ئەڤرۆ نيوز:

حوکمەتا تورکیا ئاکنجیێن کەمپا میدیات ل تورکیا کو ھەموو کوردێن ئێزدی نە ئاگەھدارکرینە کو ب زووترین دەم کەمپێ چۆل بکەن و باربکەن.

تەلال موراد، بەرپرسێ راگەھاندنا رێکخراوا یەزدا بۆ ئەڤرۆ دیار کر، حوکمەتا وەلاتێ تورکیا خەلکێ کەمپا میدیات کو پتریا وان کوردێن ئێزدی نە ئاگەھدارکرینە کو د ماوێ چەند رۆژێن بھێن دا کەمپێ چۆل بکەن و دو رێ بۆ وان داناینە، یان دڤێت بچنە د ناڤ خانیێن کرێ دا بژین، یان ژی تەڤلی کەمپێن ئاوارەیێن عیراقێ و سووریا ل تورکیا ببن و ل وێرێ ژیانا خوە ببەنە سەر.

ئاشکرا ژی دکەت کو ژ ئەڤرۆ پێڤە حوکمەتا تورکیا پشتەڤانیا ئاکنجیێن کەمپا میدیات ناکەت و پێدڤیە بھێتە ڤالاکرن ژ خێزانان، داکو ئەردێ وێ کەمپێ جارەکا دی بۆ خودانان بھێتە ڤەگەراندن و گۆت ژی: ژیانا کوردێن ئێزدی ل وێ کەمپێ د مەترسیێ دایە و ھەتا نوکە کەسێ خوە لێ نەکریە خودان.

ئه‌ڤرۆ نيوز:

بەرپرسێن سعوودیا د کۆمبوونا ھەڤپەیمانیا نێڤدەولەتی یا ل دژی داشێ دا سۆزا ھاریکاریێ دابوونە ئەمریکا و ھەیڤا تیرمەھێ سەد ملیۆن دۆلار و ھەیڤا تەباخێ ژی سەد ملیۆن دۆلارێن دی داینە ھێزێن سووریا دیمۆکراتیک و ل دووڤ سۆزێن بەرپرسێن سعوودیێ د ھەیڤا ئیلۆنێ دا ژی دێ سەد ملیۆن دۆلارێن دی وەکو ھاریکاری بۆ ئاڤەدانیا دەڤەرێن ل ژێر کۆنترۆلا ھێزێن سووریا دیمۆکراتیک دێ دەنە رۆژئاڤایێ کوردستانێ و دیسان ئەڤ پارە دێ بۆ ژ نوو ڤە ئاڤاکرنا رەققە ژی ھێتە مەزاختن.

د ڤێ مژارێ دا بالیۆزێ سعوودیێ ل ئەمریکا د داخۆیانیەکی دا راگەھاند کو تیرۆرستێن داعشێ و کۆمێن دی یێن تیرۆرست ل سەر ھەموو جیھانێ مەترسیێ دروست دکەن و گۆت: (ئەم ژی وەکو حوکمەتا سعوودیێ دخوازین ئارامی ڤەگەریتە رۆژھەلاتا ناڤین و سووریێ و بۆ ڤێ چەندێ ژی ھاریکاریێن مە دێ بۆ باکورێ سووریێ بەردەوام بن و دڤێت ھەموو جیھان پێکڤە بۆ ژناڤبرنا تیرۆرستان کار بکەن و د ناڤا ھەڤپەیمانیا ل دژی تیرۆرێ دا جە بگرن).

پەیڤدارا وەزارەتا دەرڤە یا ئەمریکا ژی راگەھاند کو ھاریکاریێن سعوودیێ و ئیماراتێ بۆ باکورێ سووریێ گەلەکێ گرنگن و گۆت: (ئەم سوپاسیا بەرپرسێن سعوودیێ و ئیماراتێ دکەین و بێگۆمان بۆ نەھێلانا تیرۆرستان ل سووریێ و عیراقێ و ھەموو جیھانێ ئەم دێ د ناڤا ھەماھەنگیێ دا کار کەین).

ھەروەسا ھاتە راگەھاندن کو ئیماراتێ ژی پێنجی ملیۆن دۆلارێن ئەمریکا وەکو ھاریکاری بۆ ئاڤەدانیێ دایە ھێزێن سووریا دیمۆکراتیک و دھێتە چاڤەرێ کرن کو د ھەیڤا بھێت دا ژی ئیمارات پێنجی ملیۆن دۆلارێن دی بدەتە رۆژئاڤایێ کوردستانێ.

ھەر د ڤێ مژارێ دا ئۆپەراسیۆنا ل دژی داعشێ ل باکورێ سووریێ بەر ب داویێ ڤە دچیت و ل دووڤ داخۆیانیێن بەرپرسێن رۆژئاڤایێ کوردستانێ و فەرماندارێن یەپەگێ ٩٥% باژێرێ دێرازۆرێ ژ داعشێ ھاتیە پاقژ کرن و نھا ئۆپەراسیۆنا وان گەھشتیە سنۆرێ دێرازۆرێ ل گەل عیراقێ و پرانیا گوندێن ئەبوکەمال ژی نھا د بن کۆنترۆلا ھێزێن سووریا دیمۆکراتیک دانە و فرۆکێن شەری یێن ھەڤپەیمانیا نێڤدەولەتی ژی بەردەوام بنگەھێن تیرۆرستان ل دەوروبەرێن دێرازۆرێ بۆمبەباران دکەن.

ئه‌ڤرۆنيوز:

پرۆسا ئه‌نفالێ ل ده‌ڤه‌را به‌هدينان وه‌كو ئه‌ڤرۆ به‌رى 30 سالان ئانكو ل 25/8/1988 ده‌ستپێكر وژئه‌گه‌رێ وێ پرۆسێ رژێما به‌عس يا ژناڤچوى ب سه‌دانگوند ژناڤبرن وب هزاران وه‌لاتى شه‌هيدكرن.

دئه‌نفالا به‌هدينان دا پێكهاتێن جودا هاتنه‌ ئه‌نفالكرن، پشكه‌ك ژوان كوردێن ئێزدى بوون وپشتى 30 سالان هێشتا كه‌سوكارێن ئه‌نفالكريێن به‌هدينان چاڤه‌رێ روفاتێن ئه‌نفالكريان دكه‌ن.

دهێته‌ زانين رژێما به‌عسا ژناچوى ل 25/8/1988 گوندێن سنورێ به‌هدينان ب چه‌كێ كيمياوى توپ بارانكرن ول 28/8/1988 پرۆسا ئه‌نفالێ ده‌ستپێكر كو ب قۆناغا هه‌شتێ ودووماهيا ئه‌نفالێ بوو ل كوردستانێ.