ئه‌ڤرۆ نيوز:

ل گەل بەرفرەھبۆنا تورێن جڤاکی ل کوردستانێ نوکە ب رێیا ئونلاین خەلک ھەموو ‏کەرەستەیەکێ ژیانێ دکرن و گەھشتیە وی رادەی کرین و فروتنا ترومبێلا ب رێیا ‏تۆرێن جڤاکی بەرفرەھبوویە.‏

ھونەر وەلاتیەکێ کوردستانێ یە ل دور کرینا فروتنا ترومبێلا ب رێیا تۆرێن جڤاکی ‏دیار کر : نوکە مروڤ ل مال روونشتیە و بەرێ خوە ددەت ھەموو جورێن ترومبێلان ب ‏رێیا ئەنتەر نێتی، بەریا نوکە پێدڤی بۆ رۆژانە مرۆڤی مەزاختیەک کربا ھەتا ل ‏ھژمارەکا پێشانگەھا گەریابا بۆ کرینا ترومبێلێ، بەلێ ژبەر نەبۆنا دەمی و مەزاختیا ‏رۆژانەیا ھاتن و چوونی ھەر کەسەک ل مال ل دووڤ وێ ترومبێلێ دگەریت کو بڤێت ‏بکریت بێی کو چۆ ماندیبوون و مەزاختی بکەت. من ترومبێلەک ب رێیا ئەنتەرنێتێ ‏کری پشتی ل دووڤ گەریایم و من دیت و کری بێی کو ئاریشەک تێدا ھەبیت و نوکە من ‏ب ناڤێ خوە کریە.‏

رێڤەبەرێ پەیجەکێ تایبەت ب کرین و فروتنا ترومبێلا ئاشکرا کر: چەندین سالە مە ‏ئەڤ پەیجە دانای بۆ رێکلام و کرین و فرۆتنا ترومبێلا ھەتا نوکە چۆ ئاریشەک ل ‏ترومبێلەکێ دروست نەبۆیە، رۆژانە ھژمارەکا مەزن سەردانا بۆ پەیجێ مە دھێن ب ‏مەبەستا دیتن و کرینێ ھەرکەسەک یێ ئازادە رێکلاما ترومبێلا خوە د پەیجی دا بەلاڤ ‏بکەت ھندەک جارا ب کرو فروشیار ناڤخوە دا رێ دکەڤن و ھندەک جارا ژی ل ‏پێشانگەھەکێ گرێبەستەکێ ناڤبەرا خوەدا دروست دکەن ھەتا نوکە بێ ئاریشە ‏بوویە.‏

مەولود خودانێ پێشانگەھا کرین و فروتن و ترومبێلا دیار کر: کرین و فروتنا ترومبێلا ‏ب رێیا پەج و ئەنتەرنێتێ کاریگەری کریە سەر کارێ پێشانگەھا ب رێژا 20 % ب ‏تایبەت ئەڤسالە ژبەر بلندبوونا پلێن گەرمی و بەردەوامیا قەیرانا دارایی وەلاتی بۆ ‏کرینا ترومبێلا کێمتر قەستا پێشانگەھا کریە پرانیا وان ژی ژبەر ب کارئینانا ‏ئەنتەرنێتی بوویە، لەورا ڤێ چەندێ کاریگەری کریە سەر کارێ پێشانگەھان ژی.‏

عەقید ئەحمەد کەریم رێڤەبەرێ پلاندانانێ ل ھاتن و چوونا ھەرێمێ دبێژیت: ئەو ‏کرین و فروتنا ب ترومبێلا دھێتە کرن ب رێیا پەیج و ئەنتەرنێتی نورمالە سەرەرای ‏کو ھەموو ھوکاریێن وێ نزانین، بەلێ ھەر ئاریشەکا ھەبیت ل دووماھیێ بۆ دانا ‏سزایێن ترومبێلێ و ب ناڤ کرنا ترومبێلێ دھێنە لایێ مە ھەتا نوکە چۆ ئاریشە ‏نەبووینە، بەلێ ئەگەر ھەبن ژی پێدڤیە ناڤبەرا خوە چارە سەرکەن لسەر وێ ‏گرێبەستا ھاتیە چێکرن ناڤبەرا وان دا.‏

ئه‌ڤرۆ نيوز:

ئەلند ئەمیر رێڤەبەرێ ناحیا چەمانکێ د دیدارەکێ دا بۆ ئەڤرۆ گۆت: ل دووڤ بریارا ‏وەزارەتا ناڤخۆ و نڤیسارا ئەنجومەنێ وەزیران یا ھژمارە (217)، ل رێکەفتی ‏‏13/3/2000 چەمانکێ وەکو ناحیەک سەر ب قەزا ئامێدیێ ڤە ھاتیە ھژمارتن و ‏‏(62) گوند سەر ب ناحیا چەمانکێ ڤە ھەنە و (13) گوند د ئاڤانە و (49) گوند ‏ھەتا نھا د چولکرینە. گۆت ژی: دگەل ھاتنا قەیرانا دارای مە چو بودجە نەبوویەتاکو ‏خزمەتگوزاری ل دەڤەرا چەمانکێ بەردەوام بن، لێ ل دووڤ شیانێن خوە ئەم ھەموو ‏ھەولان ددەین ھەر کێماسیەکا ھەبیت مینا جادە و کارەبێ چارە دکەین.‏

رێڤەبەرێ ناحیا چەمانکێ ل دور ھەبوونا بنگەھێن پارتا کرێکارێن کوردستانێ ‏پەکەکێ ئەو چەندە بو ئەڤرۆ گۆت: ناحیا چەمانکێ وەک ھەر ناحیەکا قەزا ئامێدیێ ‏چەندین بنگەھێن پەکەکێ لێ ھەنە و چەند گوندێن چەمانکێ ژلایێ پەکەکێ ڤە ھاتینە ‏داگیر کرن و ژبەر پەکەکێ رەوشا دەڤەرێ بەرەڤ نەئاسایێ ڤە چوویە، چونکو ‏بەردەوام بوردومان ل ڤێ دەڤەرێ دھێتە کرن و ھەلبەت د ھەر بوردومانەکێ دا ‏زیانەکا مەزن بەر ب خەلکێ چەمانکێ دکەڤیت.‏

ناڤبری ئەو چەندە دوپات کر: چەکدارێن پەکەکێ ھاتن و چوونێ ل دەڤەرا مە دکەن ‏و پتریا ترۆمبێلێن وان بێ ژمارە نە و ھەر ژ بەر ڤێ چەندێ بوردومانا فرۆکێن تورکیا ‏ل دەڤەرا مە ھەیە و ھەتا نھا زیانێن گیانی نەبووینە، لێ د ھەمان دەم دا دگەل ھەر ‏بوردومانەکێ زیانێن مادی دگەھنە خەلکێ دەڤەرا چەمانکێ.‏

ل دور ھەبوونا چەند کومپانیێن نەفتێ و کارگەھان ل وێ دەڤەرێ رێڤەبەرێ ناحیا ‏چەمانکێ بۆ ئەڤرۆ دیارکر ژی : ل سنورێ ناحیا چەمانکێ (4) کارگەھێن ئاڤێ ھەنە ‏و (2) کومپانیێن لێگەریانا گازێ ل چەمانکێ ھەنە، ژ وان ژی ھەردوو کومپانیێن ‏‏(تاقە و ئێج کەی) و ھەر ب رێیا ڤان ھەردو کومپانیان چەندین دەلیڤێن کارکرنێ بو ‏خەلکێ ناحیا چەمانکێ پەیدا کریە و ژ وان ژی ، کومپانیا(تاقە) دەلیڤا کارکرنێ بو ‏پتر ژ(100) کەسێن خەلکێ گوندێ(بێرکیاتێ) دابین کریە و زێدەباری کو کومپانیا ‏‏(ئێج کەی) ژی نێزیکی (100) کەسان دەلیڤا کاری پێشکێش کریە و ئەم بەردەوام ‏ھەولا وێ چەندێ ددەین ب رێیا ئەڤان کومپانیان دەلیڤا کاری بۆ گەنجێن ناحیا ‏چەمانکێ بھێتە دابینکرن و زێدەباری ئەڤ ھەردو کومپانیە بەردەوام گرنگیێ ب ‏شیانێن گەنجان ددەن و چەندین خولێن زمانی بۆ گەنجان ژلایێ ڤان ھەردوو ‏کومپانیان ڤە ھاتنە دابینکرن و ھەردوو کومپانیا گرنگی ب کەرتێ چاندنا ناحیا ‏چەمانکێ دایە.‏

ھەمان رێڤەبەری ئەو چەندە دوپاتکر: ژبەر کو ناحیا چەمانکێ دەڤەرەکا ب خێرو و ‏بەرەکەتە، لەورا نھا دا (2) کومپایێن نەفتێ ل دەڤەرا مە ھەبووینە و کاردکەن و ‏دھێتە پێشبینیکرن نەفتا چەمانکێ یا بەرفرەھە، لەورا دوو کومپانیا قەستا ڤێ ‏دەڤەرێ کریە و بێگومان گرێبەستا کارکرنێ یا ھەردو کومپانیان ژلایێ وەزارەتا ‏سامانێن سرۆشتی ڤە ھاتیە ئیمزا کرن و ھەردو کومپانی بو ئەڤێ دەڤەرێ بونە ‏داھاتەکێ باش چونکە چەندین دەلیڤێن کاری بو خەلکێ چەمانکێ پەیدا کرنە و ‏دیسان ژی ژ چەندین بواران دا گرنگیێ ب خەلکێ چەمانکێ ددەت. ‏

ئەلند ئەمیر رێڤەبەرێ ناحیا چەمانکێ ئەو چەندە ژی دوپاتکر:خەلک گەلەک جاران ‏گازندا دکەن کو ڤان ھەردو کومپانیان زیان گەھاندیە سامانێ خەلکێ گوندێن ‏چەمانکێ لێ ھەردوو کومپانیان ھەر زیانەکا گەھاندبیتە رەز و باغەکێ ھەمی خەلکی ‏قەرەبویا خوە وەرگرتیە و ھەردو کومپانی بەردەوام ھاریکاریا خەلکێ ناحیا ‏چەمانکێ دکەن و چ کێماسی ل خەلکێ دەڤەرا مە نینە ژلایێ ڤان ھەردو کومپانیێن ‏نەفتێ ڤە. ‏

گۆت ژی: گەشت و گوزارا چەمانکێ باشترین گەشت و گوزارە و د پلانا مەدا ھەیە د ‏سالێت بھێت دا گرنکیەکا مەزن ب جھێن گەشتیاری ل چەمانکێ بھێتە دان مینا ‏ھەرسێ گەلیێن (ئاڤوکێ و بەرتەحتێ و کانی مازێ) کو ھەر سێ گەلیە باشترین جھێن ‏گوزاری نە و مە نھا دا جادا سەرەکی بو وان گەلیان ڤەکریە و مە کارەب گەھاندیە ‏وان جھان و جھێن خزمەتگوزاریا منیا تەوالێت و چەندین خزمەتگوزاریێن دیتر ل وان ‏جھان دابین کرینە، لێ ھەبوونا پەکەکێ ئەگەرەکێ مەزنە کو ھەتا نھا گرنکی ب ‏گەشت و گوزارا دەڤەرا چەمانکێ نەھاتیە دان.‏

رێڤەبەرێ ناحیا چەمانکێ نەڤەشارت ژی: ژبەر کو ناحیا چەمانکێ دەڤەرەکا گوزاری ‏یە و ھەتا نھا وەک پێـدڤی گرنگی ب گەشت و گوزارا ئەڤێ دەڤەرێ نەھاتیە دان و ‏بێگومان قەیرانا داری مەزنترین ئەگەرێ ڤێ چەندێ بوویە و مە وەک رێڤەبەریا ناحیا ‏چەمانکێ ھەولا وێ چەندێ دایە کو چەند پرۆژێن خزمەتگوزاری ل ناحیا چەمانکێ ‏بھێنە دامەزراندن و دلخوشی ڤە دێ ل ناحیا چەمانکێ (2) پارک بۆ بەختەوەریا ‏خەلکێ ڤێ دەڤەرێ ھێنە دروستکرن.‏

ناڤبری ئەو چەندە دوپاتکر: ھەردو باخچە ئانکو پارک دێ ژلایێ کومپانیا(ئێک کەی) ‏یا ئەمریکی ڤە ھێنە دروستکرن کو ھەمان کومپانی یا لێگەریانا نەفتێ یە و ل ‏چەمانکێ کار دکەت و ئەو ھەردوو پارکە دێ ژلایێ وێ کومپانیێ ڤە بۆ خزمەتا ‏خەلکی ھێنە دروستکرن و گوت ژی: ھەر پارکەک (2) دونەمێن ئەردی دگریت و ل ‏دەمەکێ نێزیک دێ دەست ب کارکرن و دروستکرنا ھەردو پارکان ھێتە کرن و دناڤ ‏پارکان دا دێ چەندین یاریێن زاروکان ژی ھێنە دابینکرن تاکو بەختەوەریا خەلکێ ‏ئەڤێ دەڤەرێ ھەردەم د بلندبونێ دا بیت.‏

ژ لایەکێ دیتر ڤە رێڤەبەرێ ناحیا چەمانکێ بو ئەڤرۆ ئەو چەندە ژی نەڤەشارت: ھەر ‏ب مەرەما پتر خزمەتکرنا خەلکێ چەمانکێ، ئێک ژ وان کومپانیێن دەڤەرا مە دێ وەک ‏ھاریکاریەک بو گەنجێن مە بۆ ئێکەم جار سەنتەرەکێ رەوشەنبیری و جڤاکی دێ ل ‏چەمانکێ ھێتە ڤەکرن و ڤان رۆژان دێ دەست ب ئاڤاکرنا ئاڤاھی ھێتە کرن و ئەو ‏ئاڤاھیە پێک دھێت ژ (ھولەکێ بۆ فێربوونا کومبیوتەری، ھۆلەکا کومبونان،) دگەل ‏چەندین ھولێن دیتر کو بنە جھێ مفا وەرگرتنا گەنجان و دێ بەردەوام بین ل سەر ‏ھەر کارەکێ ب بیتە ئەگەر گەنجێ مە بھێتە ھاندان تا کو شیانێن وان ژ دەستێ وان ‏دەرنەکەڤن و دێ ل سەر کارێن خوە بەردەوام بین د خزمەتا خەلکێ چەمانکێ دا .‏