ئەڤرۆ نیوز ، زنار تۆڤی:

یانا ریال مەدرید یا ئیسپانی ب رژدی بزاڤا ڤەگوهاستنا ماورۆ ئیکاردی یاریزانێ یانا ئینتەر میلان ددەت.

رۆژناما ئاس یا ئیسپانی دیارکریە، کو یانا مەدریدی بزاڤا ڤەگوهاستنا ئیکاردی ددەت و دڤێت پێش داخستنا دەرگەهێ ڤەگوهاستنێن هاڤینی دا وی یاریزانێ ئەرجەنتینی ڤەگۆهێزیتە وێ یانێ.

گۆتیە ژی، ریال ب فەرمی ل گەل واندا نارای هەڤژین و رێڤەبەرێ کارێن ئیکاردی ل رۆما دەست بە گوۆبێژان کریە و ریال یا ئامادەیە گوژمێ 100 ملیۆن یۆرۆیان بدەته ئینتەر وەکو مەرجێ هەلوەشاندنا گرێبەستا وی یاریزانی.

ئیکاردی ژ سالا 2013 وەرە یاریێ بۆ ئینتەرێ دکەت و هەتا نوکە ل سێریا ئەی 190 یاری ئەنجامداینە و 110 گۆل و 26 ئاسیست هەنە.

ئەڤرۆ نیوز ، زنار تۆڤی:

رۆژنامه‌کا بریتانی ئاشكراكریە، کو لوكا مۆدریچ یاریزانێ كرواتی، كارگێریا یانا ریال مه‌درید یا ئیسپانی تووشی شۆكێ كریە، دەمێ بریارا خوە یا دووماهیێ دای دەر‌باره‌ی چوونا خوە ژ رێزێن یانا شاهانە.

رۆژناما سه‌ن یا بریتانی گۆتیە، سه‌ره‌رای پاشخستنا كۆمبوونا دناڤبەرا مۆدریچی و فلۆرێنتینۆ پێرێزی سه‌رۆكێ وێ یانێ، مۆدریچی دووماهی بڕیارا گەهاندیە به‌رپرسێن وێ یانێ و گۆتیە وان یێ رژدە‌ ژ ریال بچیت.

وێ رۆژنامێ گۆتیە: پشتی کو مودریچی هه‌موو تشت ل ‌گه‌ل ریال مه‌درید برین‌، وی دڤێت ئه‌زموونەکا نوو ل گەل یانا ئینته‌رمیلان یا ئیتالی ده‌ست پێبكەت و نڤێسیە، ئینته‌رمیلان ده‌سته‌واره‌کێ مەزن‌ و سه‌رنجراكێش پێشكێش كریه‌، ئینته‌رمیلان یا ئاماده‌یه‌ مووچه‌کێ 10 ملیۆن یۆرۆیی سالانه بدەتە مودریچی، د دەمەکێ دا ئه‌و نوکە 5.8 ملیۆن یۆرۆیان د‌ سالێكدا ل ریال مه‌درید وه‌ردگریت.

دیسا رۆژناما سەن دیارکریە، کو ریال مه‌درید یا ئاماده‌یه‌ گرێبه‌ستەکا نوو پێشکێشی مۆدریچی بكەت و مووچێ وی دو جارا هندە لێ بکەت، به‌لێ ئەو یاریزانه‌ یێ‌ رژدە ریالێ و خولا ئیسپانیا بجهبهێلیت.

ئەڤرۆ نیوز ، زنار تۆڤی:

یوێفایێ ب فەرمی لیستا بەربژارێن خەلاتێ باشترین پێکهاتێ وەرزی بوری یێ چامپیۆنزلیگێ ئاشکراکر، کو ژ سەرجەمێ 12 یاریزانان 7 یاریزان ژ ریال مەدریدێ نە.

یوێفایێ ژ هەر هێلەکێ 10 یاریزان دەستنیشانکربوون بۆ هندێ سەردانیکارێن مالپەرێ فەرمی یێ فیدراسیۆنا تەپا پێ یا ئورۆپا باشترین سێ یاریزان ژ هەر هێلەکێ دەستنیشان بکەن، بۆ هندێ رکابەریێ ل سەر خەلاتێ باشترین یاریزانێن وان هێلان بکەن، ل دووماهیێ دا ژ هەر چار هێلان 12 یاریزانان زۆرترین دەنگ ب دەستڤە ئینان و بەربژێرن بۆ هندی خەلاتێ باشترین یاریزانێن وان هێلان ب دەستڤە بینن، کو ل رۆژا 30 ڤێ هەیڤێ دێ هێنە ئاشکرا کرن و ژ سەرجەژێ وان 12 یاریزانان 7 یاریزانان ل ریال مەدرید یاری کریە، کو وەرزێ بوری میرنگێ بۆ سێیەمجار ل سەر ئێک بوویە قارەمانا چامپیۆنزلیگێ.

گۆلپارێز: ئالیسۆن بێکەر ژ رۆما، جیانلویجی بۆفۆن ژ یۆڤێنتۆس، کەیلۆر ناڤاس ژ ریال مەدرید.

بەرگریکار: مارسیلۆ و رافایل ڤاران و سێرخیۆ رامۆس ژ ریال مەدرید.
ناڤەراست: کیڤن دی برۆین ژ مانچێستەر سیتی، تۆنی کروس و لۆکا مۆدریچ ژ ریال مەدرید.

هێرشبەر: لیۆنێل مێسی ژ بارسێلۆنا، محەمەد سەلاح ژ لیڤەرپوول، کریستیانۆ رۆنالدۆ ژ ریال مەدرید.