ئەڤرۆ نیوز ، زنار تۆڤی:
وەسا بریارە کو سوبەهی دوشەمبی 27.8.2018 ئێکەم گەرا حەجیێن عیراقێ ژ وەلاتێ سعودیێ ڤەگەرن و پشکەکا وان حەجیان خەلکێ هەرێما کوردستانێ نە و دێ ب رێیا فرۆکخانێن هەرێمێ هێنە کوردستانێ.
کۆمپانیا هێلا ئەسمانی یا عیراقی ئەڤرۆ ئێکشەمبی راگەهاندیە، کو وان هەموو بەرهەڤی بۆ ڤەگەراندنا حەجیێن عیراقێ و هەرێما کوردستانێ کرینە و سوبەهی دێ ئێکەم کاروانێ حەجیان ژ سعوویێ ب رێیا فرۆکخانەیێن بەغدا، هەولێر، سلێمانی، نەجەف و بەسرا ڤەگەرن و پشکەک ژ وان حەجیێن فەدگەرن خەلکێ کوردستانێ نە.
ئەڤرۆ نیوز:
تیما تەپاپێ یا یانا چێلسی شیا سەرکەفتنەکا گرنگ ل سەر یانا نیوکاسل توماربکەت ب دو گۆلان بەرامبەر گۆلەکێ و ڤێ سەرکەفتنێ ریکوردەک تومارکر زێدەباری ڤەکرنا گرێیەکێ.
د یاریا ئەڤرۆ دا ئەوا ل یاریگەھا سانت جێمس پارک یا تایبەت ب یانا نیوکاسل ڤە ھاتیە کرن و ب سەرکەفتنا چێلسی ب دوماھی ھاتی ب دو گۆلان بێ بەرامبەر، د ڤێ یاریێ دا یانا چێلسی شیا ریکورەدەکێ توماربکەت ئەو ژی ب سێ سەرکەفتنا ل دووڤ ئێک ل ماوێ سێ سالێن بوری دا دیسان شیا گرێیا خوسارەتی و وەکھەڤیان د یاریگەھا نیوکاسل دا ڤەکەت ئەو ژی پشتی بورینا ٤١ خوسارەتی وەکھەڤیان ل ماوێ بوری ئێکەم سەرکەفتن تومارکر.
ئه‌ڤرۆ نیوز، نه‌وزاد هلۆرى:
داستانا ئاسته‌نگا سیدان ئێكه ژ وان داستانێن مه‌زن كو ل 26/8/ 1988 ل ده‌ما ئه‌نفالێن ره‌ش دا ل گه‌لیێ بالندا و گوندێ سیدان هاتیه تۆماركرن ژلایێ پێشمه‌رگێن قه‌هره‌مان ڤه دژى رژێما به‌عس.
سالح شنگێلى، كو ئێكبویه ژ وان پێشمه‌رگێن پشكدار د ئاسته‌نگا سیدان دا دیاردكه‌ت كو ل 26/8/1988 ل گوندێ سیدان و ئاسته‌نگا سیدان ژلایێ پێشمه‌رگێن سه‌ر ب لقێ ئێك یێ پارتى دیموكراتى كوردستان هاتیه ئه‌نجامدان دژى رژێما به‌عس و بوویه ئه‌گه‌رێ رزگاربوونا هزاران كه‌سان ژ زارۆك و ژن و پیر و كالێن ده‌ڤه‌رێ.
زێده‌تر گۆت: (د ئاسته‌نگا سیدان ژى پێشمه‌رگه‌یان شیان د ده‌مێ 24 ده‌مژمێران دا دوژمنى بشكێنن و هه‌موو خه‌لكێ ده‌ڤه‌رێن بارزان ، زێبار ، و هنده‌ك ژ خه‌لكێ شێخان و ئاكرێ خوه ژ مرنێ قورتال بكه‌ن و ئاسته‌نگا سیدان ب ئێك ژ جهێن ستراتیژى دهاته هژمارتن بۆ دانانا بوسه‌یان بۆ دوژمنى ، به‌لێ رژێما به‌عس ب پلانه‌كا دارشتى دا جاش دانانه به‌راهیا خوه و به‌ر ب پێشمه‌رگه‌ى ڤه دهاتن ، به‌لێ پێشمه‌رگه شیا ب سه‌ركه‌ڤیت،و ده‌هان كه‌سان ب كوژن و بریندار بكه‌ن و ده‌سته‌سه‌ر بكه‌ن).
بۆ ئه‌ڤرۆ نیوز، حه‌مۆ محه‌مه‌د:
سه‌رۆكێ لژنا چاندن و ژێده‌رێن ئاڤێ ل جڤاتا پارێزگه‌ها دهۆكێ بۆ ئه‌ڤرۆ نیوز دیار كر، ب مه‌ره‌ما راگرتنا هه‌ڤسه‌نگیێ د ناڤبه‌را به‌رهه‌مێ خۆمالی و و یێ بیانی، ب ره‌نگه‌كی كو جوتیارێ هه‌رێمێ و وه‌لاتی زه‌ره‌رمه‌ند نه‌بن، بڕیاره سوبه‌هی جڤاتا پارێزگه‌ها دهۆكێ ل دۆر ئینانا ته‌ماته و پتاتا ئیرانی كۆم ببیت.
سه‌باح بابیری، سه‌رۆكێ لژنا چاندن و ژێده‌رێن ئاڤێ ل جڤاتا پارێزگه‌ها دهۆكێ ئاشكرا كر، پشتی به‌رهه‌مێ ناڤخوه گه‌هشتی، وه‌زاره‌تا چاندنێ یا هه‌رێمێ بڕیار دا ب دانانا باجێ ل سه‌ر ئینانا وان به‌رهه‌مان بۆ ناڤ هه‌رێما كوردستانێ؛ یێن بازارێن هه‌رێمێ پر دكه‌ن و پێدڤی نه‌بیت ژ ده‌رڤه بهێن و گۆت: “دیاره ئه‌و بڕیارا حوكمه‌تێ نه‌بوو رێگر ئینانا ڤان به‌رهه‌مان كێم ببیت و ژ به‌ر دو ئه‌گه‌ران نه‌شیان كونترۆل بكه‌ن، ئێك: ئه‌و رێژا هاتی هنده‌كێ باج دایه و رێژه‌كێ باج نه‌دایه، دو: ئه‌و رێژا باجێ یا وه‌زاره‌تێ دانای كێمتر یا هاتیه وه‌رگرتن، له‌و ئه‌ڤ چه‌نده یا بوویه ئه‌گه‌ر كو به‌رهه‌مێ بیانی هه‌ڤڕكیێ ل گه‌ل یێ خۆمالی بكه‌ت”.
گۆتژی: “مه ئه‌ڤ بابه‌ته ل لژنا چاندنێ ل جڤاتا پارێزگه‌هێ به‌حس كر، دیسا مه چه‌ند جارا سه‌ره‌دانا عه‌لوێن فێقی كر، مه دیت ته‌ماته و پتاتێن ئیرانی ب هه‌ردو ئه‌گه‌ران یاهاتی، له‌و مه ب فه‌ر دیت ل گه‌ل لایه‌نێن په‌یوه‌ندیدار، مینا: رێڤه‌به‌ریا گشتی یا چاندنێ، رێڤه‌به‌ریا گۆمركێ، هۆبا ئابووری ل ئاسایشێ و نوونه‌رێن عه‌لوا و جۆتیاران كۆم ببین و ڤی بابه‌تی به‌حس بكه‌ین و ب گه‌هینه شێوازه‌كی كو وه‌لاتی و جۆتیارێن مه هه‌ردو زه‌ره‌رمه‌ند نه‌بن، ئانكو جۆتیار خه‌لكی ئستیغلال نه‌كه‌ن كو ته‌ماته و پتات د بازاری دا كێم ببن و گران ب فرۆشنه خه‌لكی و كونترۆل ژی ل سه‌ر بابه‌تێ دانا باجێ بهێته كرن و “.
ئه‌ڤرۆنيوز:
ئه‌ندامه‌كێ ليستا نه‌سر ب سه‌رۆكاتيا حه‌يده‌ر عه‌بادى ئاشكراكر كو ئه‌ڤرۆ كۆمبوونه‌ك دناڤبه‌را ليستێن نه‌سر وسائيرون وپشكه‌ك ژ ئه‌ندامێن فه‌تح بۆ پێكئينانا مه‌زنترين هه‌ڤپه‌يمانيا په‌رله‌مانى دێ هێته ئه‌نجامدان.
عه‌لى سنێد، ئه‌ندامێ ليستا نه‌سر گۆت ژى” هژماره‌كا وان ئه‌ندامێن ليستا فه‌تح ئه‌وا هادى عامرى سه‌رۆكاتيا وي دكه‌ت، ژ فه‌تح جودابووينه ويێن هاتينه دناڤ ليستا سائيرون يا ب سه‌ر موقته‌دا سه‌در ڤه”.
سنێد زێده‌تر بۆ سه‌مه‌ريه نيوز گۆت” نوكه ليستا سائيرون وليستا نه‌سر وهژماره‌كا ئه‌ندامێن ليستا فه‌تح يێن دكۆمبوونه‌كا هه‌ڤپشك دا ب مه‌ره‌ما پێكئينانا مه‌زنترين هه‌ڤپه‌يمانيا په‌رله‌مانى”.
گۆت ژى” ئه‌و ئه‌ندامێن فه‌تح ئه‌وێن دكۆمبوونێ دا پشكدار ئاماژه دايه كو ئه‌و دخوازن ژ فه‌تح جودابن وب ئێكجارى بهێنه دانڤ ريزێن سائيرون دا”.
ئه‌ڤرۆنيوز:
سه‌رۆك كۆمارا عيراقێ، فوئاد مه‌عسووم، ئه‌ڤرۆ ئێكشه‌مبى 26/8/2018 راگه‌هاند عيراق بريارا سزايێن ئه‌مريكا ل سه‌ر ئيرانێ بجه نائينيت وپێگيريێ پێ ناكه‌ت ودياركر كو حه‌يده‌ر عه‌بادى سه‌رۆك وه‌زيران له‌زكر ل دۆر راگه‌هاندنا پشته‌ڤانيا حوكمه‌تا وى بۆ سزايێن ئه‌مريكا.
فوئاد مه‌عسووم، سه‌رۆك كۆمارا عيراقێ بۆ كه‌نالێ ( العالم) يێ ئيرانى گۆت”عيراق نه‌شێت پێگيريێ ب سزايێن ئه‌مريكا ل سه‌ر ئيرانێ بكه‌ت، دبيت عه‌بادى ژى له‌ز كربيت ل دۆر راگه‌هاندنا هه‌لويستێ عيراقێ ل به‌رانبه‌ر وان سزايێن ئه‌مريكا ل سه‌ر ئيرانێ سه‌پاندين”.
مه‌عسوومى ل وێ ديدارێ به‌رگرى ژ به‌ره‌يێ ئيرانێ كر وگۆت” دبيت هه‌كه عه‌بادى دكۆنگرێ رۆژنامىڤانى دا نه‌با، به‌رسڤه‌كا دى دابا ل دۆر هه‌لويستێ عيراقێ ل سه‌ر سزايێن ئه‌مريكا بۆ سه‌ر ئيرانێ، چونكى دا زانيت كو عيراق نه‌شێت پێگيرى وان سزايان بيت”.
ئاشكراكر ژى” نه‌كو حه‌يده‌ر عه‌بادى، به‌لكو هه‌ر سه‌رۆك وه‌زيره‌كێ دى ژى ل عيراقێ نه‌شێت پێگيرى وان سزايێن ئه‌مريكا بيت بۆ سه‌ر ئيرانێ، ژئه‌گه‌رێ وان په‌يوه‌نديێن دناڤبه‌را هه‌ردو وه‌لاتان دا هه‌ين”.
مه‌عسووم ئاماژه دا” داخۆيانيێن عه‌بادى تنێ ئاخڤتن بوون نه‌كو بريار ل دۆر سزايێن ئه‌مريكا ل سه‌ر ئيرانێ، چونكى ئه‌و داخۆيانيه ناهێته بجهئينان”.
ئه‌ڤرۆنيوز:
پشتى په‌رله‌مانێ ئيرانى وه‌زيرێ ئابوورى ودارايى يێ وى وه‌لاتى، مه‌سعود كرباسيان، ژكارێ وى لاداى، راپۆرته‌كا ئيسرائيلى دياركر كو ئابوورێ ئيرانێ يێ به‌ر ب ژناڤچوونێ دچيت.
مالپه‌رێ (JDN) يێ ئيسرائيلى ئه‌ڤرۆ ئێكشه‌مبى 26/8/2018 به‌لاڤكر ” بريارا په‌رله‌مانێ ئيرانى ب لادانا وه‌زيرێ ئابوورى ژئه‌گه‌رێ خراب بوونا ره‌وشا ئابوورى بوو ل ئيرانێ كو ئه‌و چه‌نده ژى ڤه‌دگه‌ريت بۆ بريارا سه‌رۆكێ ئه‌مريكى ترانپى يا سه‌پاندنا سزايێن ئابوورى ل سه‌ر ئيرانێ”.
وى مالپه‌رى دياركر كو حوكمه‌تا ئيرانى هنده‌ك وه‌زيرێن خوه كرينه قوربانى خرابيا ره‌وشا ئابوورى ل وه‌لاتى ب تايبه‌تى وه‌زيرێ ئابوورى دبيته دوه‌مين وه‌زير هه‌ر ژده‌ستپێكا ڤێ هه‌يڤێ دهێته لادان”.
دياركر ژى” ئابوورێ ئيرانێ يێ بزاڤێ دكه‌ت ژ وێ دربا ترامپى لێداى رابيته ڤه”.
وه‌زيرێ ئابوورى ل ئيرانێ هاتبوو لادان ژئه‌گه‌رێ بلندبوونا بهايان وژناڤچوونا دراڤێ ئيرانى (تومان)ى.
مالپه‌رى ئيسرائيلى دياركر” ده‌زگه‌هين راگه‌هاندنێ يێن ئيرانى ب خوه ژى دياردكه‌ن كو لادانا وه‌زيرێ ئابوورى وبه‌رى وى وه‌زيرێ فێركرنێ، رامانا پاشڤه‌چوونا ئابوورێ ئيرانى دده‌ت، زێده‌بارى بلندبوونا بهايان”.
ئه‌ڤرۆنيوز:
به‌رپرسێن ره‌وتێ سه‌درى رادگه‌هينين، ل چه‌ند ده‌مژمێرێن داهاتى دێ مه‌زنترين هه‌ڤپه‌يمانيا په‌رله‌مانى راگه‌هينن وژبلى فراكسيۆنێن سائيرون ونه‌سر وحكمه، چه‌ند په‌رله‌مانتارێن فه‌تح وده‌وله‌تا قانوونێ ژى دێ پشكداريێ تێدا كه‌ن.
رۆژناما (العربي الجديد) ژ ژێده‌ره‌كێ بلند يێ سياسى به‌لاڤكر كو ل چه‌ند ده‌مژمێرين داهاتى دا، ليستێن سونى دێ چنه دناڤ وێ هه‌ڤپه‌يمانيا ره‌وتا سه‌درى كو ل ئۆتێلا بابل ل به‌غدا پێكئينابوو وئه‌گه‌رێ هاتنا چه‌ند په‌رله‌مانتارێن فه‌تح وده‌وله‌تا قانوونێ ژى يا هه‌ى.
ناوم عه‌بادى، جێگرێ سه‌رۆكێ ليستا سائيرون بۆ كه‌نالێ العربيه گۆت”دانوستاندنێن پێكئينانا مه‌زنترين هه‌ڤپه‌يمانيا په‌رله‌مانى يێن ل دووماهيا چركان دا ول گه‌ل كورد وسونه‌يان ژى ل دۆر وێ چه‌ندێ ئاخڤتنا جدى هاتيه كرن”.
ئاشكراكر ژى” ژبه‌ركو ليستا سائيرون ل سه‌ر بنه‌مايێ به‌رنامه‌ى دانوستاندنان دكه‌ت، نوكه پۆستان، ليستێن سه‌ركه‌فتى ب گه‌رمى پێشوازيێ لێ دكه‌ن”.
ئەڤرۆ نیوز:
ئەنەکە وەسان دبینیت کو ئەوا د ناڤبڤەرا ھەسەدێ و رژێما ئەسەد دا روو ددەت دانوستاندن نینە، بەلکو رادەستکرنا رۆژئاڤایێ کوردستانێ یە بۆ رژێمێ و رزگارکرنا دیمەشقێ یە ژ وان کاودانێن لاواز یێن تێدا د بۆریت.
نوری بریمۆ د داخۆیانیەکێ دا بۆ وشە بەحس ل وێ چەندێ دکەت کو نابیت رێکەفتن ل گەل ئەسەد بھێتە کرن و پێدڤیە وەکو کورد کار ژ بۆ وێ چەندێ بھێتە کرن کو بەشار ئەسەد بھێتە دەستەسەرکرن و بھێتە دادگەھکرنا ل دادگەھا تاوانان ل لاھایی.
دا زانین کو دانوستاندن ل گەل رژێمێ ئانکو رادەستکرنا رۆژئاڤا و ب ھێزکرنا رژێمێ و ئەڤە خیانەتە، نە رژێم دشێت نوونەراتیا گەلێ سوریا بکەت و نە ژی پەیەدە دشێت نوونەراتیا گەلێ کورد بکەت، پاشەرۆژا سوریا نوکە یا د دەستێ جڤاکا نێڤدەولەتی دا.
نيشاندان