ئەڤرۆ نیوز:
هژمارا کورسیێن پارتی و ئێکەتی و گۆرانێ د سێ هەلبژارتنان دا
نووترين نووچه
- سەرۆك بارزانی: دانیێل میتێران رۆلەكێ گەلەك مەزن د بەرگریكرنێ ژ دۆزا گەلێ كورد دا هەبوو
- نێچیرڤان بارزانی: پێکڤە دێ شێین روو ب روویێ گوهۆڕینا سەقای بین
- پێدڤییە سەرژمێری بۆ مەبەستێن سیاسی نەهێتە بكارئینان
- دبیت سەرژمێریا گشتی ل كەركووكێ بۆ گوهۆڕینا رەوشا وێ پارێزگەهێ بهێتە بكارئینان
- هەلبژارتن تنێ بۆ ب دەستڤەئینانا كورسییان نینە، بەلكو پراكتیزەكرنا دیموكراسیەتێ یە
- ژ بۆ ئاشتیێ یا ژ دەستێ مە بهێت دێ ئەنجام دەین
- درووشمێ ئێك هەرێم، ئێك پەرلەمان، ئێك حوكمەت، ئێك هێزا پێشمەرگەی، كاك مەسعود بارزانی ئاماژە یا بۆ كری.
- بەرپرسەكێ پارتی: پارتی دێ سۆزێن خوە ب جهئینیت
- ب سەركەفتنا پارتی د هەلبژارتناندا دێ هەرێم زێدەتر ب هێز و ئارام و ئاڤەدان بیت
- تێکچوونا قۆناغا ئاشتیێ دێ بیتە ئەگەرێ شکەستنا ئاکپارتیێ
سه‌ره‌كى Twitter
سوباهی فلمێ قوربان ژ قارەمانیا حسێن حەسەن دێ هێتە نیشادان
ئەڤرۆ نیۆز، سالار دۆسكی:
ژڤانە ئێڤاريا سوباهى سێشه‌مبى 23/10 /2018 فلمێ ( قوربان) ژ قارەمانیا هونەرمەند (حسێن حەسەن) وژ دەرهێنانا (رزگار حسێن) بۆ جارا ئێكێ ل شه‌شه‌مين فلمە فیستەڤالا دهۆك یا نێڤده‌وله‌تى بهێتە نیشادان.
رزگار حسێن، دەرهێنەرێ فلمێ(قوربان) بۆ ئەڤرۆ نیۆز گۆت: ژڤانە سوباهی دەمژمێر پێنجی ئێڤاری ل هولا كۆنگران ل فلمە فیستەڤالا دهۆك بهێتـە نیشادان و فلمێ (قوربان) ل (35) مین فلمە فیستەڤالا نیڤدەولەتی یا بۆگوتا ل وەلاتێ كولومپيا ل گەل شەش فلمێن دی يێن وەلاتێن (بەرازیل، پیرۆ، مەكسیك، كوریا باشور، ئیگوادور) دبەریكانێ دایە، دیسا ل پشكا بەریكانێ یا فیستەڤالا (بەیرۆتێ) وفیستەڤالا نیڤدەولەتی یا (جاگارتا) ل ئه‌ندنوسيا ول فیستەڤالا نیڤدەولەتی Film Festival Luchezarny Angel ل وەلاتێ روسیا پشكدارە.
دەرهێنەرێ فلمی دياركر كو ماوێ فلمی (63) خولەكن و ئەكتەرێ سەرەكیێ فلمی هونەرمەندێ كورد(حسێن حەسەن) وگەلەك هونەرمەندێن دەڤەرا بەهدینان تێدا دپشكدارن وه‌كو (عەمەر توڤی، ماجد وەیسی، عادل عەبدوالرحمان، عەبدوالسلام سلێمان) وبەرهەمهێنه‌رێ فلمی، خودێ ژێ رازی(یوسف حسێن)ە.
گۆت ژى كو فلمێ (قوربان) ل رۆژێن بوری ل فیستەڤالا (12) يا مونت ل وەلاتێ رۆمانیا خەلاتێ دويێ ب دەستخوەڤە ئینا.
ئاماژه كر: كامیرە (مەنسور زوهوری) هاریكارێ دەرهێنەری(حەسەن حسێن)ە مونتێر( مەیسەم كەمالی) مۆزیك(روزبە موسلح) دیزاین(هاشم شاجی) دەنگ(سەردار بابەكر) رەنگ(هوتەن حەقشناس) رێڤەبەرێ بەرهەمی (رزگار عەبدۆللا).
فلمێ The Deminer چاڤێن بینەران تژی روندك كرن
ئەڤرۆنیۆز، سالار دۆسكی
ل سێیەم رۆژا فلمە فیستەڤالا دهۆك يا نێڤده‌وله‌تى، ئەڤرۆ ئێڤاری 22/10/2018 ل هولا كۆنگران فلمێ(The Deminer) كو ژ قەهرەمانیا شەهیدێ پێشمەرگە (فاخر) بوو، دەرهێنانا (هوگر هروری) بۆ جارا ئێكێ ل باژێرێ دهۆكێ ب بەرهەڤبوونا هەژمارەكا مەزن یا سینەماكار و هونەرمەندێن ناڤخوە و بیانی هاتە نیشادان،
روودانێن فلمی هەر ل دەسپێكێ بینەر ب خوە ڤە گرێدا و خەلك نەچاركر ل گەل دیمەنێن فلمی بچیت و هەتا دووماهیێ چ بینەر ژ هولێ نە دەركەفتن بێ روندك نەباراند بن، ب دەست قوتان و چاڤێن گری پێشوازی ل ستافێ فلمی و خێزانا قەهرەمانێ فلمی هاتەكرن و دەرهێنان ب دەست خوەشیان هاتە پێشوازیكرن.
محەمەد محسن، ئێك ژ بینەرێن فلمی بوو، بۆ ئەڤرۆ نیۆز گۆت: دەست خوه‌شی ل دەرهێنەر و خێزانا قەهرەمانێ فلمی دكەم گەلەكێ خوه‌ش بوو وەك بینەرەك و نەخوه‌ش بوو وەك هەڤالەكێ من ژ سالا 1997 تایبەت شەرێ داعشێ ژی مە ئێك دیتی یە و فاخر چو جارا خوە نەچەماندیە و هەتا بریندار بوو ژی پتر رژد بوو ل سەر خەباتا خوە و شەهیدبوونا وی جوداهی هەبوو چونكى بەرگرى ژ ئاخا خوە و مرۆڤاتیێ دكر.
دیار تەیب، ئەندامێ پەرلەمانێ عیراقێ بینەرێ فلمێ ناڤبری، بۆ ئەڤرۆ نیۆز گۆت: بەلگە فلم بوو و وێنەكێ زندی بوو و تشتێ مەدیتی هەموو زندی بوو و هەموو تشتەكێ سرۆشتی بوو و ئەڤە هێزا فلمی بوو، فاخر نموونە بوو وەك سمبولەكێ بۆ بەرخودانێ و مرۆڤاتیێ و هیڤیخوازم ل جیهانێ خوە ببینيت و رۆلێ خوەیێ دروست بگێریت.
دەرهێنەر جانۆ رۆژبەیانی، بۆ ئەڤرۆ نیۆز گۆت: فلمەكێ گەلەك ب هێز بوو و هەموو تشتێ وێ یێ باش بوو مۆزیك و مونتاژ، ئەڤ جۆرە فلمه هەژی خەلاتێن مەزنه ل جیهانێ و دڤێت ب زووترین دەم بگەهیتە ئوسكارێ و خەلاتێ خوە وەربگریت.
جانۆى ئەو ژی گۆت: ئەف فلمە دێ بیتە ناسناما مللەتێ كورد و ناسناما پێشمەرگەی، كوردەك بچیتە ناف عەرەبان مینا ژ ناڤ راكەت و زارۆیێن وان ژ مرنێ بپارێزیت و هەمان دەم ژی كرێیا خانی نەبیت و كرێدار بیت، ئەڤە چ مللەتە و يا گرنگە جیهان هەموو ببینت.
كوڤان جولە، دەرهێنەر و وێنەگر، بینەرێ فلمی بوو، بۆ ئەڤرۆ نیۆز دیاركر كو فلم ژ هەژی خەلاتی یە ل فیستەڤالا دهۆكێ، گەلەك فلمێن ئەمریكی يێن هه‌ين ب وێ پشتەڤانیێ و سەلتەنەتێ نەشیاینە ڤی كاری بكەن.
دەرهێنەر رێبەر روشدی، بینەرێ فلمی بوو، بۆ ئەڤرۆ نیۆز گۆت: ژدەسپێكێ هەتا دووماهیێ تشتەكێ سەرنج راكێش بوو و جوان هاتبوو چێكرن، مە هەموویان زانی قەهره‌مانێ شەهید بووی، لێ هەكە كەسەكێ دی تەماشە بكەتێ و دووماهیێ ببینيت دەمێ شەهید دبیت، دێ گەلەك كارتێكرن لێ هێتەكرن وەكو بینەرەك خوه‌ش بوو و مەزانی شەهید فاخر بۆ ڤی مللەتی چ كریە.
روشدی ئەو ژی گۆت: مۆزیكە گەلەك یا جوان بوو و هەتا وێنە دجوان بوون هەتا ئەرشیفێ فلمی و ب گشتی یێ جوان بوو.
دەرهێنەر ڤیان مایی، بۆ ئەڤرۆ نیۆز گۆت: فلمێ ئەڤرۆ گەلەكێ باش بوو و شۆرەشەك بوو دجهێ خوە دا و دەستێ هەموو ستافی د هەژینم و پیرۆز دكەم.
هوگر هروری، دەرهێنەرێ فلمێ (The Deminer) بۆ ئەڤرۆ نیۆز پێشتر دیاركركر بوو كو فلم ل سەر ژیانا پێشمەرگەكێ قەهرەمانە بناڤێ (فاخر) كو ژیانا خوە هەموو بۆ بەرەڤانیكرن ژ مرۆڤاتیێ تەرخانكربوو و مین رادكرن، ژ 2003 دەمێ ل گەل هێزێن ئەمریكی هەتا سالێن دووماهیێ شەرێ داعش و پێ خوە ژی دەست دەت و نشتەگەری بۆ دهێنەكرن و هەتا بەری شەهید بیت، فلم (83) خولەك بوون، فلمێ ناڤبری چوویە گەلەك فیستەڤالێن جیهانی و هەتا نوكە (9) خەلاتێن مەزن بدەست خوە ڤە ئێخستینە.
ئاگر بەربو ترومبێله‌كێ و سێ کەس بوونە قوربانی
ئەڤرۆنيوز ، نەوزاد هلوری:
ئه‌ڤ شه‌ڤه ژ ئەنجامێ ژ دەستدانا کۆنترۆلی ، تڕومبێلەک وەرگەریا و پاشى ئاگر بەربوویێ و سێ کەس بوونە قوربانی.
دلاوەر لەتیف، بەرپرسێ راگەهاندنا هاتنوچۆنا سۆران بو ئەڤرونيوز گۆت: (ئه‌ڤ شه‌ڤه ل سەر رێیا گشتی دناڤبەرا گەلیێ عەلی بەگ و سۆران دا ژ ئەنجامێ ژ دەستدانا کۆنترۆلی ، تڕومبێلەک وەرگەریا و پاشى ئاگر بەربوویێ و سێ کەس بوونە قوربانی کو ئێک ژ وان کەسان ب ناڤێ س.م گیانێ خوە ژ دەستدایە ، کو خەلکێ گوندێ بالەکانە ل سنوورێ قەزا سۆران).
زێدەتر گۆت: (روودان ژ جۆرێ وەرگەران بوویە ،و ترومبێل ژی ژ جۆرێ BM بوو و ل رەخ و رویێن جادێ وەرگەرایە و ئاگر بەربوویێ و ب تمامی هاتیە سوتن و هەردوو بریندارێن روودانێ بۆ نەخوه‌ۆشخانا تەنگاڤیان ل سۆران هاتینە ڤەگوهاستن).
ب وێنە:هونەرمەندەكا كورد ب نوونەریا كوردستانێ پشكداری پێشانگەهەكا جیهانی بوو
ئەڤرۆ نیۆز، رەمەزان هەرنی:
هونەرمەندا شێوەكار ڤارین سالار ، ب نوونەرایەتیا هەرێما كوردستانێ پشكداری پێشانگەها سالانەیا سیمبیوز بوو ل وەلاتی ئیمارات كو بریارە پێنچ روژان ڤەكێشیت و ل سەر ئاستێ جیهانێ پشكدارن ،كەڤالێن من پێك دهین ژ دیزانكرنا جلكێن كوردی و كلتورێ كوردی ،25 شێوەكار پشكدارن ل سەر ئاستێ جیهانێ وەك تاكە كورد پشكداربوم.
پاييزا هەورامان دچه‌ند وێنان دا
مالپه‌ره‌كێ عيراقى ناڤێن به‌ربژارێن پارتى بۆ پۆستێن وه‌زارى ل به‌غدا ئاشكرا دكه‌ت
ئه‌ڤرۆنيوز:
مالپه‌رێ (بغداد اليوم) يێ عيراقى ئه‌ڤرۆ دوشه‌مبى 22/10/2018 ناڤێن وه‌زاره‌تێن دێ ب كوردان هێنه دان دحوكمه‌تا عادل عه‌بدولمه‌هدى وناڤێن به‌ربژارێن پارتى بۆ دو وه‌زاره‌تان به‌لاڤكرن.
مالپه‌رێ ناڤبرى ژ زارده‌ڤێ ژێده‌ره‌كێ ئاگه‌هدار ژناڤ پارتى ديموكراتى كوردستان دا به‌لاڤكر” ل دووڤ رێككه‌فتنێن ڤێ دووماهيێ دێ سێ وه‌زاره‌ت دحوكمه‌تا عادل عه‌بدولمه‌هدى دا ب كوردان هێنه دان كو دو ژوان وه‌زاره‌تان بۆ پارتى ديموكراتى كوردستانن ل دووڤ ئيستيحقاقا وێ يا هه‌لبژارتنان ووه‌زاره‌ته‌ك ژى بۆ ئێكه‌تى نيشتمانى كوردستانه”.
وى ژێده‌رى دياركر ژى” هه‌ردو وه‌زاره‌تێن دارايى وكۆچ وكۆچبه‌ران دێ ب پارتى ديموكراتى كوردستان هێنه دان ودكتۆر فوئاد حسێن به‌ربژارێ وه‌زاره‌تا دارايى يه وڤيان ده‌خيل به‌ربژارا وه‌زاره‌تا كۆچ وكۆچبه‌رانه ووه‌زاره‌تا داد ژى دێ بۆ ئێكه‌تيێ بيت”.
پارتی د پیرۆزباهيا سەرکەفتنا هه‌لبژارتنان دا دووپاتيێ ل ئێكرێزيێ وئێك ده‌نگيێ دكه‌ت
ئه‌ڤرۆنيوز:
مه‌كته‌با سياسى يا پارتى ديموكراتى كوردستان ب هه‌لكه‌فتا راگه‌هاندنا ئه‌نجامێن هه‌لبژارتنان وسه‌ركه‌فتنا ليستا پارتى، ئه‌ڤرۆ دوشه‌مبى 22/10/2018 په‌يامه‌كا پيرۆزباهيێ راگه‌هاند وتێدا هاتيه”ب هه‌لكه‌فتا سه‌ركه‌فتنا گه‌لێ كوردستانێ دپرۆسا هه‌لبژارتنان دا كو پێگه‌هێ سياسى يێ هه‌رێمێ وقه‌وارێ مه يێ سياسى ب هێزتر وئه‌زموونا مه يا ديموكراتى دێ به‌ر ب پێشتر به‌ت، ب ناڤێ پارتى ديموكراتى كوردستان سوپاسيێن بێ سنور ئاراسته‌ى هه‌موو پشكدارا وده‌نگده‌رێن وێ پرۆسا پيرۆز دكه‌ين وهيڤيدارين ئه‌نجامێن وێ ب خێر ومفايێ هه‌موو خه‌لكێ كوردستانێ دا بن”.
هه‌ر د وێ په‌يامێ دا هاتيه” سه‌ركه‌فتنا مه‌زن يا ليستا پارتيا مه دڤان هه‌لبژارتنان دا، به‌لگه‌يا هشياريا سياسى وپێگيريا جه‌ماوه‌رێ گه‌لێ مه يه ب رێبازا راسته‌قينه‌يا كوردايه‌تيێ ونيشتمانپه‌روه‌ريێ، پاداشته‌كا مللى يا به‌رفرهه‌يه بۆ هه‌لويستێن نه‌ته‌وى ونيشتمانى يێن پارتى، بۆ داكۆكيێن سه‌رسه‌خت يێن پارتى ژده‌ستكه‌فت ومافێن ره‌وا يێن خه‌لكێ كوردستانێ، وه‌فاداريه بۆ پێشمه‌رگێن قه‌هره‌مان وبۆ وێ پارتيا خۆراگر ل رۆژێن سه‌ختێن قه‌يران ونه‌ره‌حه‌تيێ دا ملێ خوه دايه به‌ر به‌رپرسياريێ وقه‌وارێ سياسيێ كوردستانێ ژ جۆره‌ها گه‌ف وپيلانان پاراستى ول ئاستێ فشار وپر كێشاندا خوه نه‌چه‌ماندى”.
مه‌كته‌با سياسى يا پارتى ئاماژه كر” گه‌لێ كوردستانێ ب نووكرنا باوه‌ريێ ب پارتى، دياركر كو كوردستانه‌كا ب هێز دڤێت، ئارامى وئاسايش وسه‌قامگيريا سياسى دڤێت، ئاڤه‌دانى وپێشكه‌فتن وخوه‌شگوه‌زه‌رانى دڤێت، ئه‌و ئارمانجه‌ژى ب پارتيه‌كا ب هێز وپێشره‌و دهێته ئه‌نجامدان، ئه‌م دده‌مه‌كى دا سلاڤ وده‌ستخوه‌شيێ بۆ ئێك ئێك كادر وئه‌ندامێن پارتيا خوه وجه‌ماوه‌رێ دلسۆز وهه‌موو خه‌لكێ كوردستانێ دهنێرين، هه‌موو لايه‌كى پشت راست دكه‌ين كو ل ئاستێ ده‌نگ وباوه‌ريا گه‌لى دابين وخواست وئيرادا وان ل پێكئينانا حوكمه‌ته‌كا ب هێز وقانوون په‌روه‌ر وخزمه‌تگوزار دا ديار بكه‌ين”.
دياركر ژى”هه‌ر ب ڤێ هه‌لكه‌فتێ، سه‌ره‌راى سه‌رنج وتێبينيێن مه ل سه‌ر ب رێڤه‌چوونا پرۆسێ ل هنده‌ك ده‌ڤه‌ران، جاره‌كادى په‌ياما ئێكرێزيێ وئێك ده‌نگيێ دووپات دكه‌ين وب هيڤى نه ئه‌م هه‌موو لايه‌ن ده‌ست بده‌ينه ده‌ستێن هه‌ڤدو وبه‌رژه‌وه‌ندى ومفايێن گه‌لێ مه ل سه‌ر هه‌ر ئيعتيباره‌كا دى دانين وخزمه‌تا خه‌لكى وهه‌رێما خوه بكه‌ينه كارێ سه‌ره‌كى”.
ل دووماهيێ دپه‌ياما پارتى دا هاتيه” پيرۆزباهيێن گه‌رم يێن خوه ئاراسته‌ى گه‌لێ كوردستان وجه‌ماوه‌رێ پارتيا خوه ول به‌رى هه‌موويان ئاراسته‌ى بنه‌مالێن سه‌ربلندێن شه‌هيدان وپێشمه‌رگێن قه‌هره‌مان دكه‌ين، وپيرۆزباهيا تايبه‌ت ئاراسته‌ى سه‌رۆك بارزانى دكه‌ين كو ل شه‌رى وئاشتيێ دا ب دلێرانه رێبه‌ريا كاروانێ خه‌باتا پارتيا مه دكه‌ت وئه‌م هه‌موو ژ ووره‌يێن بلندێن وى فێر دبينه هێزا خۆراگريێ”.
دو كه‌س برینداربوون
ئه‌ڤرۆ نیوز،نه‌وزد هلۆرى:
ژ ئه‌نجامێ روودانه‌كا ترافیكێ لسه‌ر رێیا گشتى دناڤبه‌را شێخان و كومه‌لگه‌ها چره‌ى ل نێزیك چواریانا مام ره‌شان دو كه‌س ب گرانى برینداربوون.
ئازاد ته‌ها، به‌رپرسێ راگه‌هاندنا هاتنوچۆنا دهۆكێ بۆ ئه‌ڤرۆ نیوز گۆت: (ئه‌ڤرۆ ژ ئه‌نجامێ روودانه‌كا هاتنوچۆنێ دناڤبه‌را دو ترومبێلان لسه‌ر رێیا گشتى دناڤبه‌را قه‌زا شێخان و كومه‌لگه‌ها چره‌ى ل نێزیك چواریانا مام ره‌شان ، و دوو كه‌س برینداربوون).
زێده‌تر گۆت: (روودان دناڤبه‌را هه‌ردو ترومبێلێن ژ جورێ تایبه‌ت تویوتا كامرى و بارهه‌لگر تویوتا پیك ئاب رودایه ، و بریندارێن روودانێ بۆ نه‌خوه‌شخانێ هاتینه ره‌وانه‌كرن وزیانێن زۆر يێن مادى ژى به‌ر هه‌ردو ترومبێلان كه‌فتینه).
په‌رله‌مانتاره‌كێ دهۆكێ دێ بيته سه‌رۆكێ په‌رله‌مانێ كوردستانێ
ئه‌ڤرۆنيوز:
ل دووڤ په‌يره‌وێ ناڤخوه‌يێ په‌رله‌مانێ كوردستانێ، روونشتنا ئێكێ يا خۆلا پێنجێ يا په‌رله‌مانى دێ ژلايێ مه‌زنترين ئه‌ندامێ په‌رله‌مانى ڤه هێته ب رێڤه‌برن وئه‌و په‌رله‌مانتاره ژى ژ دهۆكێ يه دناڤ ليستا پارتى ديموكراتى كوردستان دا.
ل دووڤ وان (سى ڤى) يێن ئه‌ندامێن نوو يێن په‌رله‌مانێ كوردستانێ كو هاتينه پێشكێشكرن بۆ په‌رله‌مانى (رێڤنگ محه‌مه‌د عه‌لى هرورى) ژ ليستا پارتى ديموكراتى كوردستان مه‌زنترين په‌رله‌مانتاره كو ژ دايكبوويێ سالا 1951 يه ودێ سه‌رۆكاتيا ئێكه‌مين روونشتنا په‌رله‌مانێ كوردستانێ كه‌ت.
نيشاندان
WP Facebook Auto Publish Powered By : XYZScripts.com