ئەڤرۆ نیوز ، زنار تۆڤی :
ب فەرمی یانا ریال مەدرید یا ئیسپانی ناڤێ راهێنەرێ خو نوو یێ ل جهێ زینەدین زیدان ئاشکرا کر.
ریال مەدرید ل سەر لاپەرێ خوە یێ فەرمی راگەهاندیە، کو یولیان لوپیتیگی راهێنەرێ هەلبژارتیێ ئیسپانیا دێ پۆستێ راهێنەراتیا وێ یانێ وەرگریت و پشتی ب دووماهی هاتنا جاما جیهانی یا 2018 ل رووسیا دێ ل گەل وێ یانێ دەست بکار بیت.
لوپیتیگی ماوێ دو سالانە راهێنەرێ ئیسپانیا یێ تەپا پێ و ئەو دێ ئەزموونا کارکرنا خوە ڤەگوهێزیت بۆ قارەمانا ئورۆپا و دێ بیتە راهێنەرێ یانا شاهانە.
ئەڤرۆ نیوز ، زنار تۆڤی :
ب فەرمی یانا ریال مەدرید یا ئیسپانی ناڤێ راهێنەرێ خو نوو یێ ل جهێ زێنەدین زێدانی ئاشکرا کر.
ریال مەدرید ل سەر لاپەرێ خوە یێ فەرمی راگەهاندیە، کو یولیان لوپیتیگی راهێنەرێ هەلبژارتیێ ئیسپانیا دێ پۆستێ راهێنەراتیا وێ یانێ وەرگریت و پشتی ب دووماهی هاتنا جاما جیهانی یا 2018 ل رووسیا دێ ل گەل وێ یانێ دەست بکار بیت.
لوپیتیگی ماوێ دو سالانە راهێنەرێ ئیسپانیا یێ تەپا پێ و ئەو دێ ئەزموونا کارکرنا خوە ڤەگوهێزیت بۆ قارەمانا ئورۆپا و دێ بیتە راهێنەرێ یانا شاهانە.
ئه‌ڤرۆ نیوز:
سه‌رۆك وه‌زیرێن عیراقێ ره‌ت كر كو ئه‌نجامێن هه‌لبژارتنێن په‌رله‌مانێ عیراقێ بهێنه هه‌لوه‌شاندن و دیاركر” ل ده‌ستهه‌لاتا حوكمه‌ت و په‌رله‌مانى نینه، ئه‌نجامێن هه‌لبژارتنان هه‌لبوه‌شینن”.
حه‌یده‌ر عه‌بادى د كۆنفرانسێ رۆژنامه‌ڤانى یێ رۆژانێن سێ شه‌مبى دا راگه‌هاند” ب تنێ دادگه‌ها فیدرالى دشێت بڕیارێ بده‌ت هه‌لبژارتن ل عیراقێ بهێنه دووباره‌ن كرن یان نه، دده‌ستهه‌لاتا په‌رله‌مانى دا نینه داخوازا دووباره ئه‌نجامدانا هه‌لبژارتنان بده‌ت”.
سه‌رۆك وه‌زیرێن عیراقێ دیاركر: ئه‌م نازڤرینه پاش، هه‌لبژارتن هاتنه كرن، پێدڤیه له‌ز د پێكئینانا حوكمه‌تا نوو یا عیراقێ دا بهێته كرن، كاره‌كێ رێكخستى یێ دهێته كرن كو ئیراقێ به‌ره‌ڤ ئاقاره‌كێ نه‌دیار ببه‌ن، ئه‌م رێیێ ب ڤێ یه‌كێ ناده‌ین و سوتنا كوگه‌هه‌كا سندوقێن ده‌نگدانێ ل به‌غدا و ل دووڤ ئه‌نجامێن ده‌ستپێكێ، ده‌سته‌ك ل پشت هه‌بوو، كاره‌كێ ئه‌نقه‌ست بوو”.
ئەڤرۆ نیوز ، زنار تۆڤی :
موقەدەمێ مافپەروەر ئازاد تاها بەرپرسێ هوبا پەیوەندی و راگەهاندنێ ل رێڤەبەریا هاتنوچوونا پارێزگەها دهۆکێ بۆ مالپەرێ ئەڤرۆ نیوز دا خویاکرن: د روودانەکا هاتنوچوونێدا کەسەکێ گیانێ خوە ژ دەستدا و چار کەسێن دیتر برینداربوون.
ناڤهاتی زێدەتر دا دیارکرن : ئەڤرۆ سێشەمبی ١٢⁄٦⁄٢٠١٨ و لدەمژمێر ٢ پشتی نیڤرۆ ل نێزیک گوندێ مێسا یێ سەر ناحیا چەمانکێ ڤە روودانەک دناڤبەرا دوو ترومبێلاندا روودایە کو ترۆمبێلەک ژ ون تایبەت لاندگروزەر ل گەل ترۆمبێلەکا تایبەت ھۆندا و د ئەنجامدا کەسەکێ گیانێ خوە ژدەستدا و چار کەسێن دیتر ب گرانی بریندار بووینە و هەروەسا زیانێن مادی یێن بەرچاڤ ب هەردوو ترومبێلان ژی کەفتینە.
ئه‌ڤرۆنيوز:
سه‌رۆك مه‌سعود بارزانى ئه‌ڤرۆ سێشه‌مبى 12/6/2018 پێشوازى ل يان كوبيج هنارتيێ تايبه‌ت يێ سكرتێرێ گشتيێ نه‌ته‌وين ئێكگرتى ل عيراقێ كر.
دديداره‌كێ دا دووماهى گوهۆرينێن سياسى يێن عيراقێ وره‌وشا سياسى پشتى هه‌لبژارتنان هاته به‌حسكرن وبيرورا ل دۆر پێشهات ودانوستاندنێن پێكئينانا حوكمه‌تێ وبريارێن په‌رله‌مانێ عيراقێ ل دۆر ئه‌نجامێن هه‌لبژارتنان هاتن ئالوگوركرن.
هنارتيێ تايبه‌ت يێ سكرتێرێ گشتيێ نه‌ته‌وێن ئێكگرتى، سه‌رۆك بارزانى ل دۆر بۆچوونا جڤاكێ نێڤده‌وله‌تى ووه‌لاتێن زلهيز سه‌باره‌ت پرۆسا سياسى ل عيراقێ وهه‌ڤكێشێن پشتى هه‌لبژارتنان ئاگه‌هداركر وروانگا رێكخراوا نه‌ته‌وێن ئيكگرتى ل دۆر نێگه‌رانيان ل سه‌ر پاشه‌رۆژا عيراقێ وقۆناغا پشتى هه‌لبژارتنان شرۆڤه‌كر ودياركر كو نه‌ته‌وێن ئێكگرتى به‌رهه‌ڤيا تمام يا هه‌ى بۆ هاريكاريا پرۆسا سياسى ل عيراقێ وهه‌روه‌سا چاره‌كرنا وان گرفتێن دناڤبه‌را هه‌رێمێ وبه‌غدا هه‌ين.
هه‌ر دوێ كۆمبوونێ دا، سه‌رۆك بارزانى زێده‌بارى ئاماژه‌دان ب قۆناغا به‌رى ريفراندۆمێ وروودانێن 16 ئوكتۆبه‌رێ، دياركر كو نوكه هه‌لبژارتن يێن هاتينه ئه‌نجامدان وره‌وشه‌كا نوو يا هاتيه پێش وئه‌وا بۆ گه‌لێ هه‌رێما كوردستانێ جهێ گرنگيا سه‌ره‌كى ل به‌رچاڤ وه‌رگرتن وپێگيريه ب سێ پرنسيبێن هه‌ڤپشكيێ وته‌وافوقێ وهه‌ڤسه‌نگيێ دهه‌موو بوارێن حوكمرانيێ ودانانا ميكانيزم وبجهئينانا هوورده‌كاريێن وان هه‌رسێ پرنسيبانه ول بن رۆناهيا وان هه‌رسێ پرنسيبان پێدڤيه هه‌ڤپه‌يمانى دناڤبه‌را لايه‌نان بهێته كرن ورێككه‌فتن ل سه‌ر پۆست وسيمايێ حوكمه‌تا داهاتى يا عيراقێ بهێته كرن.
دپشكه‌كا دى يا ئاخڤتنێن خوه دا، سه‌رۆك بارزانى تێبينيێن خوه ل سه‌ر كاركرنا كۆمسيۆنێ وب رێڤه‌برنا هه‌لبژارتنان وئه‌نجامێن وێ وهه‌روه‌سا بريارێن ڤێ دووماهيێ يێن په‌رله‌مانێ عيراقێ به‌رچاڤكر وئاماژه ب وێ چه‌ندێ دا كو پارتى ديموكراتى كوردستان چو نوونه‌ر ل كۆمسيۆنا بلند يا هه‌لبژارتنان نه‌بوو وژبۆ وێ چه‌ندێ كو پارتى نه‌بيته حزبا ئێكێ ل پارێزگه‌ها نه‌ينه‌وا، ب زلم ه‌نگێ كه‌مپان وخووشك وبرايێن ئێزدى هاتنه سوتن، كو ب راستى پارتى حزبا ئێكێ وسه‌ركه‌فتيا ئێكێ يا پارێزگه‌ها نه‌ينه‌وا يه.
ل دۆر پرۆسا هه‌لبژارتنان وسه‌خته‌كاريێ، سه‌رۆك بارزانى گۆت”ئه‌م ب هه‌موو جۆره پێرابوونه‌كێ درازينه كو بهێته ئه‌نجامدان، به‌لێ بريارا هه‌لوه‌شاندنا ده‌نگێن پێشمه‌رگه‌ى بێ ئه‌گه‌ر وژبۆ مه‌ره‌مێن سياسى زولمه‌كا گه‌له‌ك مه‌زنه وب چو شێوه‌كى قبوول ناكه‌ين، چونكى ئه‌و ئاماژه وهێمايه‌كا گه‌له‌ك خرابه وب رامانا كاركرنه بۆ هه‌لوه‌شاندنا هه‌رێما كوردستانێ يه”.
سه‌رۆك بارزانى پێشوازى ژى ل رۆلێ نه‌ته‌وێن ئێكگرتى كر بۆ هاريكاريا لايه‌نێن عيراقى وچاره‌كرنا كێشان ب تايبه‌ت ل دۆر بابه‌تێ مادێ 140 وده‌ڤه‌رێن كوردستانى يێن ده‌رڤه‌ى ئيدارا هه‌رێمێ ودوپاتكر كو سه‌پاندنا ئه‌مرێ واقع وبه‌رده‌وامبوون ل سه‌ر ره‌وشا پشتى 16 ئوكتۆبه‌رێ جهێ قبوول كرنێ نينه وپێدڤيه دچارچۆڤێ مادا 140 ژدستوورى ئێكلا ببيت.
ئه‌ڤرۆ نیوز، نه‌وزاد هلۆرى:
ل شهڤا بۆرى ل سه‌نته‌رێ باژێرێ دهۆكێ دزیكه‌ره‌ك كه‌فتیه ماله‌كا تاخێ گژه‌به‌را ل سه‌نته‌رێ باژێرێ دهوكێ و 55 غرامێن زێرى ل گه‌ل هنده‌ك پاره‌ى دزینه.
هاشم رێكانى، خودانێ وێ مالێ بۆ ئه‌ڤرۆ نیوز گۆت: (ل شهڤا بۆرى ئه‌ز چبوومه كرێكاریێ ل ده‌رڤه‌ى مالا خوه و خێزانا من ژى چبو مزگه‌فتێ كه شهڤا (ليلة القدر) بوو ، ئه‌م هاتینه ئاگه‌هداركرن ژلایێ جیرانه‌كێ مه ڤه كو كه‌سه‌ك چویه دمالا هه‌وه دا ، پشتى ئه‌ز هاتیمه مال دياربوو كو دزیكه‌ره‌ك كه‌فتيه مالا مه و 55 غرامێن زێرى ل گه‌ل 130 هزار دیناران دزینه)
زێده‌تر گۆت: (ئه‌ز گومانا خوه ل كه‌سێ نابه‌م و من هێزێن ئه‌منى و پۆلیس و ئاسایش ئاگه‌هداركرینه ، و من ڤیا بێژم ژى كو تنێ من ئه‌و پاره و زێر دمالا خوه دا هه‌بوون و ئه‌و ژى برن ، نها ئه‌ز دخانیه‌كێ ته‌جاوزدا دژیم و ژبلى كرێكاریێ چو كارێن دى ناكه‌م و دخوازم كو جهێن شوله‌ژێ بشێن ب زووترین ده‌م وى دزیكه‌رى بگرن و زێر وپارێن من بزڤرینن ڤه)
ئه‌ڤرۆنيوز:
ژ ئه‌گه‌رێ بلندبوونا پلێن گه‌رمێ ل باژێرێ فه‌لوجه ل پارێزگه‌ها ئه‌نبار، بهايێ ئێك ئه‌مپێرێ كاره‌با موه‌ليدێ ب 17 هزار دينارايه.
ئه‌حمه‌د سلێمان، وه‌لاتيه‌كێ خه‌لكێ فه‌رلوجه‌يه دبێژيت” پلێن گه‌رمێ ل باژێرێ فه‌له‌جه دبلندبوونێ دانه وژيان ل وى باژێرى وه‌كو جه‌هنه‌مێ يه”.
ئه‌حمه‌دى بۆ مالپه‌رێ سه‌ته‌لايتا كوردستان گۆت ژى”ژبه‌ر بلندبوونا پلێن گه‌رمێ، بهايێ ئێك ئه‌مپێرێ كاره‌با موه‌ليدان ب 17 هزار دينارايه”.
دياركر ژى” ژبه‌ركو ل فه‌لوجه كار يێ لاوازه، پشكه‌كا مه‌زن ژ وه‌لاتيان ژبه‌ر بێ پاره‌ييێ نه‌شێن كاره‌با موه‌ليدێ رابكێشن”.
ل ته‌مووزا سالا 2014 چه‌كدارێن داعشێ قه‌زا فه‌لوجه يا سه‌ر ب پارێزگه‌ها ئه‌نبار (60 كلم ل باكوورێ رۆژئاڤايێ به‌غدا) كونترۆل كربوو ، ل 26/6/2016 هێزێن عيراقى ژداعشێ رزگاركر.
ئه‌ڤرۆنيوز:
وه‌زاره‌تا ئه‌وقافێ وكاروبارين ئايينى ل هه‌رێما كوردستانێ ل دۆر دياركرنا رۆژا ئێكێ ژ جه‌ژنا ره‌مه‌زانا پيرۆز په‌يامه‌كێ به‌لاڤ دكه‌ت وئاماژێ ب وێ دده‌ت، هه‌كه ل هه‌رێما كوردستانێ هه‌يڤ هاته ديتن، دێ بيته جه‌ژن وچاڤه‌رێ چو وه‌لاته‌كى ناهێته كرن، په‌يڤدارێ وه‌زاره‌تا ناڤبرى دياركر ل ئێڤاريا 14 ڤێ هه‌يڤێ دێ بريارا دووماهيێ هێته دان وخوياكر ئاماژه بۆ وێ چه‌ندێ دچن كو رۆژا ئه‌ينى دێ بيته رۆژا ئێكێ يا جه‌ژنێ.
نه‌به‌ز ئيسماعيل، په‌يڤدارێ وه‌زاره‌تا ئه‌وقافێ وكاروبارێن ئايينى بۆ SNN گۆت” لژنا ديتنا هه‌يڤێ ل هه‌رێما كوردستانێ ب مه‌ره‌ما دياركرنا رۆژا ئيكێ ژ جه‌ژنێ دێ كۆم بيت وژبلى وێ چه‌ندێ ژى ول دووڤ پێشبينيان رۆژا ئه‌ينيێ دێ رۆژا ئێكێ ژ جه‌ژنا ره‌مه‌زانا پيرۆز بيت كو دكه‌ڤيته 15/6/2018، به‌لێ پێدڤيه هه‌يڤ بهێته ديتن وهه‌كه هاته ديتن دێ بيته جه‌ژن”.
دياركر ژى” وه‌كو هه‌رێما كوردستانێ مه هه‌ماهه‌نگى يا هه‌ى ل گه‌ل ديوانا وه‌قفێ سونى ل عيراقێ وژبلى وێ چه‌ندێ ژى دياركرنا رۆژا ئێكێ ژ جه‌ژنێ دێ ب هه‌ماهه‌نگى بيت ل گه‌ل ديوانا وه‌قفێ سونى وسعوديێ”.
په‌يڤدارێ وه‌زاره‌تا ئه‌وقافێ گۆت” تيمێن مه ل هه‌موو باژێر وباژێركێن هه‌رێمێ ل ئێڤاريا رۆژا 14/6/2018 دێ دئاماده‌باشيێ دابن وهه‌ر ده‌مێ هه‌يڤ بهێته ديتن، دێ بيته جه‌ژن، داخوازێ ژ وه‌لاتيان ژى دكه‌ين هه‌كه هه‌يڤ ل ئێڤاريا هه‌مان رۆژ ببينن، مه ئاگه‌هدار بكه‌ن”.
ئاشكراكر ژى” ئه‌م وه‌كو هه‌رێما كوردستانێ چاڤه‌رێ چو وه‌لات ولايه‌نه‌كى ناكه‌ين، هه‌كه هه‌يڤ هاته ديتن، پشت راست بن دێ بيته جه‌ژن، به‌لێ ل دۆر وێ چه‌ندێ دێ هه‌ماهه‌نگى ل گه‌ل عيراقێ وهه‌موو وه‌لاتێن دى ژى كه‌ين”.
ئه‌ڤرۆ نيوز، فاتما مزوورى:
ژێده‌رێن ئه‌منى يێن يه‌مه‌نى راگه‌هاند كو د بووسه‌كا چه‌كدارێن قاعيده دا، ل پارێزگه‌ها شه‌بوه، يا باشوورێ رۆژهه‌لاتێ يه‌مه‌نه حه‌فت كه‌س بوونه قوربانى.
ئه‌وى ژێده‌رێ نه‌خواستى ناڤێ خوه ئاشكه‌را بكه‌ت، راگه‌هاند: هێزێن له‌شكرى يێن شه‌بوانيه يا باژێرێ سه‌عيد ل رۆژهه‌لاێ پارێزگه‌ها شه‌بوه يا باشوورێ رۆژهه‌لاتا يه‌مه‌ن كه‌فتنه ناڤ بووسه‌كا چه‌كدارێن رێكخستيا تيرۆرستى يا قاعيده.
ژێده‌رى هه‌روه‌سا ئاماژه ب وێ ئێكي كر كو د ناڤ وێ بووسێ دا دو له‌شكر هاتنه كوشتن و پێنج ژى هاتنه برينداركرن.
چه‌كدارێن تيرۆرستێن قاعيده ل وێ پارێزگه‌هێ ماوه بۆ ماوه‌ى هێرشێن ژ ڤى ره‌نگى ئه‌نجام دده‌ن.
هێزا شه‌بوانيه هێزه‌كا يه‌مه‌نى يه و روونشتڤانێن پارێزگه‌ها شه‌بوه پێكئينايه و ژ لايێ له‌شكرێ ئيمارات ڤه ل له‌شكرگه‌ها حه‌زره‌مه‌وتا رۆژهه‌لات دهێنه مه‌شقكرن.
ئه‌ڤرۆنيوز:
وه‌زيرێ به‌رگريا توركيا، نوره‌دين جانيكلى، ئه‌ڤرۆ سێشه‌مبى 12/6/2018 راگه‌هاند، توركيا رازيبوونا عيراقێ وئيرانێ وه‌رگرت ل دۆر ئه‌نجامدانا ئوپه‌راسيۆنه‌كا له‌شكرى دژى په‌كه‌كێ ل چيايێن قه‌نديل.
ل دووڤ مالپه‌رێ (بغداد اليوم)، وه‌زيرێ به‌رگريا توركى گۆت” مه بنگه‌هێن له‌شكرى يێن چێكرين وبێ وان بنگه‌هان، دێ ئه‌نجامدانا ئوپه‌راسيۆنه‌كا درێژ يا ب زه‌حمه‌ت بيت”.
دياركر ژى” توركيا وعيراق ب تمامى هه‌ڤرانه ل دۆر ڤێ ئوپه‌راسيۆنێ”.
نيشاندان