ئەڤرۆ نیوز:
بریارە ئەڤرۆ رۆژا دوشەمبی بەردەوامی ب یاریێن مایی ژ خولێن ئوروپی بھێنە کرن ب ڤی شێوەی.
خولا ئنگلیزی
دەمژمێر ١٠:٠٠ کریستال پالاس VS لیڤەرپول
خولا ئیتالی
دەمژمێر ٩:٣٠ ئەتلانتا VS فرونسینونی
خولا ئسپانیا
دەمژمێر ٩:٠٠ ڤالێنسیا VS ئەتلەتیکو مەدرید
دەمژمێر ١١:٠٠ ئەتلەتیکو بلباو VS لیگانێس
خولا تورکیا
٩:٤٥ قاسم پاشا VS ئیستنبول باشاک شھیر
خولا پرتوگال
دەمژمێر ١٠:١٥ ڤیکتوریا گێماریش VS ڤییرینسی
ئه‌ڤرۆنيوز:
به‌رپرسێ لقێ 15 يێ پارتى ديموكراتى كوردستان ل خانه‌قين ئاشكراكر، حه‌شدا شه‌عبى ل سنورێ خانه‌قينێ هيزه‌كا نوو دروستگريه كو كارێ وێ ره‌ڤاندنا خه‌لكى يه.
شێخ جه‌عفه‌ر شێخ مسته‌فا، به‌رپرسێ لقێ 15 يێ پارتى ديموكراتى كوردستان ل خانه‌قين راگه‌هاند” كريارێن تيرۆرستى به‌رده‌وام ل سنورێ خانه‌قينێ دهێنه ئه‌نجامدان وخه‌لك دهێنه ره‌ڤاندن ول چه‌ند رۆژێن بۆرى دو وه‌لاتيێن كورد ب ناڤێن ( حه‌ميد روكانى) و( سالح له‌تيف) ل ده‌ڤه‌را شێخ باوه هاتنه ره‌ڤاندن وهه‌تا نوكه چاره‌نڤيسێ وان يێ ديار نينه”.
شێخ جه‌عفه‌رى زێده‌تر بۆ (وشه) گۆت” دانانا بۆمبان وته‌قين وره‌ڤاندن وكوشتن هه‌موو بۆ وێ چه‌ندێ يه خه‌لك بترسيت وناڤێن خوه بنڤسين وببنه چه‌كدارێن وان”.
به‌رپرسێ لقێ 15 يێ پارتى گۆت ژى” حه‌شدا شه‌عبى ل نێزيك ده‌ڤه‌را شێخ باوه هيزه‌كا نوو دروستكريه وكورده‌كێ خه‌لكێ كه‌لار يێ بوويه فه‌رماندێ وێ هێزێ”.
حه‌شدا شه‌عبى به‌رده‌وام بزاڤێن وێ چه‌ندێ دكه‌ت هژمارا هێزێن خوه ل وان سنوران زێده بكه‌ت ئه‌و چه‌نده ژى پشتى خيانه‌تا 16 ئوكتۆبه‌رێ ئه‌و ده‌ڤه‌ره داگيركرين.
ئەڤرۆ نیوز:
یاریزانێ کرواتی و یانا ریال مەدرید لوکا مودرێچ بومبەک ب یانا خوە ڤە تەقاند پشتی ژلایێ فیفایێ ڤە ھاتیە گازیکرن ل دووڤ سکالایا یانا مەلەکی تومارکری دژی یانا ئەنترمیلان یا ئیتالی.
رۆژناما لاگازیتا دیللو سپورت یا ئیتالی ئاشکرا کر کو ئەڤرۆ مودریچ ل دیف سکالایا یانا ریال مەدرید ل سەر یانا ئەنترمیلا یا ئیتالی ل بارەگایێ فیفایێ ئامادەبوو ژبەرکو یانا مەلەکی یانا ئیتالی تاوانبارکربوو ب پەیوەندیێن نە قانوونی ل دووڤ مادەیا ١٨ ژ رێنمایێن فیفایێ کو نابیت بێ دەستیریا یانێ دانوستاندنا دگەل یاریزانەکێ وێ بھێتە کرن.
ھەمان ژێدەر دیارکر کو مودرێچ پشتی بەرامبەر فیفایێ بەرھەڤ بوی یانا ئەنترمیلان بێ گونەھـ دەرخست ژ ڤێ سکالایا ریال مەدرید ل سەر تومارکر و دیارکر وی بەرپرسێ کارێن خوە راسپاردبوو دانوستاندنا دگەل ئەنترمیلان بکەن پێخەمەت چونا وی بۆ خولا ئیتالیا ل ڤی وەرزی.
ئه‌ڤرۆنيوز:
شرۆڤه‌كاره‌كێ سياسى يێ عيراقى راگه‌هاند، حزبێن كوردستانێ ل هه‌رێما كوردستانێ دێ رۆلێ ئێكلاكه‌ر دپێكئينانا مه‌زنترين هه‌ڤپه‌يمانى دناڤ په‌رله‌مانێ عيراقێ دا هه‌بيت.
واسق ئه‌لهاشمى، شرۆڤه‌كارى سياسى يێ عيراقى بۆ مالپه‌رێ (المعلومه) يێ عيراقى گۆت” نورى مالكى وموقته‌دا سه‌در پێشبه‌ركيێ دكه‌ن ل سه‌ر پێكئينانا مه‌زنترين هه‌ڤپه‌يمانى ل په‌رله‌مانێ عيراقێ، ب تايبه‌تى هه‌كه بزانين كو سائيرون ب سه‌رۆكاتيا سه‌درى وده‌لوه‌تا قانوونێ ب سه‌رۆكاتيا مالكى هژمارا كورسيێن په‌رله‌مانى يێن وه‌كو ئێك يێن هه‌ين پشتى پێكئينانا هه‌ڤپه‌يمانيێن سياسى ب مه‌ره‌ما پێكئينانا مه‌زنترين هه‌ڤپه‌يمانى، به‌لێ حزبێن كوردستانى دێ رۆلێ ئێكلاكه‌ر دناڤبه‌را موقته‌دا سه‌در ومالكى دا هه‌بيت دپێكئينانا مه‌زنترين هه‌ڤپه‌يمانى كو دێ سه‌رۆك وه‌زيرێن داهاتى ژ رێزێن مه‌زنترين هه‌ڤپه‌يمانى بيت”.
ئەڤرۆ نیوز:
ژێدەرێن رۆژنامەڤانیا ئسپانی ئاشکرا کر کو ئەگەرێ تورەبونا سەروکێ یانا ریال مەدرید فلرونتینو پێرێز ژ زێنەدین زێدان راھێنەرێ بەری نوکە یێ یانا مەلەکی ژ ئەگەرێ فروتنا ھێرشبەرێ وێ ماریانو دیاز بۆ یانا لیون ل وەرزێ بوری.
وەک ھاتیە بەلاڤ کرن ل رۆژنامەیێن ئسپانی کو سەروکێ یانا ریال مەدرید ئەگەرێ چونا ماریانو دیاز بۆ یانا لیون یا فرەنسی ل وەرزێ بوری و ڤی یاریزانی شیابوو ٢١ گۆلان ل وەرزێ بوری د خولا فرەنسا دا توماربکەت لەورا پێرێزی زێدان تومەتبار کر ژ ئەگەرێ چونا ڤی یاریزانی بۆ لیون و بەرامبەر پشتبەستنا وی ل سەر ھێرشبەر بورخا مایورال ئەوێ نەشیای جھێ خوە ل پێکھاتێ سەرەکی یێ یانێ بکەت ل وەرزێ بوری یێ خولا ئسپانیا.
ئه‌ڤرۆنيوز:
سه‌رۆك وه‌زيرێن عيراقێ، حه‌يده‌ر عه‌بادى، ئه‌ڤرۆ ئێكشه‌مبى 19/8/2018 داخواز ژ فوئاد مه‌عسووم سه‌رۆك كۆمارێ عيراقێ كر كو داخوازێ ژ په‌رله‌مانێ عيراقێ يێ نوو بكه‌ت روونشتنا خوه يا ئێكێ ئه‌نجام بده‌ت، ئه‌ڤ چه‌نده ژى هات پشتى دادگه‌ها فيدرالى يا عيراقێ ئه‌ڤرۆ ئه‌نجامێن دووماهيێ يێن هه‌لبژارتنان په‌سه‌ند كرين.
عه‌بادى هه‌روه‌سا داخواز ژ ليستێن سه‌ركه‌فتى دهه‌لبژارتنێن په‌رله‌مانێ عيراقێ كر له‌زێ بكه‌ن درێككه‌فتنێ ل سه‌ر به‌رنامه‌كێ بۆ حوكمه‌تا نوو يا عيراقێ ودروستكرنا كوتلا مه‌زن يا په‌رله‌مانى بۆ پێكئينانا حوكمه‌تێ.
عسه‌رۆك وه‌زيرێن عيراقێ ئه‌ڤرۆ ب هه‌لكه‌فتا په‌سه‌ندكرنا ئه‌نجامێن هه‌لبژارتنێن عيراقێ پێشكێشكر وسوپاسيا گه‌لي عيراقێ كر بۆ ڤێ ده‌ستكه‌فتا دستوورى وپشكداريا وان دده‌نگدانێ دا.
ئەڤرۆ نیوز:
گۆلپارێزێ یانا ئەمانە یا بەغدا و کورێ پارێزگەھا دھۆکێ دلوڤان مەھدی ھەڤبەستا یانا تەلەبە تمام نەکر و ب فەرمی ھەڤبەستا یانا نەفت وەسەت ئیمزا کر.
ئەندامێ دەستەیا کارگێریا یانا نەفت وەسەت دیارکر کو وان ب فەرمی ھەڤبەستا گۆلپارێزێ خودان شیان دلوڤان مەھدی ئیمزاکریە ل دیف داخوازا راھێنەرێ گۆلپارێزێن یانێ محەمەد عەبدولزەھرە بێ کو بھایێ ڤێ ھەڤبەستێ ئاشکرا بکەن.
ناڤھاتی ئەو چەندە ژی دیارکر یانا نەفت دێ گەلەک یا مفادار بیت ژ شیانێن دلوڤانی ژبەرکو گولپارێزەکێ خودان شیانە.
ھەژی گۆتنێ یە دلوڤان مەھدی بەری نوکە ھەڤبەستا یانا تەلەبە ئیمزاکر بوو لێ ئەڤ ھەڤبەستە تمام نەکر و بەر ب یانا نەفت چوو.
ئه‌ڤرۆنيوز:
ڤەکۆلەران دیارکر زارۆیێن گەلەک تەکنەلوژیایێ بکاردئینن دەمێ دچنە قوتابخانێ زەحمەتێ د ھەلگرتنا پێنوسی و نڤێسینێ دا دبینن.
یا دیارە کو مۆبایل و تابلێت بساناھيترین رێکن بۆ ئارامکرن و بێدەنگکرنا زارۆیێ بێزار و ب گری. لێ ئەڤە دبیت ببیتە ئەگەرێ رێگریکرن ل گەشەکرنا ھێزا دەستان بۆ ھەلگرتنا پێنوسی، برین ب رێيا مەقەسێ و ئەو کارێن کو زارۆیێن د ژیێ وان دا دکرن بەری چەندین سالان.
ڤەکۆلینەکا نوو ژ لایێ دەزگەھێ NHS ل ئینگلتەرا دیارکریە کو زارۆ دھێنە قوتابخانێ ب شێوەکێ نە بەرھەڤ کری بۆ نڤیسینێ و چالاکیێن دی یێن پێدڤی ب ھێزا ماسولکێن تبلا ھەی.
نوشدارێن زارۆیان د ڤەکولینێ دا لومەی تەکنەلوژیا یێ کر و گرنگی ب ھندێ دا کو دەیک و باب ساناھی تر دبینن ب پێدانا ئای پاد و موبایلان ب زارۆی ل شووینا ھاندانا وان بۆ ئەنجامدانا ئەو یاری و چالاکیێن کەڤن یێن بەربەلاڤ وەک: رەنگ کرن، ئاڤاکرنا خانیێن بچووک ب رێکا یاریان، برینا کاغەز و تشتان و پێڤەکرنا ستیکەران، راکێشانا وەریسان و ھاڤێتنا یاریان ل دەمێ یاریکرنێ و ڤەھاندنا مورکان.
شیرەت بۆ دایک و بابان:
کولین کارول تایبەتمەندا ئاڵودەبوونا زارۆیان ب شاشێ ڤە دیارکر، کو نوکە ئاریشا کێم بوونا چاڤان ژی د پێشڤەچوونێ دایە، ژ ئەنجامێ گەلەک ب کارئینانا شاشێ ژ لایێ زارۆیان. چونکە زێدە ب کارئینانا ئای پاد و موبایلان ب تەماشەکرنا ڤیدیو و یاریان ئاریشێن دیتنێ و چاڤان ژی زێدەتر دکەن.
تایبەتمەندێ دیسان گوت، ” زارۆ مەشقێن پێدڤی ناکەت، ژ دەرڤە یاریان ناکەت، چونکە نا دەرکەڤیت بۆ کرنا یاریێن فیزیکی و ھەردەم د ژوور ڤە یە”.
ل دوماھیێ داخوازێ ژ دایک و بابان دکەت کو ماوێ ب کارئینانا شاشان کێم بکەن، ب ھەر جورەکی شاشا بچووک یان مەزن بیت، رۆژانە ژ دوو دەمژمێران نە بوریت. چونکە پشتی ئاڵودەبوونێ دێ ب زەحمەت بیت زارۆی ژێ دوویر بکەی، ئەڤجا بۆ پاراستنا ساخلەمیا زارۆی و گەشەکرنەکا دروست د پاشەروژێ دا، زارۆیێ خو دویر بکە ژ زێدە بکارئینانا تەکنەلوژیایێ و پتر بەرەڤ یاریان و مەشقێن ژ دەرڤە ببە.
ئه‌ڤرۆنيوز:
شاندێ پارتى ديموكراتى كوردستان وئێكه‌تى نيشتمانى كوردستان ئه‌ڤرۆ ئێكشه‌مبى 19/8/2018 ل باره‌گايێ مه‌كته‌با سياسى يا ئێكه‌تيێ ل هه‌ولێرێ، سه‌باره‌ت پێكئينانا كابينا نوو يا حوكمه‌تا عيراقێ ل گه‌ل شانده‌كێ ميحوه‌رێ وه‌ته‌نى يێ عيراقى كۆمبوو.
شاندێ ميحوه‌رێ وه‌ته‌نى پێكهاتبوو ژ خه‌ميس خه‌نجه‌ر وسه‌ليم جبوورى وجه‌مال كه‌ربۆلى وچه‌ند سه‌ركرده‌كێن دێ يێن سونى پێكهاتبوو.
كۆمبوون پشتى وێ چه‌ندێ هات كو ئه‌ڤرۆ دادگه‌ها فيدرالى يا عيراقى ئه‌نجامێن دووماهيێ يێن هه‌لبژارتنێن په‌رله‌مانێ عيراقێ په‌سه‌ندكرين، ب ڤێ چه‌ندێ ژى دڤێت جڤاتا نوونه‌ران دده‌مێ 15 رۆژان دا ئێكه‌م روونشتنا خوه سازبكه‌ت، ژبه‌ر وێ چه‌ندێ ژى دانوستاندنێن ب له‌ز يێن لايه‌نێن سياسى بۆ پێكئينانا حوكمه‌تا داهاتى يا عيراقێ ئه‌نجام بده‌ن.
ئه‌ڤرۆنيوز:
رێڤه‌به‌رێ به‌ره‌ڤانيا باژێرى ل پارێزگه‌ها دهۆكێ، ئه‌ڤرۆ ئێكشه‌مبى 19/8/2018 دياركر كو هه‌موو تيمێن ب سه‌ر رێڤه‌به‌ريا وان ڤه دێ بۆ ده‌مێ حه‌فتيه‌كێ كو رۆژێن جه‌ژنا قوربانيا پيرۆز ژى بخوه‌ڤه دگرن دێ دئاماده‌باشيێ دابن.
ئيبراهيم ئه‌حمه‌د، رێڤه‌به‌رێ به‌ره‌ڤانيا باێرى ل پارێزگه‌ها دهۆكێ دكۆنگره‌كێ رۆژنامه‌ڤانى دا گۆت ژى” هه‌ر ژ ئه‌ڤرۆ ئێكشه‌مبى 19/8/2018 هه‌تا رۆژا 25/8/2018 هه‌موو پشك وبنگه‌هێن سه‌ر ب رێڤه‌به‌ريا مه‌ڤه دێ دده‌واما فه‌رمى وئه‌ركى دابن ب وێ مه‌ره‌مێ ل ده‌مێ په‌يدابوونا هه‌ر روودانه‌كا ئاگر به‌ربوونێ بشێن ب زووترين ده‌م بگه‌هن جهێ روودانێ وكونترۆل بكه‌ن”.
ديسا گۆت” تيمێن نقۆمه‌ڤان يێن ب سه‌ر رێڤه‌به‌ريا مه‌ڤه دێ ل هه‌موو جهێن گه‌شتيارێ ل پارێزگه‌هێ هێنه به‌لاڤكرن ب وێ مه‌ره‌مێ ل ده‌مێ په‌يدابوونا هه‌ر روودانه‌كا خه‌ندقينێ بزاڤا قورتالكرنا وه‌لاتيان بكه‌ن”.
رێڤه‌به‌رێ به‌ره‌ڤانيا باژێرى ل پارێزگه‌ها دهۆكێ شيره‌ته‌ك ئاراسته‌ى وه‌لاتيان كر وگۆت” به‌رى كو هه‌ر وه‌لاتيه‌ك ژ مالا خوه ده‌ربكه‌ڤيت، پێدڤيه ل سه‌ر وى ئاگه‌هدارى ره‌وشا كاره‌بێ بيت وهه‌موو كارين خوه‌پاراستنێ ئه‌نجام بده‌ت”.
دياركر ژى” پێدڤيه وه‌لاتى ده‌مێ قه‌ستا جهێن گه‌شتيارى دكه‌ن، هشيارى هه‌لكرنا ئاگرى بن، چونكى پيش وپه‌له‌خێ هاڤينێ يێ به‌رهه‌ڤه بۆ هه‌ر جۆره روودانه‌كا ئاگر به‌ربوونێ”.
نيشاندان