ئه‌ڤرۆنيوز:
سه‌نته‌ره‌كێ عه‌ره‌بى ئورۆپى ل وه‌لاتێ نه‌رويج سوپاسنامه‌كێ ئاراسته‌ى رێڤه‌به‌ريا هاتنوچوونا دهۆكێ دكه‌ت.
رێڤه‌به‌ريا هاتنوچوونا دهۆكێ ئەڤرۆ دوشەمبی ٢٨⁄٥⁄٢٠١٨ به‌لاڤكر كو سەنتەری عەرەبێ ئەورۆپی یێ مافێن مروڤى و قانوونا نیڤدەولەتی یا وه‌لاتێ نەرویج سوپاسنامەک ئاراستەێ رێڤەبەریا ھاتنوچوونا پارێزگەھا دھۆکێ کر ژبەر رۆلێ کارمەندێن ترافیکی یێ بەرچاڤ د رۆژا ھەلبژاتنان دا و چاڤدیری کرنا بارێ ئیمناھیێ و کونترولکرنا کەتواری راپرسینێ ب شێوازەکی زانستی.
ئه‌ڤرۆنيوز:
ئاژانسا سپۆتنيك يا ده‌نگوباسان يا رووسى به‌لاڤكر كو موقته‌دا سه‌در سه‌رۆكێ هه‌ڤپه‌يمانيا سائيرون يێ رژده ل سه‌ر دووركرنێ ژ مالكى وعامرى، دبه‌رانبه‌ر دا دخوازيت ل گه‌ل كوردان وعه‌لاوى وعه‌بادى حوكمه‌تا نوو پێكبينيت.
سپۆتنيك دياركر، نوكه ئاراسته‌يا هه‌ڤپه‌يمانيا سائيرون كو ل رێزا ئێكێ دهه‌لبژارتنان دا هاتيه، ئه‌وه ب چو شێوه‌كى ل گه‌ل نورى مالكى سه‌رۆكێ ليستا ده‌وله‌تا قانوونێ وهادى عامرى سه‌رۆكێ ليستا فه‌تح رێككه‌فتنێ نه‌كه‌ت.
ئاماژه دا كو ل به‌رانبه‌ر دا، موقته‌دا سه‌در يێ رژده ل سه‌ر وێ چه‌ندێ ل گه‌ل كوردان پێكبهێت ، ئه‌وژى پارتى وئێكه‌تى نه، هه‌روه‌سا ل گه‌ل ليستا وه‌ته‌نيه ب سه‌رۆكاتيا ئه‌ياد عه‌لاوى وليستا نه‌سر ب سه‌رۆكاتيا حه‌يده‌ر عه‌بادى.
خوياكر ژى كو ئه‌و ليستێن ناڤبرى دشێن هه‌ڤپه‌يمانيه‌كا مه‌زن وسه‌ره‌كى ل جڤاتا نوونه‌رێن عيراقێ دروست بكه‌ن وكه‌سه‌كى راسپێرن بۆ پێكئينانا حوكمه‌تا داهاتى.
ئه‌ڤرۆنيوز:
سه‌رۆك مه‌سعود بارزانى ئه‌ڤرۆ دوشه‌مبى 28/5/2018 پێشوازى ل خه‌ميس خه‌نجه‌ر سكرتێرێ گشتيێ پرۆژێ عه‌ره‌بيێ عيراقى وشاندێ دگه‌لدا كر.
دوێ ديدارێ دا، خه‌ميس خه‌نجه‌ر سوپاسيا گه‌لێ كوردستانێ وسه‌رۆك بارزانى كر بۆ هاريكارى وحه‌واندنا ئاواره ولێقه‌وميێن عيراقى دچه‌ند سالێن بۆرى دا وپێزانين هه‌بوو بۆ رۆل وكاريگه‌ريا سه‌رۆك بارزانى ل حه‌واندنا ئاواران وب هه‌لويسته‌كێ ديرۆكى هژمارت كو چو جاران ناهێته ژبيركرن.
هه‌ر دوێ كۆمبوونێ دا بيرورا ل دۆر پرۆسا سياسى ل عيراقێ وهه‌لبژارتنان وپێكئينانا حوكمه‌تا عيراقى يا نوو هاتن ئالوگوركرن وهه‌ردو لايه‌نان دووپاتيێ ل هه‌ماهه‌نگيێ كر.
ئەڤرۆ نيوز، لەزگین جۆقی:
رێڤەبەرێ نەخۆشخانا ھیڤی یا زارۆیان ل دھۆکێ دیارکر کو ل رۆژا ٢٩ی گۆلانا ٢٠١٨ سەندوقا پشتەڤانیا پەنچەشێرا زارۆیان ھاتە راگەھاندن و داخوازی ژ ھەموو دەولەمەند و خێرخوازان دکەین ھەڤکاریێ بکەن بۆ چارەسەری و قورتالکرنا زارۆیێن نەخۆشێن پەنچەشێری.
د. نزار بەکر، رێڤەبەرێ نەخۆشخانا ھیڤی یا زارۆیان ل دھۆکێ دیارکر کو ھەتا نوکە گۆژمەکێ پارەی ھاتیە کۆمکرن بۆ چارەسەریا زارۆییێن نەخۆشیا پەنچەشێرێ ھەین، ل سالا بۆری سەندوقا پشتەڤانیا پەنچەشێرێ ھاتیە دانان، ئەڤ گوژمێ پارەی ھاتیە کۆمکرن، ھەکە گەھشتیە نێزیکی حەفت ملیار دیناران دێ شێن ئامیرێ گەویێ بۆ چارەسەریا زارۆییێن نەخۆشیێن پەنچەشێری دابین بکەین ھەتا نوکە ئەڤ ئامیرە نینە و خەلک قەستا دەرڤەی وەلاتی دکەن بۆ وەرگرتنا چارەسەریا گەویێ ب ڤێ گوژمێ ھاتیە کۆمکرن سەنتەرێ نەخۆشیا پەنچەشێرێ بۆ زارۆیان ل دھۆکێ ھاتیە دروستکرن ئەم یێ کار دکەین ب پشتەڤانی و ھەڤکاریا خێرخواز و دەولەمەندان ئامیرێن پێدڤی ژی بۆ چارەسەریا پەنچەشیرا زارۆیان ل دھۆکێ دابین بکەین”.
د. نزار بەکر ئەو ژی دیارکر کو ھەتا نوکە ل دھۆکێ ١١٠ زارۆ یێن ژ نەخۆشیا پەنچەشێری ھاتینە قورتالکرن ھەکە ھەڤکاری ھەبیت و ئامیر و پێدڤی دابینکری بن ستاف و نوشدارێن باش ل دھۆکێ ھەنە دێ شێن ژیانا وان قورتال کەن ژ مرنێ مەرەما سەرەکی ژ راگەھاندنا سەندوقا پشتەڤانیا پەنچەشیرا زارۆیان ئەو خەلک و دەولەمەند و خێرخواز ھەڤکاریا سەندوقێ بکەن دێ ب وی پارەی چارەسەریا نەخۆشیێن پەنچەشیرێ ھێتە کرن.
مەلا جیھاد بێسڤکی، رێڤەبەرێ ئەوقافا دھۆکێ دیارکر کو دانا پارەی و خێری بۆ سەندوقا پشتەڤانیا پەنچەشێرا زارۆیان خێرەکا گەلەک مەزنە، داخوازێ ژ خەلکێ خوە یێ پێ چێبوویی دکەین ھەڤکاریا سەندوقا پشتەڤانیا پەنچەشێرا زارۆیان بکەن چونکو گەلەک یا ب خێرە مرۆڤ ژیانا کەسەکی ژ مرنێ یان نەخۆشی رزگار بکەت، جھێ دلخۆشیا مەیە ئەڤ پرۆژە پشتەڤانیێ یێ بەردەوام بیت ل دھۆکێ ئێکەتیا زانایێن ئیسلامی فەتوا دەرخستیە دبێژن دروستە مالێ زەکاتێ بینن بۆ زارۆیێن پەنچەشێرێ مە چو ئاریشە ل سەر زەکاتێ بۆ نەخۆشێن زارۆیێن پەنچەشێرێ ھەین نینە.
مەلا جیھاد گۆتژی: “ل وەلاتێ ئیماراتێ ھندەک ئاڤرەتان پرچا خوە ژێڤەکرن وێنان فرۆتنا جوانکاریان ئەو پارە ئێنان و کۆمکرن و کرنە سەدەقە بۆ زارۆییێن نەخۆشیا پەنچەشێرێ ھەین ل گەلەک دەولەتان ھونەرمەند ئاھەنگێن خوە دکەن بۆ زارۆیێن نەخۆشیا پەنچەشێری وی پارەی ب مەزێخن داخوازێ دکەین ژ ھەموو گەنج و دەولەمەندان ھەڤکاریا سەندوقا پشتەڤانیا پەنچەشیرێ ل دھۆکێ بکەن.
د. عەبدولرەحمان عەبدولا رێڤەبەرێ سەنتەرێ ژین یێن نەخۆشێن پەنچەشێرا زارۆیان ل دھۆکێ دیارکر کو سالانە ٣٠ ھەتا ٣٥ نەخۆشێن نوو یێن پەنچەشێرا زارۆیان ل دھۆک دھێنە زێدەکرن ماوێ چارەسەریێ ژی ھەتا دو سال و نیڤان ھەتا سێ سال و نیڤان دھێتە ڤەکێشان، ئەڤ نەخۆشیێن قورتالبووین ١١٠ نەخۆش بووینە یێن دیتر ژی بەردەوام چارەسەری وەردگرن رێژا چارەسەریێ ٨٠% ھەتا ٨٥% ژ نەخۆشان ژ پەنچەشێری قورتال دبن.
ئەڤرۆ نیوز ، زنار تۆڤی :
بزاڤێن شكەستن پێ ئینانا هەلبژارتنان یا بەردەوامە بۆ روونشتنا پەرلەمانی و رەتكرنا ئەنجامێن هەلبژارتنێن 12 گولانێ ، ئەڤرۆ ژی 150 پەرلەمانتاران ئیمزا كۆمکرینە ژبۆ روونشتنا پەرلەمانی ، ئەمریكا ژی هۆشداریەکا توند ب بەرەیێ شكەستن ئینایی و سەركردێن عێراقی دایە، كو رەتكرنا ئەنجامێن هەلبژارتنان، دێ ئالۆزیان ل عێراقێ دروست کەت.
رۆژناما ئەلعەرەبی جەدید د راپۆرتەكێدا ژ زارێ وەزیرەکێ حوکمەتا عێراقێ ئاشكرا كریە ، پەرلەمانێ نوکە د دۆلەكێدایە و لیستێن سەرکەفتی ل دۆلەکا دیەر دا ، هەموو لیست یێ بزاڤێ دکەن بۆ پێكئینانا مەزنترین فراكسیۆن، ل پەرلەمانی ژی بەحسێ رەتكرنا ئەنجامێن هەلبژارتنان دهێتە كرن.
ئەو وەزیرە دبێژیت، ئەمریكا پەیامەکا توند بۆ ئەوێن شکەستن خواری و سەركردێن دیار یێن عێراقێ هنارتینە، كو رەتكرنا ئەنجامێن هەلبژارتنان، دێ عێراقێ ڤەگەرینیتە چارگۆشا ئێکێ یا ئالۆزیا تەناهی و سیاسی ل عێراقێ دروست کەت، لەوما ب پێدڤی دزانین، کو هەموو ئەنجامان قەبوول بكەن و لەزێ بكەن د پێكئینانا حوکمەتا نوو یا عێراقێ دا.
هەتا نوکە سێ هزار سكالا ل سەر ئەنجامێن هەلبژارتنێن 12 گولانێ هاتینە دا بۆ پەرلەمانێ عێراقێ ، ژ سەرجەمێ 232 پەرلەمانتارێن بەری نوکە یێن خوە كاندید كرین، ب تنێ 97 كەس ژ وان شیاینە دەنگێن پێدڤی بینن، ئەوێن نە دەرکەفتین ژ ئەنجامێن هەلبژارتنان د نەرازینە و داخوازا رەتكرنا ئەنجاما و دووبارە ئەنجامدانا هەلبژارتنان دکەن.
ئه‌ڤرۆ نيوز، نيوار محه‌مه‌د سه‌ليم:
رێڤه‌به‌ريا پۆليسێن پارێزگه‌ها دهۆكێ راگه‌هاند كو سێ كه‌س ل دهۆكێ ب تۆمه‌تا خوه‌نيشاندانێن نه‌يێن قانوونى و بێ ده‌ستوورى ب بڕيارا دادوه‌رێ ڤه‌كۆلينێ هاتينه ده‌سته‌سه‌ركرن.
رائيدێ مافپه‌روه‌ر، هێمن سلێمان، به‌رپرسێ په‌يوه‌ندى و راگه‌هاندنێ ل رێڤه‌به‌ريا پۆليسێن پارێزگه‌ها دهۆكێ بۆ ئه‌ڤرۆ نيوز گۆت: “ل رۆژا 26ى گۆلانا 2018ێ كه‌سه‌ك ب ناڤێ مسته‌فا سه‌يدق سالح، ب بڕيارا دادگه‌ها ڤه‌كۆلينێ هاتيه ده‌سته‌سه‌ركرن ب تۆمه‌تا هاندانا وه‌لاتيان بۆ رێكخستنا خوه‌نيشاندانێن نه‌يێن قانوونى كو ل دووڤ قانوونێ ئه‌ڤه دبيته تاوان، چونكو گه‌له‌ك جاران ئه‌ڤ خوه‌نيشاندانه به‌ر ب رێيێن نه‌ديار ڤه دچن و زيانێ دگه‌هيننه جهێن حكومى يان ژى گشتى و وه‌لاتيان و كاودانێن ئێمناهيێ”.
زێده‌تر گۆت: “هه‌رديسان دو كه‌سێن دژى ل تۆمه‌تا رێكخستنا خوه‌نيشاندانێن شوفێرێن ته‌كسيان هاتينه ده‌سته‌سه‌ركرن و ئه‌و ژى ب هه‌مان مه‌ره‌م هاتينه ده‌سته‌سه‌ركرن”.
ل هه‌رێما كوردستانێ ب گۆره‌ى قانوونا رێكخستنا خوه‌نيشاندانان ئه‌وا ژ په‌رله‌مانێ كوردستانێ ده‌ركه‌فتى، پێدڤيه به‌رى ئه‌نجامدانا خوه‌نيشاندانێ ب مه‌ره‌ما رێكخستن و دابينكرنا ئه‌منيه‌ت و جهێ پێدڤى، داخوازا ئه‌نجامدانا خوه‌نيشاندانێ ب فه‌رمى بكه‌ت و د ماوێ سێ رۆژان دا ره‌زامه‌ندى ل سه‌ر بهێته كرن.
به‌رپرسێ په‌يوه‌ندى و راگه‌هاندنێ ل رێڤه‌به‌ريا پۆليسێن پارێزگه‌ها دهۆكێ ئاشكه‌را ژى كر كو ئه‌ڤان سێ كه‌سان بێ كو چو پێنگاڤێن قانوونى ب هاڤێژن، هاندانا وه‌لاتيان كريه ژ بۆ رێكخستنا خوه‌نيشاندانێن نه‌يێن قانوونى و نوكه ب بڕيارا دادوه‌رێ ڤه‌كۆلينێ د ده‌سته‌سه‌ركرينه و ل بن ڤه‌كۆلينێ نه.زز
ئەڤرۆ نیوز ، زنار تۆڤی :
رێڤەبەرێ گشتی یێ بازرگانی ل وەزارەتا بازرگانی و پیشەسازی یێ حوکمەتا ھەرێما کوردستانێ دیارکر، کو پارێ گەنمێ جۆتیارێن ھەولێرێ گەهشتیە و دێ دەست ب دابەشکرنا وی پارەی هێتە کرن.
نەوزاد ئەدھەم رێڤەەبەرێ گشتی یێ بازرگانی ل وەزارەتا بازرگانی و پیشەسازی یێ حوکمەتا ھەرێما کوردستانێ گوت : گۆژمێ 30 ملیار دینارێن پارێ گەنمێ جۆتیارێن ھەولێرێ یێ سالا 2016 ھاتیە و سوبەهی دێ ب سەر جۆتیاران دا هێتە دابەشکرن.
هەروەسا گوتیە ژی : ئەو جۆتیارێن باژێرێ ھەولێرێ هایدار دکەن یێن کو ل سالا 2016 گەنمێ خوە رادەستی سایلۆیێن ھە ولێر، مەخموور، بنگەهێن شەمامک و گردە رەشە کرین ، ل 25/5/2016 هەتا 31/5/2016، ل رۆژا سێشەمبی 29/5/2018، بۆ وەرگرتنا چەکێ پاران سەرەدانا سایلۆیا ھەولێرێ بکەن.
ئەڤرۆ نیوز، فاتما مزووری:
ل باژێرێ مێریلەند یا ئەمەریکایێ با و باران بارین بەردەوامەو وێ یەکێ ژی لەھی ل پەی خوەئانیە کو زرار و زیانێن مەزن ب باژێرێ گەھاندیە.
با و باران و درووستبوونا وێ لەھیێ ھەژمارەکە مەزن ژ رۆنیشتی یێن وی باژێری نەچار کرینە، کو مال و حالێن خوە بجھ بھێلن، تیمێن ھەوارھاتنێ ژی ھەژمارەکە زێدە ژ وەلاتیھی یان رزگار کرنە،حەیا نھا تو ئامارێن قوربانی یێن وێ لەھیێ نەھاتنە بەلاڤکرن، لێ ب ھەمان ئاوایی ل سالا دووھزاروو شازدەیان دە لەھی ل وی باژێری چێبوویە و ھەر ب وێ سەدەمێ ژی دوو کەسان جانێ خوە ژ دەست دانە و ب میلیۆنان کەس ژی ئاوارەبوون.
ئەڤرۆ نیوز، فاتما مزووری:
عەباس عەراقچی جێگرێ وەزیریێ دەرڤە یێ کۆمارا ئیسلامیا ئیرانێ، د داخویانیەکێ دە راگەھاند: د ئەگەرێ بێ ئەنجام بوونا رونشتنێن مە تەڤی ئەورۆپیان وێ ل رێکەفتنێن ئەتۆمی خوە بکێشین.
ھەروەھا راگەھاندیە: حەیا نھا دوو حەفتی ب سەر داوی رونشتنێن مە یێن تەڤی، وەلاتێن ئەورۆپی دەرباس بوینە و حەیا نھا ئەم نەشێین رابگەھینین، ئەری وان رونشتنێن مە توو ئەنجام ھەنە یان ژی نینە.
جێگرێ سیاسی یێ وەزارەتا دەرڤە پشتی بپشکدار بوونا وان د جڤینا کۆمسیۆنا ئاسایشا نەتەوەی و سیاسەتە دەرڤە یا ئەنجومەن ژبۆ مەدیایان راگەھاندیە: حەیا نھا کۆمارا ئیسلامێ یا بڕیار نەدایە کا وێ ل رێکەفتنێن ئەتۆمی بەردەوام بە یان ژی وێ خوە ڤە بکشینە.
بڕیاردان ل دوور ڤێ پرسێ پەیوەندی ب وان رونشتنان ھەنە کو وێ ل دوو ھەفتی یێن بێن تەڤی وەلاتێن ئەندام ل رێکەتنێن ئەتۆمی بھێنە ئەنجام دان.
ئه‌ڤرۆ نيوز، فاتما مزوورى:
“بنیامین ناتانیاهۆ” سه‌رۆك وه‌زیرانێ ئیسرائیل د داوی رونشتنا خوه دا، ته‌ڤی كابینه‌یا حوكومه‌تا خوه راگه‌هاند: روبروبونا مه ته‌ڤی هه‌ژموونا ئیرانێ ل سووریێ ب داوی نه هاتیه و ئیسرائیل د ته‌ڤایا بیاڤاندا ده ل دژی ئیرانێ رادوه‌سته. هه‌روه‌ها ته‌كه‌ز ل سه‌ر وێ یه‌كێ كریه كو ئورشه‌لیم ب توو ئاوه‌یه‌كی رێ ناده ئیرانێ ده‌ستێ وێ بگه‌هه چه‌كێ ئه‌تۆمی
ناتانیاهۆ هه‌روه‌ها گۆت: كۆمارا ئیسلامی یا ئیرانێ سه‌ده‌ما سه‌ره‌كی یا بێ هێزبوون و نه ئارامیا وه‌لاتێن رۆژهه‌لاتا ناڤینه و وه‌لاتێ وی ب هه‌می كارینێن خوه‌ڤه ل دژی وان راوه‌سته.
سه‌رۆك وه‌زیرانێ ئیسرائیل هه‌روه‌ها ئاشكه‌ره كریه، وه‌لاتێ وی وێ ل سێ بیاڤان ده ل دژی ئیرانێ راوه‌سته. یا ئێكێ رێگری كرن ل ب ده‌ست ڤه ئینانا چه‌كێ ئه‌تۆمی ژبال ئیرانێ و یا دوویێ رێ نه‌دانا ئیرانێ، ژبۆ جێگیر نه‌بوونا وان ل ئالیێ سه‌ربازی ل سووریێ. هه‌روه‌ها یا سێ یێ هه‌ولدانه، ژبۆ رێگری كرنا ڤه‌گوهاستنا چه‌كێن گران ژبۆ سه‌ركه‌فتنا وان ل سوریا و لوبنان یان ژی به‌رهه‌م ئینانا وان چه‌كان ل وان وه‌لاتان.
هن ئالیان ئاخفتنێن “ناتانیاهۆ” وه‌ك گه‌فه‌ك نه راسته‌وخۆ ل دژی وه‌لاتێ لوبنانێ زانین. جهێ ئاماژی یه، هن رۆژێن ده‌رباس بووی فه‌رمانده یێن هێزێن ئه‌سمانی یێن ئیسرائیلێ گرته یه‌كه ڤیدیۆیی یا باله‌فرێن ئێف سی و پینج یێن دژی رادارێ به‌لاڤ كرنه، كو ب هن زمانێن جودا جودا نڤیساندبوون ب سه‌ر ئه‌سمانێ وه‌لاتێ لوبنانێ ده فرینه. پسپۆرێن سیاسی ژی ڤێ یه‌كێ وه‌ك گه‌فه‌ك راسته راست ژبۆ شه‌رێ بێت یێ ئیسرائیل و لوبنان دبینن.
نيشاندان