ئيرانێ په‌رده‌ ل سه‌ر جۆره‌كێ نوو يێ رادارێ لادا

22/10/2018 12:07

168

ئه‌ڤرۆ نيوز:

سه‌ره‌باريى هوشداريێن كۆمه‌لگه‌ها نێڤده‌وله‌تى، سۆپايێ پاسدارێن ئيرانێ په‌رده‌ ل سه‌ر جۆره‌كێ نوو يێ رادارێ لادا.

ئاژانسا ته‌سنيم يا سه‌ر ب سۆپايێ پاسدارێن ئيرانێ ڤه‌ به‌لاڤكر كو ئه‌و رادار بۆ مه‌ره‌مێن مووشه‌كێن پێشكه‌فتى يه‌ دا كو د وێ رێ دا بشێت ئارمانجان ده‌ستنيشان بكه‌ت و ب دروستى ژ ناڤ ببه‌ت.

ب گۆره‌يى پێزانينان ئه‌و رادار ب ناڤێ 2031ه‌ و يا تايبه‌ت ب مووچه‌كێ نوور و هه‌ڤده‌م دهێته‌ گۆتن كو دشيان دايه‌ ل سه‌ر ده‌ريايێ ل ئارمانجێن ب دووراتيا 210 كيلۆمه‌تران بگه‌ريت و هه‌موو پێزانينان ڤه‌گوهێزيت.

حه‌فتيا بۆرى ژى په‌رده‌ ل سه‌ر جۆره‌كێ مووشه‌كان لادابوو كو دهێته‌ گۆتن دشێت ئارمانجێ د ده‌ريايێ و هشكاتيێ دا بۆ زێده‌تر ژ 700 كيلۆمه‌تران ببريت.

مه‌لايه‌كى خوه‌ د مزگه‌فتێ ڤه‌ كوشت

22/10/2018 11:58

1810

ئه‌ڤرۆ نيوز:

ئه‌ڤرۆ مه‌لايه‌كى ب ناڤێ عه‌بدولا ئه‌حمه‌د، كو پێشنڤێژێ مزگه‌فتا شێخ مسته‌فايه‌ ل بازارێ سورچيان ل باژێرێ هه‌ولێرێ، ل ناڤ مزگه‌فتێ دووماهى ب ژيانا خوه‌ ئينايه‌.

نه‌به‌ز ئيسماعيل ئاخفتنكه‌رێ ب ناڤێ وه‌زاره‌تا ئه‌وقافێ بۆ رووداو ئه‌ڤ بابه‌ته‌ پشت راست كريه‌ و ئاماژه‌ ب وێ چه‌ندێ كريه‌ كو ب تنێ ئه‌و دزانن كو مه‌لا عه‌بدولايى خوه‌ كوشتيه‌، به‌لێ نزانن ب چ خوه‌ كوشتيه‌.

ناڤێن وان بنگه‌هێن دهۆكێ يێن كۆمسيۆنێ ده‌نگێن وان نه‌هژمارتن

22/10/2018 11:16

2551

ئەڤرۆ نیوز، نەوزاد ھلۆری:

کومسیونا بلند یا سه‌ربه‌خۆيا ھەلبژارتن و راپرسیێ ل ھەرێما کوردستان ناڤێن وان بنگەھان بەلاڤکرن ئەڤێن کو دەنگێن وان نه‌ھاتینە هژمارتن و ره‌تكرين، کو 11 ژ وان دکەڤنە سنوورێ پارێزگەھا دھۆکێ.

ب گورەيی نڤیسارەکا کومسیۆنێ کو ئەڤرۆ روژا دوشەمبی ھاتیە بەلاڤکرن و ئیمزا سەرۆکێ کومسیۆنێ ل سەر ھەیە 167 سکالا ھاتینە پەسەندکرن کو ئەو ژی دبیتە 96 بنگەھێن دەنگدانێ و 119 ھزار دەنگان ب خوه‌ ڤە دگریت.

ھەر ب گورەيی نڤیسارێ 11 بنگەھـێن دەنگێن وان ھاتینە ره‌تكرن دکەڤنە سنوورێ پارێگەھا دھۆک کو ئەو ژی بنگەھێن (وەلات، سیریێ، پێ بزنا، کوماته‌، سەرۆک، 14ى ئادارێ، سەرسنک، شالین، شەھیدان، بەردەرەش و قوباھـ).

ئیدارا شەرعی یا شنگالێ دێ زڤریتە ڤە

22/10/2018 11:10

210

ئه‌ڤرۆ نيوز:‏

ئەندامەکێ جڤاتا قەزا شنگالێ دیار کر کو ئیدارا شەرعی یا شنگالێ دێ زڤریتە شنگالێ ڤە و ‏وان داخواز ژ پارێزگارێ نەینەوا کریە ھێزین دی ژ شنگالێ بھێنە دەرخستن و ھێزەکا ‏ھەڤپشک بھێتە دروستکرن د ناڤبەرا پێشمەرگێ کوردستانێ و سوپایێ عیراقێ دا بۆ پاراستنا ‏ئیدارا شەرعی یا شنگالێ و ئێمناھیا دەڤەرێ.‏

خەیری زیبان، ئەندامێ جڤاتا قەزا شنگال بۆ رۆژناما ئەڤرۆ دیار کر کو دخوازین ئیدارا ‏شەرعیی یا شنگالێ بھێز ڤەگەریت و ئەو ھێزین نە شەرعی ژی بھێنە لادان و وان نەڤێت ‏بچن شەری بکەن، بەلکو وان دڤێت بچن خزمەتا خەلکێ خوە بکەن و گۆت: “ھەکە ئەم ‏خەلکێ شنگالێ ڤەنەگەرین و خزمەتا دەڤەرا خوە نەکەین، خەلکێ بیانی چوجاران خزمەتا ‏شنگالێ ناکەت، لەورا مە داخواز ژ پارێزگارێ نەینەوا ژی کریە رێ نەدەت ھێزین نەقانوونی ‏ل شنگالێ بمینن، پێدڤیە ئیدارا شەرعی یا شنگالێ بتنێ ل شنگاڵ بیت و ھێزەکا ھەڤپشک ‏بھێتە شنگالێ بۆ پاراستنا دەڤەرێ و بتنێ پێشمەرگێن کوردستانێ و سوپایی عیراقێ د ناڤ وێ ‏ھێزا ھەڤپێشک دا ھەبن ل شنگالێ و پێکڤە کار بۆ ئاڤەدانیێ و ڤەگەریانا ئاوارێن شنگالێ ‏بھێـتە کرن”.‏

ژ ئالیێ خوە ڤە مەحما خەلیل، قایمقامی قەزا شنگالێ بۆ رۆژناما ئەڤرۆ دیار کر کو رێگری ‏بھێتەکرن یان نەھێتەکرن ژ لایێ گرۆپ ولایەنێن سیاسی ڤە ل شنگالێ دێ ھەر ئێدارا ‏شەرعی یا شنگالێ زڤریتە سەر کارێ خوە د ناڤ سەنتەرێ شنگالێ دا و گۆت: “نوکە ئەم یێ ‏بەرھەڤیان دکەن بۆ خوە ئاڤاھیەکی ل شنگالێ دروست بکەین ل ڤان رۆژان د ناڤ سەنتەرێ ‏قەزا شنگالێ دا دێ دەست ب کارێ خوە کەین”.‏

ناڤھاتی ئاماژە دا وێ چەندێ کو ئیدارا شەرعی یا شنگالێ ل سنوونێ دەوامێ ناکەت، بەلکو ‏دێ ل شنگالێ بخوە دەوامێ کەت و دێ رێڤەبەریا ناحیا سنوونێ دگەل جڤاتا ناحیا ناڤھاتی ‏یێن شەرعی زڤرنە سنوونێ و دێ دەست بکارێ خوە کەن بۆ ڤی مەرەمێ ژی ئەو دگەل ‏جڤاتا پارێزگەھا نەینەوا کۆمبووینە و بڕیار ھاتیەدان ئیدارا شەرعی یا شنگالێ ھەموو ب ‏زڤریتە شنگالێ ڤە.‏

سەیدو چەتۆ، سەرۆکێ جڤاتا پارێزگەھا نەینەوا بۆ رۆژناما ئەڤرۆ دیار کر کو وەکو پێنگاڤا ‏ئێکی ئەو دگەل فرقا 15 یا سۆپایێ عیراقێ کۆمبووینە بۆ زڤرینا ئیدارا شەرعی یا شنگالێ ‏و بۆ پاراستنا ئێمناھیا ئیدارا شەرعی یا شنگالێ نوکە ھەموو بەرھەڤی یێن ڤەگەریانا ئیدارا ‏شەرعی یا شنگالێ ھاتینە کرن و ل ڤان نێزیکان دێ ڤەگەرن و گۆت: “فرقا 15 یا سۆپایێ ‏عیراقێ ل دەمێ زڤرینا ئیدارا شەرعی یا شنگالێ دێ پاسەوانیێ کەن، نوکە ژی کار بۆ پێنگاڤا ‏دویێ یا زڤرینا ئیدارا شەرعی یا شنگالێ دھێـتەکرن ئەو ژی وەکو دابینکرنا جھی و پێدڤیان ‏بۆ ئیدارا شەرعی یا شنگالێ”.‏

حالەتێن دزیکرنێ ل سلێمانێ زێدەبووینە

22/10/2018 11:08

101

ئەڤرۆ نيوز: ‏

ل دووڤ ئامارێن پۆلیسێن سلێمانیێ حالەتێن دزیکرنێ زێدەبووینە و د ھندەک ھەیڤان دا ‏‏26 حالەتێن دزیکرنێ ھاتینە تۆمارکرن کو ئەو ژی ترۆمبێل و ماتۆڕو ماڵ و دوکانان ‏ھاتینە تۆمارکرن.‏

نەقیب سەرکەوت ئەحمەد، ڕێڤەبەرێ ڕاگەھاندن و پەیوەندیێن پۆلیسێن سلێمانیێ بۆ ‏ڕۆژناما ئەڤرۆ ڕاگەھاند، ل دووڤ وان ڤەکۆلینێن ل گەل وان کەسان دھێنەکرن؛ یێن ‏ھاتینە دەستەسەرکرن، پشکەکا وان کو دزیا دکەن بێ کارن و پەنایێ دبەنە بەر دزیان، ‏پشکەکا دی ژی ب رێیا کەسانێن دیتر وی کاری دکەن، کەسەک دێ بێژیتە وان؛ دێ ھندە ‏پاران دەمە تە ترۆمبێلەکێ بدزە یان دا پێکڤە ڤی کاری بکەین و پارە دێ دەست مە ‏کەڤیت و خودان ب مە ناحەسیێت. ‏

خویا ژی کر، پشکەکا وان یێن دزیان دکەن، نەبوونا پارەی و رەوشا دارایی وەلێ دکەت کو ‏ئەو کەسە پەنایێ ببەنە بەر دزیکرنێ، ھندەک کەس ژی وەکو پیشە کارێ دزیان دکەن و ‏گۆت: “مە ھندەک کەس دوجار ل سەر دزیکرنێ دەستەسەرکرینە و پشتی ھاتینە ‏ئازادکرن جارەکا دی دزی کرینە و ھاتینە دەستەسەرکرن”.‏

بەرزان محەمەد، ئەندامێ لیژنا ئەمنی ل ئەنجوومەنێ پارێزگەھا سلێمانیێ بۆ ڕژناما ‏ئەڤرۆ راگەھاند، زێدەبوونا حالەتێن دزیکرنێ بۆ نەبوونا دەلیڤێن کاری ڤەدگەڕیێت و ‏پێدڤیە دەلیڤێن کاری بۆ گەنجان بھێنە تەرخانکرن، داکو وەلاتی پەنایێ نەبەنە بەر ‏دزیکرنێ.‏

ره‌وشا سه‌قايێ سوبه‌هى

22/10/2018 10:45

554

ئه‌ڤرۆ نيوز:

رێڤەبەریا گشتیا کەشناسی و بیڤەلەرزێ ل ھەرێما کوردستانێ راگەھاند کو سوبەھی رۆژا سێشه‌مبى رێکەفتی 23ی چريا ئێكێ 2018ێ ئه‌سمان دێ ئه‌وره‌كێ ناڤه‌ندى بيت ل دانێ سپێدێ و پاشان دێ بۆ ئه‌ورێن ته‌مام هێته‌ گوهۆڕين و پاشان ژى ل ده‌ڤه‌رێن چيايى دێ بارانه‌كا هوور باريت.

پشکا پێشبینیان ل رێڤەبەریا گشتیا کەشناسی و بیڤەلەرزێ ل ھەرێما کوردستانێ د نڤیسارەکێ دا کو دانەک بۆ ئەڤرۆ نیوز رەوانە کرینە راگەھاند کو دھێتە پێشبینیکرن ئه‌سمان ئه‌وره‌كێ ناڤه‌ندى بيت ل دانێ سپێدێ و پاشان بۆ ئه‌ورێن ته‌مام بهێته‌ گوهۆڕين و پاشان ژى ل ده‌ڤه‌رێن چيايى بارانه‌كا هوور بباريت.

پشکا پێشبینیان دایە زایە زانین کو دێ ئله‌زاتيا بايى د ناڤبەرا 5 ھەتا 15کم دا و ماوێ دیتنێ ژی دێ د ناڤبه‌را 9 بۆ 10 دا بیت، پلێن گەرمێ ژی دێ د ناڤبەرا 15 بۆ 23 پلان دا بن.

پشتى 9 خه‌لاتێن جيهانى Deminer ئه‌ڤرۆ دێ هێته‌ نيشاندان

22/10/2018 10:45

445

ئەڤرۆنیۆز، سالار دۆسکی

ژڤانە ئەڤرۆ 22-10-2018 ئێڤاری ل ھولا کونگران فلمێ (The Deminer) ژ قەھارەمانیا (فاخر) بۆ جارا ئێکێ ل باژێرێ دھۆکێ دھێتە نیشادان.

ھوگر ھروری، دەرھێنەرێ فلمێ (The Deminer) بۆ ئەڤرۆنیۆز گۆت: فلم ل سەر ژیانا قەھرەمانەکێ پێشمەرگە ب ناڤێ (عه‌قيد فاخر به‌روارى) کو ژیانا وی ڤەدگوھێزیت ژ 2003 دەمێ ھێزێن ئەمریکی ھاتینە دعیراقێ دا کو ھاریکاریا ھێزێن ئەمریکی کریە بۆ راکرنا مینان ھەتا ئەڤان سالێن دووماھیێ بەری شەھید بیت کو ھاریکاریا پێشمەرگەی کریە، ھزر و بیرێن وی بۆ قورتالکرنا مرۆڤان ژ مینان ژ ھەر تشتەکی مەزنترە بوو وبێ جوداھی یا نەتەوەیی و ئاینی و ئەڤە تشتەکێ گەلەک مەزنە و ئەوی خزمەتا مرۆڤاتیێ دکر ل باژێرێ مووسل کو باژێرەکێ عەرەبی یە و ژیانا خەلکی قورتالدکر و چەندین جاران بریندار دبیت و ھەتا پێ خوە ژی دەست دەت و نشتەگەری بۆ دھێنەکرن و کاودانێن ژیانا وی تێک دچن، ھەتا شەرێ داعش جارەکا دی ڤەدگەریتە دناف پیشمەرگەی دا و ئەو بخوە دبێژیت خوشترین رۆژێن ژیانا من ل گەل پێشمەرگەی و قورتالکرنا وان ژ مینان.

ھوگر ھروری ئەو ژی گۆت: گەلەک ژ ئەرشیفێ کاک (فاخر) مە بدەست خوە ڤە ئێخستی یە ژسالا 2003 ھەتا ڤێ دووماھیێ و فلم مالا وی دیتی یە، دەرھێنەرێ فلمی ئاماژە دکەتە وێ چەندێ کو شەھید بوونا وی گەلەک کارتێکرن ل خەلکێ کوردستانێ کرو فلمی ژی ھاتیەکرن و ھەکە یێ ساخ با دا گەلەک سحبەتێن دی ژی ھێنەکرن دفلمی دا.

دەرھێنەرێ فلمی ئاماژە کرە دەمێ فلمی کو (83) خولەکن، سێ وێنەگران وێنەکریە (شینوار کەمال، فیراس باکرمانی، ئێرس) مۆزیکا فلمی ھونەرمەند(محەمەد زەکی) دروست کریە، بەرھەم ھێنەرێ فلمی کەسەکێ یتالی یە ب ناڤێ (ئەنتونیو) گەلەک ژ خێزان و ھەڤال و دوستێن (فاخر) ل گەل وی دپشکدارن ل فلمی دا لێ قەھرەمانێ فلمی شەھید(فاخر)ە.

گۆت: بۆ جارا ئێکێ ئەڤرۆ دێ ل باژێرێ(فاخر) فلم ھێتە نیشادان و بخێرا وی گەلەک باژێرێن جیھانێ ئەڤرۆ دێ ناڤێ دھۆکێ گوھلێ بن، فلمێ ناڤبری چوویە گەلەک فیستەڤالێن جیھانی و ھەتا نوکە (9) خەلاتێن مەزن بدەست خوە ڤە ئێخستینە و ژڤانە ل داھاتی ژی ل گەل فیستەڤالێن مەزنێن جیھانێ بھێتە نیشادان.

ھروری ئەو ژی دیارکر کو ژیانا خوە ھەموویێ دا وەک ئەڤی کاری ماندیبوون تێدا نەبریە، گۆت: لێ من چاڤ ل خەلاتی نینە ل فلمە فیستەڤالا دھۆک و چ جاران چاڤەرێی خەلاتان نەبوویمە و کەیف خوشم ئەڤرۆ دێ ل باژێرێ وی ھێتە نیشادانێ و ئەڤە مەزنترین خەلاتە.

رێژا باران بارينێ د 24 ده‌مژمێرێن بۆرى دا

22/10/2018 10:41

232

ئه‌ڤرۆ نيوز:

رێڤه‌به‌ريا گشتى يا سه‌قاناسى و بيڤه‌له‌رزێ ل هه‌رێما كوردستانێ راگه‌هاند كو د ماوێ 24 ده‌مژمێرێن بۆرى دا ل ويستگه‌هێن جودا يێن هه‌رێما كوردستانێ رێژێن جودا يێن باران بارينێ هاتينه‌ تۆماركرن و ل دووڤ ڤى خشتێ ل خوارێ دياركرى:

به‌رنامێ ئه‌ڤرۆ يێ فلمه‌ فيستڤالا دهۆك يا نێڤده‌وله‌تى

22/10/2018 10:10

ئه‌ڤرۆ نيوز:

بڕياره‌ ئه‌ڤرۆ چالاكيێن رۆژا سيێ ژ فلمه‌ فيستڤالا دهۆك يا نێڤده‌وله‌تى يا شه‌شێ ب رێڤه‌ بچن و تێدا ل دانێ سپێدێ دێ په‌نه‌له‌ك هه‌بيت و ل جهـ و ده‌مێن جودا ژى دێ هژماره‌كا فلمان هێنه‌ نيشان دان.

په‌نه‌له‌ك ل دانێ سپێدێ و ل ده‌مژمێر 11:00 ل هۆلا كۆنفرانسان ل دۆر چێكرنا فلمان ل ده‌مێ شه‌ران دێ هێته‌ پێشكێشكرن ژ لايێ هه‌ر ئێك ژ د. يه‌لمان ئوزديل، كرستيان فيگلسۆن، بابه‌كر دڕه‌يى و جانۆ رۆژبه‌يانى.

هه‌ر ئه‌ڤرۆ بڕياره‌ ل هۆلێن كۆنفرانسان و سينه‌ماكس ئێك و دو و سێ ل فاملى مۆل زێده‌ترى 20 فلمان بهێنه‌ نمايشكرن و به‌رچاڤترين فلمێ ئه‌ڤرۆ ژى دێ فلمێ كوردى يێ خودانێ چه‌ندين خه‌لاتێن جيهانى “The Deminer” بيت كو ژ ده‌رهێنانا هۆگر هرۆرى يه‌ و به‌حس ل قاره‌مانيا پێشمه‌رگێ شه‌هيد عه‌قيد فاخر به‌روارى دكه‌ت ل ده‌مێ هه‌لگرتنا مينان.

ئه‌ڤ فلمه‌ بڕياره‌ ل ده‌مژمێر 5:00ى ئيڤارى ل هۆلا كۆنفرانسان بهێته‌ نمايشكرن. ئه‌ڤا ل خوارێ ژى به‌رنامێ ئه‌ڤرۆ يێ فلمه‌ فيستڤالێ يه‌.

بسپۆرەکێ قانوونی:‏ ل دووڤ دستوورى مافێ كوردان د ناڤ ده‌زگه‌هێن له‌شكرى دا 17% یە

22/10/2018 09:26

154

ئەڤرۆ نيوز: ‏

بسپۆرێ قانوونی حامد نازم خورشید بۆ رۆژناما ئەڤرۆ راگەھاند، وەکی مە گوھلێ دبیت و ‏دزانین رۆژانە ب تایبەتی پشتی ئەنجامدانا ریفراندۆما قانوونی ژ ئالیێ وەلاتیێن ھەرێما ‏کوردستانێ ڤە، و پشتی 16 ئۆکتۆبەرێ، بەرپرسێن حوکمی و حزبی ل حوکمەتا بەغدا، بەحسێ ‏بجھئینانا دستووری ژ ئالیێ ھەرێما کوردستانێ ڤە دکەن، و براستی کریار بەروڤاژی وان گۆتنا ‏ئەو دستوور ل بەغدا ھاتیە پێشێلکرن.‏

حامد نازم خورشید گۆت: ل بەندێ مادێ (4) یێ دستوورێ عیراقێ ھاتیە ( زمانێ فەرمیێ ‏دەولەتا عیراقێ زمانێ عەرەبی و کوردیە، بەلێ پشتی 13 سالان ھەتا نوکە ژی زمانێ کوردی ل ‏سەر ناسنامە و رەگەزنامێن عیراقێ نەھاتینە نڤیسین، ل قوتابخانێن دەرڤەیی ھەرێما ‏کوردستانێ کوردی ناھێتە خواندن، ئەڤە ژی پێشێلکرنا دستووری یە، ھەروەسا ل بەندێ (9) ‏یێ دستووری برگا (1) ھاتیە، ھێزێن چەکدار و ھێزێن پاراستن و ئاسایشێ ژ ھەموو ھێز و ‏پێکاھتێن عیراقێ و نەتەوان و ل دووڤ رێژەکا یەکسانی دڤێت بھێتە پێکئینان ، ئەگەر ل دووڤ ‏قانوونێ بیت دڤێت رێژا کوردان دناڤا ھێز و لەشکرێ عیراقێ ( 17%) بیت، بەلێ وەکو یا دیار ‏ھەتا نوکە نەگەھشتیە (5%) ژی، پشکا عەرەبێن سوونە ژ لەشکرێ عیراقێ (23%) بیت، ‏بەلێ ئەو ژی نەگەھشتیە (8%) بەھرا وانانا، یێن دیتر ھەموو شیعە مەزھەبن. ‏

مامۆستایێ بسپۆر ھەروەسا گۆت: زێدەباری وێ چەندێ ددستووری دا ھاتیە، نابیت ھێزا ‏لەشکری بۆ مەرەمێن سیاسی و ناڤخوەیی بھێنە بکارئینان، بەلێ عیراقێ ئەو دستوور ‏پێشلێکریە و ل 16 و 20 ئۆکتۆبەرێ سالا 2017 ئەو ھێز دژی کوردان و پێشمەرگێ ھەرێما ‏کوردستانێ ھاتە بکارئینان و داگیرکرنا کەرکووک و شەرێ پردێ و سحێلا یێ رووھن و ‏ئاشکرایە. ‏

حامد نازم دووپاتکر، سەرەرای وێ چەندێ خالا ھەرە گرنگ دناڤا دستوورێ عیراقێ بەندێ ‏مادێ (140) کو تێدا ھایتە، پێدڤیە ل سەر حوکمەتا عیراقێ ھەموو ئەو عەرەبێن ل دەڤەرێن ‏ل جھێن وانا ھاتینە ڤەگوھاستن بۆ دەڤەرێن کوردی، بزڤنە جھێن خوەیێن بەرێ، پاشی دڤێت ‏سەرژمێریاریەک بھێتە ئەنجامدان و پاشی ریفراندۆم بھێتە ئەنجامدان، ل پارێزگەھا ‏کەرکووک و ھەمی دەڤەرێن ناکوکی ل سەر ھەی کو ب داخوازیا وەلاتیێن رەسەن ل وان دەڤەران ‏ئەو کێشە بھێنە چارەکرن، ل گۆڕ داخوازیا وەلاتیان کا وانا دڤێت ڤەگەرن سەر ھەرێما ‏کوردستانێ یان ژی ل گەل عیراقێ بمینن. ‏

نيشاندان 1...1,000 2,000 1,5021,5031,504 2,500 3,500 4,500...4,558 زێده‌تر

لاپه‌ر 1,503 ژ 4,558