ئه‌ڤرۆنيوز:
ڤیتامین (د) ئێک ژ ١٢ ڤیتامینێن سەرەکی یە کو لاش یێ پێدڤی و کێم بونا وێ خرابیەکا مەزن ھەیە و ب شێوەکێ گشتی ل دەف تەڤا مروڤان یێ کێمە تایبەت ژنا دوگیان.
ئه‌مه‌ل عه‌بدولحه‌كيم، نوشدارا تایبەتمەندا ژن و زارۆکبوونێ بو نوش نیوز گۆت” بۆ پاراستنا ساخلەمیا زارۆی پێدڤیە بەری ژن ب دوگیان بکەڤیت چەندین پشکنینا ئەنجام بدەت ب تایبەت یا ڤیتامین(د) چونکو ئێک ژ ئاریشێن مەزنە یێن ژنا دوگیان دکەڤیتێ د ماوێ دوگیانیێ دا”.
گۆت ژى”یا پَدڤیە رێژا ڤیتامین (د) ل دەف ژنا دوگیان(٣٠/تا /٥٠ )بیت چونكى زارۆیێ وێ ڤیتامین (د)ب رێیا خوارن و ڤەخوارنێن ئەو دخوت دبەت لێ ھەکە رێژاوێ یا کێم بو ژ ھەستیێن دایکا خو دمێژیت و ل پاشەروژێ دایک توشی پێتی بونا ھەستیان دبیت”.
دیسا دیار کر:کو رێژا ڤیتامین (د) ب شێوەکێ گشتی کێم بویە ل دەڤ ھەمو مروڤان و ھندەک ھەنە رێژا وی د لاشێ واندا گەھشتیە ٢ نانوگراما.
ڤیتامین (د) دڤان سەرچاواندا ھەیە.
• د تیشکا روژێ دا ب شێوەکێ گشتی لێ یا پێتڤیە تیشکا روژێ راستەو خو ب کەڤیتە سەر پیستی چ کرێمن دژی تیشکێ بکار نە ئینن باشترین دەم خو بدەنە تیشکا روژێ ٩ سپێدێ تا ١١ بو ماوێ چارێکەکێ ھاریکارە رێژا ڤیتامین (د) دلاشێ واندا دروست بیت.
• خوارن و ڤەخوارن ھندەک خوارنا رێژەکا زورا ڤیتامین (د) دناڤ دایە ژ وانژی( ماسی و پرتەقال و شیر و کڤارک و ھێک و ماست و پەنیر و چەرەزات).
• دیسان برێکا دەرمانا کو ژلایێ نوشداری ڤە دھێتە دان.
د.امل گۆت: کێم بونا ڤیتامین (د) ل دەف ژنا دوگیان دێ بیتە ئەگەرێ:
• نەبونا خوارنێن پری ڤیتامین (د) دناڤ خوارنا دایکێ دا دێ بیتە ئەگەر زارو ژ ڤیتامینێ دایکا خو ببەت و بیتە ئەگەرێ پیتی بونا ھەستیێن وێ.
• توشی ژەھراویبونێ دبیت د ماوێ دوگیانیێ دا.
• ھەستین زاروی باش گەشەناکەن رێژەکا مەزن مەترسیا ھەی سەقەت بیت پشتی ژ دایک دبیت.
نوشدارا تايبه‌تمه‌ندا ژن وزارۆكبوونێ دياركرژى” پێدڤیە ھەمی کەس سەرەدانا نوشدارا بکەن و پشکنینێن ڤیتامین (د) بکەن و چارەسەریێ وەربگرن چونکو گەلەک جاران کێم بونا ڤیتامین (د) دبیتە ئەگەر ژن ب دوگیان نەکەڤیت و دیسان توشی جەلتا دلی دبیت و دەرونێ وێ تێک بچیت بەردەوام ھەست ب بێخیرەتیێ بکەت”.
نيشاندان