ژبو دوڤ چوناپروژێن خزمه‌تكاری ل سنورێ‌ قه‌زایێن شێخان وبه‌رده‌ره‌ش ئه‌ڤرو سپێدێ‌ 7-8-2018 به‌رێز (ئوسمان یونس) جێگرێ‌ پارێزگه‌رێ‌ دهوكێ‌ بو كاروبارێن ته‌كنیكی ودگه‌لدا چه‌ند رێڤه‌به‌رێن فه‌رمانگه‌هێن خزمه‌تكاری سه‌را پروژێ‌ سه‌خبێركرنا (رێكا زالگه‌ها باعه‌درێ‌ -زالگه‌ها نه‌ه دارا ل شێخان – خنس- مرێبا) دا وژنێزیك سه‌حكره‌ قوناغێن سه‌خبێركرنێ‌ ،درێژیا ریكێ‌ 31كم بكوژمێ‌ (625)ملیون دینارا دهێته‌ بجه ئینان پروژه‌ گه‌هشتیه‌ قوناغێن دوماهیێ‌.
پاش شاندێ‌ پارێزگه‌هێ‌ سه‌ره‌دانا رێڤه‌به‌ریا ناحیا قه‌سروكێ‌ كر دكومبونه‌كێ‌ دا دگه‌ل رێڤه‌به‌رێ‌ ناحیێ‌ به‌حسێ‌ پێدڤیێن خزمه‌تكاری یێن خه‌لكێ‌ ناحیێ‌ هاته‌ كرن وژنێزیك سه‌حكره‌ پروژێ‌ نویژه‌نكرنا په‌ژانێ‌ رێڤه‌به‌ریا ناحیا قه‌سروكێ‌، پروژه‌ بكوژمێ‌ 20ملیون دینارا دهێته‌ ئه‌نجامدان.
هه‌ر دچارچوڤێ‌ گه‌ریانێ‌ دا شاندێ‌ پارێزگه‌ها دهوكێ‌ سه‌را پروژێ‌ رێكخستنا دوریانا ناحیا كه‌له‌كچی وكومه‌لگه‌ها چره‌ی ،هه‌روه‌سا سه‌را پروژێ‌ به‌فره‌هكرن وسه‌خبێركرنا رێكا سه‌ره‌كی یا ناحیا كه‌له‌كچی وزیناڤا دا وژنێزیك سه‌حكره‌ قوناغێن بجه ئینانێ‌ درێژیا پروژه‌ی (5)كم (400)هزار دولار بو پروژه‌ی هاتینه‌ ته‌رخانه‌كرن وتانوكه‌ 35-40%هاتیه‌ ئه‌نجامدان.
ل دوڤدا سه‌را پروژێ‌ رێكخستنا وێزدگه‌هێ‌ به‌لافكرنا كاره‌بێ‌ (11و33و132) كه‌ی ڤی ل ناحیا كه‌له‌كچی دا وژنێزیك سه‌حكره‌ ره‌وشا پروژه‌ی بهایێ‌ پروژه‌ی (452)هزار دولاره‌$ پروژه‌ یێ‌ پێك هاتیه‌ ژده‌رئێخستانا (5) فیده‌را ودانانا بیست وێزدگه‌ها ل شێخان وقه‌سروك وكه‌له‌كچی تانوكه‌ 30% هاتیه‌ بجه ئینان.
پاش جێگرێ‌ پارێزگه‌رێ‌ دهوكێ‌ بو كاروبارێن ته‌كنیكی وشاندێ‌ دگه‌لدا سه‌را قایمقامیا به‌رده‌ره‌ش دا ژلایێ‌ خلیل محمود قایمقامێ‌ قه‌زایێ‌ پێشوازی لێ‌ هاته‌ كرن دكومبونه‌كێدا به‌حسێ‌ كێم وكاسیان وپێدڤیێن خه‌لكێ‌ ده‌ڤه‌رێ‌ ب پروژێن خزمه‌تكاری هاته‌ كرن.
ولدوماهیێ‌ شاندی سه‌ره‌دانا ڤان پروژێن ناڤا سه‌نته‌رێ‌ به‌رده‌ره‌ش كر.
پروژێ‌ كولانا بیرا ئاڤێ‌ ودانانا تورێن ئاڤێ‌ بو تاخێن خێله‌كێ‌ وبه‌رده‌ره‌شا كه‌ڤن پروژه‌ بكوژمێ‌ (127) ملیون دینارا دهێته‌ ئه‌نجامدان پتر ژ750خێزانا دێ‌ مفای ژێ‌ وه‌رگرن.
پروژێ‌ چێكرن وكونكریتكرنا رێكێن نافخو ل تاخێن شوره‌ش وكوردستان ل به‌رده‌ره‌ش بدرێژیا (1100)مترا پروژه‌ بكوژمێ‌ 161هزار دولارا $ دهێته‌ ئه‌نجامدان تانوكه‌ 20% هاتینه‌ چێكرن.
پروژێ‌ چێكرنا پیشه‌سازیا نووی كو 25دونه‌مێن ئه‌ردی بو هاتینه‌ ته‌رخانكرن و211پارچه‌ ل سه‌ر پیشه‌كاران هاتینه‌ به‌لافكرن.
پروژێ‌ ئاڤاهیێ‌ به‌ره‌ڤانیا باژێری ل سه‌نته‌رێ‌ به‌رده‌ره‌ش پروژه‌ بكوژمێ‌ 963ملیون دینارا هاتیه‌ ئاڤاكرن وب رێژا 100% ب دوماهی هاتیه‌.
جێگرێ‌ پارێزگه‌رێ‌ دهوكێ‌ بو كاروبارێن ته‌كنیكی ده‌ست خوشی ل تیمێن كاری كر وته‌كه‌زكر كو دڤێت هه‌موو پروژه‌ ل دویڤ سالوخه‌تێن ئه‌ندازیاری وب ره‌نگه‌كێ‌ باش وموكم بهێنه‌ ئه‌نجامدان وباشتر خزمه‌تا وه‌لاتییان بهێته‌ كرن.