ئه‌ڤرۆ نيوز:
شرۆڤەکارەکێ سیاسی ئاماژە ب وێ چەندێ دکەت، سەرۆک بارزانی ل حەفتیا بۆری د گۆتارا خوە دا بەرسڤا گەلەک پرسێن گرنگ دا، ھندەک کەس و لایەنان ژی بەرسڤا خوە وەرگرت کو دخواست پێگەھێ سەرۆک بارزانی بھێتە سنوردارکرن، ھەروەسا دیارکر، ھندەک کەسان ل ھەمبەر فرۆتنا ئاخا وەلاتێ خوە ڤیا خوە ل دەف بەغدا شرین بکەن و بوونە پاشکۆیا خەلکی، کو ئەو خەلکی ئەف وێرەکی نینە بەحسێ پاشکۆیەتیێ دگەل سەرۆک بارزانی و پارتی بکەن.
عەبدولسەلام بەرواری، شرۆڤەکارێ سیاسی بۆ رۆژناما ئەڤرۆ گۆت” ئاخڤتنێن سەرۆک بارزانی د حەفتیا بۆری دا ددەمێ خوەدا بوون کو ھندەک کەس و لایەنان وەسا ھزر دکر رۆل و پێگەھێ سەرۆک بارزانی وەکو بەرێ ب ھێز نەمایە، بەلێ سەرۆکی بەرسڤا زۆر پرسێن گرنگ دا، کو بەری نوکە بۆچوونێن جودا ل سەر دھاتنە گوتن، چونکەی ل دەف ھندەکا دبیت پێگەھێ سەرۆکی بھێتە سنوردارکرن، بەلێ ڤان کەس و لایەنان بەرسڤا خوە ژ سەرۆک بارزنی وەرگرت”.
گۆت ژی” د پێگەھەکێ زۆرێ ب ھێز دا سەرۆک بارزانی بۆ قۆناغا نوکە یا عیراقێ بۆچوونا خوە دیارکر و رێ چارەسەری ژی ھەر وەکو سەرۆک بارزانی بۆ چارەسەرکردنا ئاریشەیێن نوکە یێن عیراقێ و ھەرێما کوردستانێ ھەر ئەون، ب تایبەتی ھەکە دەستھەلاتدارێن عیراقێ بخوازن عیراق وەک خوە بمینیت پێدڤیە پشکداری ھەبیت نەکو پشکداری پێکرن، سەرۆک بارزانی ل حەفتیا بۆری د چوارچۆڤێ ب رێڤەچوونا کۆنگرێ ئێکەتیا لاوان زۆر ب رۆھنی ئاماژە ب ڤێ چەندێ کر، ئەوژی قەبوول نەکرنا پاشکۆیا چو کەس و ئالیەکی یە، کو د راستی دا، ھندەک کەسان ھەمبەر فرۆتنا ئاخا وەلاتێ خوە ڤیا خوە ل دەف بەغدا شرین بکەن و بوونە پاشکۆیا لایەنێن عیراقی، بەلێ چو جاران خەلکەکی ئەف وێرەکی نینە ھەر بەحسێ پاشکۆیەتیێ ل دەف سەرۆک بارزانی و پارتی دیموکراتی کوردستان بکەت”.
عەبدولسەلام بەراوری دیارکر” پێدڤیە ھەموو لایەنێن سیاسی ب ھێز و ئێکگرتی ڤە بچنە بەغدا و ھەموو پێکڤە پێگیریێ ب دستوورێ عیراقێ بکەن، ژبەرکو پێگیری ب دستووری نەھێتەکرن ئەڤە بلا پشتڕاستبن ئاریشەیێن عیراقێ ناھێنە چارەسەرکرن و رۆژ بۆ رۆژێ دێ رەوش بەر ب ئالۆزیێ پتر چیت، ئەڤە ژی رامان ئەو نینە مە خواست ھەیە دگەل عیراقێ بمینین، لەوما سەرۆک بارزانی راگەھاند، ئەو رۆژ دێ ھەر ھێت کو رێز ل ئیڕادەیا 93%ێ یا خەلکێ ھەرێما کوردستانێ بھێتە گرتن، ئەڤە ژی یا خویایە مەرەما سەرۆک بارزانی ریفڕاندۆما سەربخوەیا کوردستانێ بوو”.
نيشاندان