ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 9ى چريا ئێكێ 2018ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:3
| 100 دولارێ ئه‌مريكى | 120.800 دينار |
| 100 يۆرۆيێ ئه‌ورۆپى | 139.000 دينار |
| 100 ليرێ توركى | 19.750 دينار |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 9ى چريا ئێكێ 2018ێ بهايێ زێر و زيڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 گرام زێرێ (ع) 18 | 36000 |
| 1 گرام زێرێ (ع) 21 | 42500 |
| 1 گرام زێرێ (ع) 22 | 44500 |
| 1 گرام زيڤ | 3000 |
ئه‌ڤرۆ نیوز، زنار تۆڤى:
ل شه‌مبیا بهێت دێ نه‌فتا سپى ل سه‌ر وه‌لاتیێن ناحیا كانى ماسێ یا سه‌ر ب قه‌زا ئامێدیێ ڤه هێته دابه‌شكرن، ناحیا کانی ماسێ ژ 78 گوندان پێک دهێت و نوکە 51 گوند د ئاڤانە.
سه‌ربه‌ست سه‌برى ئاكره‌یى رێڤه‌به‌رێ ناحیا كانى ماسێ بۆ مالپه‌رێ ئه‌ڤرۆ نیوز دیاركر: كو ل شه‌مبیا بهێت 13/10/ 2018 دێ نه‌فتا سپى ل سه‌ر وه‌لاتیێن ناحیا كانى ماسێ هێته دابه‌شكرن، ئه‌ڤه دێ بیته ئێكه‌مین ناحى ل سه‌ر ئاستێ پارێزگه‌ها دهۆكێ كو نه‌فتا سپى ل سه‌ر بهێته دابه‌شكرن، هه‌روه‌سا بهایێ هه‌ر به‌رمیله‌كێ نه‌فتێ” 45″ هزار دینارن و هه‌ر خێزانه‌ك دێ “200” لیترێن نه‌فتا سپى وه‌رگریت.
ناڤهاتى زێدەتر گۆت ژى: نوكه ل ناحیا كانى ماسێ 1532 سه‌رۆك خێزان دژین و ئه‌و خێزان هه‌موو دێ به‌هرا خوه یا نه‌فتا سپى ل رۆژا شه‌مبیێ وه‌رگرن، هه‌روه‌سا ژ ئه‌گه‌رێ سه‌قایێ كانى ماسێ یێ سار و به‌فر و بارانى بوویه ئێكه‌م ناحیه كو نه‌فتا سپى لێ بهێته دابه‌شكرن، دیسا ئه‌ڤ چه‌نده هات ژ پێخه‌مه‌ت دیاردا داربرینێ ل ڤێ ده‌ڤه‌رێ نه‌مینیت، له‌وما مه له‌ز تێداكر كو نه‌فت بهێته دابه‌شكرن، ژ پێخه‌مه‌ت ئێدى زیان نه‌گه‌هیته ژینگه‌ها كانى ماسێ و خه‌لك داران نه‌برن.
ئەڤرۆ نیۆز، قائید میرۆ:
ئەڤرۆ جڤاتا پارێزگەھا کەرکووکێ دێ کۆمبیت و ئەندامەکا لیستا برایەتیژی رەتکر کۆمبوونا ئەڤرۆدا بگەھنە ئەنجامەکی و دبێژیت، عەرەب و تورکومان بەرھەڤنینە دەنگی بدەنە پارێزگارێ کورد.
جوان حەسەن، ئەنداما جڤاتا پارێزگەھا کەرکووکێ بۆ ئەڤرۆ نیۆز دیارکر” ئەڤرۆ سێ شەمبی جڤاتا پارێزگەھێ لدۆر ئاسایی کرنا رەوشا کەرکووکێ و دانانا پارێزگارەکێ کورد دێ کۆمبیت، بەلێ کۆمبوونامە سەرناگریت، چونکە کورد دخوازن سەرۆکێ جڤاتێ و پارێزگار پێکڤە بھێنە ھەلبژارتن دناڤا کۆمبوونا جڤاتا پارێزگەھێ.
جوان حەسەن ئاماژەکر ” ئەم بەرھەڤین سەرۆکێ جڤاتێ بدەینە پێکھاتا تورکومان، بەلێ ئەو د رازینینە کۆمبونێ دا پارێزگارێ کورد بھێتە دیارکرن، ئەڤەژی خالا ناکۆکە دناڤبەرا مەدا و ئەز باوەرم بڤی شێوەی کۆمبون سەرناگریت.
پشتی روویدانێن خیانەتا ١٦ی ئۆکتۆبەرێ جڤاتا پارێزگەھا کەرکووکێ کۆمبونێن خو راگرتینە و پارتی ژی بەرھەڤنینە بۆ پشکداریکرنا کۆمبوونێن جڤاتێ ڤەگەڕیت کەرکووک ھەتا داگیرکرن دوماھی نەھێت.
ئه‌ڤر نیوز ، زنار تۆڤى:
فلمێ “روو ب رووبوونا مرنێ ب كه‌ته‌رى” یێ پێشمه‌رگێ كوردستانێ، كو ئه‌ڤ فلمه ل سه‌ر تیمه‌كا پێشمه‌رگێ قاره‌مان و چاڤنه‌ترس، كو كارێ وێ تیمێ راكرن و ژ ناڤبرنا بۆمبه و مین و ته‌قه‌مه‌نیێن تیرۆرستێن داعشێ یه، ئێكه‌مین جاره دێ ل كوردستانێ هێته نیشاندان، سه‌روه‌ر عه‌بدوللا ده‌رهێنه‌رێ وى فلمى بۆ ئه‌ڤرۆ نیوز دبێژیت: ئه‌ڤ فلمه یێ تایبه‌ته ل سه‌ر پێشمه‌رگێن كه‌تیبا ئه‌ندازێ یا فه‌رماندا هێزێن پشته‌ڤانیا ئێك، هه‌روه‌سا ئه‌ڤ فلمه د ماوێ سێ سال و نیڤان دا ل ده‌مێ شه‌رێ پێشمه‌رگه‌ى ل گه‌ل تیرۆرستێن داعش ل هه‌موو به‌رۆكێن شه‌رى هاتیه وێنه‌كرن، دیسا ل ده‌مێ وێنه‌كرنا ڤى فلمى دا سێ ژ قاره‌مانێن وى شه‌هید دبن و چه‌ندین پێشمه‌رگێن دیتر ژى بریندار بووینه، هه‌تا نوكه ڤى فلمى پشكدارى د گه‌له‌ك فیستیڤالێن جیهانى دا كریه و چه‌ندین خه‌لات وه‌رگرتینه.
ناڤهاتى زێده‌تر دبێژیت: فلمێ “روو ب رووبونا مرنێ ب كه‌ته‌رى” د ماوێ كێمتر ژ ساله‌كێ دا ده‌ه خه‌لاتێن نێڤده‌وله‌تى وه‌رگرتینه و پشكدارى پتر د بیست فیستیڤالێن جیهانى دا كریه، هه‌روه‌سا ئه‌ڤ ساله بۆ ئێكه‌مین جار ل كوردستانێ و عیراقێ دێ ل سێیه‌مین فلمه فیستیڤالا سلێمانیێ یا نێڤده‌وله‌تى هێته نیشاندان، كو دێ ئه‌ڤ فلمه فیستیڤاله ل رۆژانێن “10_16/ 10/ 2018″ یا به‌رده‌وام بیت و ئه‌ڤ فلمه دو جاران دێ هێته نیشاندان، هه‌روه‌سا د ئه‌ڤ ساله پێنج هزار فلم د سێیه‌مین فلمه فیستیڤالا سلێمانیێ دا پشكدار بووینه و ژ وان ژى 122 فلم بۆ وێ فیستیڤالێ هاتینه وه‌رگرتن و ئه‌و فلمه دێ هه‌ڤركیێ ل سه‌ر ب ده‌ستڤه‌ئینانا خه‌لاتان كه‌ن.
ئەڤرۆ نیۆز، قائید میرۆ:
رێڤەبەریا گشتیا ھاتن وچوونا ھەرێما کوردستانێ بڕیارەکا نوو لدۆر تڕۆمبێلێن ژمارە کاتی دەرکر و بەرپرسەکێ ھاتن وچوونێ ژی دبێژیت، ددەمێ ٦٠ رۆژاندا تڕۆمبێل نەھێتە بنافکرن دێ ھێتە غرامەکرن.
رائید فازل حاجی، پەیڤدارێ ھاتن وچوونا پارێزگەھا ھەولێرێ لدۆر بڕیارا ھاتن وچوونێ بۆ ئەڤرۆ نیۆز گۆت” بەری نوکە وەلاتی وەسا تێگەھشتبوون دەمێ بنافکرنا تڕۆمبێلێن ھژمارا کاتی دو ھەیڤن، بەلێ بەرۆڤاژی دوھەیڤ نینە بەلکو ٦٠ رۆژن و بەری بگەھیتە دەمێ قانوونی پێدڤیە وەلاتی تڕۆمبێلێ بناف بکەت.
رائید فازل حاجی گۆتژی” ھەر تڕۆمبێلەکا ژمارە کاتی ددەمێ دیاریکری نەھێتە بنافکرن تنێ ئێک رۆژ بسەردا بچیت دێ ئێک ملیۆن دینار ھێتە غرامەکرن و ئازاکرنژی نینە بۆ چو کەسەکی، لەوڕا دخوازیت وەلاتی ئاگەھداری بڕیارا حوکمەتێ بن.
ئه‌ڤرۆ نيوز:
رێڤه‌به‌ريا ده‌رگه‌هێ نێڤده‌وله‌تى يێ ئيراهيم خه‌ليل ئامارا ژمارا سه‌ره‌دانكرنێ بۆ هه‌يڤا ئيلۆنێ ل سالا 2018ێ به‌لاڤكر.
ب گۆره‌يى ڤێ ئامارێ كو ل مالپه‌رێ خوه يێ فه‌رمى به‌لاڤكريه ئاماژه ب وێ چه‌ندێ كريه، ل هه‌یڤا ئیلونێيا سالا 2018 پترژ 172 هزار رێڤینگا ل كومه‌لگه‌ها ده‌رگه‌هێ نێڤده‌وله‌تی يێ ئیبراهیم خه‌لیل هاتنوچوونێ كریه.
ئەڤرۆ نیوز، نەوزاد ھلۆری:
وەسا بریارە کو سوبەھی روژا چوارشەمبی ب بەرھەڤبوونا سەرۆک بارزانی ، گەرا 13ێ یا پێشانگەھا نیڤدەولەتی یا ھەولێر تایبەت ب پەرتووکان بھێتە ڤەکرن ، و تێدا ھژمارەکا زور یا دەزگەھێن چاپ و وەشانێ دێ تێدا پشکداربن ، پەرتوکخانا جزیری ل دھۆکێ ددەت دیارکرن کو رەنگە ل دھۆکێ چو پەرتوکخانە پشکدار نەبن.
ئەواب ئەحمەد خودانێ پەرتوکخانا جزیری ل دھۆکێ بو ئەڤرۆ نیوز گۆت: (سۆبەھی روژا چوارشەمبی گەرا 13ێ یا پێشانگەھا نیڤدەولەتی یا پەرتووکان ل ھەولێر ھێتە ڤەکرن و ھژمارەکا زور یا پەرتوکخانە و دەزگەھێن چاپ و وەشانێ ل کوردستان و جیھانی و عەرەبی دێ پشکداربن).
زێدەتر گوت: (ئەم وەکو جزیری پشکدارێ پێشانگەھێ نابین ، چونکی پەرتووکێن بادینی ل ھەولێر ناھێن فروتن ، و وەکو جزیری دێ ب ئەرکێ گەشتەکا زانستی بو پێشانگەھا نیڤدەولەتی رابین ، و باوەرناکەم ژی کو ل دھۆکێ چوو پەرتوکخانە پشکداریێ د پێشانگەھێ دا بکەن).
ب گورەی زانیاریان رەنگە سەروک بارزانی ژی پشکدارێ پێشانگەھێ بیت ، و نێزیکێ 300 دەزگەھێن چاپ و وەشانێ پشکداربن و پێشانگەھـ دەمژمێر 10:00ێ سپێدێ ل ھولا پێشانگەھا نیفدەولەتی دێ ھێتە ڤەکرن، و بو دەما 10 روژان دێ بەردەوام بیت.
ھەرچەند بریاربو ل ھەیڤا نیسانا بوری پێشانگەھـ ھاتبایە ڤەکرن، بەلێ وەکو خودانێ پەرتوکخانا جزیری دایە دیارکرن کو ژ ئەگەرێ دائێخستنا فروکخانێن ھەرێما کوردستانێ پێشانگەھـ بو ھەیڤا 10ێ ھاتە پاشئێخستن.
ئه‌ڤرۆ نيوز:
دبێژن ژیێ د ناڤبەرا 20 – 30 گرنگترین قۆناغا ژیانێ بۆ ھەر کەسەکی، ژبەر کو د وێ قۆناغا دا بەرێ بنیاتێ ژیانێ دھێتە دانان، ئەو قۆناغا کو پتریا قۆتابیان ژ زانکۆ و پەیمانگەھان دەردچن و دەستپێکا تێگەھشتنا خوە و جیھانێ یە، ھەروەسا ئەو قۆناغە یا گەنج گاڤێن ئێکێ د ژیانێ دا دھاڤێت و وان تشتان ئاشکرا دکەت یێن ژیان پێشکێشی وان دکەت. لێ ھێشتا ئەم د جڤاکی دا دژین وەسا ھزر دکەت کو ئەو قۆناغ دەمەکێ نموونە کو کژ شوو بکەت، لەورا بەری کچ بکەڤیتە ژێر فشارێن جڤاکی، پێدڤیە ڤان گاڤان بزانیت و پتر داکوکیێ ل سەر پیشە و کارێ خوە بکەت و بزانیت بۆ وێ پاشترە ژ شووکرنێ.
ئەگەر چنە؟
ھەموو تشت دێ تە ھێلن بەس ژیانا تەیا پیشەی نەبیت:
کەس نزانیت ل پاشەرۆژێ دێ چ روودەت، دێ چ چێبیت ھەکە ژیانا تە ھەڤژینی سەرنەکەفت و ھەڤژینێ تە کەفتە قەیرانەکا دارایی، ئەو ژنا پاشەرۆژەکا پیشەیی ھەبیت ژ کاری ناترسیت و دشێت ھەموو پێدڤیێن خوە و خێزانا خوە دابین بکەت، سەمتا تەیا پیشەیی ژ ھەموو کەسان پتر دێ ھاریکاریا تە کەت کو تو بژی وەکو تە بڤێت.
کارکرن ل ژیەکێ زوو دێ وان دەلیڤان ل بەر تە ڤەکەت کو دوبارە نەبن:
کارکرن ل ژیەکێ بچووک و بێ ھەبوونا خێزانێ دێ پتر دەلیڤێن کاری ل بەر تە ڤەکەت و ب شێوەیەکێ بلەز د زنجیرا کاری دا پێشکەڤی، بەرپرساتیێن ھەڤژینیێ ناھێلن ژن زێدە ھای ژ کاری ھەبیت و دێ ژنێ نەچار کەت ھندەک جاران ھمبەری ئێکی پاشڤە بزڤریت کو نیڤا شیانێن وێ نەبن.
بەرقرابوونا دارایی:
ھندی زەلام یێ زەنگین بیت پێدڤیە ژنێ سەرخوەبوونا دارایی ھەبیت، بزانە دێ چاوا کارگێریا پارێ خوە کەی و وەبەرھێنانی پێ کەی، دا ببیتە گەرەنتی بۆ تە و خێزانا تە، دەمێ تو ھزر د شووکرنێ ژی دا دکەی دا مفای ژ وی پارەی ببینی و مالەکێ پێ ئاڤا بکەی.
ل دوماھیێ، کارکرن د ژیانا پیشەیی دا دێ وەکەت ھندەک کەسێن دی د ژیانا خوە بنیاسی و مفای ژ سەربۆرێن وان وەرگری، ئەو یەک ژی دێ ئاستێ زانینا تەیا پیشەیی باشتر لێکەت و دێ کوژیێن خراب ژی بینی دا تووشی چو ئاریشان نەبی.
ئەڤرۆ نيوز:
ژ بەر بێکاریێ و نەبوونا خزمەتگوزاریان و ھەروەسا خرابیا رەوشا ئابووریێ ل پرانیا باژێرێن ئیرانێ و رۆژھەلاتێ کوردستانێ وەلاتیان دەست ب مانگرتنێ کرن، گەلەک دوکان و جھێن کاری ھاتنە داخستن و وەلاتی دبێژن ھەتا دەولەت وەکو پێدڤی ب ئەرکێ خوە نەرابیت و رەوشا ژیانا وەلاتیان باش نەکەت دێ مانگرتن یا بەردەوام بیت.
مانگرتنا ئیرانێ د دەمەکێ دایە کو بێکاری ل ئیرانێ رۆژ ب رۆژێ زێدە دبیت و دوھی بەرپرسەکێ ئیرانێ ژی راگەھاند کو نھا ل ئیرانێ ١١ ملیۆن کەس د رەوشەکا ھەری خراب یا ژیانێ دانە و نەشێن پێدڤیاتێن سەرەکی یێن ژیانێ بۆ خوە دابین بکەن.
نيشاندان