ئه‌ڤرۆ نیوز، هه‌ژار مه‌عروف:
هه‌لبژارتیێ پێگه‌هشتیێن دهۆک د یاریا خوه یا ئێکێ دا ژ قاره‌مانیا هه‌لبژارتیێن پارێزگه‌هێن هه‌رێمێ ب سه‌رکه‌ڤت پشتی شیای سه‌رکه‌فتنه‌کا گرنگ ل سه‌ر هه‌لبژارتیێ پێگه‌هشتیێن سلێمانیێ توماربکه‌ت ب سێ گولان به‌رامبه‌ر دو گولان.
ژلایه‌کێ دیڤه د یاریه‌کا دی هه‌ولێر ب سه‌رکه‌ڤت ل سه‌ر که‌رکوک ب گوله‌کێ بێ به‌رامبه‌ر.
هه‌ژی گوتنێ یه چار هه‌لبژارتیێ د قاره‌مانیا پارێزگه‌هێن هه‌رێمێ دا د پشکدارن و هه‌موو یاری ل شه‌قلاوه دهێنه‌کرن
ئه‌ڤرۆنيوز:
ده‌زگه‌هێ خێرخوازيێ بارزانى وهه‌يڤا سوور يا ئيماراتى سوباهى دوشه‌مبى 13/8/2018 دێ گۆژمێ پتر ژ هه‌شت مليۆن وپێنج سه‌د هزار دۆلاران ل سه‌ر 10 هزار و714 زارۆيێن بێ باب ل هه‌رێما كوردستانێ به‌لاڤ كه‌ن.
سوباهى ل ده‌مژمێر 2 پشتى نيڤرۆ، ل دووڤ مالپه‌رێ كوردستان تى ڤى، ل هۆلا پێشه‌وا ل باژێرێ هه‌ولێرێ، ده‌زگه‌هێ خێرخوازيێ بارزانى ل گه‌ل هه‌يڤا سوور يا ئيماراتى درێ وره‌سمه‌كى دا دێ هاريكاريێن قۆناغا (2016 -2017) كو گوژمێ (8،523،66،484) دۆلارن دێ ل سه‌ر 10 هزار و714 زارۆيێن بێ باب ل هه‌رێما كوردستانێ به‌لاڤ كه‌ن كو شێوێ به‌لاڤكرنێ ل دووڤ باژێرانه وهژمارا مفاداران كو ب رێيا ئۆفيسێن ده‌زگه‌هێ خێرخوازيێ بارزانى دهێنه ب رێڤه‌برن دێ ب ڤى شێوه‌ى بيت:
ئه‌ڤرۆنيوز:
رێڤه‌به‌ريا گشتى يا كه‌شناسيێ وبيڤه‌له‌رزان ل هه‌رێما كوردستانێ ئه‌ڤرۆ ئێكشه‌مبى 12/8/2018 راگه‌هاند، هه‌ر ژسوباهى دوشه‌مبى 13/8/2018 دێ گوهۆرين ب سه‌ر پلێن گه‌رمێ ل هه‌رێما كوردستانێ هێن وره‌وشا كه‌ش وهه‌واى دێ هينتر بيت هه‌مبه‌ركرن ل گه‌ل رۆژێن بۆرى.
رێڤه‌به‌ريا ناڤبرى ئاماژه دا كو سوباهى پلا گه‌رمێ ل پاريزگه‌ها دهۆكێ دێ 39 بيت.
ئه‌ڤرۆ نیۆز، عه‌زیز هه‌ورامانی
رێڤه‌به‌ريا پۆلیسێن پارێزگه‌ها سلێمانيێ بۆ ڕۆژێن جه‌ژنا قوربانى دێ پۆليسێن ژن ل ناڤ باژێرێ به‌لاڤكه‌ن تاكو بشێن دهه‌ر حاله‌ته‌كێ نه‌خوازراو دا كو تووشى ژنان بهێت دهاوارا وان بچن.
رێڤه‌به‌ريا ناڤبرى دراگه‌هاندنه‌كێ دا دياركر” ل گه‌ل نێزيكبوونا جه‌ژنا قوربانى وقه‌ره‌بالغيا ل ناڤ بازارى وجهێن گشتى هه‌ى، ب فه‌رمانا رێڤه‌به‌رێ پۆليسێن سلێمانيێ، هه‌موو پشك وبنگه‌هێن سه‌ر ب رێڤه‌به‌ريێ ڤه دحاله‌تێ ئاماده‌باشيا زێده‌تر دانه”.
دياركر ژى” بۆ وێ مه‌ره‌مێ، هه‌موو پۆليسێن ژن دحاله‌تا ئاماده‌باشيێ دانه ل ناڤ بازارى وجهێن گشتى ب مه‌ره‌ما پاراستنا زێده‌تر يا سامان ومالێن وه‌لاتيان ورێگرتن ل هه‌ر حاله‌ته‌كا دزينا چانتێن ژنان”.
ئه‌ڤرۆنيوز:
كۆمسيۆنا بلند يا سه‌ربخوه يا هه‌لبژارتنان وراپرسيێ ل هه‌رێما كوردستانێ رۆهنكرنه‌ك ل دۆر فه‌رمانبه‌رێن گرێبه‌ست يێ كۆمسيۆنێ به‌لاڤكر..
كۆمسيۆنێ درۆهنكرنا خوه دا راگه‌هاند” سه‌باره‌ت فه‌رمانبه‌رێن گرێبه‌ست وفه‌رمانبه‌رێن هێزێن ئاسايشا ناڤخوه‌يى وپۆليسا وزێره‌ڤانێن هه‌رێمێ (پێشمه‌رگه) وله‌شكر، هه‌ر ده‌نگده‌ره‌كێ رۆژا ده‌نگدانا تايبه‌ت، نابيت ببنه فه‌رمانبه‌رێن گرێبه‌ست ل رۆژا هه‌لبژارتنان ونابيت داخوازيێ پێشكێش بكه‌ن وفۆرمان داگرن، به‌روڤاژى ڤێ چه‌ندێ فۆرمێن وان دێ هێنه لادان ودهه‌ر قۆناغه‌كێ دا ئه‌و بهێته سه‌لماندن، ئه‌و كه‌سه دێ هێنه دوورخستن ودێ پێرابوونێن قانوونى ل به‌رانبه‌ر وان هێنه وه‌رگرتن”.
ئه‌ڤرۆ نیوز:
چاڤه‌رێ دهێته‌کرن ئه‌ڤ شه‌ڤه ل یاریگه‌ها ته‌نچه ل وه‌لاتێ مه‌غره‌ب یاریا دووماهیا سوپه‌را ئیسپانیا دناڤبه‌را به‌رشه‌لونا و سیڤلیا بهێته‌کرن.
به‌رشه‌لونا دێ بزاڤێ که‌ت بۆ برنا ناسناڤێ ١٣ کو به‌ری نوکه ١٢ جاران ناسناڤێ سوپه‌را ئیسپانیا ب ده‌ستخوڤه بریه به‌رامبه‌ر سیڤلیا بتنێ جاره‌ک ب ده‌ستخوڤه بریه ئه‌وژی ل سالا ٢٠٠٧ ده‌ستخوڤه بریه.
پێکهاتیێ چاڤه‌رێکری یێ هه‌ردو یانێن به‌رشه‌لۆنا و سیڤلیا بۆ یاریا ئه‌ڤ شه‌ڤه.
ئه‌ڤرۆ نیوز، نه‌وزاد هلۆرى:
كومسیۆنا بلند یا هه‌لبژارتن و راپرسیان ل هه‌رێما كوردستانێ رۆژێن بانگه‌شێ بۆ هه‌لبژارتنێن په‌رله‌مانێ كوردستانێ دیاركرن.
كۆمسیۆنێ رۆژا 5/9/2018 وه‌كو ده‌ستپێك بۆ بانگه‌شا هه‌لبژارتنان دياركر كو ل رۆژا 28/9/2018 دێ بانگه‌شه ب دووماهى هێت كو به‌رى ئه‌نجامدانا هه‌لبژارتنان ب 48 ده‌مژمێران بانگه‌شه دێ هێته راوستاندن.
برياره هه‌لبژارتێن په‌رله‌مانێ كوردستانێ ل 30/9/2018 بهێنه ئه‌نجامدان.
ئه‌ڤرۆنيوز:
سه‌رۆك مه‌سعود بارزانى ئه‌ڤرۆ ئێكشه‌مبى 12/8/2018 پێشوازى ل عه‌لى قه‌ره‌داغى ئه‌ميندارێ گشتيێ ئێكه‌تيا جيهانى يا زانايێن موسلمان وسه‌رۆكێ رابيتا ئيسلامى يا كوردى وشانده‌كێ دگه‌لدا كر كو پێكهاتبوون ژ سه‌رۆك وئه‌ندامێن ده‌سته‌يا كارگێرى يا رابيتا ئيسلامى يا كورد.
دديداره‌كێ دا ره‌وشا سياسى ودووماهى پێشهاتێن عيراقێ وده‌ڤه‌رێ وروودانێن پشتى ريفراندۆمێ هاتن به‌حسكرن ودووپاتى ل ره‌وايه‌تيا مافێن گه‌لێ كوردستانێ وره‌تكرنا سه‌پاندنێ ل سه‌ر گه‌لێ كوردستانێ هاته كرن.
هه‌ر ل وێ كۆمبوونێ هه‌ردولا بۆچوونێن خوه ل دۆر هه‌لبژارتنێن هه‌يڤا ئيلۆنا داهاتى وپێدڤيا كاركرنێ ودانانا به‌رنامه‌كى ژلايێ حوكمه‌تا هه‌رێما كوردستانێ ڤه بۆ باشتركرنا ژيانا وه‌لاتيان، ئالوگوركرن.
ئه‌ڤرۆ نیۆز،عه‌زیز هه‌ورامی
دروودانه‌كا پێكدانانا دو ترومبێلان دا ئه‌ڤرۆ ئێكشه‌مبى 12/8/2018 ل سه‌ر رێيا گه‌رميان – سلێمانى، سێ كه‌سان گيانێ خوه ژده‌ست دا.
رێڤه‌به‌ريا هاتنوچوونا گه‌رميان راگه‌هاند” دروودانا پێكدادانا دو ترومبێلێن ژ جۆرێن تويۆتا لاندگرۆزو تويۆتا پيكه‌ب، سێ كه‌سان ژ هه‌ردو ترومبێلان گيانێ خوه ژده‌ست دا”.
دياركر ژى”شۆفێر ونه‌فه‌ره‌كێ تويۆتا لاندگرۆز گيانێ خوه ژده‌ستدان و شوفێرێ تويۆتا پيكه‌ب ژى گيانێ خوه ژده‌ستدا دوێ روودانێ دا”.
خوياكر” ته‌رمێن هه‌رسێ كه‌سان هاتن هنارتن بۆ نوشداريا داد ل سلێمانيێ وڤه‌كۆلين دروودانێ دا يا به‌رده‌وامه”.
ئه‌ڤرۆ نیوز، هه‌ژار مه‌عروف:
ئێکه‌تیا ته‌پا پێ یا کوردستانێ ئه‌ڤرۆ د کومبوونا خوه یا حه‌فتیانه دا ب فه‌رمی ل سه‌ر ده‌ست کارکێشانا نوونه‌رێ پارێزگه‌ها دهۆک و ئه‌ندامێ ئێکه‌تیا ته‌پا پێ ئازاد عه‌جیل رازیبو، هه‌ردیسان ب فه‌رمی ل سه‌ر داخوازیا نوونه‌راتیا لژنه‌یا ئولومپی یا دهۆک رازیبوو کو قاسم سالح وه‌کو نوونه‌رێ نوو یێ پارێرگه‌ها دهۆکێ بهێته ده‌ست نیشانکر ل جهێ ئازاد عه‌جیل ل ئێکه‌تیا ته‌پا پی یا کوردستانێ.
هه‌ردیسان ئێکه‌تیا ته‌پا پێ یا کوردستانێ د کومبوونا خوه ئه‌ڤرۆ دا سوپاسیا ئازاد عه‌جیل کر بۆ خزمه‌تا وی و ماندیبوونا وی ل ماوێ چه‌ند سالێن بوری و داخازا سه‌رکه‌فتنێ بو خواست.
نيشاندان