ئەڤرۆ نیوز ، زنار تۆڤی:

کۆمەکا ڤەکۆلەرێن پشکا زانستێ کۆمەلایەتی ل زانکۆیا میشیگان یا ئەمریکی ئەو تەمەنە دیارکریە، یێ کو ژن و زەلام تێدا لدەف رەگەزێ بەرامبەر سەرنجراکێشترینن.

رۆژناما نیویۆرک تایمز ئەڤ ڤەکۆلینە ل سەر 200 هزار کەسان ئەنجامدایە، ئەڤ ڤەکۆلینە ل سەر بنەمایێ وان نامێن پشکدارێن وێ ڤەکۆلینێ ل سەر تۆرێن جڤاکی ژ لایێ رەگەزێ بەرامبەر بۆ وان دهات، تێدا دەرکەفتیە کو هەردو رەگەز زێدەتر بەرسڤا نامێن وان کەسان ددەن، یێن کو ژ وان سەرنجراکێشتر و جوانتر.

هەروەسا دەرکەفتیە، کو ژن زێدەتر گرنگیێ ب تەمەنی و ئاستێ زانستی ددەن، د دەمەکێ دا کو زەلام گەلەک گرنگیێ ب ئاستێ زانستی یێ خانمان نادەن، بەلکو ژ وان ژنان دوور دکەڤن یێن کو ئاستێ وان یێ زانستی یێ بلند.

دیسا زانا دبێژن،زەلام د تەمەنێ 50 سالیێ دا ل دەف رەگەزێ بەرامبەری خوە یێ سەرنجراکێشترە، بەلێ بۆ خانمان تەمەنێ 18 سالیێ یێ سەرنجراگێشە و پشتی ڤی تەمەنی پیڤەرێ سەرنجراکێشیێ دێ بیتە ئاستێ کۆمەلایەتی.

ئەڤرۆ نیوز ، زنار تۆڤی:

ل هەموو جڤاکان باوەری ب هەڤژینیا دناڤبەرا ژن و زەلامان دا هەیە، ئەڤ پەیوەندیە ژی ب هندەک بنچینێن وەک دابونەریت و لایەنێن ئاینی ڤە کاریگەری هەیە.
ئەڤەژی ناڤێ وان کەسانە یێن کو ب درێژاهیا مێژوویێ گەلەک هەڤژین ئیناین.

.جۆزیف سمیس:

جۆزیف سمیس داهێنەرێ جولەیا مۆرمۆنی یە ل ئەمریکا کو ل سالێن چلێن د سەدێ نۆزدێدا ب هندێ یێ ناسیار بوو، کو د ژیێ 30 سالیێدا نێزیکی 30 هەڤژینان هەبوو و هەموو ژ وی بچووکتربوون، ل سالا 1844 سمیس ب تاوانا خیانەتێ د زیندانێدا هاتە کوشتن.

.بریگهام یۆنگ:

بریگهام یۆنگ قوتابیێ داهێنەرێ جولەیا مۆرمۆنی یە و پشتی کو باژێرێ سولت لایک یێ ویلایەتا یوتا ئاڤاکری بوویە پاشا و نێزیکی 55 ژنان ئینابوون، دەمێ وەغەرکری ژی ل سالا 1877 نێزیکی 56 زارۆیان هەبوون.

.فەتح شاهێ قاجار:

ل سالا 1769 بۆ سالا 1834 فەتح شاهێ قاجار پاشایێ دەولەتا فارسیبوو و دهێتە گۆتن کو وی 158 هەڤژین و هزار ژنێن دیتر هەبوون.

ل سالا 1874 کتێبەک ل سەر ژیانا قاجار ی هاتیە بەلاڤکرن و دبێژن چار هەڤژینێن سەرەکی هەبوون، بەلێ نێزیکی (800 بۆ 1000) ژن ل گەلدابوون، لێ د کتێبەکا دیتر دا ناڤێ 160 ژ ژنێن وی تیدا هاتینە.

.ئەسانتۆس ئەکوکو:

زەلامەکێ کینی ب ناڤێ ئەسانتۆس ئەکوکو کو خەلکێ هۆزا لویو ،یە، هژمارەکا زۆر یا هەڤژینان هەبوون، ل سالا 2016 و د ژیێ 91 سالیێ دا وەغەرکریە و 130 هەڤژین و 300 زارۆک هەنە.
ئەکوکو زەلەمەکێ دەولەمەندبوویە کو چەندین زەڤیێن مەزن هەبوون و کورێ وی یێ مەزن د ژیێ 70 سالیێ دایە ،ب درێژاهیا ژیێ وی 55 زارۆک و 30 هەژینێن وی مرینە ،هەروەسا دو قوتابخانێن تایبەت بۆ فێرکرنا زارۆیێن وی هاتینە ڤەکرن.