ئه‌ڤرۆنيوز ، ئێقبال عومەر:
فرۆكێن توركى ئه‌ڤرۆ شەمبی رێکەفتی ۱/۹/۲۰۱۸ گوندێ پێپەرخا و چیایێ غالێ ل هنداڤی گوندێ سیدا و کوکەر و شاجا و بێزەل ل دەڤەرا رێکان، و چەندین دەڤەر و گوندێن دی یێن سەر ب ناحیا شێلادزێ ڤە ل سنورێ قەزا ئامێدیێ بوردومانکرینە.
ژێده‌ره‌كى ژ وێ ده‌ڤه‌رێ بۆ ئه‌ڤرۆنيوز گۆت، دوهی سپێدێ و تاکو ئەڤروژی فرۆكێن توركى چه‌ندين ده‌ڤه‌رێن ب سه‌ر ناحیا شێلادزێ ڤە ل سنورێ ئامێديێ ڤه بوردومانکرینە.
گۆت ژى ، گوندێ پێپەرخا و کوکەر و شاجا و بێزەل و چیایێ غالێ ل گوندێ سیدا ل دەڤەرا رێکان و چەندین دەڤەرێن دی ل سنورێ ناحیا شێلادزێ، و زەرەر و زیانێن مەزن گەهشتینەوەلاتیێن ڤێ دەڤەرێ و هەروەسا خەلکێ ڤێ دەڤەرێ ئێدی نەشێن سەرەدانا گوندێن خوە بکەن ب مەرەما کارێ چاندنێ ئانکو رەز و بیستانێن وان هاتینە بەری و هەمی دێ ب هەدەر چیت ژبەرکو نەشێن بەرو بومێ رەز و بیستانێن خوە بیننە بازاری و بفروشن.
خوياكر ژى ، چو زيانێن گيانى ب وه‌لاتيێن ده‌ڤه‌رێ نه‌كه‌فتن، به‌لێ ئاگر ب پيش وپاوان و دارسانێن گوندێن وێ دەڤەرێ کەفتیە و زيان ژى گه‌هشتنه ره‌زێن وه‌لاتيێن وێ ده‌ڤه‌رێ.
نيشاندان