ئەڤرۆ نیوز،ھەژار مەعروف:
ل ماوێ چەند رۆژێن بوری سەرۆکێ ئێکەتیا تەپا پێ یا ئیرانی مەھدی تاج سەرەدانا ھەولێرا پایتەختێ کوردستانێ کربوو ب ئەنجامدانا چەند کاران و د وێ سەرەدانێ دا سەرۆکێ ئێکەتیا تەپا پێ یا ئیرانی چاڤ ب چەندین بەرپرسێن وەرزشی یێن عیراقی و کوردستانی کەڤت ژ ئەوانان سەرەدانا بارەگایێ ئێکەتیا تەپا پێ یا کوردستانێ کر ل گەل سەرۆکێ ئێکەتیا تەپا پێ یا کوردستانێ سەفین کانەبی کومبوو بەحس ل رەوشا وەرزشا کوردستانێ کر ھەردیسان د وێ رونشتنێ دا بەحس ل چەند کارێ ئایندەکر دناڤبەرا ھەردو ئێکەتیان دا .
سەفین کانەبی د داخویانیەکێ دا دیارکر ھەر ئێک ژ عەبدولخالق مەسعود سەرۆک ئێکەتیا تەپا پێ یا عیراقی و مەھدی تاج سەرۆک تەپا پێ یا ئیرانی سەرەدانا بارەگایێ ئێکەتیا تەپا پێ یا کوردستانێ ل باژێرێ ھەولێرێ کر و دوێ سەرەدانێ دا ئەوان داخوازی ژ مەھدی تاج کرن ئەو چەند خولەکێن راھێنەری و دادڤانی ل وەلاتێ ئیرانێ ئەنجامدان بەرامبەر ناڤبری رازەمەندیا خوە دیارکر ب گەرمی ڤە ھەردیسان پشتەڤانیا خوە دیارکر بۆ ئێکەتیا تەپا پێ یا کوردستانێ بۆ ڤەکرنا چەند خولێن راھێنەری و دادڤانی ل تەھرانا پایتەختێ ئیرانی ، سەفین ئاماژە ب وێ چەندێ کر ئەو دێ مفای ژ ئەوان خولان بینن ژبەرکو ئیران وەلاتەکێ پێشکەڤتی یە و ئەوان باوەری پێ ھەیە دێ راھێنەر و دادڤانێن کوردستانێ مفاداربن ژ ئەوان خولان.
ل دووماھیی سەفین سوپاسیا سەرۆکێ ئێکەتیا تەپا پێ یا عیراقی عەبدولخالق مەسعود کر بۆ پشتەڤانیا ئەوی یا بەردەوام بۆ ئێکەتیا تەپا پێ یا کوردستانێ و پەیوەندیان ل گەل وەلاتێن دی .

ئەڤرۆ نیوز:
یانا بەرشەلۆنا ب فەرمی دەست ژ بەرەڤانێ خوە یێ ھەلبژارتیێ کولومپیا یاری مینا کر بۆ یانا ئیڤەرتون یا ئینگلیزی بەرامبەر کوژمێ ٣٠ ملیون یۆرۆیا پشتی ل وەرزێ بوری یانا بەرشەلۆنا ھەڤبەست ل گەل ئەڤی یاریزانی ئیمزاکری و ب دروستی ئەڤی یاریزانی دەرفەتا خوە ل ڤێ یانێ نە وەرگرتی و پشتی پشکداری ل موندیالا ٢٠١٨ دا ل روسیا شیای ئاستەکێ بلند ل گەل ھەلبژارتیێ خوە پێشکێش بکەت ببو جھێ گرنگیا گەلەک یانێن ئورۆپی و پشتی چەندین دانوستاندنان یانا ئیڤەرتون ب فەرمی گەھشتە رێککەفتنێ ل گەل بەرشەلۆنا بۆ ڤەگوھاستنا یاریزانێ ناڤبری.

یاریزانێ ناڤبری ل سەر چوونا خوە ژ یانا بەرشەلۆنا بۆ دەزگەھێن راگەھاندنێ دیارکر ئەوی خەونێن مەزن ب یانا بەرشەلۆنا ڤە دیتن و خەونا وی ئەو بوو ل گەل ڤێ یانێ یێ بەردەوام بەت لێ ئەوی باوەری ب خوە ھەیە جارەکا دی ڤەگەریتە ڤێ یانێ و حەز کەت یاری بۆ یانا بەرشەلۆنا جارەکا دی بکەت ل پاشەرۆژێ ھەر چەندە ئەوی دەرفەتەکا باش ل گەل یانا بەرشەلۆنا نەدیت لێ ھەر چەوا بیت سوپاس بۆ بەرشا بۆ پشتەڤانیا ئەوان ل گەل ئەوی ل ماوێ بوری و ناڤبری ئاشکراکر ژی ئەو دخوازیت بشێت بیتە خالەکا ب ھێز ل گەل ئیڤەرتون د خۆلا ئنگلتەرا دا .

ئەڤرۆ نیوز، ھەژار مەعروف:
یانا نەفت پشتی ل وەرزێ بوری ھەڤبەست ل گەل ھەر ئێک ژ بەیار ئەبو بەکر و زیاد ئەحمەد ئیمزاکری و ل دەستپێکا ڤی وەرزی ژی ھەڤبەست ل گەل یاریزانێ سێ ئەوژی گولکەرێ کورد فەرحان شەکور ئیمزاکری و ئەڤرۆ ب فەرمی یانا ناڤبری ھەڤبەستا یاریزانێ چارێ یێ کورد ل ناڤا پێکھاتیێ خوە راگەھاند پشتی گەھشتی یە رێککەفتنێ ل گەل یاریزان ھەردی سیماند .
رێڤەبەرێ یانا نەفت مشتاق کازم د داخویانیەکێ دا بۆ رۆژناما ئەڤرۆ دیارکر بۆ ب ھێز کرنا پێکھاتیێ خوە تایبەت ھێلا بەرەڤانیێ ئەوان ھەڤبەست ل گەل ھەردی سیماند یاریزانێ کورد و یانا مینا ئیمزاکر کو ئەڤە دبیتە یاریزانێ چارێ ژ ھەرێما کوردستانێ ھەردیسان ئەوان بەری نوکە ژی ھەڤبەست ل گەل سێ یاریزانان ئیمزاکر بوو ئەو دبینن یاریزانێن کورد شیانێن مەزن ھەنە و ئەو چاڤدێریا چەند یاریزانێن دی یێن کورد دکەن و چاڤەرێ دھێتەکرن ھەڤبەستێ ل گەل چەند یاریزانێن دی ژی ئیمزا بکەن.
ھەژی گوتنێ یە ھەردی سیماند ب کوژمێ ١٤٠ ملیون دیناران ھەڤبەست ل گەل یانا نەفت ئیمزاکریە و بەری نوکە ژی یاری بۆ ھەر ئێک ژ یانێن بروسک و پیرس و زاخۆ ھەولێر و مینا کریە .