ئەڤرۆ نیوز:
راھێنەرێ یانا بەرشەلونە ئەرنێستو ڤالڤێری پێکھاتیێ یانا خوە بۆ یاریا ئەڤ شەڤە ھەمبەر یانا دیبورتیڤو ئەلەڤیس ئاشکرا کر و چەندین یاریزان ژی دورخستن.
بۆ یاریا ئەڤرۆ ئەوا بریارە ل دەمژمێر ١١:١٥ ل دیف دەمێ ھەرێما کوردستانێ بھێتە کرن چەندین یاریزان ئەو ژی توماس فێرمایلن، منیر حەدادی، پاکو ئەلکاسیر، سێرجی سامبر ژ بەر ئاستێ وان یێ ھونەری دیسان دینیس سوارێز و کارلوس ئەلینیا ژ ئەگەرێ ھنگافتنێ ھاتینە دورخستن.
بۆ یاریا ئەڤ شەڤە پێکھاتیێ بەرشەلونە ڤی شێوەی یە.
گولپارێز تیر شتیگن و یاسپر سیلیسن
بەرڤان: جیرارد پیکێ، سامێول ئومتیتی، جوردی ئەلبا، سێرجی روبێرتو، نێلسون سیمیدو
ھێلا ناڤین: سێرجیو بوسکێس، ئیڤان راکیتیچ، فلیپی کوتینھو، ئەرتورو ڤیدال و رافینا ئەلکانترا
ھێرشبەر: لینوێل مێسی، لویس سوارێز، مالکوم دی ئولیڤێرا، ئوسمان دیمبیلی

ئەڤرۆ نیوز:
پێکھاتیێ ھەلبژارتیێ ئەرژەنتین بۆ ھەردو یاریێن ھەڤالینی بەرامبەر گواتیمالا و کولومبیا ھاتە راگەھاندن و ناڤێ مێسی ژی د ڤی پێکھاتی دا نینە.
سایتێ فەرمی یێ ئێکەتیا تەپاپێ یا ئەرژەنتین لیستا ناڤێن وان یاریزانان ھاتە ئاشکرا کرن بۆ ھەردو یاریێن ھەڤالینی بەرامبەر گواتیمالا و کولومبیا و ناڤێ ستێرا وێ لیونێل مێسی د ڤی پێکھاتی دا نینە ئەوێ راھێنەرێ بەروەخت یێ ئەرژەنتینی ئسکەلونی ئاشکرا کری.
لێ ئەگەرێ نە پشکداریا وی ھوسا ھاتیە خویارکرن کو مێسی داخوازا بھێنڤەدانێ کریە ھەتا سالا نوو ٢٠١٩ پشتی ژ موندیالا روسیا دەرکەفتین لەورا ئەڤ بریارە ژی ڤی یاریزانی دایە ھەتا راھێنەرێ نوو دھێتە دەستنیشان کرن ژلایێ ئێکەتیا تەپا پێ یا ئەرژەنتینی ڤە پاش دێ کومبونەکێ دگەل وی راھێنەری نوو کەت دەربارەی چارەنڤیسێ وی ل سەر ئاستێ نیڤدەولەتی.

ئەڤرۆ نیوز:
بەری دەمەکی ل یاریگەھا فرەنسو حەریری ل یاژێرێ ھەولێر تیما تەپا پێ یا یانا ھەولێی نەشیا سەرکەفتنێ ل سەر یانا قاسم توماربکە پشتی وەکھەڤ بوین ب گۆلەکێ و ژ چارچوڤێ یاریێن دەربازبونێ دا بۆ خولا نایابا عیراقێ.
د ڤێ یاریێ دا ھەردو یانە ب ئاستەکێ باش ھاتنە د یاریێ دا لێ ژبەرکو یانا ھەولێر ژبلی سەرکەفتنێ چو ئەنجامێن دی د بەرژەوەندیا وێ دا نینن ھەر ژ دەسپێکا یاریێ گڤاشتن کرن بۆ تومارکرنا گۆلەکێ و ئەڤ چەندە ژی ل نیڤا ئێک بجھـات دەمێ شیای گۆلەکێ توماربکەت.
ل نیڤا دویێ ژی ھەولێر شیا بەردەوامیێ ب دەتە ئاستێ خوە یێ باش و ھێرشێن مەترسیدار پەیدابکەن تایبەت ب رێکا پیشەکارێ خوە یێ بەرازیلی تیاگوی لێ چو ژ ئەنجامێ یاریێ نە ھاتە گوھورین و بەری ب دوماھی ھاتنا یاریێ یانا قاسم شیا گۆلا وەکھەڤیێ توماربکەن و یاری ب گۆلەکێ بۆ ھەردو یانا ب دوماھی ھات و ھەولێر ئێخستە د مەترسیێ دا.
ب ڤی ئەنجامی ھەولێر ھژمارا خالێن خوە گەھاندنە ھەشت خالان و ھێشتا دەربازبونا خوە ئێکلا نەکریە بۆ خولا نایاب و ھەڤرکی بھێزترلێھات ناڤبەرا وێ و یانا دیفاع مەدەنی بۆ یاریا دوماھیێ و دەربازبونا نایاب.

ئەڤرۆ نیوز:
یاریزانێ کولومبی و یانا ئەی سی میلان یا ئیتالی کارلوس باکا ب فەرمی ھەڤبەستا یانا ڤیاریال یا ئسپانی ئیمزا کر.
سایتێ یانا ڤیاریال د راگەھاندنەکێ دا دیارکر کو وان ھەڤبەستا یاریزانێ کولومبی کارلوس باکا ئیمزا کر بۆ ماوێ چار سالان بێ کو بھایێ ڤێ ھەڤبەستێ ئاشکرا بکەن.
ھەژی گۆتنێ یە کارلوس باکا ل وەرزێ بوری یاری بۆ یانا میلان یا ئیتالی دکر و شیابوو ١٨ گۆلان بۆ ڤێ یانێ بکەت.