ئه‌ڤرۆ نيوز:
خوارنا نانی لنک زوربەیا مرۆڤان دھێتە زانین وەکو خوارنەکا ئاسایی و ل گەل ھەموو دانان بھێتە خوارن و ھەردەم ل سەر سفرێ دھێتە دانان.
کومەکا ڤەکولەران دیار کر کو خوارنا نانی دبیت ئەگەرەکێ سەرەکی بیت بۆ تووشبوونا مرۆڤان ب خەموکیێ و وەستیانەکا توند.
ل دووڤ مالپەرێ دیلی میل یێ بریتانی ڤەکولەران ژ زانکویا لاتروب یا ئوستورالی دیار کر کو گلوتین پێکھاتەکێ پروتینیە 80% دناڤا گولیا گەنمی دا ھەیە، دبیت مرۆڤان تووشی خەموکیێ بکەت، زێدەباری ھندێ دبیت بیتە ئەگەرێ نەخۆشی و ئاریشێن ئامیرێ ھەرسکرنێ.
ڤەکولەران ڤەکۆلینەک ل سەر 14 مرۆڤان کر و چاڤدێریا سیستەمێ وان یێ خوارنێ یێن ئەو رۆژانە دخۆن کر بۆ ماوێ چەندین حەفتیان، دگەل پێشبینیا گۆھورینێن دەروونی و سەربارکێن لەشی ئەڤێن کو د وی ماوەی دا لنک وان دیار بووین.
ڤەکولەران دیت کو ھندەک مرۆڤ ژ ئاریشێن ساخلەمی یێن عەقلی دنالن چۆنکو خوارنا وان مادێ گلوتین دناڤ دا ھەیە ل دووڤ دیار کرنا مالپەرێ (الشرق الاوسط).
ئەڤ مادێ گلوتین یێ دناڤا نانی دا ھەی مرۆڤی تووشی وەرمین و تەشنجاتا دکەت.
بۆ زانین ئەڤ مادێ گلوتین ب تنێ د نانی دا نینە بەلکو د شوفان و گوشتێ لێنایی ژی ھەیە، دیسان ھندەک جورێن ڤەخوارنێن شرین و د ناڤا ھندەک دەرمانان ژی دا ھەیە مینا دەرمانێ ئەسپرین و ھندەک فیتامیناتان.
نيشاندان
