ئەڤرۆ نیوز:
رۆژنامەیێن تورکی و سعودی دیارکرینە یانا ھیلال یا سعودی نێزیکی ئیمزاکرنا ھەڤبەستا گولکەرێ خۆلا تورکیا و یانا گەلاتەسەرای بافیتیمبی گومێز بوویە پشتی چەندین دانوستاندنان ل گەل یانا تورکی .
ل دیڤ ئەوان رۆژنامەیێن تورکی و سعودی یانا ھیلال بەری نوکە حەفت ملیون یورۆ پێشکێشی یانا تورکی کربوون لێ ھەلگرا ناسناڤێ خولا تورکیا داخوازیا ھیلال رەتکربوو.
بەری دەمەکێ کێم مالپەرێ فرانس فتبول یێ فرەنسی دیارکریە گەلاتەسەرای و ھیلال گەھشتی نە رێککەفتنێ بۆ ڤەگوھاستنا گومێز پشتی یانا ھیلال ١١ ملیون یورۆ پێشکێشی یانا تورکی کرین و شەش ملیون یورۆ وەکو موچەیێ سالانە بۆ گومێز .

ئەڤرۆ نیوز،ھەژار مەعروف:
ستێرا ئەفریقی و گولکەرێ مێژویی یێ ھەلبژارتیێ کامیرون ساموێل ئیتو د ژیێ ٣٧ سالی دا ب کوژمێ ئێک ملیون یورۆیا ھەڤبەستا یانا قەتەر یا قەتەری ئیمزاکر پشتی ھەڤبەستا خوە ل گەل یانا کونیا سپور یا تورکی ب رازەمەندیا ھەردو لاینان ھەلوەشاندی .
ئیتو یێ ٣٧ سالی ژ وەرزێ ٢٠١٥ وەرە یاری ل خۆلا تورکیا کەت کو ل ھەردو یانێن ئەنتالیا سپور و کونیا سپور یاری کریە کو ل گەل ئەنتالیا سپور ٧٦ یاریان دا ٤٤ گول تومارکر بوون و ل گەل کونیا ل وەرزێ بوری پێنج ھەیڤان یاری ل گەل کربوو د ١٣ یاریان دا شەش گول تومارکربوون.
ب ئیمزاکرنا ھەڤبەستا یانا قەتەر یا قەتەری د بیتە یانا ١٣ د مێژویا یاریزانێ کامیرونی دا یاری بوو بکەت کو بەری نوکە یاری ل ١٢ یانێن ژ جودا دا کریە کو ژ بەرنیاسترین یانێن یاری لێ کری ریال مەدرید و بەرشەلۆنا کو بۆ ماوێ پێنج سالان یاری بۆ بەرشەلۆنا کربوو د ١٩٩ یاری ل گەل بەرشەلۆنا کربوون شیابوو ١٣٠ گولان توماربکەت و ١٥٠ یاری ل گەل مایورکا کربوون و ٦٠ گول تومارکربوون ل گەل ئەنتر میلان ١٠٢ یاری کربوون ٥٣ گول تومارکربوون و ل گەل ھەلبژارتیێ کامیرون ١١٨ یاری کرینە شیا ٥٦ گولان توماربکەت ھەردیسان چار جاران ب باشترینێ کیشواری ئەفریقیا ھاتیە ھەلبژارتن

ئەڤرۆ نیوز:
یانا پاریس سانجێرمان یا فرەنسی ل ماوێ بوری بزاڤێن مەزن کرن بوو دەستڤە ئینانا ستێرەکا یوڤانتوس ل ماوێ مێرکاتویا ھاڤینا ئەڤ سالە لێ ھەموو بزاڤێن یانا پاریس د بێ مفابوون .
مالپەرێ کاتشیو مێرکاتو یێ ئیتالی دیارکر یانا پاریس سانجێرمان ب فەرمی داخوازی ژ یانا یوڤانتوس کر بوو ڤەگوھاستنا یاریزانێ وێ ئەلکیس ساندرو لێ یانا یوڤی ئەو داخوازیا یانا فرەنسی رەتکر سەرەرای وێ یانێ کوژمەکێ مەزن پێشکێشکی یانا یوڤانتوس کربوو لێ یانا ئیتالی ئەو چەندە رەتکر .

ئەڤرۆ نیوز،ھەژار مەعروف:

ھەلبژارتیێ پێگەھشتین سلێمانیێ ب ناسناڤێ قارەمانیا ھەلبژارتیێن ھەرێما کوردستانێ ھاتە خەلاتکرن پشتی شیای بەری دەمەکێ کێم د یاریا خوە یا دووماھیا قارەمانیێ دا سەرکەفتنێ ل سەر ھەلبژارتیێ پێەھشتیێن ھەولێرێ توماربکەت ب سێ گولان بەرامبەر گولەکێ دوێ یاریێ دا ئەوا ئەڤرۆ ئێڤاری ل یاریگەھا شەقلاوە ھاتیەکرن .

ئەڤ قارەمانیی یە ژ لایێ ئێکەتیا تەپا پێ یا کوردستانێ ھاتبوو رێکخستن ژچارچوڤێ چالاکیێن وێ یێن سالانە ب پشکداریا چار ھەلبژارتیێن سەر ب ھەرێما کوردستانێ ڤە ئەوژی ھەولێر، سلێمانیێ، دھۆک و کەرکوک و ھەموو یاریێن قارەمانیێ ل یاریگەھا شەقلاوە د ھاتنەکرن.

ھەژی گوتنێ یە بەری ڤێ قارەمانیێ دو قارەمانیێن دی ژی ھاتبوونە رێکخستن ئەوژی قارەمانیا ھەلبژارتیێن پارێزگەھێن ھەرێما کوردستانێ ل سەر ئاستێ لاوان و فوتسالا کوردستانێ کو ل سەر ئاستێ لاوان ھەلبژارتیێ لاوێن سلێمانیێ شیابوو وی ناسناڤی ب دەستخوڤە توماربکەت و ل سەر ئاستێ فوتسالا کچان دھۆک ب ناسناڤی ھاتبوو خەلاتکرن و سلێمانی ل رێزا دوێ ھاتبوو.

ئەڤرۆ نیوز:
یانا مارسیلیا یا فرەنسی گەھشتی یە رێککەفتنێ بۆ ڤەگوھاستنا ستێرا یانا ڤالنسیا یا ئیسپانی ل مێرکاتویا ھاڤینا ئەڤ سالە .
مالپەرێ فتبول یێ ئیتالی دیارکریە یانا مارسیلیا ل گەل یانا ڤالنیسیا رێککەفتی یە بۆ ڤەگوھاستنا ستێرا وێ یا ئیتالی سیمونی زازا پشتی یاریزانێ ناڤبری ژی حەزا خوە دیارکری بۆ کرنا یاریێ ل وەلاتێ فرەنسا .
ئەوی مالپەری ئەو چەندە ژی دیارکریە زازا یانا مارسیلیا رێککەفتی یە ب شێوەیێ خواستن زازا بھێتە ڤەگوھاستن ھەردیسان بۆ وەرزێ دوێ دەرفەتا کرینا ئەوی ھەیە ھەکە یانا مارسیلیا بخوازیت .

ئەڤرۆ نیوز:
چاڤەرێ دھێتەکرن ئەڤ شەڤە ل دەمژمێر ١٠:٠٠ شەڤ ل دیف دەمێ کوردستانێ یاریا سوپەرا ئورۆپا دناڤبەرا ریال مەدرید ھەلگرا چامپونیز لیگ و ئەتلەتیکو مەدرید ھەلگرا یورۆپا لیگ ل یاریگەھا A le coq arena یا باژێری تالین یێ ئەستونیا بھێتەکرن .
رۆژناما مارکا یا ئیسپانی پێکھاتیێ ھەردو یانان بەری یاری دیارکر
پێکھاتیێ ریال مەدرید ناڤاس گولچیی و ل ھێلا بەرەڤانیێ ڤاران و راموس و کارڤاخال و مارسیلو ل ھێلا ناڤین ئیسکو، کروس و کاسمێرۆ ل ھێلا ھێرشبەریێ ئەسینسو، بن زیما و گارس بێل .
پێکھاتیێ ئەتلەتیکو مەدرید
ئوبلاک گولچی و ل ھێلا بەرەڤانیێ گودین، خوانفران، ڤلیپی لویز و خێمینیز و ل ھێلا ناڤین لیمار ،توماس ، ساول و کوکی و ل ھێلا ھێرشبەریێ کرێزمان و کوستا