رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 27 خزيرانا 2018ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1204 |
| 1 يۆرۆيێ ئه‌ورۆپى | 1400 |
| 1 ليرێ توركى | 260 |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئه‌ڤرۆ نيوز، نيوار محه‌مه‌د سه‌ليم:
وه‌زاره‌تا په‌روه‌ردا حوكمه‌تا هه‌رێما كوردستانێ، راگه‌هاند كو ده‌مژمێر 7ى ئێڤاريا ئه‌ڤرۆ، ئه‌نجامێن ئه‌زموونێن پۆلا 12ى ئاماده‌ى و 9ێ بنه‌ره‌تى دێ هێنه به‌لاڤكرن. ل سه‌ر ئاستێ زانستى و ئه‌ده‌بى و پۆلا نه‌هێ بنه‌ره‌ت ب تنێ كچه‌ك ژ دهۆكێ د ناڤ 10 سه‌ركه‌فتيێن ئێكێ دايه.
ئيبراهيم حاجى يه‌زدين، رێڤه‌به‌رێ كاروبارێن ته‌كنيكى و ئه‌زموونان ل رێڤه‌به‌ريا گشتى يا په‌روه‌ردا پارێزگه‌ها دهۆكێ د داخۆيانيه‌كا تايبه‌ت دا بۆ ئه‌ڤرۆ نيوز گۆت: “ل سه‌ر هه‌ردو ئاستێن ئه‌ده‌بى و زانستى ل گه‌ل پۆلا نه‌هێ بنه‌ره‌ت ب تنێ ئێك كه‌س ژ دهۆكێ د ناڤ 10 سه‌ركه‌فتيێن ئێكێ دايه”.
زێده‌تر گۆت: “قوتابى شيلان ئه‌حمه‌د سالح ژ ئاماده‌يا به‌هره‌داران ل سه‌ر ئاستێ زانستى ژ 10 سه‌ركه‌فتيێن ئێكێ يه ژ پارێزگه‌ها دهۆكێ”.
رێڤه‌به‌رێ كاروبارێن ته‌كنيكى و ئه‌زموونان ل رێڤه‌به‌ريا گشتى يا په‌روه‌ردا پارێزگه‌ها دهۆكێ ئاشكه‌را ژى كر كو ل دهۆكێ زێده‌تر قوتابيان دڤێت خوه ب هێلن ژ ترسێن كۆيێ گشتى يێ نمران دا و ئه‌ڤه ژى كارتێكرنێ ل ئه‌نجامێن وان دكه‌ت.
ب گۆره‌ى راگه‌هاندنه‌كا وه‌زاره‌تا په‌وه‌ردێ كو وێنه‌ك ب ده‌ست ئه‌ڤرۆ نيوز كه‌فتيه، ده‌سپێكێ ناساندن و ئاشكه‌راكرنا سه‌ركه‌فتيێن ئێكێ يه ل سه‌ر ئاستێ هه‌رێمێ.
د وێ راگه‌هاندنێ ئاماژه ب وێ چه‌ندێ هاتيه كرن كو پشتى دانه‌نياسينا سه‌ركه‌فتيێن ئێكێ، دێ ئه‌نجام هێنه به‌لاڤكرن و قوتابى دشێن ئێكسه‌ر ژ مالپه‌رێ رێڤه‌به‌ريا گشتى يا ئه‌زموونان سه‌ر ب وه‌زاره‌تا په‌روه‌ردێ ئه‌نجامان وه‌ربگرن.
بۆ وه‌رگرتنا ئه‌نجاما پشتى ده‌مژمێر 7ى ئێڤاريا ئه‌ڤرۆ كليكێ ل سه‌ر ڤان لينكێن ل خوارێ بكه:
پۆلا 12ی ئاماده‌یی: http://anjam.azmoonakan.org/
پۆلا 9ی بنه‌ڕه‌تی: http://anjam.azmoonakan.org/
ئه‌ڤرۆ نيوز:
وه‌زاره‌تا په‌روه‌ردا حوكمه‌تا هه‌رێما كوردستانێ، راگه‌هاند كو ده‌مژمێر 7ى ئێڤاريا ئه‌ڤرۆ، ئه‌نجامێن ئه‌زموونێن پۆلا 12ى ئاماده‌ى و 9ێ بنه‌ره‌تى دێ هێنه به‌لاڤكرن.
ب گۆره‌ى راگه‌هاندنه‌كا وه‌زاره‌تا په‌وه‌ردێ كو وێنه‌ك ب ده‌ست ئه‌ڤرۆ نيوز كه‌فتيه، ده‌سپێكێ ناساندن و ئاشكه‌راكرنا سه‌ركه‌فتيێن ئێكێ يه ل سه‌ر ئاستێ هه‌رێمێ.
د وێ راگه‌هاندنێ ئاماژه ب وێ چه‌ندێ هاتيه كرن كو پشتى دانه‌نياسينا سه‌ركه‌فتيێن ئێكێ، دێ ئه‌نجام هێنه به‌لاڤكرن و قوتابى دشێن ئێكسه‌ر ژ مالپه‌رێ رێڤه‌به‌ريا گشتى يا ئه‌زموونان سه‌ر ب وه‌زاره‌تا په‌روه‌ردێ ئه‌نجامان وه‌ربگرن.
بۆ وه‌رگرتنا ئه‌نجاما پشتى ده‌مژمێر 7ى ئێڤاريا ئه‌ڤرۆ كليكێ ل سه‌ر ڤان لينكێن ل خوارێ بكه:
پۆلا 12ی ئاماده‌یی: http://anjam.azmoonakan.org/
پۆلا 9ی بنه‌ڕه‌تی: http://anjam.azmoonakan.org/
ئەڤرۆ نيوز:
رێڤەبەرێ دروستکرنا دان و دکاکی ل پارێزگەھا دھۆکێ بۆ ئەڤرۆ دیار کر، ئەو داخوازێ ژ وەلاتیان کر سەردانا بریکارێن خوە بکەن بۆ وەرگرتنا ئاری، بەری قەیرانێ 90% ژ خەلکێ دھۆک و زاخۆ نەدچوونە بەرھرا خوە یا ئارێ، لێ نوکە 50% خەلک ئاری نابەنە مال و دبێژیت: د دەمێ شەش ھەیڤێن بۆری دا مە 12 بریکارێن ئاری سزا داینە.
نەجم عەبدوللا، رێڤەبەرێ دروستکرنا دان و دکاکی ل پارێزگەھا دھۆکێ خویا کر، 627 ھزار بریکارێن بەلاڤەکرنا ئاری ل پارێزگەھا دھۆکێ ھەنە، ھەتا نوکە ل کوردستانێ ب تنێ ئارێ ھەیڤا ئێک و دو ژ ئەڤ سالە ھاتیە بەلاڤەکرن، لێ عیراقێ یێ ھەیڤا چار ژی ھاتیە بەلاڤەکرن و گۆت: “پلانا بەلاڤەکرنا ئارێ ھەیڤا سێ بۆ سایلۆیان ھاتیە ھنارتن، لێ حوکمەتا بەغدا کێم گەنمی بۆ سایلۆیێن ھەرێمێ فرێ دکەت، چونکو گەنمێ دبیتە ئار ھەموو یێ وەلاتێن بیانی یە”.
ناڤبری ئەو ژی ئاشکرا کر، ملیۆنەک و 214 ھزار و 42 کەس نوکە ل پارێزگەھا دھۆکێ ئاری وەردگرن و بۆ بەلاڤەکرنا ئارێ ھەیڤەکێ پارێزگەھا دھۆکێ پێدڤی ب یازدە ھزار و 35 تەنێن ئاری ھەیە، ئار بۆ کەمپا ژی دھێتە بەلاڤەکرن و گۆت: “نوکە 90% نانپێژیێن دھۆکێ ئارێ بەلاڤەکرنێ بکاردئینن و ھەکە ئەو ئار نەبیت دێ ئارێ سفر گران بیت”.
گۆتژی: “نوکە 12 کارگەھێن دروستکرنا ئاری ل سنوورێ پارێزگەھا دھۆکێ ھەنە، چار ژ وان ل سەنتەرێ باژێرَێ دھۆکێ نە، ئێک شێخان، دو ئاکرێ ، ئێک فەیدیێ، ئێک دومیز، ئێک زاخۆ و دو ژی ل کواشێ، ئەڤان گرێبەست ل گەل حوکمەتا عیراقێ ھەنە و ھەر تەنکا گەنمی بکەنە ئار 10 دۆلار بۆ خودانێن کارگەھان دھێنەدان، ئەم ب تنێ مەرێنمایان ددەینە خودانێن کارگەھان و ل دووڤ وێ گرێبەستا حوکمەتا عیراقێ ل گەل ئەوان کارگەھان گرێدای، ھەر سەرپێچەکا ھەبیت دھێنە سزادان”.
نەجم عەبدوللا دیا ژی کر، لژنا بازارکرنا گەنمی ل پارێزگەھا دھۆکێ کۆمبوونەک ئەنجامدایە و ئەم بەرھەڤ نەبووین و نەگۆتبوو مە، وێ لژنێ بڕیار دایە کو گەنم بۆ کارگەھان بھێـتە راوستاندن و پارێزگەھێ ژ رێڤەبەریا چاندنێ خواستیە بۆچوونا خوە ل سەر ئەڤێ پێشنیارێ دیاربکەن و نوکە دانوستاندن ھەنە دبیت بھێتە بەلاڤەکرن و گۆت: “گەلەک جاران ترۆمبێلێن بارھەلگرێن ئاری ل ئالۆکا و بێسرێ ھاتیەگرتن، چونکو قەدەغە ئەڤ ئارە بھێتە فرۆتن”.
ئه‌ڤرۆ نيوز:
ئەنجامدانا وەرزشێ بۆ ھندێ یە مرۆڤ سەنگێ خوە کێم بکەت، ھندەک جاران ژی دبیتە ئەگەرێ قەلەویێ، ئەڤەژی ل دووڤ ئەنجامێن ڤەکولینەکا نەرویجی، وێ ڤەکولینی پشکدارێ، خوە کربوونە دو پشک، پشکەک ژێ پشتی خوارنا تێشتێ وەرزش دکر و پشکەک ێ ژی بەری خوارنا تیشتێ، وێ ڤەکولینێ بۆ دەمێ شەش حەفتیان ڤەکێشا و ھەموو پشکداران تێشتا وان 30% ژ کاوریان پێکھاتان و 50% ژ روینان.
ئەنجامێن ڤەکولینێ دیارکر ئەو کەسێن پشتی تێشتێ دەست ب وەرزشێ کری کیلو و نیڤا سەنگێ وان زێدیبوو و ئاریشێن ئەنسولینی ژی بۆ پەیدابوون، بەروڤای کۆما ئێکێ، پێدڤیە بزانین ژی کو ئەنجامدانا وەرزشێ بۆ دەمێ 20 دەقیقا ل سپێدەھیان دبیتە ئەگەر ب رێژا 16% مرۆڤ ژ مرنا ژنشکاڤە بھێتە پاراستن.
ئەڤرۆ نيوز:
- رۆژانە 10-30 دەقیقا تەرخان بکە بۆ رێڤەچوونێ و بلا گرنژین ل سەر دێمێ تە بیت.
– 10 دەقیقا بێ دەنگ روونە خوارێ.
– دەە دەمژمێران بو نڤستنا خوە تەرخان بکە.
– سێ تشتا بو ژیانا خوە دەستنیشان بکە ( ھێز، دلینی و رژداتی).
– رۆژانە یاریێن خوە مژوولکرنێ بکە.
– ھندی دشیان دا بیت پرتووکان د ھەموو وارێن ژیانێ دا بخوینە.
– دەمەکی بو خوارنا تو حەز ژێ دکەی تەرخان بکە.
– ھندەک ژ دەمێ خوە رۆژانە تەرخان بکە کو دگەل کەسانێن دانعەمر ببوورینی و ھندەک دەم ژی ل گەل گەنحان.
– ھەول بدە خەونێن خوە ب جھبینی.
– ھندی بشێی خوارنێن سروشتی بخوو و خوە ژ خوارنێن قودیککری دوور بکە.
– رێژەکا مەزن یا ئاڤێ ڤەخوو.
– ھەول بدە کەسێن دەروبەرێن خوە کەیفخوش بکەی.
– وەختێ خوە یێ گرنگ ب گەنگەشە و شەر و شەرەنیخان دەرباز نەکە.
– بابەتێن بووری ژبیربکە، ھزرا ھەڤالێ خوە ل شاشیێن دەربازبووی نەئینە، چونکو دێ نەخوشی پەیدابن.
– نەھێلە ھزرێن خراب کونترولا ژیانا تە بکەن ھێزا خوە ھەموویێ بو باشیێ تەرخان بکە.
– بزانە ژیان قوتابخانەیە، تو قوتابی دناڤدا، ئاریشەیێن ژیانێ ھندەک بابەتێن بیرکاریێ نە و تو دشێی چارەسەربکەی.
– ھەول بدە خوشیێ ب خوارنا خوە ببە.
– ھندی دشیان دابیت بگرنژە و بکە کەنی.
– ژیان یا کورتە، ب ململانێ و نەڤیانا کەسێن دەوروبەری خوە تەرخان نەکە.
– ھەموو بابەتا ب رژدی و گرنگی وەرنەگرە، بەلکە ب عەقلانە سەرەدەریێ ل گەل بکە.
– نە یا گرنگە ھەر گەنگەشەکا بھێتە کرن تو تێدا ب سەرکەڤی، دەمێ تو خەلەت بووی راوەستە و دەلیڤێ بدە یێ بەرامبەر خوە بوتە راستڤەکەت.
– تشتێ بوری ب ھەموو شاشیێن وێڤە دوور بکە، داکو پاشەرۆژا تە تێک نەچیت.
– ژیانا خوە بەراوەرنەکە ل گەل ژیانا کەسێن دی، و ھەڤژین/ا، خوە ژی بەراوەرد نەکە ب یێن کەسێن دی.
– ل بیرا تەبیت تو بەرپرسی ژ خوشیا ژیانا خوە.
– ل ھەموو کەسان ببوورە بێی جوداھی.
– مایێ خوە د پێشبینیێن خەلکی نەکە.
– باوەریا خوە ب خودێ ب ھێز بکە.
– ھندی کاودان د باش نەبن، بلا تە باوەری ھەبیت دێ ھێنە گوھارتن.
– کارێ تە چاڤدێریا تە ناکەت دەمێ تو نەخوش دبی، بەلکو خێزان و ھەڤالێن تە دێ چاڤدێریا تە کەن، لەورا دەمی بو وان تەرخان بکە.
– ھەر تشتەکێ باشی و خوشی و جوانی تێدا نەبن خوە ژێ دوور بکە.
– حەسیدی وەختێ مرۆڤی دکوژیت (یا گرنگ ئەوە تو بزانی تە ھەموو پێدڤی یێن ھەین).
– بلا ھەردەم تە باوەری ھەبیت، تشتێ باشتر یێ ب رێڤە.
– ھەستا تە یا چاوا بیت، خوە بێ ھێز نەکە، بەلکو یێ ھشیاربە و دەست ب کاری بکە.
– بلا ھەموو دەمان تە پەیوەندی ل گەل دایک و بابێن خوە و خێزانا خوە ھەبیت.
– ھەردەم یا گەشبین و کەیفخوش بە.
– رۆژانە تشتەکێ باشتر پێشکێشی خەلکی بکە.
– سنورێن خوە ل گەل کەسێن دی بپارێزە.
– خوە خەمبار نەکە بو تشتێ دەربازبووی، بەلکو ھەر ژ نوکە لاپەرەکێ نوو ڤەکە.
ئەڤرۆ نيوز:
ل گۆر راپۆرتەکا ئاژانسا فرانس پرێس پشتی کو ئەمریکا خوە ژ رێککەفتنا ئەتۆمی ل گەل ئیرانێ ڤەکێشایی چەندین وەلاتێن ئورۆپا ب تایبەتی ژی فرەنسا و ئەلمانیا رژد بوون کو دڤێت رێککەفتن بەردەوام بیت، لێ نھا ژ بەر فشارێن ئەمریکا ھێدی ھێدی وەلاتێن ئورۆپا خوە ژ ئیرانێ دوور دکەن و دوھی ژی بەرپرسەکێ فرەنسا راگەھاند کو چو نیشانێن باش بۆ ھندێ نینن رێککەفتنا ل گەل ئیرانێ بەردەوام بیت.
چاڤدێرێن سیاسی ژی دیار دکەن کو وەلاتێن ئورۆپا چەند سالن پەیمانێن مەزن د بیاڤێ ئابووری دا ل گەل ئیرانێ ئیمزا کرینە و دخواستن کو ل سەر کارێ خوە بەردەوام بن لێ دیارە نەشیان خوە ل بەر فشارێن ئەمریکا رابگرن و دێ ئیرانێ ب تنێ ھێلن.
ئەڤرۆ نيوز:
پشتی راگەھاندنا ئەنجامێن ھەلبژارتنێن تورکیا ئاشکرا بوو کو دەنگێ ھەدەپێ ل چەندین پارێزگەھێن مەزن یێن باکورێ کوردستانێ ب رێژەکا مەزن کێم بووینە و ل ئستەنبۆل، ئەنقەرە، ئزمیر و چەندین باژێرێن دی یێن تورکیا ژی دەنگێ ھەدەپێ زێدە بووینە، کورسیێن ئاکپارتیێ ل باکورێ کوردستانێ ژ یێن ھەدەپێ زێدەترن.
پشتی راگەھاندنا ئەنجامێن ھەلبژارتنێن پەرلەمانێ تورکیا دەرکەفتە ھۆلێ کو ھەدەپێ ژ سەرجەم ٦٧ کورسیان تنێ ٤٤ کورسی ژ باکورێ کوردستانێ بدەستڤە ئیناینە و بەرۆڤاژی ھەدەپێ، ئاکپارتیێ تنێ ل باکوری کوردستانێ شیایە ٧٧ کورسیان ب دەنگێ کوردان بدەستڤە بینیت و ل چەندین باژێران ژی ئاکپارتی حزبا ئێکێ بوویە و ھەروەسا دەنگێ ئەردۆگانی ژی ل گەلەک دەڤەرێن باکورێ کوردستانێ زێدە بوون.
ل دۆر ڤی بابەتی ئەحمەد شانلی نڤیسەرێ کورد بۆ رۆژناما ئەڤرۆ دیارکر کو ئەنجامێن سەرنجراکێش د ڤان ھەلبژارتنان دا ھەنە، یا ئێکێ دەنگێ ھەدەپێ ل باژێرێن تورکیا یێن وەکو ئستەنبۆل، ئەنقەرە، ئزمیر، مێرسین و چەندین باژێرێن دی ل گۆر ھەلبژارتنێن سالا ٢٠١٥ زێدە بووینە و بەرۆڤاژی ڤێ یەکێ ل باژێرێن کوردی یێن وەکو ئامەد، شەرنەخ و سێرت دەنگێ ھەدەپێ ل گۆر ھەلبژارتنێن سالا ٢٠١٥ کێم بووینە و ئاکپارتیێ ژی دەنگێ خوە زێدە کریە، ئەو یەک ژی نیشا ددەت کو ھەدەپە خوە ژ کوردان دوور کریە و بەربژارکرنا چەندین کەسێن تورک و شەرێ خەندەقان ژ ئەگەرێن سەرەکی بووینە کو دەنگێ ھەدەپێ ل باکورێ کوردستانێ کێم بوویە.
ناڤبری د بەردەوامیا ئاخڤتنا خوە دا ئەو یەک ژی دیارکر کو ھەدەپێ چو بەرنامەکێ وەسا بۆ باشکرنا ژیانا خەلکی نەبوو و ھەموو درووشمێن وان سیاسی بوون، ئەو بەحسێ ئاشتیێ و پێکڤەژیانێ و دیموکراسیێ دکەن، لێ گەلێ کورد ل باکورێ کوردستانێ دخوازیت رەوشا ژیانا وان ب تایبەتی ژی د بیاڤێ ئابووری دا باش بیت و ئاکپارتیێ گەلەک سۆز د ڤێ دەربازێ دا دابوونە کوردان و گۆت: (ئەز دبێژم ئەو دەڤەرێن کو شەرێ خەندەقان لێ ھاتەکرن و بۆ ئەگەرێ وێرانبوونا چەندین باژێران ل وان دەڤەران کوردان دەنگێ خوە دایە ئەردۆگانی و ئاکپارتیێ و ئەو یەک ژی شکەستنەکا مەزنە بۆ ھەدەپێ و دڤێت پەکەکە و ھەدەپە پێداچوونەکا باش د سیاسەتا خوە دا بکەن).
ل دۆر زێدەبوونا دەنگێ ھەدەپێ ل باژێرێن مەزنێن تورکیا ژی ناڤبری دیارکر کو ھەدەپێ گەلەک کەسێن تورک بەربژار کربوون دا دەنگێ وان بدەستڤە بینیت، ئەو کەسێن چەپێن تورک دەنگێ خوە دانە ھەدەپێ، لێ دڤێت ژبیر نەکەین کو چەندین ملیۆن کورد ل ئستەنبۆل و ئەنقەرە و باژێرێن دی یێن تورکیا دژین و ھەدەپێ ڤێجارێ شیا دەنگێ وان ژی بدەستڤە بینیت و گۆت: (لێ سیاسەتا شاش یا ھەدەپێ وەسا کر کو ئیسلامیێن کورد دەنگێ خوە بدەنە ئاکپارتیێ، پێدڤی بوو ھەدەپێ گرنگی ب ئالیێن ئیسلامی ل باکورێ کوردستانێ دابا و پێدڤی بوو چەندین زانایێن ئایینی ژی ژ ئالیێ ھەدەپێ ڤە ھاتبانە بەربژارکرن، لێ مخابن ئەو یەک نەھاتە کرن و ئاکپارتیێ ژی شیا مفایی ژ شاشیێن ھەدەپێ وەربگریت و رێژا دەنگێ خوە ل گۆر ھەلبژارتنێن بۆری پاراست و ل گەلەک دەڤەران زێدە ژی کر، ئەو یەک ژی نیشا ددەت کو دڤێت ھەدەپێ راستیا نھا ببینیت و دانپێدانێ ب ھندێ بکەت کو نەشیایە سیاسەتەکا راست ل گۆر جڤاکێ کوردی ل باکورێ کوردستانێ برێڤە ببەت و ژ بەر ھندێ ژی ھژمارەکا بەرچاڤ یا کوردان دەنگێ خوە دانە ئاکپارتیێ و ئەردۆگانی).
ئه‌ڤرۆ نيوز، فاتما مزوورى:
له‌شكرێ توركيا راگه‌هاند كو شه‌ش پێگه‌هـ و چه‌په‌رێن په‌كه‌كێ يێن ناڤ ئاخا هه‌رێما كوردستانێ ژ لايێ فرۆكێن شه‌ر ڤه هاتينه بۆمبه‌بارانكرن.
سه‌رۆك ئه‌ركانيا توركيا د داخۆيانيه‌كێ دا راگه‌هاند كو شه‌ڤا ده‌ربازبووى 26ى خزيرانا 2018ێ فرۆكێن شه‌رى يێن توركيا ل ده‌ڤه‌رێن ئاڤا شين و باسيان حه‌فته‌نين يێن هه‌رێما كوردستانێ ئۆپه‌راسيۆنێن ئه‌سمانى ئه‌نجام داينه.
ب گۆره‌ى داخۆيانيا سه‌رۆك ئه‌ركانيا توركيا شه‌ش پێگه‌هـ و چه‌په‌رێن په‌كه‌كێ ب ئارمانج گرتينه و هه‌شت گه‌ريلايێن په‌كه‌كێ هاتينه كوشتن.
د داخۆيانيێ دا ئاماژه ب وێ چه‌ندێ هاتيه كرن كو فرۆكێن بێ فرۆكه‌ڤان ئه‌ڤ پێگه‌هه ده‌ستنيشانكرينه و فرۆكێن F-16 ژى بۆمبه‌بارانكرينه.
ده‌رباره‌ى ڤێ داخۆيانيا سه‌رۆكاتيا ئه‌ركانێ له‌شكرێ توركيا باسكێ له‌شكرى يێ په‌كه‌كێ و هێزێن پاراستنا گه‌ل (هه‌په‌گه) چو داخۆيانى نه‌داينه.
ئەڤرۆ نيوز:
فەرماندێ فەرماندەیا پێشمەرگێ کوردستانێ ل شنگال راگەھاند، ھەتا نھا پەکەکە د ناڤا شنگالێ دا مایە و ئەو فلمێ وان چێکری کو شنگال ب جە ھێلایە، فلمەکێ کۆمێدی بوو و چو راستی بوو نەبوون.
قاسم شەشۆ، فەرماندێ فەرماندەیا پێشمەرگێ کوردستانێ ل شنگال تایبەت بۆ ئەڤرۆ دیار کر، ئەو دەمێ پەکەکێ بریار دای خوە ژ شنگالێ ب ڤەکێشن، ب تنێ سیناریۆیەک بوویە بۆ ھندێ سۆپایێ تۆرکیا ھێرشێ نەکەنە سەر وان و ب تنی فلمەکێ کۆمێدی بوویە، چونکو نھا پەکەکە ھەر وەکو جاران ل ناڤا شنگالێ ماینە و ھێزێن وان ژ بەر ھینگی زێدەتر ژی لێ ھاتینە.
خویاژی کر، تورکیا و عیراق و ئەمریکا ژی دزانن نھا پەکەکە ل شنگالێ یە و خوە نەڤەکێشایە و ھەبوونا وان ل دەڤەرێ جھێ مەترسیێ یە، چونکو ھەردەم شنگال ل بەر مەترسیا ھندێ یە ھێرشەکا چەکدار و ئاسمانی یا مەزن بھێتە سەر و پێدڤیە فشارەکا مەزن ل سەر پەکەکێ بھێتە کرن و ھەتا نھا ژی بارەگایێن پەکەکێ ل شنگالێ ماینە.
شەشۆ ئاشکرا کر کو ل شوونا پەکەکێ بەرەڤانیێ ژ کوردێن باکووری بکەن، ھاتینە لۆلۆیا تڤەنگا خوە کریە د سەرێ برایێن خوە یێن کورد دا ل ھەرێما کوردستانێ و مەرەما ھەبوونا وان ل شنگال ئەوە ئەگەر ھات و ل قەندیل شکەستن، بارەگایێ خوە یێ سەرەکی ل شنگالێ بدانن.
فەرماندێ فەرماندەیا پێشمەرگێ کوردستانێ ئەو یەک ژی ئاشکرا کر کو ھەتا نە پەکەکە موچەیێن خوە ژ حۆکمەتا عیراقێ وەردگرن و حوکمەتا عیراقێ ھاریکاریا وان دکەت بۆ ھندێ ئەو ل شنگال بمینن و رەوشا شنگالێ تێکبدەن.
نيشاندان
