ئەڤرۆ نيوز:
چاڤ ئێک ژ ئەندامێن گرنگە، بەلێ گەلەک جاران د ناڤا جڤاکی دا نەخوشیێن چاڤان یێن جوراوجور ل جەم وەلاتیان ھەنە، مینا جەلتا چاڤی کو ژ ئەگەرێ راوەستاندنا خوینێ ئەوا ژ لاشی دگەھیتە چاڤی، ھەر دەمێ ئەف خوینە ھاتە راوەستاندن دبیتە ئەگەرێ پەیدابوونا جەلتا چاڤی.
د. ھەڤال مستەفا تایبەتمەندێ نەخۆشیێن چاڤان دیارکر گەلەک ئەگەر یێن ھەین کەسەک تووشی جەلتا چاڤی ببیت و گۆت: “ئێک ژ وان ئەگەران فشارا خوینێ و نەخۆشیا شەکرێ دیسا کولسترول، ئەف ھەرسێ نەخۆشیە ئەگەرێن سەرەکی نە کو جەلتا چاڤی بۆ کەسەکی پەیدا ببیت، بەلێ ئەڤە پتر ل جەم وان کەسان پەیدا دبیت یێن جگار کێش ئەوێن مەشروبی ڤەدخون.
د. ھەڤال مستەفا ھاریکارێ رێڤەبەرێ نەخوشخانا دھۆک یا چاڤان خویاکر پەیدابوونا جەلتا چاڤی ژ نشکەکێ ڤە بۆ نەخوشی پەیدا دبیت و گۆت: “نەخۆش دێ بێژیت ژ نشکەکێ ڤە چاڤێ من تاری بوو، یان چاڤێ وی گەلەک ئێشان دکەڤیتێ ژ ئەگەرێ وێ چەندێ یە کو فشارا چاڤێ وی یا بلند بوویی”.
تایبەتمەندێ نەخۆشیێن چاڤان دا زانین ل دەمێ پەیدابوونا جەلتا چاڤی ھندی نەخۆش زوو پێ ئاگەھـ بیت کو ژ رۆژا ئێکێ چارەسەری بۆ بھێتەکرن باشترە ژ رۆژا دویێ یان یا سیێ، دا بھێت چارەسەریێ وەربگریت، چونکو ل وی دەمی چارەسەری نە ھندا باشە.
د. ھەڤال مستەفا ئاماژە ب وێ یەکێ دا ل دەمێ پەیدابوونا جەلتا چاڤی پشکنین بۆ نەخۆشی دھێنەکرن و گۆت: “شەبەکا چاڤی دھێتە پشکنینکرن پشتی پشکنینا پێدڤی دزانین کا دەمارن یان خوینگرە ھاتیە گرتن، پاشان ل دووڤ حالەتێ نەخۆشی چارەسەری بۆ دھێتەکرن، چونکو ھندەک حالەت یێن ھەین دەرزیک بۆ چاڤی دھێتە دانان یان لێزەرێ بۆ شەبەکێ دکەن، دیسان فشارێ بیننە خوار، ھەروەسان ھندەک حالەتێن دی پێدڤی یە شەکرێ و کولسترولی بیننە خوار، چونکو ئەڤ ھەموو نیشانە دبیت بگەھنە جەلتا مێشکی ژی”.
تەکست ل سەر وێ چەندێ ژی کر کو جەلتا چاڤی دو جورن یا دەماران و یا خووینگر، بەلێ یا دەماران پتر مەترسیا خو یا ھەیی ل سەر چاڤی و گۆت: “یا دەماران دبێژن ٩٠ ھەتا ١٢٠ خولەکا چاڤ بێ خووین دمینیت، ھەکە پتر ما ل وی حالەتی چارەسەریێ مفایێ خو نینە، ھندەک جاران دبیتە ئەگەر نەخوش کورە بیت، یان ژی ئالیەکێ چاڤی دێ تاری بیت، تنێ ژ ئالیەکێ ڤە دێ بینیت، چ نشتەرگەری بۆ وان ناھێنەکرن تنێ ھەکە لێزەرێ بۆ شەبەکێ بکەن یان دەرزیکەکێ بۆ چاڤی بدانن.
نيشاندان
