ئەڤرۆ نیوز ،بارزان مزووری:

دو گه‌نج كو برايێن ئێك بوون ئه‌ڤرۆ پێنجشه‌مبى 23/8/2018 د رووباره‌كى دا ل پارێزگه‌ها دهۆكێ خه‌ندقين.

سعود سابر، ئێك ژكه‌سوكارێن وان هه‌ردو گه‌نجان بۆ ئه‌ڤرۆنيوز گۆت” ئه‌ڤرۆ ئێڤارى ل سه‌ر رووبارێ خازر ل نێزيك گۆندێ قائيماوا ل ناحيا كه‌له‌كچى، دو گه‌نجێن برايێن ئێك ژ گۆندێ گله‌شين ب ناڤێن (ئه‌حمه‌د كه‌مال قاسم) كو ژيێ وى 18 سال بوون و ( حه‌سه‌ن كه‌مال قاسم) كو ژيێ وى 19 سال بوون ژبۆ مه‌ره‌ما مه‌له‌ڤانيان چوونه‌ سه‌ر رووبارێ خازر، به‌لێ هه‌ردو خه‌ندقين”.

سعود دياركر” ئێك ژوان د مەلەڤانیان دا یێ‌ يێ شاره‌زا نه‌بوو و د كەڤیتە دناڤ ئاڤێ‌ دا برایێ‌ وی بزاڤا قورتالكرنا وى دكه‌ت، به‌لێ هەردو پێكڤه‌ د خەندقن ولاشێن وا بو نوشداریا داد ل  ئاكرێ‌ هاتن ڤەگوهاستن پاشى ل گورستانا گوندێ‌ گلەشین هاتن ڤەشارتن”.

ئه‌ڤرۆنيوز، باسم قاسم شنگالى

پشتی سێ سالان ب سەر کۆمکوژیا ئێزدیان  ئەوا ل 3/8/2014 ل قەزا شنگالێ روودای و ب هەزاران ژ ئێزدیان هاتينە کوشتن ورەڤاندن و دەستەسەرکرن ژ لایێ رێکخراوا تیرۆرستیا داعشێ ڤە ـ لەورا رێورسمێن جمایا شەرفەدین بۆ ده‌مێ سێ سالان بوو  هاتيه‌ راوەستاندن،  لێ ئەڤ ساله‌ هەموو رێورسمێن جمايا شەرفەدین  ل چیایێ شنگالێ  ئه‌ڤرۆ ل مەزارگەهێ شەرفەدین هاتن گێران كو ئه‌ڤرۆ دبيته‌ ئێکەم رۆژا جەژنا جمایا شەرفەدینە و سوباهى ئه‌ينيێ پەریێن مەزاگەهێ شەرفەدین دێ هێنە سوارکرن.

ئه‌ڤرۆ نيوز:

سه‌رۆكێ جڤاتا سه‌ركرداتيا ئێكگرتوو ئيسلامى كوردستان راگه‌هاند كو پێدڤيه‌ كورد ب ئێك ليست ڤه‌گه‌رنه‌ به‌غدا و زێده‌تر خوه‌ ژ ئێك دو دوور نه‌كه‌ن.

ده‌رباره‌يى ئێك ليستيا كوردان بۆ پشكداريكرن د كابينا نوو يا عيراقێ دا، سه‌عيد عه‌لى عه‌بۆ، بۆ مالپه‌رێ فه‌رميێ پارتى ديموكراتى كوردستان گۆت: “لايه‌نێن كوردستانى سه‌ره‌رايى بۆچوونێن جودا و كێشێن وان، به‌لێ بۆ ڤه‌گه‌ريان بۆ به‌غدا دڤێت ل گه‌ل ئێك بن، نابيت خوه‌ ژ هه‌ڤدۆ دوور بێخن”.