ئەڤرۆ نیوز:
کارگێریا یانا ریال مەدرید بریار دا سکالایەکێ ل ئێکەتیا تەپاپێ یا نیڤدەولەتی فیفایێ توماربکەت دژی یانا ئەنترمیلان یا ئیتالی.
رادیویا کادینا سێر یا ئسپانی دیارکریە یانا ریال مەدرید ھەمی رێکاریێن قانوونی ب دوماھی ئیناینە بۆ تومارکرنا سکالایەکێ دژی یانا ئەنترمیلان یا ئیتالی پشتی ڤێ یانێ بەردەوام پەیوەندی ب یاریزانێ وێ یێ ھێلا ناڤین لوکا مودرێچ کری و بێ ئاگەھداریا یانا مەلەکی سەرەرای کو ئەڤ یاریزانە گرێدای ھەڤبەستەکێ یە دگەل ل دەمێ نوکە.
ھەمان ژێدەر ئەو چەندە ژی ئاشکرا کریە سەرەرای پەیوەندیێن باش یێن ھەردو یانێن ناڤھاتی لێ پەیوەندیێن بەردەوام یێن ئەنترمیلان دگەل مودرێچ ریال مەدرید دلگران کریە و بریار دایە بەر ب فیفایێ بچیت و سکالایەکێ دژی ڤێ یانێ توماربکەت.
ھەژی گۆتنێ یە ئەڤرۆ رۆژا ئەینی دوماھی رۆژە یێن مێرکاتویا ھاڤینا ئەڤ سالە د خولا ئیتالیا.

ئەڤرۆ نیوز:
رۆژناما مارکا یا ئسپانی ئەگەرێ نە ئیمزاکرنا کارگێریا یانا ریال مەدرید چو ھەڤبەستێن گران بھا ئاشکرا کر پێخەمەت بھێزخستنا پێکھاتێ تیمێ ل وەرزێ نوو یێ خولا ئسپانی و ئوروپی سەرەرای چونا ستێرێن ڤێ یانێ ل ھەردو سالێن بوری.
ھەمان ژێدەر ئەو چەندە ژی ئاشکرا کر ل ڤی وەرزی ریال مەدرید ھەڤبەستا گولپارێز تیبو کورتوا و یاریزانێ لایێ راستێ ئەلڤارو ئودوریوزولا زێدەباری ھاتنا ڤینیسیوس جونیور یێ بەرازیلی ئەوێ ل سالا بوری ھەڤبەستا وی ئیمزا کری، لێ بەرامبەر ڤێ چەندێ چەندین ستێران ئەڤ یانە ھێلایە وەک کرستیانو رونالدو و خامێس رودریگێز و ئەلڤارو موراتا و ماتیو کوڤاسێچ و ھەتا نوکە یانا مەلەکی ھەول نەدایە شوینگرێن ڤان یاریزانان پر بکەت سەرەرای کو یانا ریال مەدرید د شیانێن وێ دایە کوژمێ ٣٠٠ ملیۆن یورویا مەزێخیت بۆ ئینانا یاریزانان بێ کو ھیچ کێشەیەک بۆ وێ پەیدابیت.
ئەگەرێ نە ئینانا یاریزانێن ستێر و گرانبھا رۆژناما مارکا ئەڤ چەندە ل قەلەمدایە و دیارکریە کو پێرێز سەروکێ یانا ریال مەدرید ناخوازیت کوژمێن مەزن بۆ ئینانا یاریزانان مەزێخیت تنێ نیمار نەبیت ئەو ژی گەلەک ب زەحمەتە ژبەرکو ڤی یاریزانی مانا خوە دگەل پاریس سان جێرمان پشت راستکریە ژلایەکێ دی ڤە ھەمی ئەو ناڤێن ھاتینە پێشنیارکرن بۆ شوینگریا رونالدوی وەک روبێرت لڤاندوڤێسکی و رودریگو، تیمو فێرنێر ل ئاست نینن و نەشێن ڤێ چەندێ بجھـ بینن و خوسارەتیا دگەل ئەتلەتیکو مەدرید د کاسا سوپەرا ئوروپی دا چو ژ ھزرێن ریال مەدرید نا گوھوریت.

ئەڤرۆ نیوز:
یانا یوڤانتوس یا ئیتالی ب رێکا سایتێ خوە یێ فەرمی چونا یاریزانێ خوە کلاودیو مارکیزیو راگەھاند پشتی بورینا ٢٥ سالان دگەل یانا خانما پر.
زێدەتر د ڤی چارچوڤەی یوڤانتوس د ڤێ راگەھاندنێ دا ئەگەرێ ڤێ بریارێ نەدا زانین تنێ ئاشکرا کریە کو ھەردو لا گەھشتنە رێکەفتنێ ھەڤبەستا خوە ب ھەلوەشنن و رێکێ بدەنە یاریزانێ ناڤبری بەر ب یانەکا دی بچیت د ڤەگوھاستنێن ھاڤینێ دا و نێزیکترین یانە ژی بۆ چونا وی خولا ئەمریکایە یان خولا سعودیێ یە.
دھێتە زانین مارکیزیی یاریێن خوە یێن فەرمی دگەل یوڤانتوس ل وەرزێ ٢٠٠٥ دەسپێکریە و د ڤی ماوەی دا ٢٩٤ یاری بۆ یانا ئیتالی کرینە.

ئەڤرۆ نیوز:
یاریزانێ ھەلبژارتیێ عیراقێ و یانا ئودونیزی یا ئیتالی ب فەرمی پەیوەندی ب یانا جەنەوا کر.
ژێدەرێن دەنگوباسێن عیراقی ھوسا دیارکریە کو ھەر تشت ناڤبەرا یانا جەنەوا یا ئیتالی ئەوا ل خولا پلە ئیچک کالچیو پشکدار ھەڤبەستا یاریزانێ ھەلبژارتیێ عیراقێ یێ تەپا پێ و یانا ئودونیزی ئیمزا کریە بۆ ماوێ دو سالان بێ کو بھایێ ڤێ ھەڤبەستێ ئاشکرا بکەن.
ھەژی گۆتنێ یە عەلی عەدنان بەری نوکە یاری بۆ یانا ئەمانە یا بەغدا و ریزا سپور یا تورکی کریە و دیفدا بەر ب یانا ئودونیزی یا ئیتالی کریە بۆ ماوێ سێ سالێن بوری.

ئەڤرۆ نیوز:
ژێدەرێن دەنگوباسان ھوسا خویاکریە ئەڤرۆ دێ کومبونا دوماھیێ ناڤبەرا سەروکێ یانا ریال مەدرید و یاریزانێ وێ یێ ھێلا ناڤین لوکا مودرێچ دەربارەی چونا وی دێ ئێکلا بیت.
رۆژناما لاگازیتا دیللو سپورت یا ئیتالی ھوسا دیارکریە ئەڤرۆ دێ کومبونەکا تایبەت و یا دوماھیێ دێ د ناڤبەرا یاریزانێ کرواتی و یانا سەرکێ یانا مەلەکی فلرونتینو پێرێز ھێتە ئەنجامدان سەرەرای کو یانا ئەنترمیلان ھوسا ھزر دکەت دێ گەلەک ئاستەنگ بۆ ھاتنا ڤی یاریزانی بۆ یانا ئیتالی پەیدابن ژلایێ کارگێریا یانا مەلەکی ڤە ژبەرکو ئەو ب چو رێکان دەستا ژ ڤی یاریزانی بەرنادەن و دبیت مووچێ وی ژی بۆ ١٠ ملیۆن یورویان بھێتە زێدەکرن لەورا ئەو د گەشبین نینن کو دەرئەنجامێن باش ژ ڤێ کومبونێ بۆ یانا ئیتالی ھەبن لەورا دێ دەرگەھێ ئینانا یاریزانان گرن.