ئەڤرۆ نیوز ، زنار تۆڤی:

پتریا ئەلمانیان د راپرسیەکێدا داخوازا دوورخستنا یواکیم لوفێ راهێنەرێ هەلبژارتیێ ئەلمانیا ژ وی پۆستی دکەن.
د راپرسیەکا دەزگەهەکێ میدیایی یێ ئەلمانیدا دەربارەی داهاتی لوفی ل گەل مانشافت پشتی دەرکەفتنا هەلبژارتیێ ئەلمانیا د قۆناغا کۆمەلێن مۆندیالا 2018 ل رووسیا، 55% یا پشکداران داخوازکریه کو لوف بهێته دوورخستن.

فیدراسیۆنا تەپاپێ یا ئەل ڤەکۆلینێن خوە بۆ دەستنیشانکرنا هۆکارێن دهرکەفتنا بلەز یا مانشافتێ د مۆندیالێ دا دەستپێکریە و پێدچیت هژمارەکا بریارێن پێدڤی ب داهاتیێ وی هەلبژاتی بدەت.

میدیایێن ئەلمانی ئاشکراکریە کو بابەتێ سەرەکی یێ فیدراسیۆنا تەپا پێ دەست نیشانکرنا راهێنەرەکێ یە بۆ جهگرتنا لوفی و راهێنەرێن بەربژار بۆ ڤی پۆستی هەر ئێک ژ یۆرگن کلۆپێ راهێنەرێ لیڤەرپوولا ئینگلیزی و تۆماس تۆخلێ راهێنەرێ پاریس سانجێرمان یا فرنسی، هەروەسا رالف هازنهاتلێ راهێنەرێ یانا لایپزیک یا ئەلمانی، هەروەسا د مێژوویا هەلبژارتیێ ئەلمانیا دا چو راهێنەرێن بیانی نەبووینه راهێنەرێن مانشافت.

هەر چەندە ئێکەمجارە ژ سالا 1983 هەلبژارتیێ ئەلمانیا ل قۆناغا کۆمەلێن مۆندیالێ دەردکەڤیت، بەلێ بەری نوکە سێ جاران ل قۆناغا کومەلان دا ل جاما نەتەوێن ئورۆپا دا دەرکەفتیە.

ئەڤرۆ نیوز:
تیما تەپا پێ یا یانا زاخۆ جارەکا دی توشی خوسارەتیێ بوو د خولا نایابا عیراقێ د ناڤ ئەرد و جەماوەرێ خوە دا ڤێ جارێ ژی لسەر دەستێ یانا جەویە ب گۆلەکێ بێ بەرامبەر د یاریێن گەرا ٣٤ دا.
د ڤێ یاریێ دا یانا زاخۆ نەشیا خوە نێزیکی گۆلا یانا جەویە بکەت و مەترسیێ لسەر گۆلا وێ پەیدابکەت لەورا د بەرامبەر دا یانا جەویە شیا فشارەکا مەزن ل سەر گۆلا زاخۆ پەیدابکەت و د نیڤا ئێکێ دا جەویە شیا ب رێکا یاریزانێ خوە یێ چەلەنگ ئەمجەد رازی گۆلا ئێکانە یا یاریێ توماربکەت.
د نیڤا دویێ دا یانا جەویە شیا نیڤا یاریگەھێ کونترول بکەت و رێ نەدا یانا زاخۆ ھێرشان لسەر گۆلا جەویە پەیدابکەت ھەتا یاری ب دوماھی ھاتی ب سەرکەفتنا جەویە ب گۆلەکێ بێ بەرامبەر.
ب ڤی ئەنجامی زاخۆ ما ل رێزا دوماھیا رێزبەندا خولا عیراقێ یا نایاب و ھەتا رادەیەکێ مەزن دێ داکەڤیتە خولا پلە ئێک ل وەرزێ بھێت.

ئەڤرۆ نیوز:
ھەردو ھەلبژارتیێن کولومبیا و ژاپون شیان ژ کوما ھەشتێ دەربازی قوناغا شازدێ یا موندیالا روسیا ٢٠١٨ بیت و ھەلبژارتیێ سینیگال ژی ب جوداھیا گۆلان رێزا سیێ ھات خاتر ژ ھەڤرکیێن موندیالێ خاست.
د یاریا ئێکێ دا ھەلبژارتیێ کولومبیا پشتی زەحمەتەکا مەزن شیا ب گۆلەکا ئێتیم سەرکەفتنێ لسەر ھەلبژارتیێ سینیگال توماربکەت و شیا وەک سەرکێشا ڤێ کۆما ھەشتێ ب شەش خالان دەربازی قوناغا شازدێ بیت.
ژ لایێ خوە ڤە ھەلبژارتیێ ژاپونێ توشی خوسارەتیەکا نە چارڤەرێ کری بوو لسەر دەستێ پولەندا ب گۆلەکێ بێ بەرامبەر لێ سەرەرای خوسارەتیێ ھەلبژاتیێ ژاپون شیا دەربازبیتە قوناغا شازدێ ب چار خالان.