ئه‌ڤرۆنيوز:
به‌رى ده‌مه‌كێ كێم ده‌نگه‌كێ مه‌زن ل هه‌ولێرێ هاته گوهلێ بوون وپاشى دياربوو ئاگر به‌ربوويه ترومبێله‌كێ ل به‌رامبه‌ر ماجدى مول .
ژێده‌ره‌كى ژ هه‌ولێرێ بۆ ئه‌ڤرۆنيوز دياركر” وێ ترومبێلێ ب غازێ كار دكر وئه‌و ئاگره ژ ئه‌نجامێ سوتنا تانكێ غازێ يێ وێ ترومبێلێ بوو”.
ژلايێ خوه‌ڤه تارق نورى، رێڤه‌به‌رێ ئاسايشا هه‌ولێرێ بۆ رووداو گۆت” ل دووڤ پێزانينێن ده‌ستپێكى دو ترومبێلان يا لێكداى وئاگر يێ به‌ربوويه ئێك ژوان ترومبێلان وده‌نگێ مه‌زن يێ وێ بوو”.
ئه‌ڤرۆنيوز:
كۆمسيۆنا بلند يا هه‌لبژارتنان وراپرسيێ ل هه‌رێما كوردستانێ ئه‌ڤرۆ سێشه‌مبى 25/9/2018 دكۆمبوونا جڤاتا كۆمسياران دا چه‌ند بريارێن نوو ل دۆر رۆژا ده‌نگدانێ ده‌ركرن.
ژوان برياران، پشتى ب دووماهى هاتنا پرۆسا جوداكرنا هژماركرنا ده‌نگان وتۆماركرنێ ل سه‌ر فۆرما هژمار 51، پێدڤيه رێڤه‌به‌رێ ويستگه‌هێ پێزانينان ل سه‌ر ناڤێ سێ قۆلى يێ خوه وناڤێ بنگه‌هى وهژمارا بنگه‌هى وهژمارا ويستگه‌هێ بده‌ت وپاشى ناڤێن قه‌وارێن سياسى وده‌نگێن ب ده‌ستڤه هاتى يێن وان بخوينيت وهه‌موو ب شێوه‌يێ ڤيديۆيى بهێته تۆماركرن.
برياره ده‌نگدانا تايبه‌ت يا هه‌لبژارتنێن په‌رله‌مانێ كوردستانێ ل رۆژا 28/9/2018 بهێته ئه‌نجامدان وده‌نگدانا گشتى ژى ل رۆژا 30/9/2018 دێ هێته ئه‌نجامدان.
ئه‌ڤرۆنيوز:
وه‌زاره‌تا خواندنا بلند وڤه‌كۆلينێن زانستى ل هه‌رێما كوردستانێ برياره‌كا خوه راگرت كو تێدا ئاماژه كربو هه‌ر قوتابيه‌ك ددو قۆناغێن جودا دا عبور هه‌بيت، بۆنينه بچيته قۆناغا دددوڤدا، به‌لێ نوكه ئه‌و بريار هاته راگرتن وبجهئينانا وێ هاته پاشخستن بۆ سالا بهێت.
دكتۆر ئه‌حمه‌د دزه‌يى، سه‌رۆكێ زانكۆيا سه‌لاحه‌دين راگه‌هاند”ئه‌ڤ ساله وه‌زاره‌تا خواندنا بلند برياره‌ك ده‌ركر كو تايبه‌ت بوو ب وان يێن ددو قۆناغان دا ل زانكۆ وپه‌يمانگه‌هان عبور هه‌ى، كو ئه‌وێن دو عبور هه‌بن ددو قۆناغێن جودا دا،ئانكو سالێ عبوره‌ك، نه‌شێن بچنه قۆناغا دددوڤدا، به‌لێ ئه‌و بريار هاته راگرتن وئه‌ڤ ساله كار پێ ناهيته كرن”.
گۆت ژى”هه‌موو زانكۆ دكۆمبوونه‌كێ دا دهه‌ڤرا بوون كو ئه‌و برياره يا دره‌نگه بۆ ئه‌ڤ ساله وقوتابى دئاگه‌هدار نه‌بوون، له‌وماوان داخوازكر ئه‌و برياره ل سالا داهاتى يا خواندنێ بهێته بجهئينان وهه‌كه هه‌ر قوتابيه‌كى ل سالا بهێت يا خواندنێ دو وانێن عبورێ ل دو سالێن جودا دا هه‌بيت، دێ ب كه‌فتى هێته هژمارتن، به‌لێ دئه‌ڤ سالا خواندنێ دا وبۆ سالا خواندنێ يا بۆرى ژى ئه‌و بريار ناهێته بجهئينان.
ئه‌ڤرۆ نیوز ، زنار تۆڤى:
ئه‌حمه‌د مایى سكرتێرێ رۆژنامه‌ڤانى یێ مه‌كته‌با سیاسى یا پارتى دیموكراتى كوردستان د ددیداره‌كێ دا بۆ رۆژناما ئه‌ڤرۆ دیاركر: كو پۆستێ سه‌رۆك كۆمارێ عیراقێ ئیستیحقاقێ خه‌لكێ كوردستانێ یه، هه‌روه‌سا نه‌هاتیه تاپۆكرن بۆ چو حزب و ئالیان، دیسا د هه‌لبژارتنێن ئه‌ڤ ساله‌دا دیاربوو، كو ئه‌ڤ پۆسته ئیستیحقاقێ پارتى دیموكراتى كوردستانه، ئه‌ڤ پۆسته ل به‌غدا بۆ پاراستنا به‌رژه‌وه‌ندا گه‌لێ كوردستانێ یه ل به‌غدا، نه‌بۆ هندێ یه كو بازرگانى پێ بهێته كرن ببیته ژێده‌ره‌كێ مادى و ب تنێ بۆ حزبه‌كێ و بنه‌ماله‌كێ بیت، وه‌كو دیار ژى د سالێن بورى دا ئێكه‌تى نیشتیمانى كوردستان پۆستێ سه‌رۆك كۆمارێ عیراقێ وه‌كو بابه‌ته‌ك كه‌سوكى و بازرگانى مامه‌له ل گه‌ل كریه.
ناڤهاتى دیاركر ژى: د هه‌رسێ خولێن بورى دا سه‌رۆك كۆمارێ عیراقێ ژ ئێكه‌تیێ بوو، هه‌روه‌سا د وان هه‌رسێ خولان دا ئێكه‌تیێ ئێك ده‌ستكه‌فتنێ ب تنێ ژى بۆ خه‌لكێ كوردستانێ ڤه‌نه‌گه‌راندیه، دیسا د خولا سییێ دا فوئاد مه‌عسوم سه‌رۆك كۆمارێ عیراقێ بوویه، كو د سه‌ر ده‌مێ فوئاد مه‌عسومى دا كوردستان كه‌فتبوو ژێر ئاگر و ئاسن و تۆپێن سۆیاپێ عیراقێ و حه‌شدا شه‌عبى و عیراقێ كه‌ركووك ژى داگیر كر، سه‌رۆك كۆمارێ عیراقێ فوئاد مه‌عسومى ئێك هه‌لویست ژى ده‌رنه‌برى و نه‌رازیبوونا خوه دیارنه‌كر، لێ هه‌كه ل وى ده‌مى فوئاد مه‌عسومى سه‌رۆك كۆمارێ عیراقێ ده‌ست ژ پۆستێ خوه به‌ردابا و ڤه‌گه‌ریابا هه‌رێما كوردستانێ، نوكه دا كوردستان د ره‌وشه‌كا دیتر دا بیت، له‌وما ئه‌و كه‌سێ دبیته سه‌رۆك كۆمار دڤیچت نوونه‌رێ راسته‌قینه یێ گه‌لێ كوردستانێ بیت، نه‌كو نوونه‌رێ حزب و بنه‌ماله‌كێ بیت و بازرگانیێ ب وى پۆستى بكه‌ت.
ئه‌حمه‌د مایى زێده‌تر گۆت: بۆ دانانا سه‌رۆكێ هه‌رێما كوردستانێ ژى دێ ده‌نگدان بریارێ ل سه‌ر ڤى پۆسته‌ى ده‌ت و هه‌ر ئالیه‌كێ پتر ده‌نگان بینیت دێ سه‌رۆكێ هه‌رێمێ ژ وى ئالى بیت، هه‌روه‌سا بۆ مه وه‌كو پارتى جهێ سه‌رسۆرمانێ بوویه، ده‌مێ كو ئێكه‌تى نیشتیمانى كوردستان به‌ربژاره‌ك بۆ سه‌رۆك كۆمارێ عیراقێ ده‌ست نیشانكرى، بێى بۆچوونا پارتى دیموكراتى كوردستان وه‌ربگریت و ئه‌ڤه نه‌و یا چاڤه‌رێكرى بوو ژ ئێكه‌تیێ، له‌وما ئه‌م وه‌كو پارتى دبێژین، كو پۆستێ سه‌رۆك كۆمارێ عیراقێ ئێك ژ ئیستیحقاقێن هه‌لبژارتنێ یێن پارتى دیموكراتى كوردستانێ دزانین، ئه‌م ده‌ست به‌ردارى ڤى پۆستى نابیت و مه ژى به‌ربژارێ خوه هه‌یه كو ئه‌و ژى دكتۆر فوئاد حسێنه و سه‌رۆك بارزانى ئه‌و به‌ربژاره دیاركریه، هه‌ر چه‌نده ئێكه‌تیێ به‌رهه‌م سالح به‌ربژار كریه بۆ پۆستێ سه‌رۆك كۆمارێ عیراقێ، لێ ژ ئالیێ پارتى ڤه یێ قه‌بوول نینه، چونكى ئێكه‌تیێ بریاره‌كا ئێكلایه‌نى دایه، بێى كو بۆچوونا پارتى وه‌ربگریت، له‌وما پارتى دیموكراتى كوردستان پۆستێ سه‌رۆك كۆمارێ عیراقێ ب ئیستیحقاقێ خوه یێ هه‌لبژارتنا و قانوونى دزانیت، هه‌ر چه‌نده به‌رى نوكه د كۆمبوونه‌كێ دا مه ئێكه‌تى هایداركربوو، كو دێ مه به‌ربژار بۆ پۆستێ سه‌رۆك كۆمارێ عیراقێ هه‌بیت، لێ هه‌تا نوكه وان خوه بێده‌نگ كریه و به‌رسڤا پارتى نه‌دایه.
ئەڤرۆ نیوز ، زنار تۆڤی:
فابیۆ كاپێللۆ راهێنه‌رێ ئیتالی ره‌خنه‌کا توند ل كریستیانۆی و میسی دگریت و ب دوو یاریزێن بێرێز وه‌سف دکەت، ئه‌ڤە ژی ب ئەگەرێ هندێ کو ڤان هەردو یاریزانان پشکداری د مه‌راسیما زه بێست دا نه‌كر.
لوكا مۆدریچ شیا پشتی 10 سالان خه‌ڵاتێ باشترین یاریزانێ جیهانی ژ چەنگێ كریستیانۆی و مێسی ده‌ربینیت، وه‌ك كارڤەدانەکێ ڤان هەردو یاریزانان پشکداری د مه‌راسیما شه‌ڤا بوری یا فیفایێ نه‌كر.
فابیۆ كاپیللۆ راهێنه‌رێ بەرێ یێ یانا ریال مه‌درید د لێدوانەکێدا بۆ میدیایان نیگه‌رانیا خوە و توڕه‌بوونا خوە ب ئەگەرێ ئاماده‌نه‌بوونا میسی و كریستیانۆ د وی مه‌راسیمێ فیفایێ دا ده‌ربری و گوتیە: دڤێت كریستیانۆ و میسی وێ چەندێ قەبوول بكه‌ن کو وان شكەستن ئینایه و نه‌شیاینە ببنه خودانێ خه‌ڵاتێ باشترین یاریزانێ سالا 2018.
كاپیللۆ گوتیە ژی: ئه‌و هەردو یاریزانە د مەزنن، پێدڤیه ره‌وشت و مامه‌لەیا وان ژی یا مەزن بیت، بەلێ ده‌ركه‌فت کو ئەو نەشیاینە وێ راستیێ دیار بکەن کو وان شکەستن ئینایه، لەوما وان بێ رێزی ب مه‌راسیمێ فیفایل كریە و نه‌شیان رێزێ ل مۆدریچی بگرن.
ئه‌ڤرۆنيوز:
ئه‌ندامه‌كێ په‌رله‌مانێ عيراقێ ژ فراكسيۆنا پارتى ديموكراتى كوردستان ئاشكراكر، كۆمبوونين لاهۆر جنگى وئالا تاله‌بانى ل گه‌ل به‌رپرسێن به‌غدا دبێ مفانه و پۆستێ سه‌رۆك كۆمارا عيراقێ دێ ب به‌ربژارێ پارتى هێته دان.
ناسر هه‌ركى، ئه‌ندامێ په‌رله‌مانێ عيراقێ ژ فراكسيۆنا پارتى گۆت”لاهۆر جه‌نگى وئالا تاله‌بانى ب چ سيفه‌ته‌كى ل به‌غدانه ول ده‌ف لايه‌نين عيراقى نه؟ ئه‌ڤرۆ لايه‌نێ عيراقى دڤێت ل گه‌ل لايه‌نێ كوردستانى پێنگاڤان ب هاڤێژن وبچنه حوكمه‌ته‌كا بنكه فراوان، هه‌ر ئێك ژ وان دو كه‌سان چو سيفه‌ته‌كا حزبى ژى دناڤ ئێكه‌تيێ دا نينه”.
گۆت ژى” كۆمبوونێن وان چو به‌رهه‌م بۆ نابيت وه‌كو ئه‌و هزرێ بۆ دكه‌ن، چونكى ئه‌و جاره‌كادى بزاڤا لاوازكرنا قه‌وارێ هه‌رێما كوردستانێ دكه‌ن”.
ناڤبرى دداخۆيانيه‌كا رۆژنامه‌ڤانى دا زێده‌تر گۆت” ئێكه‌تيێ له‌ز ددياركرنا به‌ربژارێ خوه دا كر وب خوه ژى باوه‌رى ب وى به‌ربژارى نينه كو به‌رهه‌م سالحه، ديسا چو قانوونه‌ك ورێنكايه‌ك نينه كو ئه‌و پۆسته بۆ ئێكه‌تيێ بيت، هه‌روه‌سا نيڤا ئێكه‌تيان ژى ل گه‌ل دانانا به‌رهه‌م سالح نين وه‌كو سه‌رۆك كۆمار، ديسا ژبه‌ركو پارتى حزبا ئێكێ يه ل سه‌ر ئاستێ عيراقێ پێدڤيه ئه‌و پۆسته بۆ پارتى بيت”.
ئەڤرۆ نیوز ، زنار تۆڤی:
ئه‌ڤ شه‌ڤە ل خولا ئیسپانیا دا دێ سێ یاریێن دیتر ژ گەرا شەشێدا برێڤەچن و یاریێن دیتر سوبەهی دێ هێنە کرن.
لالیگا ئیسپانیا ل ناڤەراستا ڤێ حه‌فتیێ دا دێ گه‌رەکا دیتر برێڤەچیت و تێدا ئه‌ڤ شەڤە دێ سێ یاری هێنە کرن.
د یاریا ئێکێ دا د ئەڤ شەڤەدا و ل دەمژمێر 21:00 ئیسپانیۆل دێ ل یاریگه‌ها خوە یانا ئیبار مێهڤان کەت.
یاریا دویێ دێ ل دەمژمێر 22:00 دناڤبەرا یانا ریال سۆسیداد و رایۆڤاییکانۆ هێتە کرن ل یاریگه‌ها ئانوێتا یا تایبەت ب یانا ریال سۆسیداد ڤە.
یانا ئەتلەتیکۆ مەدرید دێ یانا هویسکا مێهڤان کەت و ئەو یاری دێ ل دەمژمێر 23:00 هێتە ئەنجامدان.
هەڤدەم سوبەهی دێ چه‌ندین یاریێن بهێز هێنە ئەنجامدان و ژ وان ژی یاریا دناڤبەرا سیڤیا و ریال مه‌درید.
ئه‌ڤرۆنيوز:
ياريكه‌رێ به‌رێ يێ هه‌لبژارتيێ كاميرۆن ويانا به‌رشه‌لونا يا ئيسپانى وياريكه‌رێ نوكه يێ يانا قه‌ته‌ر يا قه‌ته‌رى ساموێل ئيتۆ راگه‌هاند، ليونێل ميسى هه‌ر باشترين ياريكه‌ره ل جيهانێ سه‌ره‌راى نه به‌ربژاركرنا وى دليستا باشترين ياريكه‌رێن جيهانێ ل سالا 2018.
ياريكه‌رێ هه‌لبژارتيێ كرواتيا ويانا ريال مه‌دريد لۆكا مودريتش ناسناڤێ باشترين ياريكه‌ر ل جيهانێ بۆ سالا 2018 وه‌رگرت، به‌لێ ئيتۆ دبێژيت” ميسى دێ بۆمه هه‌ر مينيت باشترين ياريكه‌ر ل جيهانێ ول هه‌موو چه‌رخان”.
گۆت ژى” هنده‌ك كه‌سان ئه‌و هه‌رسێ ناڤ دليستا دووماهيێ دا دانان، به‌لێ ئه‌ڤه وێ راستيێ نا گوهۆريت بۆ من وگه‌له‌كێن وه‌كو من كو ل ده‌ف وان ميسى باشترين ياريكه‌ره ل هه‌موو ده‌مان”.
ئه‌ڤرۆنيوز:
ئه‌ڤرۆ 25 ئه‌يلولا 2018 ساله‌ك ب سه‌ر ئه‌نجامدانا ريفراندۆما سه‌ربخوه‌يا كوردستانێ ده‌رباز دبيت، ل ناڤ په‌رله‌مانێ ئورۆپى ل بروكسل پايته‌ختا به‌لجيكا، كوردستانيێن چار پارچێن كوردستانێ ئه‌و هه‌لكه‌فته ساخكر.
نه‌جمه‌دين كه‌ريم پاريزگه‌رێ كه‌ركووكێ وه‌كو به‌رگريكاره‌كێ ئه‌نجامدانا ريفراندۆمێ پشكدارى دپانێلێ دا كر ورۆهنكر كو ريفراندۆم مافێ ره‌وايێ گه‌لێ كورد بوو وبرياره‌كا دروست يا سه‌ركردايه‌تيا سياسى يا كوردستانێ بوو.
گۆت ژى” رۆژا 25 ئه‌يلولا 2017 رۆژه‌كه دديرۆكا گه‌لێ كورد دا ب زيندى مينيت وكه‌س نه‌شێت لاده‌ت، راسته پشتى وێ تووشى له‌شكرێ داگيركه‌ر بووين وگه‌لێ مه ل كه‌ركووكێ وده‌ڤه‌رێن دى ب ره‌وشه‌كا ب زه‌حمه‌ت دانه، به‌لێ ئه‌و تشته‌كێ نوو نينه دديرۆكا گه‌لێكورد دا”.
دياركر” ده‌ستخوه‌شيێ ل هه‌موو وان كه‌سان دكه‌م يێ پشكدارى دريفراندۆمێ دا كرى وپێدڤيه شانازيێ بوێ رۆژێ بكه‌ين، چونكى مه بۆ هه‌موو جيهانێ گۆت كو مه سه‌ربخوه‌يێ دڤێت ودێ هه‌ر ئه‌و رۆژه هێت”.
ئه‌ڤرۆنيوز:
يانا ريال مه‌دريد يا ئيسپانى راگه‌هاند، ياريكه‌رێ هێلا وێ يا ناڤين ئيسكۆ نشته‌رگه‌ريا سه‌ركه‌فتى يا ريڤيكا كۆره ئه‌نجامدايه.
راپۆرتێن رۆژنامه‌ڤانى يێن ئيسپانى پێشبينيێ دكه‌ن ئيسكۆ بۆ ده‌مێ هه‌يڤه‌كێ ژ ياريكه‌رنێ دووربكه‌ڤيت ژئه‌نجامێ وێ نشته‌رگه‌ريێ ودبيت دياريا كلاسيكۆى دا ل گه‌ل به‌رشه‌لونا ل 28/10/2018 ياريێ بكه‌ت.
نيشاندان