ئه‌ڤرۆنيوز:
سه‌رۆك وه‌زيرێن هه‌رێما كوردستانێ، نێچيرڤان بارزانى، ئه‌ڤرۆ سێشه‌مبى 7 ته‌باخا 2018 راگه‌هاند به‌غدا رێگرى نه‌بوون ل سه‌ر گرێبه‌ستا په‌ترۆلى دناڤبه‌را هه‌رێما كوردستانێ وكۆمپانيا روسنه‌فت يا رووسى، دياركر ژى كو وى پێشنيازه‌ك دايه به‌غدا بۆ هنارتنا په‌ترۆلا پارێزگه‌ها كه‌ركووكێ ب رێيا هه‌رێما كوردستانێ.
نێچيرڤان بارزانى، سه‌رۆك وه‌زيرێن هه‌رێما كوردستانێ د كۆنگرێ خوه يێ رۆژنامه‌ڤانى دا ئه‌وێ ئه‌ڤرۆ گرێداى پشتى كۆمبوونه‌كا جڤاتا وه‌زيرێن هه‌رێمێ، گۆت ژى” گرێبه‌ستا ل گه‌ل كۆمپانيا روسنه‌فت هاتيه كرن پرسه‌كا بازرگانى يه وئه‌ڤ گرێبه‌سته دچارچۆڤێ دستوورێ عيراقى دايه كو ماف دايه هه‌رێما كوردستانێ لێگه‌ريانا په‌ترۆلى وهنارتنا وى بكه‌ت”.
خوياكر ژى” هه‌رێما كوردستانێ چو ناكۆكى وئاريشه ل گه‌ل حوكمه‌تا فيدرالى ل به‌غدا ل دۆر وێ گرێبه‌ستا ل گه‌ل روسنه‌فت نينن”.
ل دۆر پرسا هنارتنا په‌ترۆلا كه‌ركووكێ، گۆت” به‌غدا نه‌شێت په‌ترۆلا كه‌ركووكێ ب هنێريت ومه به‌غدا ئاگه‌هداركريه كو ئه‌م دبه‌رهه‌ڤين په‌ترۆلا كه‌ركووكێ ب هنێرين وكۆمپانيا (سۆمۆ) داهاتيێن فرۆتنا په‌ترۆلا كه‌ركووكێ ل ده‌رڤه وه‌ربگريت”.
ديسا گۆت” هه‌تا نوكه به‌غدا به‌رسڤا پێشنيازا مه نه‌دايه”.
نيشاندان