ئه‌ڤرۆنيوز:
رێڤه‌به‌ريا گشتى يا كه‌شناسيێ وبيڤه‌له‌رزان ل هه‌رێما كوردستانێ راگه‌هاند، پێشبينى دهێته كرن پلا گه‌رمێ سوباهى سێشه‌مبى 18/9/2018 ل پارێزگه‌ها دهۆكێ 36 بيت.
پلا گه‌رمێ سوباهى ل پاريزگه‌ها دهۆكێ چه‌نده؟
نووترين نووچه
- هیڤیدارین ئەنجامێن هەلبژارتنان د خزمەتا ڤەژاندنا هەرێمێ دا بن
- پێدڤییە وەلاتی ژ ململانێیا هەرێمی دووربێخین
- كۆمبوونا مەسرور بارزانی و سۆدانی دێ ئەنجامێن باش هەبن
- سەرۆكێ هەرێما كوردستانێ و قونسلێ ئەلمانیا پێكئینانا حوكمەتا هەرێمێ گەنگەشەكر
- نێچیرڤان بارزانی پێشوازی ل قونسلێ مسرێ كر
- مەسرور بارزانی بۆ سۆدانی: پێدڤییە مووچە ژ ناكۆكییا سیاسی بهێتە دوورئێخستن
- گۆتن و کریارێن دەستهەلاتێ ل دۆر پرسا کوردی گەلەک ژێک دوورن
- سەرۆك بارزانی: دانیێل میتێران رۆلەكێ گەلەك مەزن د بەرگریكرنێ ژ دۆزا گەلێ كورد دا هەبوو
- نێچیرڤان بارزانی: پێکڤە دێ شێین روو ب روویێ گوهۆڕینا سەقای بین
- پێدڤییە سەرژمێری بۆ مەبەستێن سیاسی نەهێتە بكارئینان
سهرهكى Twitter
هه‌لبژارتيێ عيراقێ دێ ياريێ ل گه‌ل هه‌لبژارتيێ ئه‌رجه‌نتين كه‌ت
ئه‌ڤرۆنيوز:
ئێكه‌تيا ته‌پا پێ يا عيراقى ئه‌ڤرۆ دوشه‌مبى 17/9/2018 كۆمبوو وتێدا چه‌ندين بريار ده‌ركرن.
ئێكه‌تيا عيراقى يا ته‌پا پێ دكۆمبوونا خوه دا رازيبوونا خوه ل دۆر پشكداريا هه‌لبژارتيێ عيراقێ د قاره‌مانيا نيڤده‌وله‌تى يا هه‌ڤالينى ل سعوديه ل هه‌يڤا داهاتى، كو ل رۆژا 11/10/2018 دێ ياريا خوه يا ئێكێ ل گه‌ل هه‌لبژارتيێ ئه‌رجه‌نتين كه‌ت وياريا دويێ ل رۆژا 16/10/2018 دێ ل گه‌ل هه‌لبژارتيێ سعوديێ كه‌ت.
هه‌روه‌سا رازيبوون ل سه‌ر ئه‌نجامدانا ياريه‌كێ دناڤبه‌را هه‌لبژارتيێ عيراقێ وهه‌لبژارتيێ بوليفيا ل 15/11/2018 وپێشكێشكرنا لێبۆرينه‌كێ بۆ هه‌ردو ئێكه‌تيێن ته‌پا پێ يێن عومانى ولوبنانى ل دۆر نه ئه‌نجامدانا هه‌لبژارتيێ عيراقێ بۆ ياريێ ل گه‌ل وان هه‌ردو هه‌لبژارتيان ل هه‌يڤا كو برياربوو ل هه‌يڤا داهاتى بهێنه ئه‌نجامدان.
عه‌بادی ل دۆر سنورێ عيراقێ وتوركيا برياره‌ك ده‌ركر
ئه‌ڤرۆنيوز:
دكۆمبوونه‌كا جڤاتا وه‌زارى يا ئسايشا نيشتمانى يا عيراقى ب سه‌رۆكاتيا حه‌يده‌ر عه‌بادى سه‌رۆك وه‌زيران وفه‌رماندێ گشتيێ هيزێن چه‌كدار، بريار هاته دان ب مه‌ره‌ما رێگرتنێ ل پێشێلكاريێن توركيا، سنورێ دناڤبه‌را عيراقێ وتوركيا ل هه‌رێما كوردستانێ ب زێره‌ڤانێن سنورى بهێته كونترۆلكرن.
دكۆمبوونێ دا به‌حسێ ئاسايش وسه‌قامگيرى وكونترۆلكرنا سنورێن عيراقێ ب هه‌رێما كوردستانێ ژى ڤه هاته كرن وزێده‌گاڤيێن توركيا ب پێشێلكارى به‌رامبه‌ر سه‌روه‌ريا ئاخ وئه‌سمانێ عيراقێ هاته هژمارتن.
عه‌بادى داخواز ژ وه‌زاره‌تا ده‌رڤه يا عيراقێ كر وان پێشێلكاريين توركيا ل نه‌ته‌وين ئێكگرتى ب به‌لگه بكه‌ت.
سه‌رۆك بارزانی پیرۆزباهیێ ل محه‌مه‌د حه‌لبوسی دكه‌ت
ئه‌لمانيا: پێدڤيه هاريكاريا له‌شكرى يا زێده‌تر بۆ پێشمه‌رگه‌ى بهێته كرن
ئه‌ڤرۆنيوز:
وه‌زيرا به‌رگريا ئه‌لمانى ئه‌ڤرۆ دوشه‌مبى 17/9/2018 ب سه‌ره‌دانه‌كێ گه‌هشته هه‌رێما كوردستانێ و سه‌ردانا سه‌رباز وراهينه‌رێن له‌شكرى يێن ئه‌لمانى ل فێرگه‌ها مه‌شقا بنه‌سلاوه ل هه‌ولێرێ كر.
ئۆرسۆلا ڤۆنده‌رلاین، وه‌زيرا به‌رگريا ئه‌لمانى دكۆنگره‌كێ رۆژنامه‌ڤانى دا رۆلێ پێشمه‌رگه‌ى بلند نرخاند وراگه‌هاند” چو جاران داستانێن پێشمه‌رگه‌ى ل شه‌رێ دژى داعشێ ژبير ناكه‌ين”.
گۆت ژى” سوپاسيا پێشمه‌رگه‌ى دكه‌م بۆ وێ ئازايه‌تيا هه‌ى وشياى داعشێ بشكێنيت”.
وه‌زيرا به‌رگريا ئه‌لمانى رۆناهى خسته سه‌ر دووماهى گوهۆرينێن ل هه‌رێما كوردستانێ وراگه‌هاند” پێدڤيه هاريكاريا له‌شكرى يا زێده‌تر پێشكێشى پێشمه‌رگه‌ى بهێته كرن، چونكى راسته رێكخراوا تيرۆرستى يا داعشێ يا هاتيه شكاندن، به‌لێ ئايديۆلۆژيا داعشێ يا ماى”.
به‌رنامه‌كێ 5 سالی بۆ پارێزگه‌هێ دهێته گه‌نگه‌شه كرن
ئه‌ڤرو به‌ری نیڤرو 17/9/2018 فه‌رهاد ئه‌مین ئه‌تروشی پارێزگه‌رێ دهوكێ پێشوازیا شانده‌كێ هه‌فپشكێ وه‌زاره‌تا نه‌خشه‌دانا ئێراقا فیدرال و به‌نكا ده‌واله‌تی ب سه‌روكاتیا دكتوره (نجلا علی ) رێڤه‌به‌را نه‌هێلانا هه‌ژاریێ ل عیراقێ كر .
دهه‌ڤدیتنه‌كێ دا به‌حسێ سه‌روبه‌رێ پارێزگه‌ها دهوكێ و كارتێكرنا هه‌بونا هژماره‌كا زور یا ئاواره و په‌نابه‌را ل سه‌ر كه‌رتێن ژیانا هاولاتیان و چوانیا گه‌هاندنا خزمه‌تان هاته كرن
پارێزگه‌رێ دهوكێ كورتیه‌ك دا سه‌ر كارو خزمه‌تێن كارگێریا پارێزگه‌ها دهوكێ بو هاولاتیان و كه‌مپێن ئاواره و په‌نابه‌را پێشكێش دكه‌ت و ئاماژه كره پێدڤیێن پارێزگه‌هێ و كه‌مپێن ئاواره و په‌نابه‌ران ,
دلایه‌كێ دیێ هه‌ڤدیتنێ دا سه‌روكا شاندێ نافبری ب تێر و ته‌سه‌لی به‌حسێ به‌رنامێ وان یێ سندوقا گه‌شه‌پێدانا جڤاكی كو دگه‌ل به‌نكا ده‌ولی هاتیه به‌رهه‌ف كرن بو به‌رسینگگرتنا هه‌ژاریێ و بجهئینانا هژماره‌كا پروژان ل گوند و ده‌ڤه‌رێن پێدڤی ب خزمه‌تان و داخازیا پشته‌ڤانی و هاریكاریا كارگێریا پارێزهێ بو سه‌ركه‌فتنا به‌رنامه‌ی كر , پارێزگه‌رێ دهوكێ هه‌می به‌رهه‌ڤیا كارگێریا پارێزگه‌هێ بو پشته‌ڤانی و هاریكاری كرنا به‌رنامێ وان دوپاتكر ,
دیڤدا كومبونه‌كا به‌رفره‌ه دگه‌ل جێگرێ پارێزگه‌رێ دهوكێ بو كاروبارێن ته‌كنیكی (ئوسمان یونس ) و رێڤه‌به‌رێن گشتی یێن ساخله‌میێ و چاڤدێریا جڤاكی و باژێرڤانیا و په‌روه‌ردێ و چاندنێ گرێدا تێدا به‌حسێ به‌رنامه‌ی و چاوانیا ده‌ستپێكرنا وی هاته كرن و گوهداریا به‌رهه‌ڤبویا كر و پێدڤیێن كه‌رتێن خو دیار كرن و به‌رهه‌ڤیا خو دیار بو هاریكاری كرن و پشته‌ڤانی كرنێ ل به‌رنامێ وان .
ل دیماهیێ دكتوره نجلا علی رێڤه‌به‌را به‌رنامه‌ی ل وزه‌زاره‌تا نه‌خشه دانا ئێراقێ دداخویانیه‌كێ دا دیار كر كو ئارمانج ژ سه‌ره‌دانێ ئه‌وه به‌رنامه‌ی بو پارێزگه‌رێ دهوكێ و رێڤه‌به‌ریێن په‌یوه‌ندیدار ب ده‌نه نیاسین و پشته‌ڤانی و هاریكاریا وان هه‌بیت ,
هه‌روه‌سا گوت ئه‌ف به‌رنامه ب پشته‌ڤانیا به‌نكا ده‌ولی دێ هێته بجهئینان و ل هه‌می ئێراقێ جارێ بو قوناغا ئێكێ بتنێ سێ پارێزگه‌ه هاتینه ده‌ست نیشان كرن ئه‌وژی پارێزكه‌ها مسه‌ننا ل ژێریا ئێراقێ وه‌كو هه‌ژار ترین پارێزگه‌ه و ل ناڤه‌راستا ئێراقێ پارێزگه‌ها تكریت و هه‌رێماكوردستانێ دهوك وه‌كو هژارترین پارێزگه‌ه و هژماره‌كا زور یا ئاواره و په‌نابه‌رێن سوری تێدا هاتینه ده‌ست نیشان كرن كو ڤی به‌رنامه‌ی تێدا بجه بینین و دماوێ ڤان 5 سالا دا دێ بزاڤێ كه‌ین هه‌می پارێزگه‌هێن ئێراقێ ل دیف هه‌ژاریێ بخو ڤه بگریت ,
هه‌روه‌سا گوت دێ دبوارێن په‌روه‌ردێ و رێك و بانا و ئاڤێ و ئاڤ رێژا وساخله‌میێ دا كر كه‌ین و پروژێن بچیك بجهئینین ل دیف پێدڤیا هه‌ر ده‌ڤه‌ره‌كێ وئه‌ف به‌رنامه بو ماوێ 5 سالایه وه‌ك قوناغا ئێكێ و یی جودایه ژ به‌رنامێن حكومه‌تا فیدرال و ل پارێزگه‌ها دهوكێ 10 گوند هاتینه ژێگرتن كو پێدڤی ب هاریكاری و پشته‌ڤانیێ نه ,
هه‌روه‌سا دكتوره نجلا علی گوت دڤی به‌رنامه‌ی دا بزاڤ هێته كرن قه‌رێن بچیك ناوه‌ندی بهێنه دان داكو بێكاری بهێته كێمكرن و گوت دێ سه‌حكه‌ینێ كا هه‌ر ده‌ڤه‌ره‌ك یان گونده‌ك پێدڤی ب چ پروژه‌ی و هاریكاری هه‌یه دا بو ئه‌نجام بده‌ین ,
بو 5 سالا مه‌بله‌غێ 300 ملیون دوزلارا ز به‌نكا ده‌ولی هاتینه وه‌رگرتن بو ڤێ سندوقێ و پشتی ئه‌ف به‌رنامه دبیته یاسا ل بریار ل سه‌ر دهێته دان دێ گه‌له‌ك ده‌رگه‌هین دی بو هاریكاریا ڤی به‌رنامه‌ی هه‌بن وه‌كو حكومه‌تا ئێراقێ و هاریكاریێن نێف ده‌وله‌تی و قه‌رێن بێ فایده لێ دسالا ئێكێ هه‌تا یاسا ده‌ردكه‌فیت دێ دسنور دار بیت و دێ بجهئینانا به‌رنامه‌ی ب رێكا وه‌زاره‌تا نه‌خشه دانا ئێراقا فیدرال و ب هه‌فكاریا حكومه‌تێن نافخویی یێن پارێزگه‌ها بیت .
باژێرڤانيا هه‌ولێرێ دێ پارچێن ئه‌ردى يێن روكن فرۆشيت
ئه‌ڤرۆنيوز:
سه‌رۆكێ باژێرڤانيا هه‌ولێرێ راگه‌هاند كو باژێرڤانى دێ پارچێن ئه‌ردى يێن روكن ل باژێرێ هه‌ولێرێ فرۆشيت.
سامان بلباس، سه‌رۆكێ باژێرڤانيا هه‌ولێرێ بۆ كوردستان 24 گۆت” ئه‌و پارچێن ئه‌ردى يێن روكن وناياب مۆلكێ حوكمه‌تێ نه وب رێيا سه‌رئێك زێده‌كرنا ئاشكرا دێ هێنه فرۆتن”.
گۆت ژى” هه‌موو داهاتێ فرۆتنا وان پارچێن ئه‌ردى يێن روكن دێ ل پرۆژێن خزمه‌تگوزارى وه‌كو قيركرنا جادێن هه‌ولێرێ هێنه خه‌رجكرن”.
ناڤبرى دياركر” دئه‌ڤ ساله‌دا 16 پرۆژێن خزمه‌تگوزارى ب داهاتێ فرۆتنا وان پارچێن ئه‌ردى يێن هاتينه بجهئينان ژوان قيركرنا 200 هزار مه‌ترێن چارگۆشه يێن جاده وكۆلانێن هه‌ولێرێ.
وه‌زاره‌تا دارايى برياره‌كێ ل دۆر مووچێ فه‌رمانبه‌ران ده‌ردكه‌ت
ئه‌ڤرۆنيوز:
وه‌زاره‌تا دارايى وئابوورى ل هه‌رێما كوردستانێ برياره‌ك ل دۆر مووچێ فه‌رمانبه‌را ده‌ركر وهژماره‌كا وه‌زاره‌ت وده‌سته‌يان ئاگه‌هدار دكه‌ت.
ل دووڤ نڤيساره‌كا وه‌زاره‌تا دارايى كو ئيمزا رێباز حه‌ملان ل سه‌ره، تێدا 10 وه‌زاره‌ت وده‌سته‌يان ل دۆر ڤكرنا هژمارا بانكى بۆ مووچێ فه‌رمانبه‌ران ئاگه‌هدار دكه‌ت.
دوێ نڤيسارا وه‌زاره‌تا دارايى دا هاتيه” ب فه‌رموون بۆ ڤه‌كرنا هژمارا بانكى ب ناڤێ مووچێ هه‌موو فه‌رمانبه‌رێن فه‌رمانگه‌هێن سه‌ر ب وه‌زاره‌تا هه‌وه كو ناڤێن وان وناڤێن بانكين وان دليستا هه‌ڤپێچ دا هاتيه وئاگه‌هداريا رێڤه‌به‌ريا ته‌كنه‌لۆژيا بانكى بهێته كرن بۆ كارێ پێدڤى”.
رۆهنكر ژى” هه‌كه هه‌ر فه‌رمانگه‌هه‌كێ فه‌رمانبه‌رێن وێ هژمارا مووچه‌يى هه‌بيت، پێدڤى ب ڤه‌كرنا ڤێ هژمارێ ناكه‌ت”.
مەسرور بارزانی:72 سالە پارتی سۆزا خوە بەرامبەر قوربانی دانا كوردستانێ بجه دئینیت
ئەڤرۆ نیۆز،رەمەزان هەرنی:
ئەڤرۆ 17/9/2018 ل چارچوڤێ ئاهەنگێن بانگەشا لیستا 183 یا پارتی دیموكراتی كوردستان ل قەزا ئاكرێ ب بەرهه‌ڤبوونا مەسرور بارزانی ئەندامێ مەكتەبا سیاسی پارتی دیموكراتی كوردستان هژمارەكا بەرچاڤا جەماوەرێ دەڤەرێ ئاهەنگا ناساندنا بەربژارێن پارتی ل سنورێ لقێ 9 ل ئاكرێ هاتە سازكرن.
مەسرور بارزانی ئەندامێ مەكتەبا سیاسی پارتی دیموكراتی كوردستان د پەیڤەكێ دا راگەهاند : ئاكرێ ئەو دەڤەرە كو ب رەنگەكێ گشتی دەرگەهێ راپەرینێ بوویە بۆ بەهدینا ، ل وێ رۆژێ ب خوینێ و زەحمەتێ سەلماندیە كو پشتەڤانێن رێبازا بارزانیێ نەمر و خوینا شەهیدانە ، هندی رژێما شوفینی ل عیراقێ بزاڤ كرن كو شوونوارێن كوردەواری و نیشتیمان پەروەری ل كوردستانێ تایبەت ل ڤێ دەڤەرێ نەهێلیت، ب خوراگریا خەلكێ دەڤەرێ هەوە سەلماند كو كەلها ئاكرێ چەند یا ب ناڤوده‌نگه، ئەڤ دەڤەرە كەلها پارتی و رێبازا سەرفرازی و سەرخوبۆنێ یە .
مەسرور بارزانی د پەیڤا خوەدا گوت ژی : ئەڤ هەلبژارتنە بۆمە دگرنگن ژبەركو ئەو بەربژارێن باوه‌ريا وه‌لاتيان ب دەست ڤەدئینن و دچنە پەرلەمانێ دێ كاریگەری هەبیت ل سەر چارەنڤیسێ كوردستانێ و ژیانا وه‌لاتيان، هه‌كه بەربژارێن پارتی نەگەهنە پەرلەمانی، دێ بەربژارێن دی گەهن پەرلەمانی و رەنگە وی دەمی ل بەرژه‌وەندیا كوردستانێ بریار نەهێتە دان ، هێشتا رێيەكا درێژ بۆ دیاركرنا چارەنڤیسێ كوردستانێ ل هەمبەری مەیە ، لەورا پێدڤیە رێبازا پیروزا پارتی و بارزانی سەركێشا وێ دوزێ بیت ، سەرەرای كو پارتی چو سالان موساومە نەكریە ل سەر مافێ خەلكێ كوردستانێ ل پاشه‌رۆژێ ژی چو موساوما ناكەت ، ل دەمێ بۆری تووشی گەلەك ئاریشاو نەخوه‌شیا بووین، هێرشا دوژمنێن تیرورست و پلانێن نەحەزان هەموویان دخواست كوردستان وەكو قەوارەیەك وەكو نیشتیمانەك نەمینیت ، بەلێ قەهرەمانیا ملەتێ و قوتابیێن قوتابخانا رێبازا پارتی و بارزانی بەری هەمو كەسی سینگێ خوە كرە چەپەر بۆ بەرەڤانی كرنێ ژ دەستكەفتان و زیدەتر ب دەستڤەئینانا دەسكەفتان ، پارتی روحا خوە دایە هەمبەر كوردستانێ .
مەسرور بارزانی ل زێده‌تر گوت : پێشمەرگە ئەو قەهرەمانە بوون كو دسەنگەران دا بۆ خوە بتنێ نەبوو، بۆ هەموويان بوو ئەوێن ل مالێن خوەژی روونشتی دڤێت بزانن هەموو قەردارێن خوینا شەهیدانە،ئەڤرۆ ل سەر مە ئەركە بەرامبەر وێ زەحمەتا پێشمەرگەیان و خوینا شەهیدان وەفاداربین رێبازا وان سەر بێخین ،نەكو ب دەنگێ خوە، بەلكو ب خوین سەرو مال وەفاداربین بەرامبەر خوینا شەهیدان و خەباتا پێشمەرگەی.
مەسرور بارزانی ئەندامێ مەكتەبا سیاسی پارتی د بەردەوامیا په‌يڤا خوەدا دیاركر : بەردەوام مە گوتیە و دڤێت حۆكمەتەكا ب هێز بهێتە دامەزراندن و درووشمێ هەلبژارتنا ژی ئاڤەدانكرنا كوردستانەكا ب هێزە ، ژ بیرنەكەن كوردستانەكا ب هێز ب دەنگێ هەوە دروست دبیت ، هه‌كه روژا 30 ێ ئه‌یلولێ پشكداریێ ل هەلبژارتنا بكەن و دەنگی بدەن بەربژارێن پارتی دێ بەرەڤانیێ ل مافێن هەوە كەن و بەرهەڤنابن كوردستانێ بفروشن، ،پارتی ل رۆژا دامەزراندنێ هەتا ئەڤرۆ خزمەتكارا ملەتێ خوە بوویە بەرنامێ وێ ئەوە ملەت سەروەر بیت و دەستهەلات داربیت و بریاردەربیت ، ژلایێ رێبازا پارتی و بارزانی دەستهەلات خزمەتكارا مله‌تى يه ومله‌ت بریار دەرە ملەت ب دەنگێ خوە بریاری ددەتن ، مەباوەری ب پێكڤە ژیانیێ هەیە ب وان كەسان ژی هەیە كو ل سەر بابەتێن نیشتیمانی و بەروەژندیا نیشتیمانی ل گەل پارتی و هەڤپەیمانا ل حوكمەتا داهاتی شریك بن مەدڤێت كەس نەبیتە رێكر ل ئەجیندایا پارتی بۆ ئاڤه‌دانیێ و چاكسازیێ و بەرەڤانیێ ، چو سۆزا نادەین، بەلێ 72 سالە پارتی سوزا خوە بەرامبەر قوربانی دانا كوردستانێ بجه دئینیت .
فرۆکێن تورکی دەڤەرا بەرواری بالا بۆمبە بارانکر
ئەڤرۆ نیوز ، زنار تۆڤی:
ئه‌ڤرۆ دوشه‌مبى 17 ئیلۆنا 2018 جارەکادی فرۆکێن سۆپایێ توركیا دەڤەرا به‌روارى بالا بۆمبە باران كر و چەندین بۆمبە ل ڤێ دەڤەرێ داینە.
حسێن عارف وەلاتیەکێ ڤێ دەڤەرێ یە بۆ ئەڤرۆ نیوز دیارکر: ب بەهانەیا هەبوونا چەکدارێن پەکەکێ ل ڤێ دەڤەرێ ئەڤرۆ دوشەمبی فرۆکێن سۆپایێ تورکی چیایێ زنارا کێستە یێ کو دکەڤیتە باکورێ گوندێ کێستە ل دەڤەرا بەرواری بالا بۆمبه بارانکر و گۆت ژی: ئەڤە چەندین جاران زنارا کێستە ژ لایێ فرۆکێن تورکیاڤە هاتە بۆمبە بارانکرن.
نيشاندان
WP Facebook Auto Publish Powered By : XYZScripts.com