ئه‌ڤرۆنيوز:
سترانبێژه‌كێ گه‌نج بۆ ئێكه‌مين جار سترانه‌كێ ب ناڤێ (به‌سته‌يه‌كا بريندار) ب روودانێن 16 ئوكتۆبه‌را 2017 دبێژيت.
سترانبێژ (هشيار كه‌ريم) وى سترانێ دبێژيت كو هه‌ر ژ په‌يڤ وئاوازێن وى نه وده‌رهێنانا بێدار ميرزايه.
نووترين نووچه
- نەخوەشخانەیا پەنجەشێرێ ب ئاست و كوالێتییەكا بلند دێ كەڤیتە د خزمەتا وەلاتییاندا
- پەرلەمانتارەك: ئەمریكا و ئۆپێك فشارێن ل ئیراقێ دكەن بۆ هنارتنا پەترۆلا هەرێما كوردستانێ
- ل نێزیك پارتی دێ بارەگەهێ مەكتەبا رێكخستنێ ل كەركووكێ ڤەكەت
- دەلیڤەیا سەختەكاریێ ب رێكا تەكنەلۆژیایێ یا هاتیە كێمكرن و دەنگ ب دەستی ژی دێ هێنە هەژمارتن
- پێدڤییە نیازپاكی و ئیرادەیەكا راستەقینە بۆ چارەسەركرنا كێشەیان هەبیت
- پێدڤییە هەوا هەلبژارتنان د سەقایەكێ ئازاد دا و دوور ژ گرژیێ بهێنە ئەنجامدان
- مەسرور بارزانی: ب هێزبوونا پارتی ب هێزبوونا كوردستانێیە
- گرنگە پڕۆژەیێ (هەژمارا من) بەردەوام بیت
- سەرۆكێ حوكمەتا هەرێمێ بۆ گوپیتكا جیهانییا سەقای هاتە ڤەخواندن
- پترییا كێشەیان دێ هێنە چارەسەركرن
سه‌ره‌كى Twitter
سوباهى مووچێ ڤان جهان دێ هێته به‌لاڤكرن
پرۆژێ ووزا رۆژێ ل كەمپا مام رەشان هاته ڤەكرن
سه‌در په‌یامه‌كێ ئاراسته‌ى كوردان دكه‌ت
ئه‌ڤرۆنيوز:
موقته‌دا سه‌در رێبه‌رێ ره‌وتێ سه‌درى ئه‌ڤرۆ دوشه‌مبى 15/10/2018 په‌يامه‌ك ئاراسته‌ى كوردان كر وئاماژه دا بلا كه‌ركووكێ بكه‌ينه نموونا پێكڤه‌ژيانا ئاشتيانه وپاريه‌كێ نانى پێكڤه به‌لاڤ بكه‌ين.
موقته‌دا سه‌در، رێبه‌رێ ره‌وتێ سه‌درى وليستا سائيرون د په‌ياما خوه دا بۆ كوردان وسياسه‌تمه‌دارێن كورد كو ل به‌رپه‌رێ خوه ل سه‌ر تۆرا جڤاكى يا تويته‌رى به‌لاڤكرى دووپات دكه‌ت كو ل بلندترين رامانا خوه‌شتڤيێ حه‌زكريه ل گه‌ل كوردان دعيراقێ دابن وژ كوردان جودا نه‌بن ودياركر ئه‌م دخوازين هوون دئێكگرتى وب هێز وخوه‌شتڤى بن، سته‌مێ نه‌كه‌ن وسته‌م ل هه‌وه نه‌هێته كرن.
دپشكه‌كا دى يا په‌ياما خوه دا، سه‌در داخوازێ ژ كوردان دكه‌ت پێكڤه كاربكه‌ن، بۆ وێ چه‌ندێ گه‌نده‌لكار ژ ده‌ستهه‌لاتێ بهێنه دوورخستن ودبێژيت” دزانين كه‌س يێن دناڤ هه‌وه دا هه‌بن حه‌ز ژ دادپه‌وه‌ريێ دكه‌ن”.
گۆت ژى” بلا پاريه‌كێ ژيانێ پێكڤه به‌لاڤ بكه‌ين، ئه‌م رێ ناده‌ين سته‌م ل هه‌وه بهێته كرن، هه‌وره‌سا دا پێكڤه كه‌ركووكێ بكه‌ين نموونا پێكڤه‌ژيانا هه‌موو پێكهاته ونه‌ته‌وان”.
ئیسماعیل بێشكچى: خيانه‌تا 16 ئوكتۆبه‌رێ گه‌له‌ك ژخيانه‌تا 1975 گرانتره
ئه‌ڤرۆنيوز:
نڤيسه‌رێ ناڤدارێ توركى ئيسماعيل بێشكه‌چى راگه‌هاند خيانه‌تا 16 ئوكتۆبه‌رێ خيانه‌تا كوردايه دژى كوردن، كورد دديرۆكا خوه دا دو جاران تووشى خيانه‌تا گه‌له‌ك مه‌زن بووينه، جارا ئێكێ خيانه‌تا 1975 وجارا دويێ خيانه‌تا 16 ئوكتۆبه‌را 2017.
بێشكچى دياركر كو خيانه‌تا 1975 ژبه‌ر خواستا سيسته‌مێ جيهانى يێ وى ده‌مى بوو، وه‌لاتێن زلهێز ووه‌لاتێن ده‌ڤه‌رێ پێكڤه كۆمبوون دژى شوره‌شا كوردى وسيسته‌مێ جيهانى دژه كورد ئه‌و خيانه‌ته ل كوردان كر، هه‌ر وى سيسته‌مى ب پێدڤى زانى كو ب وى جۆرى خيانه‌ت ل كوردان بهێته كرن، له‌وما فشار ل سه‌ر ئيرانێ هاتن كرن كو وى ده‌مى هاريكاريا كوردان دكر كو ئێدى هاريكاريا كوردان نه‌كه‌ت، ئه‌و خيانه‌ت ب پێشه‌نگيا توركيا بوو دلێكنێزككرنا سه‌دامى وشاهێ ئيرانى ل جه‌زائيرێ ده‌ستپێكر.
ئيسماعيل بێشكچى زێده‌تر بۆ كوردستان تى ڤى گۆت”خيانه‌تا 1975 خيانه‌ته‌كا هه‌ڤپشك يا جيهانى وهه‌رێمى بوو دژى گه‌لێ كورد، ل دووڤ وێ پيلانێ عيراق ده‌ستبه‌ردارى هه‌موو مافێن خوه ل سه‌ر شه‌تولعه‌ره‌ب بوو بۆ ئيرانێ وئيرانێ ژى هاريكاريكا كێم يا كوردان دكر، ئه‌و هاريكارى ژێ راوه‌ستاندن، به‌لێ خيانه‌تا 16 ئوكتۆبه‌را 2017 گه‌له‌ك يا ته‌حلتره چونكى ئه‌و خيانه‌ته خيانه‌تا كوردان ب خوه بوو دژى كوردان،ئه‌ڤه ژى هه‌ر خواسته‌كا سيسته‌مێ هه‌رێمى يه، چونكى وى سيسته‌مى دڤێت ل دژى كوردان، ل گه‌ل كوردان هه‌ڤپه‌يمانيێ بكه‌ت وكورد خيانه‌تا كوردان بكه‌ن كو ئه‌ڤه ژى كاره‌ساته‌كا گه‌له‌ك دل ته‌زينه وژ خيانه‌تا 1975 گرانتره”.
ئێكه‌م په‌رتووك ل سه‌ر خیانه‌تا 16ێ ئوكتوبه‌رێ هاته چاپكرن
ئه‌ڤرۆ نیوز ، نه‌وزاد هلۆرى:
ئه‌ڤرۆ ب هه‌لكه‌فتا ده‌ربازبوونا ئێكه‌م سال لسه‌ر خیانه‌تا 16ێ ئوكتوبه‌رى ، و بو ئێكه‌مین جار په‌رتووكه‌ك ژلایى َنڤیسكار (سه‌رباز عه‌بدولره‌حمان) لسه‌ر خیانه‌یا 16ێ ئوكتوبه‌رێ هاته چێكرن و نوكه ل هه‌موو په‌رتوكخانێن كوردستانێ هه‌یه.
سه‌رباز عه‌بدولره‌حمان نڤیسكارێ په‌رتووكێ بو ئه‌ڤرۆ نیوز گۆت: (په‌رتووكا ره‌شه‌بایا ئوكتوبه‌رێ كتێبه‌كا سیاسى یه هه‌موو داتا و پێزانێن گرێداى خیانه‌تا 16ێ ئوكتوبه‌رێ یا سالا بورى بخوڤه دگریت، و تێدا هه‌موو ئه‌گه‌ر و ده‌رئه‌نجامێن خیانه‌تێ هاتینه به‌حسكرن و به‌لگه ئێخستینه به‌رچاڤ)
زێده‌تر گۆت: (سالا بورى گروپه‌كێ سنێله و نه‌زان یێ ناڤا حزبه‌كا كوردستانێ دپێناڤ به‌رژه‌وه‌ندیێن خوه‌یێن كه‌سایه‌تى و حزبى كه‌ركوك فروت ، و فه‌رمانا ڤه‌كێشانا هێزێن پێشمه‌رگه‌ى ل سنوورێ كه‌ركوكێ دا، و ئه‌ڤ یه‌ك بویه سه‌ده‌م كو كه‌ركوك و به‌شه‌ك ژ ده‌ڤه‌رێن كارگێریێن سه‌ر ب هه‌رێما كوردستانێ بهێته ژ ده‌ستدان ، و دوڤدا جینوساید و كومكوژى و كاره‌ساتێن زور مه‌زن ب سه‌ر خه‌لكێ وان ده‌ڤه‌ران بهێت و پێشمه‌رگه بهێته شه‌هیدكرن و وره‌یا وان بهێته شكاندن، و دیسان ناموس و كه‌رامه‌تا كچ و ژنێن خه‌لكێ هه‌ند ده‌ڤه‌رێن كوردستانێ بكه‌ڤیته ده‌ست هێزێن عیراقى ب تایبه‌تى حه‌شد شه‌عبى ب تایبه‌تى ل ده‌ڤه‌را خورماتو ، و ئه‌ڤه سه‌ره‌راى ئاواره‌بوونا زێده‌تر ژ 200 هزار وه‌لاتیێن وان ده‌ڤه‌ران، و وێرانبوونا نێزیكێ دوو هزار خانى و دوكان و بازارێن وه‌لاتیان و سوتنا وان)
نڤیسكارێ ناڤبرى د درێژاهیا ئاخفتنێن خودا دیاركر ژى كود یروك دولڤانیێ ب كه‌سێ نابه‌ت و هه‌موو هوركاریێن خیانه‌تێ دناڤا روپه‌رێن خوه ئه‌رشیفكرینه و زێده‌تر گۆت: (داكو ئێدى هه‌موو راستى بو رایا گشتى بهێته به‌رچاڤكرن و خیانه‌ت دووباره نه‌بن ڤه، ئه‌ز رابویمه ب كومكرنا هه‌ر زانیارى و به‌لگه‌یه‌كا پێدڤى، و سوپاس بو خودێ شیام ئێكه‌م په‌رتووكێ چاپ و به‌لاڤ بكه‌م ، و سوپاس بو ده‌زگه‌هێ وشه كو ئه‌ركێ چاپكرنا په‌رتووكێ ب ستویێ خوڤه گرتى، و خوانده‌ڤان دشێن ل هه‌موو ده‌ڤه‌رێن كوردستانێ ده‌ستخوڤه بینن)
ژينۆ محه‌مه‌د:وه‌رن بچينه سه‌ر گرده‌كه
ئه‌ڤرۆ نیۆز،عه‌زیز هه‌ورامی
ژینۆ محه‌مه‌د بێژه‌را كه‌نالێ كه‌ى ئێن ئێن وهه‌لسوراوا دياريا بزاڤا گۆران ل رێكخراوا تواناسازى يا ژنێن گۆران دنڤيسينه‌كێ دا ره‌خنێ ل وان كه‌سان دگريت كو ل سوشيال ميديايێ ول ته‌له‌ڤزيۆنان ره‌خنێ ل گۆران دگرن.
كێشێن ناڤخوه يێن گۆران ب تمامى يێن زێده بووين تارادێ پێگدادانێ دناڤبه‌را گرۆپێن رێكخه‌رێ گشتى وكۆرێن نه‌وشێروان مسته‌فاى وگرۆپێ چاكسازى دناڤ گۆران دا.
ژينۆ محه‌مه‌د ره‌خنێ ل وان كه‌سان دگريت كو ره‌خنێ ل به‌رپرسێن بلند يێ گۆران دگرن ل گرده‌كه ل سه‌ر چاكسازيێ دناڤ بزاڤا گۆران دا.
ئه‌و به‌رپرسا گۆران دبێژيت” وه‌رن پێكڤه رێگريێ ل نه‌حه‌زێن بزاڤا گۆران بگرين، بۆ وێ چه‌ندێ گۆران ببيته گۆرانا هه‌موويان”.دياركر” گۆران نوكه يا خوه به‌رهه‌ڤ دكه‌ت بۆ كۆنفرانس وهه‌لبژارتنێن ناڤخوه‌يى ژ بچووكترين پۆست هه‌تا رێكخه‌رێ گشتى،
گۆت ژى” ئه‌وا نوكه ل ناڤ سوشيال ميديايێ دهێته كرن خزمه‌تا گۆران ناكه‌ت، به‌لكو خزمه‌تا نه‌يارێن گۆران دكه‌ت”.
ژينۆ محه‌مه‌د داخواز ژ هه‌لسوراوێن نه‌رازى يێن گۆران دكه‌ت “ئێدى ل سه‌ر حيسابا مه چو كه‌سه‌ك نه‌هيته مه‌زنكرن ووه‌رن پێكڤه بچين ل گرده‌كه داخوازا گوهۆرينان بكه‌ين
سەرۆك بارزانی پێشوازيێ ل ئیسماعیل بێشكچی دكه‌ت
ئه‌ڤرۆنيوز:
سه‌رۆك مه‌سعود بارزانى ئه‌ڤرۆ دوشه‌مبى 15/10/2018 پێشوازى ل دۆستێ گه‌لێ كورد وره‌وشه‌نبير وديرۆكنڤيسێ توركى ئيسماعيل بێشكچى كر.
دديداره‌كێ دا ئيسماعيل بێشكچى سه‌ركه‌فتنا ليستا پارتى دهه‌لبژارتنێن په‌رله‌مانێ كوردستانێ وهه‌لبژارتنێن په‌رله‌مانێ عيراقێ ب گرنگ وراماندار هژمارت وزێده‌بارى ئاماژه‌دان ب ريفراندۆما گه‌لێ كوردستانێ دووپاتى ل وێ چه‌ندێ كر كو ئه‌و سه‌ركه‌فتنێن ليستا پارتى ئاماژه‌يه كو سه‌رۆك بارزانى خاوه‌نداريا دۆزا ره‌وا يا گه‌لێ كوردستانێ دكه‌ت.
سه‌رۆك بارزانى سوپاسيا هه‌لويستێن ئيسماعيل بێشكچى كر ل دۆر دۆزا ره‌وا يا گه‌لێ كوردستانێ وپێزانين ژى هه‌بوو بۆ بزاڤ وچالاكى ونڤيسينێن بێشكچى دپشته‌ڤانيا گه‌لێ كوردستانێ وراگه‌هاند كو بێشكچى جهێ شانازيێ يه وسمبۆله وبۆچوونێن وى ل دۆر گه‌لێ كوردستانێ جهێ بايه‌خدانه‌كا مه‌زنه.
سه‌رۆك بارزانى رۆناهى خسته سه‌ر ريفراندۆمێ وروودانێن 16 ئوكتۆبه‌رێ وهه‌روه‌سا سه‌ركه‌فتنێن پارتى دهه‌لبژارتنێن عيراقێ وهه‌رێما كوردستانێ ودووپاتكر كو گه‌لێ كوردستانێ پارتى ديموكراتى كوردستان ژبه‌ر پێداگريا وێ ژ مافێن گه‌لێ كوردستانێ وهه‌لويستێن وێ يێن نيشتمانى پاداشت كر وسه‌ركه‌فتنا پارتى ژبه‌ر به‌رگريكرنێ بوو ژ ماف وئيرادا گه‌لێ كوردستانێ.
دانانا سەرۆکێن لژنێن پەرلەمانی یا دەمکی یە
ئەڤرۆ نیۆز، قائید میرۆ:
ئەڤرۆ پەرلەمانێ عێراقێ دێ لیژنەیێن پەرلەمانی ئێکلا کەت و پەرلەمانتارەکژی دبێژیت، دانانا سەرۆکێن لیژنا دێ دەمکی بیت ھەتا وەزارەت دھێنە ئێکلاکرن.
دیار تەیب، پەرلەمانتارێ پارتی لپەرلەمانێ عێراقێ بۆ ئەڤرۆ نیۆز دیارکر” ئەڤرۆ پەرلەمان دێ بابەتێ لیژنەیێن نافخۆ ئێکلاکەت، بەلێ دانانا سەرۆکێن لیژنێن پەرلەمانی دێ بشێوەیەکێ دەمکی ھێنە دانان، ژبەرکو گرێدایێ وەزارەتێن حوکمەتێ نە و ھەردەمێ کابینا حوکمەتێ ھاتە پەسەندکرن دێ لیژنەژی بتەمامی ھێنە جێھگیرکرن.
دیار تەیب گۆت” نابیت ھەر کۆتلەیەکا وەزارەتەکا حوکمەتێ وەربگریت ھەمان کۆتلە سەرۆکێ لیژنا پەیوەندیدار یا پەرلەمانی ژی وەربگریت، بەلکوو دێ بەرۆڤاژی بیت، دێ سەرۆکێن لیژنەیان بتەمەنترین ئەندامێن لیژنەیان بن ھەتا وەزارەت دھێنە دانان.
ئەڤرۆ جێگرێ وه‌زیرێ ده‌رڤه یێ ئه‌مریكا دێ گەهیتە هه‌ولێرێ
ئەڤرۆ نیوز ، زنار تۆڤی:
وەسا بریاره ئه‌ڤرۆ دوشەمبی 15.10.2018 جێگرێ وه‌زیرێ ده‌رڤه یێ ئه‌مریكا سه‌ره‌دانا هه‌رێما كوردستانی بكه‌ت و ل گه‌ل سه‌رۆك وه‌زیرێ هەرێمێ نێچیرڤان بارزانی و هژماره‌‌كا به‌رپرسێن دی یێن هه‌رێما کوردستانێ كۆم ببیت.
پشتی کو جۆن سولیڤان جێگرێ وه‌زیرێ ده‌رڤه یێ ئه‌مریكا، د سه‌ره‌دانه‌كێ دا هاتیە به‌غدا، بریارە ئه‌ڤرۆ بگه‌هیته هه‌ولێرێ و دێ ل گه‌ل نێچیرڤان بارزانی سه‌رۆك وه‌زیرێ هه‌رێما كوردستانێ و چەندین بەرپرسێن دێ یێن هەرێمێ کۆم بیت.
نيشاندان
WP Facebook Auto Publish Powered By : XYZScripts.com