ئه‌ڤرۆنيوز:
نڤيسينگه‌ها موقته‌دا سه‌در رێبه‌رێ ره‌وتى سه‌درى كو سه‌رۆكاتيا هه‌ڤپه‌يمانيا سائيرون دكه‌ت كو سه‌ركه‌فتيێ ئێكێ يه دهه‌لبژارتنێن جڤاتا نوونه‌رێن عيراقێ، ئه‌ڤرۆ سێشه‌مبى 31 تيرمه‌ها 2018 مه‌رجێن سه‌درى بۆ سه‌رۆك وه‌زيرێن داهاتى به‌لاڤكر.
دوى ده‌ستنڤيسێ دا كو مه‌رج تێدانه وئيمزايا موقته‌دا ل سه‌ره، 40 مه‌رج بۆ سه‌رۆك وه‌زيرێن داهاتى هاتن دياركرن كو مه‌رجێ ئێكێ ئه‌وه كه‌سه‌كێ ته‌كنوكرات بيت ويێ دويێ ئه‌وه ل ده‌رڤه‌ى جڤاتا نوونه‌ران بيت وخودانێ دو ره‌گه‌زنامان نه‌بيت.
ديسا ئاماژه هاتيه كرن كو دبيت هه‌ر حزبه‌ك كه‌سه‌كێ ته‌كنوكرات به‌ربژار بكه‌ت، چه‌ند مه‌رج ژى بۆ شێوێ كاركرنا سه‌رۆك وه‌زيران د روو ب رووبوونا گه‌نده‌ليێ وكێمكرنا ورێگرى د ده‌ستێوه‌ردانێ دا دكاروبارێن حوكمه‌تێ دا تێدا دياركرينه.
ئێك ژ وان 40 مه‌رجان ژى ئه‌و كو نابيت سه‌رۆك وه‌زيران راده‌ستى گوشارێن ده‌ره‌كى بيت وپێدڤيه سه‌روه‌رى وئابوورێ عيراقێ باشتر بكه‌ت وپێدڤيه خودان ئاراسته‌يه‌كێ بلند يێ نيشتمانى بيت وهه‌روه‌سا گه‌له‌ك زمانان ژى بزانيت وپێ باخڤيت.
دمه‌رجه‌كێ دى دا هاتيه، نابيت هيزێ ل به‌رامبه‌ر چو لايه‌نه‌كى بكاربينيت، تنێ پشتى نه‌مانا چاره‌سه‌ريێ ودانوستاندنێ، هه‌روه‌سا سۆزێ بده‌ت ده‌ست ب سه‌ر ده‌ستهه‌لاتێ دا نه‌گريت ونابيت دستوورى وه‌كو به‌هانه بۆ خوه بكاربينيت.
ل دووڤ مه‌رجێن موقته‌دا سه‌در، حه‌يده‌ر عه‌بادى نه‌شێت بۆ خۆلا دويێ ببيته سه‌رۆك وه‌زيران، چونكى دو ره‌گه‌زنامه يێن هه‌ين.
نيشاندان