان دا چاپ و به‌لاڤ بكه‌ن.
ل دۆر چا‌وانیا برینداربوون و ره‌وشا ساخله‌میا هه‌ردو برینداران ، ناڤبرى گوت: (گه‌لیێ دالاش و شكه‌فتا بیستون ل چیایێ برادوست دكه‌ڤیته سه‌خترین و زه‌حمه‌ت جهێ، و هه‌موو كه‌ڤر و ئاسته‌نگه و ئه‌ز چومه سه‌ر ئێك ژ وان به‌رێن بلند داكو هاریكاریا هه‌ڤالێن خوه بكه‌م ئه‌و ژى بشێن ب سه‌ركه‌ڤن، دئه‌نجام دا به‌ره‌كێ بچووك ل بن پیێ من چو و هه‌ڤسه‌نگیا پیێن من تێكچو و ئه‌ز د چیاى دا كه‌فتم و گرێل بووم و پیێ من ب به‌ره‌كێ كه‌فت و ب دژوارى برینداربوو و ئێك ژ وان كه‌سێن ل گه‌ل من ڤیا من ڤه‌بگریت، به‌لێ نه‌شیا و د ئه‌نجام دا ئه‌و ژى دكه‌ڤیت و بریندار دبیت، و سوپاس بو خودێ ب زوترین ده‌م هه‌ڤالێن مه شیان مه بگه‌هینن نه‌خوه‌شخانێ ل مێرگه‌سوور و چاره‌سه‌ریا مه بكه‌ن).
سه‌نته‌رێ بارزان بو چیاڤانى و ژینگه پارێزى نێزیكێ دوو سالایه هاتیه دامه‌زراندن و زێده‌تر ژ 100 گه‌شتێن چیایى ئه‌نجامداینه و شیانه ئه‌رشیفه‌كێ مه‌زن یێ وێنه و ڤیدیو و دیمه‌ن و زانیاریێن چیایێن كوردستانێ تومار بكه‌ن، و به‌شه‌ك ژ وان دیمه‌نان د په‌رتوكان دا چاپ و به‌لاڤ بكه‌ن.
ئەڤرۆ نیوز ، زنار تۆڤی:
د نوکە دا کەرتێ گەشتیاری بوویە ئێک ژ کەرتێن هەرە گرنگ ل سەرانسەری جیهانێ و گەلەک وەلاتێن جیهانێ خوە ب داهاتێ گەشتیاریێ خودان دکەن و ئێکە ژ ژێدەرێن گرنگ بۆ داهاتێ وان وەلاتان.
عەبدولرزاق نهێلی گەشتیارناسەکە بۆ ئەڤرۆ نیوز دبێژیت: جۆگرافی و سروشتێ کوردستانێ گەلەک یێ گونجایی و جوانە، چونکی هەر چار وەرزێن سالێ ب ئێکسانی لێ دهێنە دیتن بێی دەستێوەردانا مرۆڤان، ئەڤ وەلاتە ژ جهێن شاهانەیە بۆ کەرتێ گەشتوگوزارێ، لەوما پاراستنا ڤێ ژینگەهێ ئەرکێ مە هەموویا نە.
هەروەسا دبێژیت ژی: تێکدانا ژینگەهێ دێ ڤان کارتێکرنا ل کەرتێ گەشتیاری ل کوردستانێ کەت کەت: چونکی دێ بیتە ئەگەرێ پیسبوونا ئاخێ وئاڤێ و سەقایێ کوردستانێ، هەروەسا دێ کارتێکرنێ کەتە سەر ژیانا گیانەوەران و بالندە تەرشوکەوالێ خەلکێ مە، دێ بیتە ئەگەرێ کێمبوونا هاتنا گەشتیاران بو هەرێما کوردستانێ و ڤێ و دەڤەرا ئەم لێ دژین.
ناڤهاتی زێدەتر دبێژیت: پیسبوونا ژینگەهێ دێ زیانەکا مەزن گەهینیتە کەرتێ چاندنێ ژی، هەروەسا دێ زیانەکا مەزن ل سەر ساخلەمیا مروڤێ پەیدا کەت، دیسا دێ کارتێکرنێ ل سەر داهاتێ تاکێ کوردستانێ کەت، دێ رەوشا ئابووری یا وەلاتی و خەلکێ کوردستانێ لاواز کەت.
لەوما دڤێت هەر ئێک ژ لایێ خوەڤە ڤێ ژینگەهێ پاقژ راگریت، دڤێت پاراستن و پاقژ راگرتنا ژینگەها ڤی وەلاتی ب ئەرکێن خوە بزانين.
ئه‌ڤرۆ نيوز، نيوار محه‌مه‌د سه‌ليم:
بڕياره ئه‌ڤرۆ ل ده‌مژمێر 3:00ى ئێڤارێ ل هۆلا سينه‌ماكس ئێك فلمێ ده‌رهێنه‌رێ گه‌نجێ پارێزگه‌ها دهۆكێ محه‌مه‌د ژوورى بهێته نيشاندان.
ل دۆر ڤى فلمى ده‌رهێنه‌رى فلمى محه‌مه‌د ژوورى بۆ ئه‌ڤرۆ نيوز گۆت: “روودانێن فلمى ل سه‌ر نوشداره‌كى يه كو ل ده‌مێ هاتنا داعش و گرتنا شنگالێ و ئاسێ بوونا وه‌لاتيان و هنده‌ك پێشمه‌رگه‌يى ل سه‌ر چيايێ شنگال ئه‌ڤ نوشداره بزاڤێ دكه‌ت بچيته سه‌رێ چيايێ شنگال و هاريكاريا وان پێشمه‌رگا و خه‌لكێ سه‌رێ چيايى بكه‌ت”.
زێده‌تر گۆت: “هه‌ر ديسان ئه‌ڤ نوشداره ل وێرێ دمينيت هه‌تا كو شنگال و ده‌وروبه‌رێن وێ دهێنه رزگاركرن و ل ده‌مێ ڤه‌گه‌ريانێ ژى هه‌ر ل ناڤ كه‌مپان دمينيت و خزمه‌تا ئاواره و لێقه‌وميان دكه‌ت”.
دا زانين ژى كو روودانێن ڤى فلمى هه‌موو د راستن و ب ره‌نگه‌كێ دێكيۆمێنتارى هاتيه چێكرن و گۆت: “ئه‌ڤ فلمه د به‌ريكانا فلمێن دێكيۆمێنتى دايه و دێ هه‌ڤركيێ ل سه‌ر خه‌لاتێ فلمێن دێكيۆمێنتى كه‌ت”.
ئه‌ڤرۆ نيوز:
بڕياره ئه‌ڤرۆ چالاكيێن رۆژا چارێ يا فلمه فيستڤالا دهۆك يا نێڤده‌وله‌تى برێڤه بچن و گرنگترين نمايش ژى يێن هه‌ردو فلمێن مرن بۆ ژيانێ و قوربانى بن يێن هه‌ردو ده‌رهێنه‌رێن دهۆكێ محه‌مه‌د ژوورى و رزگار حوسێن.
ل ده‌مژمێر 11:00ى سپێدێ ل هۆلا كۆنفرانسان وه‌كو هه‌رجار دێ په‌نه‌له‌ك ل دۆر رۆلێ ژنێ د سينه‌مايێ دا و سينه‌ما ژنێ بيت كو دێ ژ لايێ هه‌ر ئێك ژ دلژين جه‌ميل و سيدار ئاسلان و مه‌ستانى مهاجر و ڤيان مايى ڤه هێته گێران.
سه‌ره‌رايى ڤێ چه‌ندێ ژى دێ 17 فلم ل هه‌رسێ هۆلێن سينه‌ماكس ئێك و دو و سێ و هۆلا كۆنفرانسان هێنه نيشاندان كو گرنگترين فلم ژى دێ يێن رزگار حسێن بيت “قوربانى” كو ژ قاره‌مانيا ئه‌كته‌ر و ده‌رهێنه‌رێ ناڤدارێ كورد و كورێ باژێرێ دهۆكێ “حسێن حه‌سه‌ن”ه و فلمێ دويێ ژى يێ ده‌رهێنه‌رێ گه‌نجێ باژێرێ دهۆكێ محه‌مه‌د ژوورى يه ب ناڤێ مرن بۆ ژيانێ.
بڕياره فلمێ مرن بۆ ژيانێ ل هۆلا سينه‌ماكس ئێك ل دهۆك مۆل ل ده‌مژمێر 03:00 بهێته نيشاندان و فلمێ قوربانى ل ده‌مژمێر 05:00ى ئێڤارى ل هۆلا كۆنفرانسان بهێته نيشاندان.
ئه‌ڤرۆ نيوز:
رێڤەبەریا گشتیا کەشناسی و بیڤەلەرزێ ل ھەرێما کوردستانێ راگەھاند کو سوبەھی رۆژا چارشه‌مبى رێکەفتی 24ی چريا ئێكێ 2018ێ ئه‌سمان دێ ب ته‌مامى ئه‌ور بيت و ل هنده‌ك ده‌ڤه‌ر و جهێن جودا دێ هنده‌ك چپكێن بارانێ بارن.
پشکا پێشبینیان ل رێڤەبەریا گشتیا کەشناسی و بیڤەلەرزێ ل ھەرێما کوردستانێ د نڤیسارەکێ دا کو دانەک بۆ ئەڤرۆ نیوز رەوانە کرینە راگەھاند کو دھێتە پێشبینیکرن ئه‌سمان ب ته‌مامى ئه‌ور بيت و ل هنده‌ك ده‌ڤه‌ر و جهێن جودا هنده‌ك چپكێن بارانێ بارن.
پشکا پێشبینیان دایە زایە زانین کو دێ ئله‌زاتيا بايى د ناڤبەرا 5 ھەتا 15کم دا و ماوێ دیتنێ ژی دێ د ناڤبه‌را 9 بۆ 10 دا بیت، پلێن گەرمێ ژی دێ د ناڤبەرا 16 بۆ 24 پلان دا بن.
ئه‌ڤرۆ نيوز:
دۆنالد ترامپ سەرۆکێ ئەمریکا د داخۆیانیەکی دا راگەھاند کو پەیمانا دروست نەکرن و نەکڕینا چەکێن ئەتۆمی یا د ناڤبەرا وان و روسیا دا بێ واتە بوویە ژ بەر کو روسیا پەیمانێ بنپێ دکەت و گۆت: (روسیا ناخوازیت جیھانا مە د ناڤا ئاشتیێ دا بژیت و بەردەوامیێ ددەتە چێکرن و فرۆتنا چەکێن ئەتۆمی و ئەو یەک بنپێکرنا پەیمانا واشنتۆنێ یە و بۆ ڤێ یەکێ ژی دەمێ وێ ھاتیە ئەم خوە ژ ڤێ پەیمانێ ڤەکێشین).
د پشکەکا دی یا ئاخاڤتنا خوە دا ژی ترامپ راگەھاند کو ئەو ناھێلن ھەڤپەیمانێن وان بکەڤنە ژێر گەفێن چەکێن روسیا و گۆت: (ئەم د رژدین بۆ پاراستنا ھەڤپەیمان و وەلاتێن دۆستێن ئەمریکا و شیانێن مە گەلەک مەزنن و د ھەر رەوشەکێ دا ھێزا پاراستنا مە بھێزە و ئەرکێ مە یە ئەم ل ھەمبەر گەفێن ترسنۆکان راوەستین).
ل ھەمبەر ئاخڤتنا سەرۆکێ ئەمریکا، ڤیلادەمیر پوتین سەرۆکێ روسیا ژی راگەھاند کو یێ رێزێ ل پەیمانا مە ناگریت و بنپێ دکەت ئەمریکایە و گۆت: (مە د چارچۆڤێ پەیمانا واشنتۆنێ دا پێنگاڤ ھاڤێتیە و ژ سالا ١٩٨٧ ڤە ژ ئالیێ وەلاتێ مە ڤە چو بەندێن پەیمانێ نەھاتینە بنپێکرن، لێ دڤێت ئەمریکا و دوژمنێن روسیا بزانن کو ئەم ب چ رەنگەکێ چەکێن ئەتۆمی ل دژی چو وەلاتەکی بکار نائینین، لێ گەفێن ل سەر خوە ژی قەبوول ناکەین).
ئه‌ڤرۆ نيوز:
بسپورێ مێژوویا سیاسی، ئاماژە کرە وێ چەندێ کو کوردان کارتێن گڤاشتنێ ھەنە و بەری نوکە ژی ھەبووینە لێ نوزانین دەمێن وا ندا بکاربینین، خویاکر ژی کو سەرۆک وەزیرێ عیراقَ یێ ھەلبژارتی ب ئاشکرا گۆتیە کوردان پرۆژێن وە نەشێم بریارێ ل سەر بدەم و دڤێت مالا شیعی بگشتی ل سەر خالێن وە کو گرێدایی مافێن ھەوە نە و ب کێشێن ھەلاویستی د ناڤبەرا ھەرێمێ و بەغدا دا ھەنە رازی بیت.
فەتاح محەمەد، بسپورێ مێژوویا سیاسی، مامۆستایێ کولیژا پەروەردە و بنیات ل ئامێدیێ بۆ رۆژناما ئەڤرۆ گۆت: سیاسەتا گشتی یا حوکمەتێ ھەتا رادەکێ باش گرێدایە ب کەساتیا سەرۆک وەزیران ڤە ھەیە، ھەر حوکمەتا ل عیراقێ بھێتە دروستکرن بتنێ حزبەک زورینەیا حوکمەتێ دروست ناکەت چنکو شیان نین و دڤێت تەوافق ل گەل ھندەک حزبێن دی بھێتە دروستکرن، ھەر سەرۆک وەزیرەکێ مالا شیعی ب ھەلبژێریت دڤێت ل پەرلەمانی بیت و دڤێت ل دووڤ پرۆژێ مالا شیعی بچیت، عادل مەھدی چنکو دروستێ کوردان بوو ل کابیان بووری کرە وەزیرێ پەترۆلێ و گەلەک ھاتە ھەولێرێ و بزاڤکرن کو کێشێن کوردان و گرێدایی پەترۆلێ بھێنە چارەسەرکرن، لێ چنکو وەزیرەک بوویە سەر ب مالا شیعی ڤە نەشیا تشتەکی بکەت ژ دەرڤە مالا شیعی، نوکە ژی راستە دوستێ کوردانە لێ نەشێت چ تشتا بێی مالا شیعی بکەت چنکو کاندیدێ وانە و ئەوان کریە سەرۆک وەزیرێن عیراقێ، ھەر مادەکێ قانوونی شیعا نەڤێت دشێن ل پەرلەمانی باوەریێ ژێ بکێشن و ھەر تشتەکێ سەرۆک وەزیر بێژیت و ئەندامێ، پەرلەمانی باوەری پێ نەمابیت، مەھدی نەشێت بکەت.
ھەمان چاڤدێرێ سیاسی ئاشکرا کر، ل دووڤ پێزانینێن نەراستەوخوە گەھشتینێَ ب ئاشکرایی مەھدی گۆتیە جەنابێ سەرۆکی و سەرکرداتیا پارتی کو پرۆژێن وە نەشێم بریارێ ل سەر بدەم، و دڤێت مالا شیعی بگشتی ل سەر خالێن وە کو گرێدایی مافێن ھەوە نە و ب کێشێن ھەلاویستی د ناڤبەرا ھەرێمێ و بەغدا دا ھەنە رازی بیت، ئەڤ پرۆپوزەلێ بۆ ھاتیە پێشکێشکرن مادێ 140، بودجا ھەرێمێ، کێشا کەرکووکێ، پێشمەرگە ، پەترۆل و غاز ھەموو تێدا ھاتینە نڤێسین و مەھدی بتنێ نەشێت بریارێ ل سەر بدەت.
ھەمان چاڤدێرێ سیاسی ئەو ژی گۆت: ھەکە چارە دەستێ کوردان دانەبیت یا بزحمەت ئەڤەئە و پێشتر کوردان دەنگ دا نوری مالکی بوو سەرۆک وەزیرێن عیراقێ ل دووماھیێ وەک خوە دەرکەفت و بڤی رەنگی دیاربوو کو چارە دەستێ کوردان نینە، دڤێت کورد ئێک گرتی بن و ئێک فشاربن دا بشێن بەرامبەر مالا شیعی و سونی راوستن و ھەژمارەک بن ل پەرلەمانی بن و بھێز بچنە حوکمەتا عیراقێ دا و پوستێ سەرۆک کومار چەند سالە کورد بوویە نەشیایە بەرەڤانیێ ژ ئێک مافێن مللەتێ کورد بکەت.
ھەمان چاڤدێر ئەو ژی گۆت: ھەکە خوە ب عیراقی بزانین دڤێت ھەر چ نەبیت بۆدجا ھەرێمێ و پێشمەرگەی و مووچە دڤێت ئەڤە بھێنە چارەسەرکرن ل گەل حوکمەتا عیراقێ و دڤێت ل سەر ئاستێ ئەنجوومەنێ وەزیران ھنەک بریار ل سەر دانا مافێن کوردان بھێنەدان.
مامۆستایێ زانکویێ ئەو ژی گۆت: بریارێن کورد ژ بەر وێ چەندێ لاوازن بەرامبەر بەغدا چنکو کورد ئێک ھەلویست نەبووینە ھەتا نوکە و ئەڤە ژی گەلەک یا لاوازە چنکو ئێک حزب نوونەراتیا کوردستانێ ناکەت
ھەمبەر ھەبوونا کارتێن گڤاشتنێ د دەستێ کوردان دا، ھەمان مامۆستایێ زانکۆیێ گۆت: کوردان گەلەک گڤاشتن ل سەر بەغدا نوکە ژی ھەنە، ئاڤا ھەموو عیراقێ د کوردستانێ دا دبوریت، بوریێن پەترۆلا عیراقێ ل ئاخا کوردستانێ دا دبوریت و ئەڤە بتنێ تاکە رێکە، ئێکرێزیا کوردان گڤاشتنە، پشتی ب دووماھی ھاتنا شەرێ داعش و ئەو بەرگێریا کوردان ژ خوە کری ئەو ژی فشارە بەرامبەر بەغدا و گەلەک یا گرنگە کورد بزانین کارتێن خوە کەنگی ب کاربینن و مە پێشتر ژی کارتێن فشارێ ھەبووینە لێ مە نەشیاینە بکاربینین.
نيشاندان