ئه‌ڤرۆ نيوز:

رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 26ى خزيرانا 2018ێ بهايێ زێر و زيڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه‌:

ئه‌ڤرۆ نيوز، فاتما مزوورى:

كازم عيتابى، ژ ده‌سته‌یا ده‌رگه‌هێن سنوری یێن عیراقێ خویا دكه‌ت كو داهاتيێن هه‌یڤا خزیرانێ ل ده‌رگه‌هێن سنوری یێن به‌نده‌رێ ئۆم قه‌سر ل باشوور، د هه‌یاما 23 رۆژێن ده‌رباس بووی دا گه‌هشتیه 25 ملیار دینارێن عیراقی.

هه‌روه‌سا دبێژيت: داهاتێ گۆمرگا به‌نده‌را “ئۆم قه‌سر”  ل یه‌كێ كانونا دویێ هه‌تا 30ى نیسانێ، گه‌هشتیه‌ پتری 22 ملیار دیناران.

سه‌رۆكێ ده‌سته‌یا ده‌رگه‌هێن سنوری ئاماژه‌ ب وێ یه‌كێ دكه‌ت كو ئه‌و ئاڵاڤێن سۆنه‌رێن ل به‌نده‌رێن ڤێ قه‌سرێ‌ هه‌نه‌، نێزیكی سێ ساڵان دبيت ژ كار كه‌فتينه‌ و ته‌ڤایا كونتێنه‌ران ژی بێی پشكنین ده‌رباس دبن.

ئه‌ڤه‌ د ده‌مه‌كی دایه‌، كو تێچوویا چێكرنا وان سۆنه‌را، د ناڤبه‌را هزار و 500 دۆلاران دايه‌، لێ هه‌تا نها نه‌هاتینه‌ چێكرن. سه‌رباری وێ یه‌كێ، كو ژبۆ كرێیا پشكنینا هه‌ر كونتێنه‌ره‌كێ 30 هزار دیناران وه‌ردگرن.

ئەڤرۆ نیوز، فاتما مزووری:

قه‌رزێن ناڤ خوه‌ و ده‌رڤه‌ یێن مسرێ به‌ر ب زێده‌ بوونێ نه‌.

ل گۆری داخویانیه‌كا بانكا ناڤه‌ندی، قه‌رێن ناڤخوه‌ یێن مسرێ، د نیڤیا ئێكێ يا ئه‌ڤ ساله‌ دا ب رێژا 8% بلند بووینه‌ و هه‌موو قه‌رێن ناڤخوه‌، گه‌هشتينه‌ 190 مليار دۆلارێن ئه‌مریكی.

د به‌شه‌كه‌ دى یا وێ داخویانیێ دا هاتیه‌: وه‌كو قه‌رێن ناڤخوه‌ قه‌رێن ده‌رڤه‌ یێن میسرێ ژی ب رێژه‌یا 5% بلند بووینه‌،كو ته‌ڤایا وان قه‌رێن ده‌ره‌كی گه‌هشتينه‌ 82 مليار و 900 مليۆن دۆلارێن ئه‌مريكى.

ل گۆری داخویانیا بانكا ناڤه‌ندیا مسرێ دیار دبيت كو ئه‌ڤ وه‌لاته‌ نێزیكی 272 مليارا دۆلاران يێ قه‌رداره.

ئه‌ڤرۆ نيوز، فاتما مزوورى :

رۆژا ئێکشەمبی ھەلبژارتنێن پەرلەمانێ تورکیا و سەرۆکاتیا وی وەلاتی ھاتنە کرن.

پشتی سەرکەفتنا ئەردوگان بۆ سەرۆک کۆماریێ، سیستەمێ وی وەلاتی بۆ سەرۆکاتیێ ھاتە گوھۆڕین.

د ماوێ ب رێڤەچوونا ھەوا ھەلبژارتنان دا، ئەردوگان ھندەک سۆز ژ بۆ باشترکرنا روویێ ئابووری دابوون، ژ بەر ڤێ چەندێ و ژ ئەگەرێ سەرکەفتنا وی، گوھۆڕین ب سەر بھایێ دراڤێ وی وەلاتی د بۆرسان دا ھات.

ب گۆرەی 100 بۆرسێن ستەمبۆلێ پشتی ھەلبژارتنان، بھایێ پشکان ب رێژا 3.3% بلندبوون ب خوە ڤە دیتیە.

ھەروەسا پشتی راگەھاندنا ئەنجامێن دەسپێکی یێن ھەلبژارتنان و سەرکەفتنا رەجەب تەیب ئەردوگان، بھایێ لیرێ تورکی ل ھەمبەر دۆلاری بەر ب بلندبوونێ ڤە چوو ب رەنگەکی کو ئێک دۆلار بەرامبەرە ب 4.5 لیرە، د دەمەکی دا کو بەری ھەلبژارتنان ئێک دۆلار یێ بەرامبەر بوو ب 4.8 لیرە.

ئه‌ڤرۆ نيوز، فاتما مزوورى:

ب سه‌ده‌ما روودانێن ليبيا د ده‌سپێكرنا بازارێ ئه‌ڤرۆ دا بهايێ په‌ترۆلێ بلندبوون ب خوه‌ ڤه‌ ديت.

شه‌ڤا ده‌ربازبوويى، دامه‌زرێنه‌رێن په‌ترۆلا نشتيمانى يا ليبيا راگه‌هاند كو ژ ئه‌گه‌رێ شه‌ر و هه‌ڤركيان هنارتنا په‌ترۆلێ دێ كێم بيت، د ڤى وارى ژى دا هنده‌ك هوشدارى دانه‌ وان كۆمپانيێن په‌ترۆلێ ژ ليبيا دكرن. ئه‌ڤ چه‌نده‌ ژى بۆ ئه‌گه‌ر بهايێ په‌ترۆلێ بلند ببيت.

ئه‌ڤ داخۆيانيا ده‌سته‌يا په‌ترۆلا نشتيمانى يا ليبيا بۆ ئه‌گه‌ر كو بهايێ په‌ترۆلا بڕينت ب رێژا 0.10% زێده‌ ببيت و بهايێ هه‌ر به‌لرميله‌كا په‌ترۆلێ بگه‌هيته‌ 74.80$ و هه‌رديسا بهايێ په‌ترۆلا خاڤا ئه‌مريكى ب رێژا 0.26% بلند بوويه‌ بهايێ به‌رميلا په‌ترۆلێ ب 68.26$ سه‌ره‌ده‌رى ل گه‌ل دهێته‌ كرن.

كێمبوونا ئاستێ هنارتنا په‌ترۆلێ كارتێكرن كريه‌ سه‌ر بهايێ په‌ترۆلا ئۆپێك ب ره‌نگه‌كى هه‌ر به‌رميله‌كا په‌ترۆلا ئۆپێك ب رێژا 1.4% بلند بوون ب خوڤه‌ ديتيه‌ و ئێك به‌رميل ب 71.60$ سه‌ره‌ده‌رى ل گه‌ل دهێته‌ كرن.