ئەڤرۆ نیوز:
ژ خولا ئسپانی یانا بەرشەلونە سەرکەفتنەکا ب زەحمەت ل سەر ریال سوسیداد تومارکر ب دو گۆلان بەرامبەر گۆلەکێ.
نووترين نووچه
- هیڤیدارین ئەنجامێن هەلبژارتنان د خزمەتا ڤەژاندنا هەرێمێ دا بن
- پێدڤییە وەلاتی ژ ململانێیا هەرێمی دووربێخین
- كۆمبوونا مەسرور بارزانی و سۆدانی دێ ئەنجامێن باش هەبن
- سەرۆكێ هەرێما كوردستانێ و قونسلێ ئەلمانیا پێكئینانا حوكمەتا هەرێمێ گەنگەشەكر
- نێچیرڤان بارزانی پێشوازی ل قونسلێ مسرێ كر
- مەسرور بارزانی بۆ سۆدانی: پێدڤییە مووچە ژ ناكۆكییا سیاسی بهێتە دوورئێخستن
- گۆتن و کریارێن دەستهەلاتێ ل دۆر پرسا کوردی گەلەک ژێک دوورن
- سەرۆك بارزانی: دانیێل میتێران رۆلەكێ گەلەك مەزن د بەرگریكرنێ ژ دۆزا گەلێ كورد دا هەبوو
- نێچیرڤان بارزانی: پێکڤە دێ شێین روو ب روویێ گوهۆڕینا سەقای بین
- پێدڤییە سەرژمێری بۆ مەبەستێن سیاسی نەهێتە بكارئینان
سهرهكى Twitter
هازاردى سه‌ركه‌فتنه‌كا مه‌زن بۆ شيلسى تۆماركر
ئه‌ڤرۆنيوز:
ياريكه‌رێ به‌لجيكى ئيدن هازارد ب رێيا تۆماركرنا سێ گۆلان بۆ يانا شيلسى رۆله‌كێ مه‌زن هه‌بوو د سه‌ركه‌فتنا مه‌زن يا يانا خوه ل ياريگه‌ها وێ ل سه‌ر يانا كارديف ستى ب ئه‌نجامێ 4-1 ئه‌وا ئه‌ڤرۆ شه‌مبيێ 15/9/2018 دچارچۆڤێ گه‌را 5 ژخۆلا ئينگليزى يا ته‌پا پێ هاتيه ئه‌نجامدان.
هازاردى سێ گۆلێن خوه ل خۆله‌كێن 37 و43 و 80 تۆماركرن وياريكه‌رێ به‌رازيلى ويليان گۆلا چارێ ل خۆله‌كا 83 تۆماركر. گۆلا ئێكانه يا يانا كارديف ستى ل خۆله‌كا 16 هاته تۆماركرن ب رێيا ياريكه‌رێ وێ سلێمان يامبا.
ب ڤى ئه‌نجامێ يانا شيلسى خالێن خوه گه‌هاندنه 15 خالان ول سه‌رێ رێزبه‌ندا خۆلا ئينگليزى دهێت ب جودابوونا گۆلان ژ يانا لێڤه‌رپۆل ئه‌وا هه‌مان خال هه‌ين، يانا كارديف ستى ژى ب دو خالان ل رێزا 16 دهێت.
ده‌نگدان بۆ هه‌لبژارتنا جێگرێ دويێ يێ سه‌رۆكێ په‌رله‌مانێ عيراقێ ده‌ستپێكر
ئه‌ڤرۆنيوز:
پرۆسا ده‌نگدانا ئه‌ندامێن په‌رله‌مانێ عيراقێ بۆ هه‌لبژارتنا جێگرێ دويێ يێ سه‌رۆكێ په‌رله‌مانى به‌رى ده‌مه‌كێ كێم ده‌ستپێكر.
محه‌مه‌د خه‌فاجى، رۆژنامه‌ڤان ژ ناڤ ئاڤاهيێ په‌رله‌مانێ عيراقێ بۆ ئه‌ڤرۆنيوز گۆت”سێ كه‌س دبه‌ربژارن بۆ پۆستێ جێگرێ سه‌رۆكێ په‌رله‌مانى ئه‌وژى به‌شير حه‌داد ( به‌ربژارێ پارتى ديموكراتى كوردستان وئێكه‌تى نيشتمانى كوردستان) و موسه‌نا ئه‌مين ( به‌ربژارێ ئێكگرتوو ئيسلامى كوردستان) و ئه‌حمه‌د حه‌مه ره‌شيد ( به‌ربژارێ كۆمه‌لا ئيسلامى)”.
گۆت ژى ” ئالا تاله‌بانى ژ هه‌ڤپه‌يمانيا به‌غدا يا سونى وه‌كو كه‌س خوه به‌ربژاركربوو، به‌لێ خوه ڤه‌كێشا”.
ئه‌ڤرۆ محه‌مه‌د حه‌لبوسى ژپێكهاتى سونى وه‌كو سه‌رۆكێ په‌رله‌مانێ عيراقێ وحه‌سه‌ن كه‌ريم ژ پێكهاتى شيعى وه‌كو جێگرێ ئێكێ يێ سه‌رۆكێ په‌رله‌مانى هاتبوونه هه‌لبژارتن وپۆستێ جێگرێ دويێ يێ سه‌رۆكێ په‌رله‌مانى به‌هرا كوردايه.
جێگرێ ئێكێ يێ سه‌رۆكێ په‌رله‌مانێ عيراقێ هاته هه‌لبژارتن
ترۆمبێلەکا گەشتیاری ل دێرەلۆکی سوت
ئەڤرۆ نیوز، مەحمود نهێلی
بەرپرسێ بنگەهێ بەرەڤانیا باژێری ل دێرەلۆکی بۆ ئەڤرۆ نیوز دیار کر، کو ئێڤاریا ئەڤرۆ شه‌مبيێ 15\9\2018 ئاگر به‌ربوو ترۆمبێلەکا گەشتیاری ژ جۆرێ کوستەر و ب تمامی دهێتە سوتن.
ئیحسان سەنعان، بەرپرسێ بنگەهێ بەرەڤانیا باژێری ل دێرەلۆک بۆ ئەڤرۆ نیوز دیارکر ” ئەو ترومبێل يا تايبه‌ت بوو ب ڤەگوۆهاستنا گەشتيارێن باشوور و ناڤەراستا عیراقێ و ب تمامی هاتە سوتن”.
گۆت ژى”ئه‌و ترومبێل ل دێرەلۆکێ تووشی ڤێ روودانێ بوویە و هه‌تا نوکە ئەگەرێن روودانێ نەهاتینە زانین و ڤه‌كۆلین ل سەر روودانێ يا به‌رده‌وامه”.
خالد عوبەیدی:پۆستی سەرۆکێ پەرلەمانى ب 30 ملیۆن دۆلاران هاته كرين
ئه‌ڤرۆنيوز:
وه‌زيرێ به‌رگريێ به‌رێ يێ عيراقێ كو به‌ربژار بوو بۆ پۆستێ سه‌رۆكێ په‌رله‌مانێ عيراقێ، ل دۆر وى پۆستى دبێژيت ب 30 مليۆن دۆلاران هاته كرين.
خالد عوبه‌يدى سه‌رۆكێ ليستا (بيارق الخير) ل ده‌نگدانا نهێنى دا ئه‌ڤرۆ شه‌مبيێ 15/9/2018 ب ده‌ستڤه‌ئينانا 89 ده‌نگان به‌رامبه‌ر محه‌مه‌د حه‌لبوسى هاته دوراندن كو حه‌لبوسى 169 ده‌نگ بده‌ستڤه‌ئينان وبوو سه‌رۆكێ په‌رله‌مانێ عيراقێ.
عوبه‌يدى دئێكه‌م كارڤه‌دان دا ل به‌رامبه‌ر هه‌لبژارتنا حه‌لبوسى ل تۆرا جڤاكى يا فه‌يسبووكى به‌لاڤكر” بلا ئه‌و خێزانا گه‌نده‌ل ب كه‌ره‌ستێ خوه يا دلخوه‌ش بيت كو (وه‌كو دبێژن) ئه‌و پۆسته ب 30 مليۆن دۆلاران هاتيه كرين، هه‌روه‌سا بلا ئه‌و گه‌نده‌ل دلخوه‌ش بن كو نوكه پيرۆزباهيێ ل هه‌ڤدو دكه‌ن، سه‌باره‌ت عيراقێ وعيراقيان ژى دبێژم، خودێ ل پشتا هه‌وه بيت.
ژلايێ خوه‌ڤه مه‌شعان جبوورى په‌رله‌مانتارێ به‌ري يێ عيراقێ به‌لاڤكر”ئه‌حمه‌د حبوورى پارێزگه‌رێ سه‌لاحه‌دين ل به‌رامبه‌ر 10 مليۆن دۆلاران ل به‌رامبه‌ر حه‌لبوسى خوه ڤه‌كێشا”
ئالا تاله‌بانى وه‌كو كه‌س خوه به‌ربژاركريه وچو ليست پشته‌ڤانيێ لێ ناكه‌ن
ئه‌ڤرۆنيوز:
ژێده‌ره‌كێ رۆژنامه‌ڤانى ژناڤ ئاڤاهيێ په‌رله‌مانێ عيراقێ بۆ ئه‌ڤرۆنيوز دياركر كو ئالا تاله‌بانى په‌رله‌مانتارا عيراقى ژليستا هه‌ڤپه‌يمانيا به‌غدا وه‌كو كه‌س خوه بۆ پۆستێ جێگرێ دويێ يێ په‌رله‌مانێ عيراقێ خوه به‌ربژاركريه وچو ليست پشته‌ڤانيێ لێ ناكه‌ن.
وى ژێده‌رى بۆ ئه‌ڤرۆنيوز دياركر” من ژ هنده‌ك ئه‌ندامێن هه‌ڤپه‌يمانيا به‌غدا پرسياركر هه‌وه بۆچى ئالا تاله‌بانى بۆ پۆستێ جێگرێ دويێ يێ په‌رله‌مانێ عيراقێ به‌ربژاركريه، هه‌رچه‌نده پتريا ليستان دهه‌ڤرا نه ل سه‌ر هه‌لبژارتنا به‌شير حه‌داد به‌ربژارێ پارتى ديموكراتى كوردستان وئێكه‌تى نيشتمانى كوردستان بۆ وى پۆستى، دبه‌رسڤا من دا وان دياركرن كو ئالا تاله‌بانى وه‌كو كه‌س يا خوه هه‌لبژارتى، نه‌كو وه‌كو نوونه‌ران هه‌ڤپه‌يمانيا مه”.
عامرى وحه‌كيم ل سه‌ر ناڤێ سه‌رۆك وه‌زيرێن داهاتى رێككه‌ڤتن
ئه‌ڤرۆنيوز:
مالپه‌ره‌كێ عيراقى به‌لاڤكر كو سه‌رۆكێ ليستا حيكمه عه‌مار حه‌كيم وسه‌رۆكێ ليستا فه‌تح هادى عامرى ل سه‌ر به‌ربژاركرنا عادل عه‌بدولمه‌هدى بۆ پۆستێ سه‌رۆك وه‌زيران يێن رێككه‌فتين.
مالپه‌رێ (الغد برس) يێ عيراقى ژزارده‌ڤێ ژێده‌ره‌كێ نێزيك ژ حيكمه به‌لاڤكر” عه‌مار حه‌كيم وهادى عامرى دوور ژ موقته‌دا سه‌در رێككه‌فتينه ل سه‌ر به‌رباژركرنا عادل عه‌بدولمه‌هدى بۆ پۆستێ سه‌رۆك وه‌زيران”.
ئاماژه دا” عامرى ب شێوه‌كێ ب هێز پشته‌ڤانيێ ل عادل عه‌بدولمه‌هدى دكه‌ت”.
عادل عه‌بدولمه‌هدى، جێگرێ سه‌رۆك كۆمارى يێ به‌رێ ووه‌زيرێ به‌رێ يێ په‌ترۆلێ يه وسه‌ركردێ به‌رێ يێ جڤاتا بلند يا ئيسلامى بوو.
رونالدو دێ بێدەنگیێ شکێنیت
ئەڤرۆ نیوز:
راھێنەرێ یانا یوڤانتوس یا ئیتالی ماسیمیلیانو ئەلێگری د کونگرەکێ رۆژنامەڤانی بەری دەمەکێ کێم دیارکر ئەو دێ چەند گوھورینان بۆ یاریا سوباھی د پێکھاتێ خوە دا کەت و زێدەباری وێ چەندێ پێشبینیێ دکەت رۆنالدو بێدەنگیێ بشکێنیت.
بریارە سوباھی یانا یوڤانتوس یاریا خوە یا گەرا چارێ ھەمبەر یانا ساسولو بکەت ژ خولا ئیتالیا ل یاریگەھا خوە ئەلیانز ستادیوم ل دەمژمێر چار ئێڤاری، بۆ ڤێ یاریێ راھێنەرێ یوڤانتوس ئەلێگری دێ چەند گوھۆرینان ئەنجام دەت پێخەمەت دەلیڤەیەکا مەزن بۆ ستێرا یانێ کرستیانو رونالدو پەیدابیت بشێت گۆلان توماربکەت پشتی ل سێ گەرێن بوری نەشیای گۆلێ توماربکەت.
ژلایەکێ دی ڤە د ڤێ گەرێ دا ئەلێگری یاریزانێن خوە کلینی و سامی خزیرە و میرالیم پیانیچ پشکداریێ د یاریا سوبەھی دا نەکەن پێخەمەت بھێنڤەدانا وان، لێ بۆ ڤێ یاریێ دێ یاریزانێ ئەلمانی ئێمری شان پشکداریێ کەت زێدەباری ھێرشبەرێ وێ یێ کرواتی ماریو مانزوگێچ کو د بەرھەڤیەکا تمام دایە.
رۆژنامه‌كا كوه‌یتی:قاسم سلێمانی و برێت ماكگۆرك ب نهێنی كۆمبووينه
ئه‌ڤرۆنيوز:
رۆژناما (الجريده) يا كوه‌يتى ئه‌ڤرۆ شه‌مبيێ 15/9/2018 به‌لاڤكر كو ل رۆژا سێشه‌مبيا بۆرى قاسم سلێمانى فه‌رماندێ فه‌يله‌قا قودس يێ سه‌ر ب له‌شكرێ پاسدارێن ئيرانێ ل گه‌ل برێت ماكگۆرك نوونه‌رێ تايبه‌تێ سه‌رۆكێ ئه‌مريكى بۆ هه‌ڤپه‌يمانيا شه‌رێ دژى داعشێ ب نهێنى كۆمبوويه.
ل دووڤ راپۆرته‌كا وێ رۆژنامێ كو پشت به‌ستن ب چه‌ند ژێده‌رێن نێزيك كريه، ئه‌و كۆمبوونه ژبۆ رێككه‌فتنێ بۆ ل سه‌ر پێكئينانا حوكمه‌تا عيراقى يا نوو، ديسا ل سه‌ر پرسا سوتنا كونسۆلخانا ئيرانى ل به‌سره وهێرشا ل سه‌ر باليۆزخانا ئه‌مريكى ل به‌غدا”.
هه‌ر ل وێ كۆمبوونێ ماكگۆركى ب قاسم سلێمانى راگه‌هانديه كو پێدڤيه هه‌ردو وه‌لات (ئه‌مريكا وئيران) كێشێن خوه بده‌نه لايه‌كى وپێكڤه كاربكه‌ن بۆ پشته‌ڤانيا پێكئينانا حوكمه‌تا عيراقى يا نوو.
رۆژناما كوه‌يتى دياركر ژى كو قاسم سلێمانى د وێ كۆمبوونێ دا ره‌تكر كو هه‌ڤپه‌يمانێن ئيرانێ ل عيراقێ هێرش كربيته سه‌ر باليۆزخانا ئه‌مريكى ل ده‌ڤه‌را كه‌سك ل به‌غدا”.
نيشاندان
WP Facebook Auto Publish Powered By : XYZScripts.com