ئەڤرۆ نيوز:‏

ئەندامەکا بەرێ یا جڤاتا نوونەرێن عیراقێ ل سەر لیستا پارتی دیموکراتی ‏کوردستان راگەھاند، پشتی چوار ھەیڤا ل ھەلبژارتنێن جڤاتا نوونەرێن عیراقێ ‏دەستەیا سەروکاتیێ ھاتە ھەلبژارتن،عادل عەبدولمەھدی ھاتە دەستنیشانکرن بۆ ‏پێکئینانا حوکمەتا نوویا عیراقێ پێڤەرێ سەرکەفتا حوکمەتا نو گرێدایی دەستورێ ‏عیراقێ ڤەیە ، مەزنترین ئاریشا کابینا نویا حوکمەتێ دەستنیشانکرنا کەسێن ‏دەستپاقژە دور ل گەندەلیێ کو ئەڤ چەندە بۆیە ئەگەر دەستور نەھێتە بجھکرن و ‏مافێ ھاولاتیا وەک خوە نەھێتە دان و بجھکرن.‏

ئەشواق جاف ئەنداما بەرێ یا جڤاتا نونەرێن عیراقێ لسەر لیستا پارتی ‏دیموکراتی کوردستان بۆ روژناما ئەڤرۆ گوت : دو تیرێن سەرەکی یێن شیعەیا ھەبۆن ‏ئێک سەر ب ئەمریکا بۆ ئێک سەر ب ئیرانێ ئەگەر ھەردولایا بەر بژێر دیارکربان دا ‏حوکمەت ژناڤچیت ئەگەر بەربژارێ ئیرانێ ھاتبا دانان دا ئەمریکا سزایێ ئابۆری ‏بسەر عیراقێ دا پەسەندکەت ، ئەگەر بەربژارێ ئەمریکا ژی ھاتبا دیارکرن ‏لایەنگرێن ئیرانێ دا بزاڤا خرابکرنا حوکمەتێ دەن لەورا ناڤبەرا ھەردویا عادل ‏عەبولمەھدی ھاتە دەستنیشانکرن وەک بەربژارەک بێ لایەن .‏

ناڤبریێ گوتژی : عادل عەبدولمەھدی گڤاشتنا قبول ناکەت ئەگەر بکەڤن سەر ‏رەنگە حوکمەتێ پێک نەئینیت ،یان پشتی پێک ئینانی دەست ژ کار بکێشیت لەورا ‏پاشەروژا حوکمەتا نویا عیراقێ دیارنینە ، مەزنترین ئاریشا عیراقێ ل دەمێ بۆری و ‏نوکە بجھکرنەکرنا دەستوری یە ژبەرکو ژێدەرێ ھەمو ئاریشا گەندەلیەو دەستور ‏رێکێ ب گەندەلیێ نادەت بەلێ مخابن ناھێتە بجھکرن لەورا پێڤەرێ سەرکەفتنا ‏حوکمەتا نویا عیراقێ بجھکرنا دەستوریە.

ل گوری دەستورێ عیراقێ پێدڤیە سەروکێ دەستنیشانکری بۆ دەمێ 30 روژا وەزیرو ‏پروگرامێ خوە ب نڤیسار بێخیتە بەردەم پەرلەمانی و ئەگەر ھاتە پەسندکرن دێ ‏سوندا یاسایی خون و ئەگەر نەھاتە پەسەندکرن دێ کەسەکێ دن ھێتە ‏دەستنیشانکرن بۆ پێکئینانا حوکمەتا نویا عیراقێ.‏

ئه‌ڤرۆ نيوز:

سیاسەتمەدارەکێ کورد ئاماژە بوێ چەندێ دکەت، کابینا عادل ‏عەبدولمەھدی وەکی یاریا یا نەسیبێ یە و کەس نوزانیت دووماھیێ دێ ‏چو ئەنجام ھەبن، لدۆر پێک ئینانا حوکمەتا نوویا عیراقێ زێدەتر گۆت: ‏بۆ کوردان جوداھی دناڤبەرا سەرکردەیێن عیراقی دا نینە و ھەموویان ‏وەکی ئێک باوەری ب فیدڕالیێ و مادێ 140 نینە، بەلێ ناھێتە ڤەشارتن ‏عەبدولمەھدی دۆستێ زۆربەیا سەرکردەیێن کوردە و پێشبینی دھێتەکرن ‏دانوستانێن رژد بھێنەکرن.‏

دکتۆر مەحموود عوسمان سیاسەتمەدارێ کورد بۆ رۆژناما ئەڤرۆ گۆت” ‏سەرێ کەسێ ل کارێ عادل عەبدولمەھدی بەربژێرێ راسپاردی بۆ پێک ‏ئینانا کابینا نوویا حوکمەتا عیراقێ دەرناچیت و وەکی یانەسیبێ یا ‏لێھاتی کەس نوزانیت بڤی شێوەی دێ سەرکەڤیت یان دێ بن بکەڤیت، ‏ھەموو پڕۆسا پێک ئینانا حوکمەتێ ب نھێنی بڕێڤەدچیت و بنڤە ‏پەیوەندی ھەنە و کەس ئاگە ژ کەسێ نینە لدۆر پێک ئینانا حوکمەتێ، ‏لەوڕاژی سیستەمێ پێک ئینانا کابینا حوکمەتێ بدلێ من نینە، ‏ئاریشەیێن عیراقێ زۆرن و ب ئێک ئینانا حوکمەتێ ژی دوماھی ناھێن، ‏پێدڤی زەلالیەک د پڕۆسا پێک ئینانا حوکمەتا عیراقێ دا ھەبایە و ‏پەیوەندی ب لایەنێن سیاسی ھاتبا کرن، نەوەکی نوکە ب تژیکرنا سیڤیان ‏خەلک بھێتە دیارکرن بۆ ناڤا حوکمەتێ، ھەر دێ بینی موقتەدا سەدر ‏بەیانەک بەلافکر دوڤدا بەیانەکا دی ھاتە دەرکرن ژلایێ سەدرڤە دبێژتە ‏کوردان وەسا بکەن و دبێژیتە سونیا وەسا بکەن، حەفتیا بھێت بڕیارە ‏کابینا حوکمەتێ بکەڤیتە دەنگدانێ لپەرلەمانێ عیراقێ وەکی یا نەسیبێ ‏دێ چاڤەڕێ بین دێ چاوابیت.‏

ل دۆر وەرگرتنا پۆستێ سەرۆک وەزیران ژلایێ عادل عەبدولمەھدی و ‏ھەلویستێ نافبری بەرامبەر ھەرێما کوردستانێ دکتۆر مەحموود عوسمانی ‏دیارکر” ھێشتا خویانەبوویە دێ کورد چاوا پشکداری حوکمەتێ بکەن و ‏رێژا پشکداریێ دێ چاوابیت، ھەموو سەرکردەیێن عیراقێ ئێک ھەلویست ‏ھەیە بەرامبەری کوردان، رەنگە ل ھندەک لایانڤە جوداھیەک ھەبیت، ‏بتایبەتی عادل عەبدولمەھدی یێ تێکەلە دگەل کوردان و دۆستێ کوردایە، ‏کوردان ژی پەسەندکریە ببیتە سەرۆک وەزیرێ داھاتیێ عیراقێ، لێ ‏ھەموویان باوەری ب مافێن کوردان نینە، بۆ نموونە باوەری ب فیدڕالیێ ‏و مادێ 140 یێ دستووری و رازی نینە ھەرێما کوردستانێ ب کەیفا ‏خوە سەرەدەریێ ل گەل نەفت و غازێ بکەت وەکی مە دڤێت، ناھێتە ‏ڤەشارتن ژی عەبدولمەھدی کوردان دنیاسیت و ھەڤالێ سەرکردەیێن ‏کوردە دانوستانێن رژد بھێنەکرن بۆ چارەسەرکرنا ئاریشەیێن ناڤبەرا ‏ھەرێما کوردستانێ و بەغدا.‏