ئه‌ڤرۆ نيوز:
رۆژا دوشه‌مبى، رۆسيا راگه‌هاند كو دێ د ماوێ دو حه‌فتيان دا، سيسته‌مێ ئێس-300 يێ ئه‌ردى بۆ ئه‌سمانى راده‌ستى حوكمه‌تا سوريا كه‌ن، ئه‌ڤه ژى سه‌ره‌رايى هه‌لويستێن دژوار يێن ئسرائيل.
ئه‌ڤ راگه‌هاندنا رۆسيا پشتى حه‌فتيه‌كێ هات ژ تۆمه‌تباركرنا ئسرائيلێ ب ئه‌گه‌رێ كه‌فتنه خوارا فرۆكا رۆسيا يا له‌شكرى ل سوريا.
سێرگى شويگۆ، وه‌زيرێ به‌ره‌ڤانيا رۆسيا، ئه‌ڤرۆ دوشه‌مبى راگه‌هاند كو تێكشكاندنا فرۆكا رۆسى د حه‌فتيا بۆرى دا كو بوويه ئه‌گه‌رێ كوشتنا 15 له‌شكرێن رۆسى، مۆسكۆ نه‌چار كريه كو رێيێن به‌رسڤدانێ بگريته به‌ر بۆ زێده‌كرنا سلامه‌تيا هێزێن خوه كو ل سوريا شه‌رێ تيرۆرێ دكه‌ن.
شۆيگۆ گۆتژى: “سيسته‌مێ به‌ره‌ڤانيا هه‌وايى ئێس- 300 يێ مودرێن د ماوێ دو حه‌فتيان دا ڤه‌گوهێزيته بۆ هێزێن چه‌كدارێن سوريا”.
نيشاندان