ئەڤرۆ نیوز، فاتما مزووری:
سێرگی لاڤرۆڤ وه‌زیرێ ده‌رڤه یێ رووسیا د پرێس كۆنفرانسه‌كیێ رۆژنامه‌ڤانی دا پشتی هه‌ڤدیتنا ل گەل وه‌زیرێ ده‌رڤه یێ مۆزه‌مبیق هیڤی خواست كو ئه‌مه‌ریكا هێزێن خوه یێن سه‌ربازی ژ ده‌ڤه‌را ته‌نه‌ف ل باشورێ سوریا ڤه‌كشێشیت.
لاڤرۆڤ ئاماژه ب وێ یه‌كێ ژی كر كو ب خوه ئه‌و نووچه نه‌دیتنه كو به‌حسا وێ یه‌كێ دكه‌ن كو ئه‌مه‌ریكا مژوولی ڤه‌كشانا هێزێن خوه یه ژ ده‌ڤه‌را ته‌نه‌ف ل باشوورێ سوریا و دا خویاكرن كو ئه‌و ده‌ڤه‌ر ب شێوه‌یه‌كی ده‌ستكرد ژبۆ چه‌ند مه‌ره‌مان هاتیه دروست كرن ژ ئالیێ سه‌ربازی ڤه تشته‌كی ژێ تێناگه‌هن.
لاڤرۆف گۆت ژی: ئالیێن رووسی د ده‌ما په‌یوه‌ندیێن ناڤبه‌را سوپایێ رووسیا و ئه‌مه‌ریكا دا دێ بالا ئالیێ به‌رانبه‌ر بۆ ڤێ خالێ راكێشن.
نووترين نووچه
- سەرۆك بارزانی ل گەل شاندەكێ هەڤپشكێ سێ پارتێن باكوورێ كوردستانێ پرۆسەیا ئاشتیێ ل توركیا گەنگەشە كر
- سەرۆك بارزانی و ئەیاد سامەرائی دوپاتی ل پێگیریبوونێ ب بنەمایێن هەڤپشكیێ كر
- پارتی دیموكراتی كوردستان پیرۆزباهیێ ل پارتا داد و گەشەپێدانێ یا توركی دكەت
- لژنەیا پەترۆل و غازێ: هەموو بەرهەڤیێن هنارتنا پەترۆلا هەرێما كوردستانێ یێن تمام بووین
- ب سەركەڤتنا پرۆسەیا ئاشتیێ ل توركیا دێ ب سەدان گوندێن مە دوبارە هێنە ڤەژاندن
- قاسم شەشۆ: ئەو كەسێن چووینە بەغدا داخوازێن كەسۆكی هەبوون و تنێ نوونەرایەتییا چەند كەسان دكەن
- كەسایەتییەكێ ئێزدی: چو جاران ئێزدیان جهێ خوە د ناڤا لەشكەرێ ئیراقێ دا نەدیتییە
- سەرۆك بارزانی و فالح فەیاز رەوشا سیاسی و ئەمنی یا ئیراقێ و دەڤەرێ گەنگەشە كر
- چاڤدێرەكێ سیاسی: سەرۆك بارزانی بڕیاردەرێ چارەسەرییا پرسا كوردی یە ل دەڤەرێ
- وەزارەتا دەرڤەیا ئیراقێ: پەیاما عەبدوللا ئۆجەلانی بۆ ئیراقێ و هەرێما كوردستانێ یا گرنگە
سه‌ره‌كى Twitter
پەرلەمانتارێن عیراقێ ژ ترسا گڤاشتنێن ئیرانێ دا ئەڤ دو رێیە گرتنە بەر
ئەڤرۆ نیوز، فاتما مزووری:
به‌رپرسه‌كێ عیراقێ ئاشكه‌را دكەت، كو پتر ژ سێ به‌ربژارێن كو د هه‌لبژارتنان دا سه‌ركه‌فتین، ژ ترسا گڤاشتنانێن ئیرانێ دا موبایلێن خوه گرتینه و جهێ روونشتنا خوه گوهاڕتیە.
به‌ربژاره‌كێ سه‌ركه‌فتی د هه‌لبژارتنان دا كو د حوكمه‌تا نوکە یا عیراقێ پلا وه‌زیر هه‌یه، ژبۆ سایتێ كه‌نالێ ره‌شید ئاشكه‌راا كریه، ئیران به‌رده‌وام گڤاشتنان ل سه‌ر به‌ربژارێن سه‌ركه‌فتی دکەت، دا كو ب ب یا وان بکەن و بچنە ناڤ وێ هه‌ڤپه‌یمانیا كو ئیران دخوازیت.
وی وه‌زیری كو ناڤێ خوه ئه‌شكه‌را نه‌كریه گۆتیه ژی: پتر ژ سێ به‌ربژارێن سه‌ركه‌فتی موبایلێن خوه گرتینه و جهێ روونشتنا خوه ژی گوهارتینه.
ئاماژه ب وێ یه‌كێ ژی كریه كو چار به‌رپرسێن ئیرانێ گڤاشتنێ ل سه‌ر به‌ربژارێن سه‌ركه‌فتی دكه‌ن، ئه‌و ژی قاسم سوله‌یمانی فه‌رمانده‌رێ فه‌یله‌قا قودس یا سه‌ر ب سوپایێ پاسداران، ئیره‌ج مه‌سجدی بالیۆزێ ئیرانێ ل عیراقێ، مه‌حمود شاهره‌وه‌ردی كو زه‌لامه‌كێ ئۆلی یێ به‌رنیاسه ل تەهران و ره‌زا ئازادی ئه‌و ژی به‌رپرسه‌كێ بلندێ سوپایێ پاسدارانه.
هه‌مان ژێدەر گۆت ژی: ڤێ جارێ ئیران پێكئانینا حوكمه‌تێ وه‌كو شەرەکی د هەژمێریت.
د روودانەکا هاتنوچوونێ دا کەسەکێ گیانێ خوە ژ دەستدا
ئەڤرۆ نیوز ، زنار تۆڤی :
موقەدەمێ مافپەروەر ئازاد تاها بەرپرسێ هوبا پەیوەندی و راگەهاندنێ ل رێڤەبەریا هاتنوچوونا پارێزگەها دهۆکێ بۆ ئەڤرۆ نیوز دا خویاکرن: کو د روودانەکا هاتنوچوونێ دا سێ کەس برينداربوون و پشتی ئەو هەرسێ کەس هاتینە ڤەگوھاستن بۆ نەخۆشخانێ کەسەکێ ژ وان گیانێ خوە ژ دەست دا.
ناڤهاتی زێدەتر دا دیارکرن : کو ل شەڤا سێشەمبی و ل دەمژمێر 11:50 خولەک روودانەکا هاتنوچوونێ ل سەر جادا سەرەکی یا نەخۆشخانا تەنگاڤیا ل دهۆکێ روودایه دناڤبەرا دوو ترۆمبێلان دا ، کو ترۆمبێلەک ژ وان نیسان سەنی تایبەت دهۆک و ترۆمبێلەکا بارهەلگر نیسان بیک ئاب دهۆک بوویە ، ئەگەرێ ڤێ روودانێ ب کارئینانا لەزاتیێ بوو ، لەوما شۆفێرێ ئێک ژ وان ترۆمبێلان کۆنترول ل سەر ترۆمبێلا خوە نەمایە و ژ سایدێ خوە دەرکەفتیه و دچیتە سایدێ بەرامبەری خوە و ئەڤ بوویەرە هاتیه روودان و هەردوو ترۆمبێلان لێکدایە و کەسەک د وێ روودانێ گیانێ خوە ژ دەستدایە و دوو یێن دیتر برینداربووینە و گوت ژی : هەروەسا زیانێن مادی ژی ب هەردو ترۆمبێلان کەفتینە.
سه‌را ئازايه‌تيا وى، مافێ په‌نابه‌ريێ پێ هاته دان
گۆران په‌رله‌مانتاره‌كێ خوه ده‌رێخست
ئه‌ڤرۆ نيوز:
بزاڤا گۆران به‌رى چه‌نده‌كێ به‌ياننامه‌ك ده‌ركر و تێدا دياركريه ژ ئه‌گه‌رێ پابه‌ندنه‌بوونا ، مه‌سعود حه‌يده‌ر ئه‌ندامێ په‌رله‌مانێ عيراقێ ب به‌رنامه و كارێن بزاڤا گۆران، ب پرانيا ده‌نگێن خانه‌يا راپه‌راندنا بزاڤا گۆران ، بريار هاته دان ل رێزێن بزاڤا گۆران و فراكسيونا گۆران ل په‌رله‌مانێ عيراقێ بهێته ده‌رێخستن.
په‌رله‌مانێ عيراقێ برياردا 10% ده‌نگان بهێنه ڤاڤارتن
په‌روه‌ردا رۆژهه‌لات پارێ وانه‌بێژان به‌لاڤ دكه‌ت
گەشتێن ئەسمانی دێ دناڤبەرا سلێمانیێ و ئیرانێ دا دەستپێکەنە ڤە
ئەڤرۆ نیوز ، زنار تۆڤی :
دانا محەمەد رێڤەبەرێ راگەهاندنا فڕۆکخانا سلێمانیێ راگەهاند ، کو کۆمپانیێن فڕۆکەڤانی یێن ئیرانی مژۆلی ئامادەکاریانە بۆ هندێ کو گەشتێن خوە بۆ فڕۆکخانا نێڤدەولەتی یا سلێمانیێ دەستپێبکەنە ڤە.
هەروەسا گوت ژی، ئەم چاڤەرێ دکەین کو ل هەیڤا داهاتیدا گەشتێن دناڤبەرا سلێمانیێ و ئیرانێ دەستپێبکەنە ڤە.
پێشتر دوو کۆمپانیێن فرۆکەڤانی یێن ئیرانی گەشتیار دناڤبەرا سلێمانیێ و ئیرانێ ڤەدگوهاستن و حەفتیانە دوو گەشت ئەنجامددان، بەلێ ب ئەگەرێ ئەنجامدانا ریفراندۆمێ حوکمەتا عێراقێ هەموو گەشتێن ئەسمانی بۆ فڕۆکخانێن هەولێر و سلێمانیێ راگرتبوون.
پاشی ب رێککەفتن ل گەل هەرێما کوردستانێ ، ئیرانێ بریارا راگرتنا گەشتان هەلوەشاند ، بەلێ ژ وی دەمی هەتا نوکە گەشتێن دناڤبەرا ئیرانێ و فڕۆکخانا نێڤدەولەتی یا سلێمانیێ دەست پێنەکریە.
رۆژنامه‌ك:شاسوارى كه‌نالێ NRT عه‌ره‌بيه داخست ومووچێن كارمه‌ندێن وێ نه‌دان
ئه‌ڤرۆنيوز:
رۆژناما (العالم الجديد) به‌لاڤكر كو سه‌رپه‌رشتيارێ هه‌ڤپه‌يمانيا (القرار) يا عيراقى، خه‌ميس خه‌نجه‌ر، دێ كه‌نالێ NRT عه‌ره‌بيه كريت كو به‌رى چه‌ند رۆژان هاتبوو گرتن.
رۆژناما ناڤبرى ژزارده‌ڤێ كارمه‌نده‌كێ وى كه‌نالى به‌لاڤكر” خودانێ كه‌نالى وسه‌رۆكێ ڤه‌لڤينا نه‌وه‌ى نوێ شاسوار عه‌بدولواحد بريارا داخستنا وى كه‌نالى دايه، به‌لێ وى خواستيه كه‌نالى ب گۆژمه‌كێ پباش يێ پاره‌ى بفرۆشيت”.
دياركر ژى كو سه‌رۆكێ هه‌ڤپه‌يمانيا (القرار) خه‌ميس خه‌نجه‌ر كو ل هه‌لبژارتنێن ڤێ دووماهيێ 13 كورسى ل جڤاتا نوونه‌ران بده‌ستڤه‌ئينان رازيبوويه وى كه‌نالى بكريت.
وى كارمه‌ندێ NRT عه‌ره‌بيه كو ئه‌ڤه دو هه‌يڤه مووچێ خوه وه‌رنه‌گرتى دياركر كو تنێ دێ NRT عه‌ره‌بيه هێته فرۆتن ويا كوردى دێ هه‌ر مينيت.
ئاماژه دا ژى كو برياربوو ئه‌و كه‌نال بمينيت تاكو فرۆشتنا وێ ب تمامى ل هه‌يڤا خزيرانا 2018 بهێته ئه‌نجامدان، به‌لێ ژبه‌ر وه‌رنه‌گرتنا كارمه‌ندێن وى مووچێن خوه بۆ ئه‌گه‌رێ ده‌ست ژكاركێشانا 90% ژ وان كارمه‌ندان وتنێ 3 كارمه‌ند ل ئوفيسا سه‌ره‌كى يا كه‌نالى ل سلێمانيێ ماينه وڤێ چه‌ندێ خودانێ كه‌نالى شاسوار عه‌بدولوواحد نه‌چاركر كه‌نالى دابئێخيت به‌رى فرۆتنا وى.
كه‌نالێ NRT عه‌ره‌بيهل رۆژا شه‌مبيا بۆرى 26/5/2018 براوه‌ستاندنا به‌خشێ خوه راگه‌هاند ب مه‌ره‌ما شياندنێ وپێشڤه‌برنا كه‌نالى ولادانا هه‌موو كارمه‌ندان ل سلێمانيێ وهه‌موو پارێزگه‌هان بێ مه‌زاختنا شايستێن وان يێن دارايى يێن ماين.
دهێته زانين كه‌نالێ كوردنيوز ژى كو ب سه‌ر شاسوارى ڤه‌بوو ل رۆژێن بۆرى ژلايێ شاسوارى ڤه هاته داخستن.
داواكارێ گشتيێ هه‌رێما كوردستانێ سويندا قانوونى خوار
ئه‌ڤرۆنيوز:
ب به‌رهه‌ڤبوونا نێچيرڤان بارزانى سه‌رۆك وه‌زيرێن هه‌رێما كوردستانێ وسه‌رۆكێ جڤاتا دادوه‌رى ب وه‌كاله‌ت ووه‌زيرێ داد ل هه‌رێما كوردستانێ، د رێ وره‌سمه‌كى دا حاكم ئازاد حه‌سه‌ن ئه‌حمه‌د وه‌كو داواكارێ گشتى ل به‌رده‌م سه‌رۆك وه‌زيرێن هه‌رێمێ سويندا قانوونى خوار.
ب بريارا جڤاتا دادوه‌رى يا هژمار 24 ل 11/4/2018 كو يا تايبه‌ته ب به‌ربژاركرنا ئازاد حه‌سه‌ن ئه‌حمه‌د، جێگرێ سه‌رۆكێ داواكارێ گشتى بۆ پۆستێ سه‌رۆكێ داواكاريا گشتى ول دووڤ حوكمێ مادێ 10 – شازده ژ قانوونا سه‌رۆكاتيا هه‌رێما كوردستان – عيراق يا هژمار 1 بۆ سالا 2015 وب پشت به‌ستن ب وان ده‌ستهه‌لاتێن كو بۆ جڤاتا دادوه‌رى ل هه‌رێما كوردستانێ هاتيه دان ب گۆره‌ى حوكمێ ماده 1 – چار ژ قانوونا هژمار 2 بۆ سالا 2017 (قانوونا به‌لاڤكرنا ده‌ستهه‌لاتێن سه‌رۆكاتيا هه‌رێما كوردستانێ ل سه‌ر ده‌زگه‌هێن دستوورى يێن هه‌رێمێ) بريار هاته دان ب دامه‌زراندنا حاكم ئازاد حه‌سه‌ن ئه‌حمه‌د وه‌كو سه‌رۆكێ داواكاريا گشتى.
هه‌ر پشتى نيڤرۆيا ئه‌ڤرۆ دوشه‌مبى 28/5/2018، ب به‌رهه‌ڤبوونا نێچيرڤان بارزانى سه‌رۆك وه‌زيرێن هه‌رێمێ وحاكم به‌نگين سه‌رۆكێ جڤاتا دادوه‌رى ب وه‌كاله‌ت وسينان چه‌له‌بى وه‌زيرێ دا ل هه‌رێما كوردستانێ، درێ وره‌سمه‌كى دا حاكم ئازاد حه‌سه‌ن ئه‌حمه‌د وه‌كو داواكارێ گشتى ل به‌رده‌م سه‌رۆك وه‌زيرێن هه‌رێمێ سويندا قانوونى خواند.
نێچيرڤان بارزانى، سه‌رۆك وه‌زيرێن هه‌رێما كوردستانێ پێرۆزباهى ل حاكم ئازاد كر وهيڤيا سه‌ركه‌فتنێ بۆ خواست.
نيشاندان
WP Facebook Auto Publish Powered By : XYZScripts.com