ئه‌ڤرۆ نیوز ، نه‌وزاد هلۆرى:
ئەڤرۆ ل هه‌ولێرێ كونفرانسه‌كا تایبه‌ت بو هه‌لبژارتنێن نوونه‌رێن جڤاكێ سڤیل بۆ وه‌رگرتنا ئه‌ندامه‌تیا جڤاتا ئه‌میندارێن د ناڤ ده‌سته‌كا شه‌فیایه‌تا سامانێن دەرهاتی (صناعات استخراجیه) ب رێڤەچو ، و تێدا کومەکا رێکخراوێن جڤاکێ سڤێل دێ دەستەیەکا نوو بو ب رێڤه‌بچیت كو تێدا دێ ده‌سته‌كا نوو بو خوه‌دیێن به‌رژه‌وه‌ندى د شه‌فافیه‌تا نه‌فت و غازێ هێته هه‌لبژارتن ل عیراق و كوردستانێ، و 13 رێكخراوێن دهوكێ ژى پشكدارن.
سیروان گەردی ، سەرپەرشتیاری توری هەماهەنگی یارێکخراوان د ناڤ کونفرانسی دا بو ئەڤرۆ نیوز گوت: (چه‌ند روژێن بورى كۆمبوونا دووماهیێ بو دیاركرنا روژه‌كێ بو ئه‌نجامدانا كونفرانسى و دیاركرنا لیستا به‌ربژاران هاته‌كرن ، شه‌ش كه‌س دێ هێنه هه‌لبژارتن بو ب ده‌ستڤه‌ئینانا ئه‌ندامه‌تیا جڤاتا ئه‌مینداریێ ل به‌غدا و پارێزگەهان و کوردستانێ ژی ، ئەڤرو دێ ل هه‌ولێر هه‌لبژارتن هێنه‌كرن و هه‌مو رێكخراو د داخوازكرینه بۆ ده‌نگدانێ لسه‌ر وان شه‌ش به‌ربژارا).
زێده‌تر گوت: (هەرئێک ژ رێكخراوا ئاشتی و ئازادى، رێكخراوا ساڤان یا ژنان و مافى مرۆڤ، رێكخراوا ئوسا یا گه‌شه‌پێدانا مرۆڤى، رێكخروا به‌ر ب هه‌ڤوه‌لاتیبوونا گه‌نجان، رێكخراوا ئه‌لند بۆ دیمۆكراسیكرنا گه‌نجان، په‌یمانگه‌ها كوردستان یا وه‌زێ به‌ربژار هه‌نه ، و پێشتر ژى رۆژا 15/9/2018 ل به‌غدا هه‌لبژارتن هاتنه‌كرن كو رێكخراوێن پشكدار ژى رێكخراوا خێر یا مرۆڤاتى، رێكخراوا زر یا گه‌شه‌پێدانێ، رێكخراوا هیلال ئه‌لره‌حمه یا هاوارهاتنێ، ده‌زگه‌هێ نه‌هرێن یێ پشته‌ڤانیا شه‌فافیه‌تێ و نه‌زاهه‌تێ، رێكخراوا ئه‌لكه‌وسه‌ر یا شه‌فافیه‌تا مرۆڤاتى، سازیا نۆر یا جامیعى، كۆمه‌لا ئنیبساق یا گه‌شه‌كرن و پێشخستنێ).
ب گوره‌ى زانیاریان 13 رێكخراوێن سنوورێ پارێزگه‌ها دهۆكێ دێ پشكداریێ د هه‌لبژارتن و ده‌نگدان بو ئێك ژ وان رێكخراوان ته‌ڤلى كونگره‌ى بن ، و بتنێ به‌ربژاره‌ك ل دهوكێ هه‌یه.
بەربژارەکێ ب تنێ ل پارێزگەها دهوک د کونفرانسی د پشکدارببو و خوە ڤەکێشا ، دڤی واریدا سیروانی گۆت: (کونفرانس لسەر ئاستێ هەرێمێ بویە نەک پارێگەه ، ژبەرڤێ خوڤەکێشانا بەربژارێ دهۆک رێکەفتنەک بویە دناڤبەرا بەربژاران ، ودیسان وەک پارتی سێ بەربژار هەبوون ، و ژبەرڤێ د بیت ئێک ژ وان بو یێ دن هێلابیت).
ئەڤرۆ نیوز ، زنارێ تۆڤی:
وەسا بریارە ئەڤ سالە فلمە فیستیڤالا دهۆکێ ل 20 چریا ئێکێ بهێتە گێران، دڤی واریدا ئاواز نهێلی ژ راگەهاندنا رێڤەبەریا گشتی یا رەوشەنبیری و هونەری ل دهۆکێ بۆ ئەڤرۆ نیوز گۆت: سوبەهی ئێکشەمبی رێکەفتی ٢٠١٨/٩/٢٣ دێ پرێسکونفراسێ راگەهاندنا ئەنجامدانا گەرا شەشێ یا فلمە فیستیڤالا دهۆک یا نێڤدەولەتی هێتە سازکرن ل ئۆفیسا سەرەکی یا فیستیڤالێ ل پانوراما ئازادی ل دەمژمێر ٦ ئیڤاری، دێ هەموو کارێن فیستیڤالێ هێنە دیارکرن.
ئه‌ڤرۆ نيوز، قائید میرۆ:
بەرپرسێ ئێکێ یێ حزبا دکتۆر بەرھەم سالحی ھەموو کادرێن خۆڤە ل قەزا سۆران گەھشتیە رێزێن پارتی دیموکراتی کوردستان بەرپرسەکێ پارتی ژی دبێژیت، مە پێشوازی ل ئەڤان ھەڤالانکریە بۆ ناڤا رێزێن پارتی
عەلی عەونی، ئەندامێ جڤاتا سەرکردایەتیا پارتی و بەرپرسێ لقێ 10ێ سۆران بۆ ئەڤرۆ نیۆز دیارکر” بەری چەند رۆژان سەرۆکێ بازنەیا قەزا سۆران یا ھەڤپەیمانیا دکتۆر بەرھەم سالحی و ھەموو بەرپرس و کادرێن خۆڤە پەیوەندی ب رێزێن پارتی دیموکراتی کوردستانڤە کریە و حزبا ھەڤپەیمانی بجە ھێلایە، لەوڕا مەژی وەک پارتی پێشوازی ل ھاتنا ئەڤان ھەڤالانکریە .
عەلی عەونی گۆتژی” نوکە تشت نەمایە بناڤێ جەماعەتێن دکتۆر بەرھەمی ل سنورێ قەزا سۆران و ھەموو ھاتینە ناڤا رێزێن پارتی.
پشتی بێ ئومێدبوونا وان ژ بزاڤێن دکتۆر بەرھەم سالح سەرۆکێ ھەڤپەیمانیێ ب دیموکرایێ رۆژانە ئەندام و لایەنگرێن بەرھەم سالحی دچنە رێزێن لایەنێنی سیاسی و ھەتا نوکە ھژمارەک ژوانا گەھشتینە رێزێن پارتی دیموکراتی کوردستان.
ئه‌ڤرۆ نيوز:
ب گۆره‌يى ميدايێن ئيرانى سپێده‌هيا ئه‌ڤرۆ د چارچۆڤێ رێكخستنا نمايشه‌كا له‌شكرى دا ب هه‌لكه‌فتا ده‌سپێكرنا شه‌رێ ناڤبه‌را ئيران و عيراقێ ل سالێن هه‌شتێيان ژ سه‌دێ بۆرى، چه‌ند چه‌كداران هێرش كره سه‌ر و ته‌قه لێكر و د ئه‌نجام دا 10 له‌شكر و رۆژنامه‌ڤانه‌ك هاتنه كوشتن و زێده‌ترى 30 كه‌سان بريندار بوون و هنده‌ك ژ برينداران د ره‌وشه‌كا خرابا ساخله‌ميێ دانه.
ئاماژه ب وێ چه‌ندێ ژى كريه كو هێزێن ئه‌منى يێن ئيرانى ته‌قه ل چار هێرشكه‌ران كريه و دو كوشتينه و دو ژى ده‌سته‌سه‌ركرينه.
ب گۆره‌يى نووچه‌كێ ئاژانسا ئێسنا، هێرشبه‌ران جلكێن له‌شكرى كرينه به‌ر خوه و د پشت سه‌كۆيا تايبه‌ت يا پێشكێشكرنا گۆتنێن به‌رپرسان بۆ ماوێ 10 ده‌قيقان ته‌قه كريه.
گرته‌يه‌كا ڤيديۆيى يا ده‌مێ ئه‌نجامدانا هێرشا چه‌كدارى بۆ سه‌ر نمايشا له‌شكرى ل پارێزگه‌ها ئه‌هواز يا ئيرانێ هاته به‌لاڤكرن و ئه‌ڤرۆ نيوز ژ دى ب ده‌ست خوه خستيه.
ئه‌ڤرۆ نيوز:
ژ ئه‌گه‌رێ گه‌رده‌لوله‌كا ب هێز كو رۆژا ئه‌ينى ل نێزيك ئۆتاوايى پايته‌ختێ كه‌نه‌دا دا، ب ده‌هان كه‌س بريندار بوون و زيان گه‌هشته چه‌ندين خانوو و ترۆمبێلان، هه‌روه‌سا ب گۆره‌يى ميديايێن كه‌نه‌دا زێده‌تر ژ 130 هزار كه‌س بێ كاره‌با مان.
ئه‌نتۆنى دى مۆنت، به‌رپرسێ روودانێن ژ نشكه‌كێ ڤه ل ئۆتاوا ب ميديايێن كه‌ندا راگه‌هاند كو ژ ئه‌گه‌رێ ئه‌وێ گه‌رده‌لولێ 30 كه‌س بريندار بوون و برينا پێنج كه‌سان يا دژواره.
هه‌روه‌سا كۆمپانيا هايدرۆكێبێك كو به‌رپرسه ژ دابينكرنا كاره‌بێ، راگه‌هانديه كو ئێڤاريا رۆژا ئه‌ينى زێده‌تر ژ 130 هزار كه‌سان ژ ئه‌گه‌رێ كارتێكرنێن گه‌رده‌لۆلێ بێ كاره‌ب مان.
To everyone dealing with the aftermath of the tornado in Dunrobin, ON & the Ottawa-Gatineau area – stay safe, follow the instructions of first responders and check in with people who might need extra help. We’re monitoring the situation and thinking of everyone affected. #onstorm
— Justin Trudeau (@JustinTrudeau) September 21, 2018
جه‌ستن ترودۆ، سه‌رۆك وه‌زيرێن كه‌نه‌دا داخوازێ ژ وه‌لاتيێن وه‌لاتێ خوه دكه‌ت ل وان جهێن گه‌رده‌لۆلێ كارتێكرن هه‌بوويه، هه‌موو سه‌ره‌دانا هه‌ڤسۆيێن خوه بكه‌ن بۆ وێ چه‌ندێ ژ ساخله‌ميا ره‌وشا وان پشت راست بن.
ئەڤرۆ نیۆز، قائید میرۆ:
سپێدەھیا ئەڤرۆ رۆژا شەمبی محەمەد حەلبووسی سەرۆکێ جڤاتا نوونەرێن عێراقێ گەھشتە ھەولێرێ و بڕیارە دگەل سەرۆک بارزانی لدۆر رەوشا نوکەیا عێراقێ کۆمببیت.
بەشیر خەلیل جێگرێ سەرۆکێ پەرلەمانێ عێراقێ دیارکر” سەرەدانا محەمەد حەلبووسی ژبۆ ھەرێما کوردستانێ بمەرەما ھاڤدیتنایە دگەل لایەنێن کوردی و بڕیارە دچوارچوڤێ سەرەدانا خوەدا حەلبووسی دگەل بارزانی کۆمببیت و تێدا بەحسێ رەوشا نوکەیا عێراقێ و پێک ئینانا حوکمەتا نوویا عێراقێ بھێتەکرن.
ژ لایێ خۆڤەژی دکتۆر مەیادە محەمەد نەجار پەرلەمانتارا پارتی لبەغدا بۆ ئەڤرۆ نیۆز پشتڕاستکر” تنێ ئێک رۆژ مایە پارتی و ئێکەتی خوە ئێکلا بکەن بۆ دیارکرنا بەربژێرەکێ ھەڤبەش بۆ وەرگرتنا پۆستێ سەرۆک کۆمارێ عێراقێ و ھەگەر نەھێتە ئێکلاکرن دێ ھەدو حزبا بەربژێرێن خوە ھەبن.
ئەڤرۆ نیوز ، زنار تۆڤی:
هێز و پارتێن سه‌ره‌كی یێن شیعی ل عیراقێ ل سه‌ر به‌ربژارێ سه‌رۆك وه‌زیرێن عیراقێ رێككه‌فتینه و ئەو د چاڤه‌رێ نە پشتی هه‌لبژارتنا سه‌رۆك كۆماری ئەو پۆستە بهێتە راگه‌هاندن.
هه‌ڤپه‌یمانیا بینا یا هادی عامری و نوری مالكی رێككه‌فتنا خوه ل گه‌ل هه‌ڤپه‌یمانیا چاكسازی و ئاڤه‌دانكرنێ یا موقتەدا سه‌دری و عه‌بادی ل دۆر پۆستێ سه‌رۆك وه‌زیری راگه‌هاندیە و دیاركر، کو به‌ربژارێ سه‌رۆك وه‌زیرێن عیراقێ دێ پشتی هه‌لبژارتنا سه‌رۆك كۆماری ب رەنگەکێ راسته‌وخۆ هێتە راگه‌هاندن.
د هەمان دەمدا عامر ئه‌لفایز په‌رله‌مانتارێ هه‌ڤپه‌یمانیا بینا راگه‌هاندیە، کو لدووڤ رێككه‌فتنا ده‌ستپێكی ئەو به‌ربژارێ بۆ سه‌رۆك وه‌زیریێ رێككه‌فتن ل سه‌ر هاتیه كرن، ژ هه‌ڤپه‌یمانیا فەتح و سائیرون نینه، به‌لكو ب شێوەکێ ل هەڤهاتن هاتیه ده‌ستنیشان كرن.
هەروەسا نوکە ئالیێن شیعی به‌حسێ عادل عه‌بدولمه‌هدی دکەن بۆ وەرگرتنا پۆستێ سه‌رۆك وه‌زیران، دیسا پشتی عه‌بادی خوه ژ هه‌ڤركیێ ڤه‌كێشای، هه‌ڤپه‌یمانیێن فەتح و سائیرون ژی ئاماژه ب هندێ كریه، کو ئه‌و ل سه‌ر عادل عه‌بدولمه‌هدی رازیبووینه بۆ وەرگرتنا پۆستێ سەرۆک وەزیران.
ئەڤرۆ نیوز ، زنار تۆڤی:
پەیڤدارێ پارتی دیموكراتی كوردستان راگەهاند، کو ل ڤێ حەفتیێ پارتی دێ ناڤێ بەربژارەکێ بۆ پۆستێ سەرۆك كۆمارێ عیراقێ پێشكێشی پەرلەمانێ عیراقێ کەت و دێ كار کەت بۆ هندێ کو بەربژارێ پارتی دەنگێن پێدڤی ب دەستڤە بینیت.
مەحمود محەمەد پەیڤدارێ مەكتەبا سیاسی یا پارتی دیموكراتی كوردستان گۆتیە، بریاربوو ل گەل ئێکەتیێ ل سەر دیاریكرنا بەربژارەکێ بۆ پۆستێ سەرۆك كۆماری رێكبكەڤین، بەلێ ئەوان بێی کو مە ئاگەهدار بكەن، بەربژارەک بۆ وی پۆستی دیار كریە.
پەیڤدارێ پارتی بۆ k24 گوتیە، لدووڤ ئیستیحقاقان دیاركرنا بەربژارەکێ بۆ پۆستێ سەرۆك كۆماری مافێ پارتیە، ئەڤ پرسە ژی مە پێشتر ل گەل ئێکەتیێ بەحس کریە، بەلێ بریارا پارتی ئەوە کو بەربژارێ خوە بۆ پۆستێ سەرۆك كۆماری هەبیت و دێ كاری ژی بۆ دەرچوونا وی بەربژاری کەت.
نيشاندان