ئه‌ڤرۆ نيوز، شه‌هلا رێكانى:
ھاریکارێ سەروکێ زانکویا پولیتەکنیکی یا دھوک بو کاروبارێن قوتابیان بو روژناما ئەڤرۆ دیار کر کو لژێر دروشمێ (زانست و شیانێن مە دێ کوردستانێ بھێز ئێخیت) و لژێر چاڤدێریا سەروکێ زانکویا پولیتەکنیکی یا دھوک (پ. د. عدنان محسن عبداعزیز) ئاھەنگا دەرچونا گەرا (6) یا قوتابیێن زانکویا پولیتەکنیکی یا دھوک (کولیژا تەکنیکی ئەندازیاری، کولیژا تەکنیکی کارگێری، پەیمانگەھا تەکنیکی دھوک، پەیمانگەھا تەکنیکی کارگێری دھوک، کولیژا تەکنیکی تەندروستی شێخان، پەیمانگەھا تەکنیکی شێخان و پەیمانگەھا تەکنیکی شنگال) دێ ھێتە گێران، ل روژا سێشەمبی رێکەفتی 25/9/2018 ل دەمژمێر(5:30) ئێڤاری ل گورەپانا چالاکیێن وەرزشی و دیدەڤانی/ پەروەردا دھوک – بەرامبەر پانزینخانا بناڤی2.
د. رەجەب ئیبراھیم حەمید ھاریکارێ سەروکێ زانکویا پولیتەکنیکی یا دھوک بو کاروبارێن قوتابیان ئاشکرا کر کو ئەڤ سالە 275 قوتابی ژ ڤان کولیژا دەرچوینە و 1233 ژ ڤان پەیمانگەھا دەرچوینە و دێ پشکداریێ د ئاھەنگا گەرا 6 یا قوتابیان دا کەن و گۆت: (پیروزباھیێ ل ھەموو قوتابیێن دەرچویی دکەم).
د. رەجەب گۆتژی: (قوتابی دشێن روبێن دەرچونێ بەرامبەر 25 ھزار دینارا ژ زانکویێ وەربگرن و ھەر دەمێ قوتابی روبە زڤراند بو زانکویێ زڤراند دێ 25 ھزار دینارێن داینە زانکویێ لێ ھێنە زڤراندن.
د. رەجەب ئەو چەندە ژی راگەھاند کو گۆت: (بو سالا نوی یا خاندنێ 7 پشکێت نوو دێ ھێنە ڤەکرن).
نيشاندان