ئه‌ڤرۆ نيوز:
چاڤدێرەکێ سیاسی ئاماژە دکەت وێ چەندێ کو دڤێت پارتی و ئێکەتی چاڤەرێ نەبن و بەری ئاڤاکرنا حوکمەتێ ل بەغدا دەست ب دانوستاندنێ بکەن، چونکو ھەژمارتنا دەنگان ب دەستی ئەنجامێن ھەلبژارتنان چو گوھۆڕین ب سەرداناھێن.
دیندار نەجمان دۆسکی، چاڤدێرێ سیاسی بۆ رۆژناما ئەڤرۆ گۆت: پشتی بریارا دادگەھا فیدرال ل سەر ھەژمارتنا دەنگێن ھەلبژارتنان ب دەستی باوەرکەم گەلەک گوھۆڕین ب سەر ئەنجامان دا بھێن و دێ ھەر ئەڤ ھێزەبن ودناڤ ھەموو عیراقێ دا ژ 2003 وەرە ھەتا نوکە ھەر ئەڤ ھێزە بووینە دەستھەلات ل عیراقێ کرین، خالا ھەڤپشکا د ناڤبەرا لیستا سائیرون و یا فەتح دا دژاتیکرنا ئەمریکا یە، حەشەدا شەعبی گرێدایە ب ئیرانێ ڤە یە و سەدر ژی راستە گوتارا وی نشتیمان پەروەری تێدا ھەیە لێ دژی ھەبوونا ئەمریکا یە ل عیراقێ و ئەڤە خالا ھەڤپشکە دناڤبەرا ھەر دو ئالیان دا و دڤێت لیستێن دی ژی رێکخەری ل گەل ھەبیت.
نەجمانی خویاکر، دڤێت پارتی دیموکراتی کوردستان و ئێکەتی نشتیمانی کوردستان دانوستاندنێ ل گەل لیستێن سەرکەفتی ل ھەلبژارتنان دا بکەن، و تەماشەکەنێ کیش لیست دێ شێت خواستێن کوردان بجە ئینت، پێدڤی یە بەری دروست بوونا حوکمەتێ کورد دانوستاندنان دەست پێ بکەن، بەری حوکمەت بھێـتە دروستکرن و ل سەر مە کوردان بھێتە سەپاندن پشکداربین و دڤێت ھەلویستێ شیعا و سنان بھێتە ئاشکراکرن.
چاڤدێرێ سیاسی گۆت: پشتی ئازادکرنا عیراقێ و ل دووڤ دستوری ھەر حوکمەتەکا بھێتـە دروستکرن، دڤێت ھەرسێ پێکھاتێن کورد عەرەبێن سنە و شیعە پشکداری حوکمەتێ بن، و بەری نوکە ھەڤسەنگیەک د ناڤبەرا ئالیێن سیاسی دا ھەبوو و بڕیارێن سیاسی ب تەوافق دھاتنەدان نە ل سەر بنیاتێ پتریێ، پشتی 2003 ھەتا نوکە ھەر حوکمەتەکا ھاتیە عیراقێ بەرژوەندیێ، ھەر دو وەلاتێن ئەمریکا و ئیرانێ ل بەرچاڤ ھاتینە وەرگرتن، ئیران ب حوکمێ کو وەلاتەکێ شیعە مەزھەبە و گرێدایە ب ئالیێن شیعی ڤە، ئەمریکا وەلاتەکێ کو شیایە عیراقێ رزگار بکەت، ژ سالا 2005 ھەتا نوکە سەرۆک وەزیرێن عیراقێ ژ حزبا دعوە بوویە، رژدیەک ھەیە کو ھێزەکا دی یا سیاسی دەستھەلاتێ ل عیراقێ بکەت، و سەرۆک وەزیران ژ وێ بیت و تایبەت فڕاکسیونا مەزن و دڤێت سەرۆک وەزیران ژ وێ بیت.
دیندار دوسکی ئاماژە دا وێ چەندێ ژی کو دێ ئیران دژایەتیێ ل گەل ئەمریکا بکارئینت ھەتا دگەھنە رێککەفتنەکێ ل گەل لیستێن سەرکەفتی، چو ھێزێن شیعی نین بشێن دەست تێوەردانێن ئیرانێ ل عیراقێ کێم بکەن و ھەموو ئەڤ ئالیێن سیاسی یێن سەرکەفتی یێن شیعی گرێدان ھەنە ل گەل وەلاتێ ئیرانێ ھەتا سەدر کو ب گوتارا نشتیمانی یا عیراقی دھێتە نیاسین گرێدانا وی ل گەل ئیرانێ یا مەزھەبی یە، حەشدا شەعبی رێکخراوەکە ئیران برێڤەدبەت، ھەر چو کەسەکێ شیعە بیتە سەرۆک وەزیرێن عیراقێ نەشێت بن دەستھەلاتا ئیرانێ دەرکەڤیت و ئەڤە ھەموو دچارچووڤەکێ پرۆژەکێ شیعی دانە و ھەتا سەدر ژی ل گەل دایە، پرۆژەکە عیراق، لوبنان، یەمەن، سوریا بخوڤەدگریت و ئیران سەرکێشیا پرۆژەی دکەت، دڤێت کورد مفایی ژ ئیرانێ وەربگرن و بەرین وکە ژی پەوەندیێ، مە ل گەل باش بووینە.
دیندار نەجمان، چاڤدێرێ سیاسی ئاماژە دا وێ چەندێ ژی، ھەتا حوکمەتا داھاتی نەھێتە دروستکرن نەشێن بێژین دێ ھەلویستێ وێ بەرامبەر ھەرێما کوردستانێ ب چو شێوازبیت، ھەرێما کوردستانێ چەند کێشە ھەنە وەک مادێ 140، پێشمەرگە، بودجە، قانوونا پەترۆلێ، یە لێ ئەڤ ھێزا نوکە ھەر پێشتر ژی ھەر ھەبووینە، باسکێ سەدری ھەموو حوکمەتا پشکدار بوویە، ھادی عامری بەری نوکە باسکێ بەدر بوویە و ماوەکی ھادی عامری سەرۆکێ لژنا مادێ 140 بوویە، کەسەک ژڤانەیێ بەرھەڤ بوویە ئەڤان مادێن قانوونی بجە بینت، کورد دێ شێن گڤاشتنێ ل سەر ئەڤان لیستان دروستکەن بۆ بجھئینانا مادێن دستوری و ھندەک سۆزان بدەنێ و پێنگاڤ بەرامبەر کوردان بھێنە ھاڤێتن.
نەجمانی دوسکی گۆت: کا چەوا حەشدا شەعبی ب قانوون و فەرمی بوویە مەنزومەکا سەربەخوە، دڤێت ب ھەمان شێوە پێشمەرگەی ژی بیتە مەنزومەکا سەربەخوە و بھێتە پڕچەکرن و پشتەڤانی لێ ب ھێـتەکرن، نەیێ گەشبینم چونکو ژ 2005 وەرە ھەر ئەڤ ھێز بووینە دەستھەلات ل عیراقێ کرین ھەتا نوکە و ھەتا ھێزێن سونی ھەر ئەو بووینە و چو تشتێ نوو نەبووینە.
ھەمان چاڤدێرێ سیاسی گۆت: ھەکە کورد بوونە ئێک ھەڤپەیمانی و ئایا دێ شێن مفای وەرگرن کو ھەر پێنچ لیستێن شیعی ببنە دو بەرە و کورد دێ حوکمەتا داھاتی و چارەنڤیسێ حوکمەتا عیراقێ دروست بکەن، بێی کوردان ئارامی ل عیراقێ پەیدا نابیت، ئێک ژ ھوکارێ پەنابرنا مە بۆ ریفراندومێ مە خوە نەدیتی یە خودان بڕیار و مە بەغدا ب پایتەختێ خوە نەزانی یە، دڤێت کوردان رۆل ھەبیت و دڤێت بەغدا بەرسڤ بۆ داخوازێن کوردان یێن دستوری ھەبیت، و دڤێت کورد ھەڤپشک بن ل بەغدا، پێدڤی یە ھەموو لیستێن کوردان ببنە ئێک و مەزنترین ھەڤپەیمانیا کوردی بھێـتە پێکئینان و تایبەت ئەڤ لیستێن بچووک دڤێت خوە ب گونجین ل گەل فراکسیۆنێن کوردی دا ل بەغدا کارێن نەباش دژی ھەرێما کوردستانێ نەکەن.
نيشاندان
