ئه‌ڤرۆنيوز:

سه‌رۆكێ به‌ره‌يێ توركمانى ل عيراقێ راگه‌هاند، به‌رپرسياره‌تيا هه‌ر جۆره‌ ئاژاوه‌كێ ل كه‌ركووكێ روو بده‌ت  دكه‌ڤيته‌ ستويێ كۆمسيۆنا هه‌لبژارتنان، هه‌كه‌ هات وگوهۆرينه‌كا مه‌زن دئه‌نجامێن هه‌لبژارتنان دا روو نه‌ده‌ت.

ئه‌رشه‌د سالحى، سه‌رۆكێ به‌ره‌يێ توركمانى گۆت ژى” هه‌كه‌ هات وئه‌نجامێن هژمارتنا ده‌نگێن هه‌لبژارتنان ب ده‌ست وه‌كو هژمارتنا ئه‌لكترۆنى بيت، دێ هێزێ بگارئينين وخوه‌نيشادانێن مه‌زن ل كه‌ركووكێ ئه‌نجامده‌ين.

هه‌ر ئه‌ڤرۆ چارشه‌مبى 8 ته‌باخا 2018 هێزێن ئه‌منى ل كه‌ركووكێ كه‌فتنه‌ دحاله‌تا ئاماده‌باشيێ دا بۆ رێگرتنێ ل دروستبوونا هه‌ر ئاژاوه‌كێ ل ده‌مێ به‌لاڤكرنا ئه‌نجامێن هژمارتنا ده‌نگان ب ده‌ست .

ئه‌ڤرۆ نيوز:

ميليشياتێن سه‌ر ب توركيا ڤه‌ ناڤێن كوردى يێن جادده‌ و مه‌يدانێن باژێرێ عه‌فرينێ يێ رۆژئاڤايێ كوردستانێ د گوهۆڕن و ناڤێن عه‌ره‌بى ل سه‌ر ددانن.

ب گۆره‌يى ئه‌و وێنه‌يێن ژ لايێ چالاكڤانێن عه‌فرينى ڤه‌ دهێنه‌ به‌لاڤكرن خويا دبيت كو ميليشياتێن سه‌ر ب توركيا ڤه‌، ناڤێن سێ مه‌يدانێن سه‌ره‌كى د ناڤ باژێرى دا گوهۆڕينه‌ و ل جهێ وان ناڤێن عه‌ره‌بى ل سه‌ر داناينه‌.

ل شوونا په‌يكه‌رێ كاوه‌يێ ئاسنگه‌ر يێ كو ل 18ى ئادارا 2018ێ ژ لايێ ميليشياتان ڤه‌ دايه‌ به‌رگوله‌يان و ژناڤبرن، نها ب ناڤێ چقلێ زه‌يتۆنێ ب عه‌ره‌بى هاتيه‌ نڤيسين.

ل دووريانا وه‌ته‌نى كو كه‌ساتيه‌كێ عه‌فرينى يه‌ ب ناڤێ ده‌وار ئه‌لشوهه‌دا هاتيه‌ ب ناڤكرن. ديسا دووريانا نه‌ورۆزێ ژى ب ناڤێ دووريانا سه‌لاحه‌دين ئه‌لئه‌يوبى هاتيه‌ ب ناڤكرن.

پشتى كۆنترۆلكرنا ده‌ڤه‌را عه‌فرينێ ژ لايێ له‌شكرێ توركيا و چه‌كدارێن سه‌ر ب وێ ڤه‌، بزاڤێن عه‌ره‌بكرن و تورككرنێ ل ناڤ و جهێن ده‌ڤه‌رێ د به‌رده‌وامن و زمانێ كوردى ژى هێدى هێزدى دهێته‌ راكرن و قه‌ده‌غه‌كرن.

ئه‌ڤرۆنيوز:

وه‌زيرێ په‌روه‌ردێ ل هه‌رێما كوردستانێ ئه‌ڤرۆ چارشه‌مبى 8 ته‌باخا 2018 راگه‌هاند، دشێين مفاى ژ ده‌رچوويێن كۆليژان وه‌ربگرين وه‌كو وانه‌بێژ ب تايبه‌تى ده‌رچوويێن كوليژێن په‌روه‌ردێ وبنيات.

پشتيوان سادق، وه‌زيرێ په‌روه‌ردێ دكۆنگره‌كێ رۆژنامه‌ڤانى دا گۆت” هه‌تا نوكه‌ دامه‌زراندن نينه‌، به‌لێ ئه‌م دشێين ئه‌و ميلاكاتێن مه‌ هه‌ين رێكبێخين، دشێين ب شێوێ وانه‌بێژ گه‌نجێن ده‌رچوويێن كوليژان ب تايبه‌تى ده‌رچوويێن په‌روه‌ردێ وبنيات مفاى ژێ وه‌ربگرين”.