ئەڤرۆ نیوز:
رۆژناما “جمھوریەت” یا تورکی د راپۆرتەکێ بەلاڤکر کو بەرپرسێن تورکیا دڤێت کێشا قەشە ئەندرۆ برۆنسۆن چارە بکەن و دھێتە چاڤەرێکرن ل 12ی ئیلۆنا ئەڤ سالە بھێتە ئازادکرن.
رۆژنامێ ئاماژە ب وێ چەندێ ژی کر کو بەرپرسێن حوکمەتا تورکیا دڤێت د رێیا ئازادکرنا قەشە برۆنسۆن رەوشا پەیوەندیان ل گەل ئەمریکا ئاسایی بکەن و دووماھیێ ب وان سزایێن ئابووری بینن کو ئەمریکا ل سەر تورکیا سەپاندینە.
ئاماژە ب وێ چەندێ ژی کر کو بەپرسێن تورکیا دڤێت ھەمان سیناریۆیا دو لەشکرێن یونانی دووبارە بکەن کو ب بڕیارەکێ ل تیرمەھا ئەڤ سالە ھاتنە ئازادکرن و کێشا ئەوان دو وەلاتان ھێمن بوو.
قەشە برۆنسۆن، قەشەیەکێ ئەمریکی یە و پشتی کودەتا سالا 2016ێ ب تۆمەتا پەیوەندی ل گەل بزاڤا فەتحولا گویلەن و ھاریکاریا پارتیا کرێکارێن کوردستانێ ژ لایێ ھێزێن ئەمنی یێن تورکیا ڤە ھاتە دەستەسەرکرن و نوکە ژی د بن مانا ب زۆری دایە ل مالا خوە و مافێ گەشتکرنێ نینە.
ئه‌ڤرۆ نيوز:
كۆمبوونا جڤاتا نوونه‌رێن عيراقێ ژ بۆ سووندخوارنا قانوونى ده‌سپێكر.
ل دووڤ مادێ (54) یێ د‌ستورێ هه‌میشەیی یێ عیراقێ ، بۆ روونشتنا ئه‌ڤرۆ یا په‌رله‌مانی، دێ ب‌ته‌مه‌نترين كانديدێ سه‌ركه‌فتی بۆ خولا چارێ یا په‌رله‌مانی دێ روونشتنا ئه‌ڤرۆ برێڤەبەت كو ناڤێ وی (محه‌مه‌د عه‌لى سالح باقر ئه‌لزه‌ينى)يه، ژ هەڤپه‌يمانیا مه‌ده‌نى ديموكراتى یە.
پشتی خواندنا قورئانێ دێ سه‌رۆكێ نوکە یێ كۆمارا عیراقێ، ئاخفتنەکێ پێشكێش کەت، پاشی سه‌رۆك وەزیرێ نوکە دێ گۆتارەکێ خوینیت، هەروەسا دێ سەرۆکێ پەرلەمێ خولا سیێ ژی گۆتارا خوە پێشکێش کەت، پاشی دێ ناڤێ كانديدێن سه‌ركه‌فتی بۆ خولا چارێ یا (2018-2022) هێنە خواندن، لدووڤ مادێ (50) یێ دستوورێ هه‌ميشه‌يى یێ عیراقێ، كانديدێن سه‌ركه‌فتی دێ سویندا دستوورى خون.
ل دووڤ مادێ (55) یێ دستوورێ عیراقێ، دڤێت د ئێكه‌مين روونشتنا خولا نوو یا په‌رله‌مانیدا، دڤێت سه‌رۆك و هەردو جێگرێن وی وه‌ك ده‌ستەیا سه‌رۆكاتیا پەرلەمانی بهێنە هەلبژارتن.
ئەڤرۆ نیوز، نەوزاد ھلۆری:
کومپانیا HoLosuit بو ئێکەمین جار شیا جورەکێ نوو یێن جلکا درۆست بکەت کو ب جلکێن زیرەک یان ژی ئەلیکترونی دھێنە نیاسین، و ھەڤکاریا لەشێ مرۆڤی دکەت د لڤاندن و دانا زانیاریان ب رێیا موبایلێ.
جلک ب رەنگەکێ جوان ھاتینە دیزاینکرن و ب باشترین جلک بو وان کەسان دھێنەدانان ئەڤێن کو وەرزشێ دکەن ، و ل 36 جھێن ھەستیارێن مرۆڤی ھاتینەدانان و ب تنێ تبلێن مرۆڤی بخوڤە ناگریت ئەو ژی بو ھندێ یە داکو ھەستیاریا ئەلیکترونی تومار بکەت و گوھرینا شێوازێن جلوبەرگان.
ب گورەی زانیاریێن کومپانیا ناڤبری ئەڤ جلوبەرگە دێ ب سیستەمێ وای فای کارکەن کو ب موبیالا زیرەک یان کومپیوتەرێ ڤە ھاتیە گرێدان و شیانێن لڤینێن جوداجودا ھەنە و ئەڤە سەرەرای کو مروڤی فێری کارێن لڤین و وەرزشی ژی دکەت.
ئەڤرۆ نیوز ، زنار تۆڤی:
لدووڤ ڤەکۆلینەکا نوو یا زانکۆیا جۆنز هوبکنز تێدا دەرکەفتیە، کو مرۆڤ دشێت ب گوهۆرینا سیستەمێ خوارنێ خوە ژ وەریانا پرچی وکەچەلیێ و سپیبوونا پێشوەخت یا پرچی بپارێزیت.
لدووڤ ڤەکۆلینەک نوو کو ل مالپەرێ “Nature” بەلاڤەبوویە کو هندەک خوارن هەنە دبنە ئەگەرێ وەریانێ و سپیبوونا پێشوەخت یا پرچی، هەروەسا دبنە ئەگەرێ هندەک نەخۆشیێن پیستی.
هەروەسا وێ ڤەکۆلینێ دیارکریە، کو ئەو خوارنێن دەولەمەندن ب دوهنی و شەکرا سپی و سۆدایێ و ئەو خوارنێن و مادێن پارێز تێدا دبنە ئەگەرێ وەریانا پرچی.
ئه‌ڤرۆ نيوز:
بڕياره رۆژا چارشه‌مبيا بهێت ده‌ست ب به‌لاڤكرنا مووچێ وه‌زاره‌ت و دامه‌زراوێن حكومى يێن هه‌رێما كوردستانێ بهێته كرن و ل ده‌سپێكێ ژى مووچێ وه‌زاره‌تا پێشمه‌رگه‌يى هێته به‌لاڤكرن.
ژێده‌ره‌كێ ئاگه‌هدار ل وه‌زاره‌تا دارايى راگه‌هاند كو رۆژا چارشه‌مبى يا بهێت 5ى ئيلۆنا 2018ێ ده‌ست ب به‌لاڤكرنا مووچه‌يى هێته كرن و مووچێ ديوانا پێشمه‌رگه‌يى هێته به‌لاڤكرن.
گۆتژى: “رۆژا پێنجشه‌مبى ژى 6ى ئيلۆنێ مووچێ يه‌كا 70 و 80ێ دێ مووچێ هێزێن پێشمه‌رگه‌يى هێته به‌لاڤكرن و رۆژێن پاش دا ژى دێ مووچێ وه‌زاره‌تێن دى هێته به‌لاڤكرن”.
ئه‌ڤرۆ نيوز:
ئه‌ڤرۆ رۆژا دوشه‌مبى 3ى ئيلۆنا 2018ێ ب سه‌رپه‌رشتيا مه‌سعود بارزانى، ئێكه‌تيا ئافره‌تێن كوردستانێ، ل باژێرێ هه‌ولێرێ دێ كۆنگرێ خوه يێ هه‌شتێ گێريت.
ئێكه‌تيا ئافره‌تێن كوردستانێ ل سالا 1952ێ ل سه‌ر داخوازا مه‌سته‌فا بارزانى رێبه‌رێ بزاڤا رزگاريخوازا كوردى د كاودان و هه‌لومه‌رجه‌كێ نه جێگرێ سياسى و جڤاكى هاته دامه‌زراندن و هه‌تا نوكه حه‌فت كۆنگره گرێداينه.
سه‌رۆك مه‌سعود بارزانى ئاماده‌يى كۆنگره‌يه و ل ده‌سپێكێ پێشانگه‌هه‌كا تايبه‌ت ب مێژوو و خه‌باتا ئێكه‌تيا ئافره‌تێن كوردستانێ د قووناغه‌كا جودا يا مێژوويێ و كارێ ده‌ستى يێ ئافره‌تا ڤه‌كر.
بڕياره سوبه‌هى د رۆژا دووماهيێ يا كۆنگره‌يى دا ده‌سته‌يه‌كا نوو بۆ ب رێڤه‌برنا كارێن ئێكه‌تيا ئافره‌تێن كوردستانێ ب هه‌لبژێرن.
ئەڤرۆ نیوز ، زنار تۆڤی:
وەسا بریارە ئەڤرۆ دەمژمێر 11 بەری نیڤرۆ 3 ئیلۆنا 2018، ئێکه‌مين روونشتنا خولا چارێ یا په‌رله‌مانێ عیراقێ برێڤە بچیت.
لدووڤ مادێ (54) یێ د‌ستورێ هه‌میشەیی یێ عیراقێ ، بۆ روونشتنا ئه‌ڤرۆ یا په‌رله‌مانی، دێ ب‌ته‌مه‌نترين كانديدێ سه‌ركه‌فتی بۆ خولا چارێ یا په‌رله‌مانی دێ روونشتنا ئه‌ڤرۆ برێڤەبەت كو ناڤێ وی (محه‌مه‌د عه‌لى سالح باقر ئه‌لزه‌ينى)يه، ژ هەڤپه‌يمانیا مه‌ده‌نى ديموكراتى یە.
پشتی خواندنا قورئانێ دێ سه‌رۆكێ نوکە یێ كۆمارا عیراقێ، ئاخفتنەکێ پێشكێش کەت، پاشی سه‌رۆك وەزیرێ نوکە دێ گۆتارەکێ خوینیت، هەروەسا دێ سەرۆکێ پەرلەمێ خولا سیێ ژی گۆتارا خوە پێشکێش کەت، پاشی دێ ناڤێ كانديدێن سه‌ركه‌فتی بۆ خولا چارێ یا (2018-2022) هێنە خواندن، لدووڤ مادێ (50) یێ دستوورێ هه‌ميشه‌يى یێ عیراقێ، كانديدێن سه‌ركه‌فتی دێ سویندا دستوورى خون.
لدووڤ مادێ (55) یێ دستوورێ عیراقێ، دڤێت د ئێكه‌مين روونشتنا خولا نوو یا په‌رله‌مانیدا، دڤێت سه‌رۆك و هەردو جێگرێن وی وه‌ك ده‌ستەیا سه‌رۆكاتیا پەرلەمانی بهێنە هەلبژارتن.
ئه‌ڤرۆ نيوز:
پشتى ده‌مه‌كێ كێم روونشتنا جڤاتا نوونه‌رێن عيراقێ دێ ده‌سپێكه‌ت و بزاڤا گۆڕان ژى ب به‌هانه‌يا باوه‌رى نه‌بوون ب ئه‌نجامێن هه‌لبژارتنان ئاماده‌يى رێوره‌سمێن سووندخوارنێ نابيت.
شوره‌ش حاجى، ئه‌ندامێ خانا راپه‌راندنا بزاڤا گۆڕان بۆ ميديا فه‌رمى يا بزاڤا خوه راگه‌هانديه كو ئه‌ڤرۆ كانديدێن ده‌رچوويێن وان ل سه‌ر بڕيارا بزاڤێ د روونشتنا ئه‌ڤرۆ يا جڤاتا نوونه‌ران دا پشكدار نابن.
دايه زانين ژى كو ئه‌گه‌رێ سه‌ره‌كى يێ پشكدارينه‌كرنێ باوه‌رى نه‌بوونا بزاڤا وايه ب ئه‌نجامێن هه‌لبژارتنان كو وان بۆ جارا دويێ تانه ل ئه‌نجامێن هه‌لبژارتنان دايه و داخوازيت كو سندوق هه‌موو ب ده‌ست بهێنه هه‌ژمارتن.
ئەڤرۆ نیوز ، زنار تۆڤی:
پشتی کو چه‌ند لیستێن شیعه و سونیان ب پشکداریا عه‌بادى و سه‌دری و حه‌كیمی فراكسیۆنەک راگه‌هاندی بۆ پێكئینانا حوکمه‌تا نوو یا عیراقێ، فراكسیۆنەکا دیتر ب سه‌رۆكاتیا نورى مالكى سه‌رۆكێ هەڤپه‌یمانیا ده‌ولە‌تا قانوونێ و هادى عامرى سه‌رۆكێ هەڤپه‌یمانیا فه‌تح هاتە راگه‌هاندن.
هەروەسا ژ بلی لیستێن مالكى و عامرى چه‌ند لیست و قه‌وارێن دیتر تێدا پشکدارن کو ژ 145 كورسیان پێكهاتیه.
لدووڤ وێ به‌لگه‌نامێ ژ بلی ده‌وله‌تا قانوونێ و فه‌تح هه‌ر ئێک ژ لیستێن ئیراده، قه‌لعا جه‌ماهیری، ئه‌نبار هه‌ویه‌تونا ، كه‌فائات ، بابلیون و چه‌ند په‌رله‌مانتارێن دیتر ژی تێدا پشکدارن.
نيشاندان