ئه‌ڤرۆ نيوز:

ئه‌ڤرۆ نيوز ناڤێن كانديدێن پارتى ديموكراتى كوردستان بۆ په‌رله‌مانێ كوردستانێ به‌لاڤ دكه‌ت

1- ھێمن ھەورامی
2- ڤالا فەرید
3- بژار خالید عەبدوڵڵا
4- خەدیجە عومەر تەھا
5- ھاوژین ئەبوبەکر فەتاح
6- ئەرشەد حوسێن لۆلان
7- دلین عەبدولکەریم عەبدولقادر
8- بەشیر عەلی تۆفیق
9- وەزیرە محەمەد مەحموود
10- کەمال رەئووف سەعید
11- مەم ئەسکەندەر مەم
12- نیھاد قۆجە
13- جەمال محیەدین رەشید
14- رێبوار عەبدولکەریم بابکەیی
15- کوێستان لەتیف والی
16- شیلان یوسف ناسر
17- رێڤین محەمەد ھرووری
18- مونیب محەمەد ئەحمەد
19- ئیسماعیل ئیبراھیم خدر
20- بەختیار شوکری سلێمان
21- مونعیم عوسمان (ھەڤاڵ ئاکۆ)
22- جیھاد تەیب ئەحمەد
23- نەزیرە ئەحمەد عەزیز
24- ھیوا حوسێن کۆسرەتان
25- جەلال پەرێشان
26- لەنجە ئیبراھیم دزەیی
27- سەعید عەبدولڕەحمان حەمید
28- محەمەد سەلیم ئیسماعیل
29- چلانە نەسرەدین ھەورامی
30- رزگار عیسا سوار
31- نیاز راغب عەبدوڵڵا
32- لەیلا عەبدولجەبار حەدۆ
33- عەیشان دێوالی محەمەد
34- جەوھەر حەدێ ناوخۆش
35- شەعبان عەلی شەعبان
36- فەرمان حوسێن باڵەکی
37- چیا حەمید شەریف
38- نەجات شەعبان عەبدوڵڵا
39- عەبدولسەلام عەبدوڵڵا حەسەن دۆڵەمەری
40- سەباح مەحموود محەمەد زێباری
41- سەروان محەمەد ھەرکی
42- زانا مەلا خالید
43- مۆفەق پیرداود
44- مەلا وەیسی سەعید وەیسی
45- شاخەوان یونس رۆژبەیانی
46- قادر مەلوود چاوشین
47- گولیزار رەشید حاجی
48- زەری نەوزاد جەمیل
49- عەزیز ئیبراھیم عەزیز عەبدۆ
50- ئومێد خۆشناو
51- سەفین ئاغا عومەر گەردی
52- ھەڵکەوت ئەنوەر یونس
53- کۆچەر ئەکبەر رۆستەم
54- عیسا سلێمان
55- خدر محەمەد حوسێن ھەسنانی
56- شوان ئەحمەد حەمە
57- عەلی فەیلی
58- ئیدریس ئەحمەد عەبدوڵڵا
59- ئیبراھیم رەفعەت خەسرۆ
60- خێلان ئەبوبەکر قادر
61- ئیحسان محەمەد سەلیم
62- ئیدریس ئیسماعیل عەبۆش
63- لاجانی فەقێ لاجانی
64- موحسین حوسێن مستەفا
65- عەیشان عەلی حەمەدئەمین
66- رەعد نووری تۆفیق
67- رۆژان ئیبراھیم عەلی
68- سەوسەن محەمەد میرخان گەردی
69- خوناو عومەر عەبدوڵڵا
70- ھێڤیدار ئەحمەد سلێمان
71- بەھجەت عەلی ئیبراھیم
72- ئەحمەد سابر گەرمیانی
73- ئاواز محەمەد تاھیر
74- نەسرەدین محیەدین قادر
75- لیزا فەلەکەدین کاکەیی
76- گەلاوێژ عوبێد
77- بەھمەن عەبدوڵڵا کاکە
78- وەعدی سلێمانی عەلی
79- زاھیر شێخ محەمەد
80- حەسیبە سەعید گەردی
81- شەمسەدین حەسەن نووری
82- شوان کەریم زراری
83- نزار مەلا غەفار سورچی
84- گوڵستان باغی سلێمان
85- ھەدیە موراد حەیدەر
86- رەنجەر کەریم شێخۆ
87- ھیوا حاتەم تەقتەقی
88- پێشەوا تاھیر مستەفا
89- ئاسۆ فا‌رووق قادر
90- حیکمەت محەمەد ئەبوزێد
91- جیھاد حەسەن ئیبراھم
92- سدیق محەمەد مستەفا
93- سەرباز بایز سرێشمەیی
94- سەلیم مستەفا تەمەرخان
95- زێدان خان ئاودەل برادۆستی
96- ژیان تاھیر ئەحمەد
97- ناسکە سەعید خدر
98- تورکیە سدیق ئەیوب
99- سوبحی قادر مەسعود
100- دلێر محەمەد کەریم

ئه‌ڤرۆ نيوز:

بەرپرسەکێ وەزارەتا ئاڤکرن و ئاکنجیکرنێ ئاشکرا کر کو وەزارەت نوکە مژوولی بجە ئینانا پڕۆژێ رێیا سەرەکیا دھۆک – ھەولێرە و ل سەر ئاستێ سەرۆکاتیا جڤاتا وەزیران دگەل کۆمپانیێن چینی ھەماھەنگی ھاتیە کرن و گۆت: “ھەکە کۆمپانیێن چینی پڕۆژەی بجە نە ئینن دێ کۆمپانیێن ناڤخۆ ب قەڕ کار کەن”.

سامی قادر، رێڤەبەرێ دووڤچوونا پڕۆژان ل وەزارەتا ئاڤاکرنا ھەرێما کوردستانێ بۆ رۆژناما ئەڤرۆ دیار کر کو ب مەرەما تەمامکرنا رێیا سەرەکیا دھۆک – ھەولێر وەک پلان ھاتیە ئامادەکرن و ل سەر ئاستێ سەرۆکاتیا جڤاتا وەزیران دگەل ھژمارەکا کۆمپانیێن چینی ھەماھەنگی ھاتیەکرن، بەلێ دیارە ھەتا نوکە چو ئەنجام نەبووینە بۆ وێ چەندێ کو کۆمپانیێن چینی دەست ب پڕۆژێ رییا گۆپالە بکەن، لەوڕا ژی وەزارەتێ پڕۆژە پارچە پارچە کریە داکو ژ لایێ کۆمپانیێن ناڤخۆ ڤە بھێتە ئەنجامدان و گۆت: “مەرەم ژ پارچەکرنا رێ یێ ئەڤە ب کوالێتەکا باش و ل دەمەکێ زوو دەست ب چێکرنا پرۆژەی بھێتەکرن و د ئاستێ کۆمپانیێن ناڤخۆ دابیت، بەلێ مخابن ژبەر بابەتێ بودجەی مایە و نەھاتیە دەستپێکرن، کو بڕیارە ژ ھەولێرێ ھەتا ئیبراھیم خەلیل بھێتە چێکرن”.

ناڤھاتی ئاماژە دا وێ چەندێ کو رێیا ھەولێر بۆ ئیبراھیم خەلیل ب سیستەمەکێ زۆر پێشکەفتی ھاتیە دیزاینکرن و کوژمێ سێ ملیار دۆلاران بۆ ھاتبوونە دیارکرن، ئەڤە ژی بێگومان ددەمێ نوکە دا پارەکێ زۆرە و د شیانێن حوکمەتێ دا نینە، دگەل ڤێ چەندێ ژی بزاف یێن دھێنەکرن پرۆژە بھێتە دەستپێکرن ئەڤ پڕۆژێ ستراتیژی، ددەمێ نوکە دا چەندین کۆمپانیان داخوازکریە بشێوەیێ قەڕ بجە بینن، و ل دووماھیێ حوکمەت پارێ وان بمەزێخیتو گۆت: “ل گورەی پێشبینیا من وەزیرێ ئاڤاکرنێ ب خوە لەزێ دکەت بۆ دەستپێکرنا رێیا د ناڤبەرا دھۆک و ھەولێرێ دا”.

ئه‌ڤرۆ نيوز:

پشتی روویدانا ھێرشکرنە سەر ئاڤاھیێ پارێزگەھا ھەولێرێ، کو رۆژا دوشەمبیا بۆری ژلایێ سێ کەسێن تیرۆرست ھاتە ئەنجامدا رەوشا شەمنیا ھەولێرێ تەنایە و ھێزێن ئەمنی تۆڕەکا تیرۆرستی دەستەسەرکرن، وەکی رێڤەبەرێ گشتیێ ئاسایشی خویاکر، دو مەلایێن ئاینی پەیوەندی دگەل داعش ھەبویە و ئێک ژوان ھاتیە دەستەسەرکرن و یێ دیژی بۆ سلێمانیێ رەڤیە.

لیوا تارق نووری، رێڤەبەرێ گشتیێ ئاسایشا ھەولێرێ بۆ رۆژناما ئەڤرۆ گۆت: دەستپێکا ئەڤێ ھەیڤێ مە زانیاری ھەبوون لڤینەک ھەیە ل ھەولێرێ و پشتی ب دەستخستنا زانیاریان مەلایەک ب ناڤێ ئیسماعیل سوسەیی ھاتە دەستەسەرکرن، و ھەمبەر دادگەھێ دانپێدانکر کو ئەڤە دەمەکە بەیعەت ب گروپا تیرۆرستیا داعش دایە، و خوە ژ بۆی ئەنجامدانا کریارەکا تیرۆرستی بەرھەڤ دکر، لەوڕا ژی د دەمێ دەستەسەرکرنێ دا، چەک و تەقەمەنیێن جودا جودا ل مالا سوسەیی ھاتنەگرتن یێن ھاتینە بەرھەڤکرن بۆ کریارێن تیرۆرستی، بەلێ بابەت تنێ نە ئەڤەبو مەلا ئیسماعیل بۆیە داعش، تۆڕەکا تیرۆرستی کو چەندین کەسان بتایبەتی گەنج پێکھاتیە پشتی روویدانا رۆژا دوشەمبی بۆسەر ئاڤاھیێ پارێزگەھێ ھاتینە گرتن و نوکە ڤەکۆلین یا بەردەوامە، بەری چەند رۆژانژی ھێزێن ئاسایشێ چووینە سەر مالا سەلیم شوشکەیی پەرلەمانتارێ بەرێ یێ کۆمەلا ئیسلامی کوردستان و نافھاتی بەرەف دەڤەرا سلێمانیێ رەڤیە.

لیوا تارق نووری دیارکر، مەلا سەلیم شوشکەیی ژلایێ دادگەھێ ھاتیە داخوازکرن کو پەیوەندی ب داعش ڤە ھەیە و بەری نوکە ژی مە زانیاری لدۆر داعشبوونا وی ھەبوون، بەلێ ژ بەر کو ئەندامێ پەرلەمانێ عیراقێ بو ژلایێ وەزارەتا نافخۆیا حوکمەتا ھەرێما کوردستانێ ڤە ب فەرمی پەرلەمانێ عیراقێ لدۆر ئەڤی بابەتی ھاتبوو ئاگەھدارکرن، پەرلەمانی چو ھەلویست و بەرسڤ نەبوون، بەلێ پشتی خۆلا پەرلەمانی دووماھی ھاتی ئێکسەر دادوەری بڕیارا دەستەسەرکرنێ بۆ دەرکر، ئەڤان تیرۆرستان پەیوەندی پێکڤە ھەیە و زانیاری و بەلگە لبەردەستن ھەڤکاریا گروپا تیرۆرستیا داعش کریە، چونکو بەری نو کەژی تۆڕەکا تیرۆرستی ئاسایشێ ئاشکراکریە، ئەو سێ گەنجێن ھێرشکریە سەر ئاڤاھیێ پارێزگەھا ھەولێرێ پەیوەندی ب داعش و ئەڤان مەلایێن ئاینی ڤە ھەیە.

ژ لایێ خۆ ڤە ژی نازم کەبیر، جێگرێ سەرۆکێ لیژنا نافخۆ ل پەرلەمانێ کوردستانێ بۆ رۆژناما ئەڤرۆ گۆت: ئەڤ روودانا ل ھەولێرێ چێبوی بێگومان یا خویا بو کریارەکا تیرۆرستیە و دڤێت ئەنجامدەرێن بھێنە سزادان، ھەرچەندە سێ ژوان ھاتینە کوشتن ژلایێ ھێزێن ئەمنی ڤە، بەلێ بێگومان ئەف سێ کەس ب تنێ نینە، و لەوانەیە گروپ و کەسێن دیژی لپشت ھەبن، چونکە لھەرێما کوردستانێ ژبلی تیرۆرستان روویدانێن بڤی شێوەی ناھێنە ئەنجامدان، دەزگەھێن ئەمنی لسەرانسەری ھەرێما کوردستانێ ھشیارن ل رەوشا ئەمنی و نوکە رەوش یا تەنایە بتایبەتی ل ھەولێرا پایتەخت، بەلێ دگەل ڤێ چەندێژی ناھێتە ڤەشارتن ھەردەمێ تیرۆرستێن داعش و یێن گروپێن دیژی دەلیڤە ھەبیت دێ کریارێن خوە یێن چەپەل ئەنجامدەن.