وێنه‌گر و مونتاژ، نه‌وزاد هلۆرى:
گوندێ به‌رچى ئێكه ژ گوندێن ده‌ڤه‌را نهێلێ ل سنورێ ناحیا دێره‌لوك كو نێزیكێ 150 خێزانان ب خوه‌ڤه دگریت ،خه‌لكێ وێ ب خودانكرنا ته‌رش و كه‌والى و چاندنێ ڤه دمژوولن.
ل گوندێ به‌رچى چه‌ندین هونه‌رمه‌ندێن ملى ب تایبه‌تى ژن يێن هه‌ين ژوان هه‌لال به‌رچى و زەهرا بەرچی وگه‌له‌كێن دى كو هه‌تا نها ژى د ژیانێ دا ماینه.
ئه‌ڤه سترانه‌كه ب ده‌نگێ زه‌هرا به‌رچى ل گه‌ل چه‌ند ديمه‌نێن گوندێ ناڤبرى.
ئه‌ڤرۆنيوز:
ئه‌فسه‌ره‌كێ له‌شكرێ عيراقێ مووچێ هه‌يڤه‌كێ يێ سه‌ربازێن فرقه‌كا له‌شكرێ عيراقێ وه‌ردگريت وبه‌ر ب ده‌رڤه‌ى عيراقێ دره‌ڤيت.
ل دووڤ ده‌زگه‌هێن راگه‌هاندنێ ل عيراقێ، جيدارێ ئێكێ (عه‌لى تارق ئه‌لنعيمى) كو ئه‌فسه‌ره ل فرقا ئێك يا په‌ياده يا له‌شكرێ عيراقێ ب نڤيساره‌كێ سه‌رجه‌مێ مووچێ هه‌يڤه‌كێ يێ سه‌ربازێن وێ فرقا له‌شكرى وه‌ردگريت وبۆ ده‌رڤه‌ى عيراقێ دره‌ڤيت.
ل دووڤ وان ده‌زگه‌هێن راگه‌هاندنێ كوژمێ پاره‌ى يێ وى ئه‌فسه‌رێ عيراقێ ل گه‌ل خوه برين 325 مليۆن دينارن.
ئه‌ڤرۆنيوز:
تۆرا (سكاى سپۆرتس) يا ته‌له‌ڤزيۆنى ئه‌ڤرۆ چارشه‌مبى به‌لاڤكر كو راهێنه‌رێ به‌رێ يێ هه‌لبژارتيێ ئينگلته‌را سفين جوران ئه‌ريكسون يێ سويدى يێ نێزيكبووى ژ وه‌رگرتنا ئه‌ركێ راهێنه‌راتيا هه‌لبژارتيێ عيراقێ.
ئه‌ريكسون يێ 70 سالى به‌رى نوكه ئه‌ركێ راهێنه‌راتيا هه‌ر ئێك ژ يانێن لاتسيۆ ورۆما يێن ئيتالى ويانێن مانشسته‌ر ستى وليسته‌ر سيتى يێن ئينگليزى وهه‌لبژارتيێن كوت ديفوار ومه‌كسيك وئينگلته‌را وه‌رگرتيه.
وێ تۆرا ته‌له‌ڤزيۆنى به‌لاڤكر ” ئێكه‌تيا ته‌پا پێ يا عيراقى دانوستاندن ل گه‌ل ئه‌ريكسونى ل ستانبولێ ل توركيا كرينه بۆ وه‌رگرتنا ئه‌ركێ راهێنه‌راتيا هه‌لبژارتيێ عيراقێ”.
ئه‌ڤرۆنيوز:
درۆهنكرنه‌كێ دا بنه‌مالا ئێك ژ تيرۆرستێن هێرش كريه سه‌ر ئاڤاهيێ پارێزگه‌ها هه‌ولێرێ كريارا تيرۆرستى يا كۆرێ خوه شه‌رمزار دكه‌ن ودبێژن ئه‌م خزمه‌تكارێن ئاخ وخه‌لكێ خوينه.
دوێ رۆهنكرنێ دا هايته” ئه‌م وه‌كو بنه‌مالا ناڤبرى بێ ئاگه‌هيا خوه دراگه‌هينين ژ وى كارێ تيرۆرستى كو كورێ مه بێ هاتيه سه‌ردابرن ورابوويه ب هێرشكرنێ ل سه‌ر ئاڤاهيێ پارێزگه‌ها هه‌ولێرێ”.
دبێژن ژى” هه‌كه مه گمان ل هزرا توندره‌وى وكارێ تيرۆرستى يا كۆرێ خوه هه‌با، دا ئه‌م ب خوه راده‌ستى هێزێن ئاسايشێ كه‌ين تاكو كاره‌سات په‌دا نه‌بن وئاراميا خه‌لكى نه‌كه‌ڤيته دمه‌ترسيێ دا”.
هه‌ر دوێ رۆهنكرنێ دا بنه‌مالا ناڤبرى داخواز دكه‌ن كو ده‌زگه‌هێن ئاسايشا هه‌رێمێ ب توندرين شێوه سزايێ وان كه‌سان بده‌ن كو ئه‌و سنێله سه‌ردابرين وتاكو نه‌بنه ئه‌گه‌رێ سه‌ردابرنا كه‌سێن دى.
ديار دكه‌ن ژى”ئه‌م ژى دێ دووڤچوونا خوه كه‌ين وهه‌ر ده‌مه‌كى بۆمه ده‌ربكه‌ڤيتكا كى ل پشت سه‌ردابرنا كۆرێ مه‌يه، دێ سكالايا قانوونى ل سه‌ر تۆماركه‌بن”.
ئه‌ڤرۆ نیوز ، نه‌وزاد هلۆرى:
ژنه‌كا مه‌سيحى ل ده‌ڤه‌را به‌روارى بالا زێده‌ترى 40 ساله كارێن ده‌ستى درۆست دكه‌ت، وه‌كو ئه‌و دياردكه‌ت هه‌موو كارێن خوه دده‌ت زارۆك و ژنان ب دیارى و دخوازیت كو لایه‌نێن شوله‌ژێ هاریكاریا وێ بكه‌ن داكو ئه‌و بشێت كچ و ژنێن ده‌ڤه‌رێ فێرى كارێن ده‌ستى بكه‌ت.
ڤیان خوشابا، ئه‌و ژنا مه‌سيحى يه كو ل گوندێ تیشه‌مبیكێ یا سه‌ر ب ده‌ڤه‌را به‌روارى بالا دژیت بۆ ئه‌ڤرۆ نیوز گۆت: (ئه‌ز ژدايكبوويا سالا 1968 مه و دژیێ هه‌شت سالیێ دا من ل گه‌ل دایكا خوه ده‌ست ب كارێن ده‌ستى كریه و هه‌تا نها بێ ڤه‌برین ئه‌ز به‌رده‌وامم و هه‌تا نها هژماره‌كا ئێكجار زۆر یا كارێن ده‌ستى من دروستكرینه).
زێده‌تر گۆت: (چێكرنا كارێن ده‌ستى ژلایێ من ب چو شێوه‌یان بۆ فروتنێ نینه، به‌لكو ئه‌ز ب دیارى دده‌م زارۆك و كچان داكو ئه‌ڤ یه‌ك بۆ وان ببیته پالده‌ر ئه‌و ژى بشێن كارێن ده‌ستى بكه‌ن و كه‌یفا وان بهێت).
ناڤبرى كو فه‌رمانبه‌ره و حه‌زه‌كا زێده بۆ كارێن ده‌ستى هه‌یه هه‌تا نها زێده‌ترى 200 جۆرێن كارێن ده‌ستى درۆستكریه و گۆت ژى: (هه‌تا نها لایه‌نێن شوله‌ژێ چو هاریكارى بۆ من نه‌كرینه و هیڤیا من ئه‌وه كو لایه‌نێن شوله‌ژێ هاریكاریا من بكه‌ن ئه‌ز بشێم خۆل و راهێنانێن پێشه‌يى بۆ كچ و ژنێن ده‌ڤه‌رێ ڤه‌كه‌م، ژبه‌ركو كچ و ژنێن ده‌ڤه‌رێ زۆر حه‌ز هه‌یه فێر ببن و كرینا هه‌ر تشته‌كێ بۆ كارێن ده‌ستى ژلایێ منه و هنده‌ك جاران ژى كه‌سو كارێن من ل ده‌رڤه بۆ من دهنێرن”.
ژ جوانترین كارێن ڤیانێ ئه‌نجامداین، چێكرنا به‌رگێن قورئانا پیرۆزه بۆ موسلمانان ، دیسان چێكرنا مێزه‌كا خوارنێ یه ب خوارن و چه‌ره‌زاتێن كوردى وه‌كو ، باهیف، گویز، گولێر، به‌رى و مازى كو ب شێوازه‌كێ جوان و سه‌رنجراكێش هاتیه چێكرن، دڤى واری دا گۆت: (من مێز ب دارى چێكریه و پاشى باهیف، گویز، گولێر، به‌رى و مازى ل گه‌ل ده‌مژمێره‌كا دیوارى داناینه سه‌ر مێزێ و ب شووشه‌ى گرتیه و دیتنا وان ب چاڤ جوانیه‌كا تایبه‌ت دایه لێنانگه‌هێ و مرۆڤ هه‌ر حه‌ز دكه‌ت ل سه‌ر خوارنێ بخوت و چێكرنا وان ژى هه‌موو ب باهیف، گویز، گولێر، به‌رى و مازیێن ته‌حله ژ به‌ركو هه‌كه دشیرین بن دێ كرمى بن و گه‌له‌ك خوه ناگرن ، به‌لێ هه‌كه د ته‌حل بن، دێ چه‌ندین سالان خوه گرن و هه‌ر كه‌سێ داخوازێ ژمن بكه‌ت دشێم بوو دووباره بكه‌م ڤه).
ئه‌ڤرۆنيوز:
دادگه‌ها تاوانان ل پارێزگه‌ها نه‌ينه‌وا، سزايێ سێداره‌دانێ بۆ تيرۆرسته‌كێ داعشێ ب ناڤێ (موهاجر) ده‌ركر ب تۆمه‌تا سه‌ربرينا وه‌لاتيێن كوردێن ئێزدى ل سالا 2014ێ.
دادوه‌ر عه‌بدولستار به‌يره‌قدار، په‌يڤدارێ جڤاتا بلند يا دادوه‌ريێ دبه‌ياننامه‌كێ دا دياركر كو دادگه‌ها تاوانان ل پاريزگه‌ها نه‌ينه‌وا سزايێ سێداره‌دانێ بۆ تيرۆرسته‌كێ داعشێ ب ناڤێ (موهاجر) ده‌ركر.
گۆت ژى” وى تيرۆرستى دان پێدان كريه كو وى هژماره‌كا وه‌لاتيان ژ زه‌لام وژنێن ئێزدى ل قه‌زا شنگالێ ل سالا 2014 سه‌ربرينه..
دياركر ژى كو وى تيرۆرستى پشكدارى دشه‌رێن داعشێ دژى هێزێن عيراقى ل باژێرێ مووسلێ دا كريه.
ئەڤرۆ نیۆز، سالار دۆسكی:
دروودانەكا ئاگربەربوونێ دا ئەڤرۆ چارشه‌مبى 25/7/2018 ل تاخێ ئاشێ ل قەزا زاخۆ، گەنجەكی گیانێ خوە ژ دەست دا و گەنجەك ژی ب رێژا 99% هاتە سوتن و هاتە هنارتن بۆ نەخوه‌شخانا تەنگاڤیان ل زاخۆ .
بێوار عەبدوالعزیز، بەرپرسێ پەیوەندی و راگەهاندنێ ل رێڤەبەریا به‌ره‌ڤانيا باژێرى ل پارێزگەها دهۆكێ بۆ ئەڤرۆنیۆز گۆت” روودان نیڤرۆ بوویە و قوربانى كارمەندێن كومپانیا دلتا یا ئەنترنێتێ نه، ئەگەرێ روودانێ ژی ئاگر بەربوویە موه‌لیدا كارەبێ یا كۆمپانیێ و ئەڤ هەر دو گەنجە كارمەندێن كۆمپانیێ بووینە.
بێواری ئەو ژی ئاشكراكر گه‌نجه‌كێ ب ناڤێ (كوڤان سەدیق) گيانێ خوه ژده‌ست دا و گەنجەكێ دى ب ناڤێ (ئەحمەد ئیبراهیم) ب رێژا 99% هاتیە سوتن و هاتیە هنارتن بۆ نەخوه‌شخانا زاخۆ ، ژیێ هەر دو گەنجان دناڤبەرا 25 بۆ 30 سالیێ دایە.
هەڤدەم بێواری ئەو ژی ئاشكراكر كو ڤەكۆلین ل سەر ئەگەرێن روودانێ یا بەردەوامە.
ئەڤرۆنیۆز، سالار دۆسكی:
پارتی دیموكراتی كوردستان دو ئەندامێن خۆلا نوكه یا پەرلەمانێ كوردستانێ دوبارە به‌ربژاركرن بۆ هەلبژارتنێن 30 ئەیلولێ بۆ پەرلەمانێ كوردستانێ، كو هەر ئێك ژ ئومێد خوشناو سەرۆكێ فراكسیۆنا پارتی دیموكراتی كوردستان وڤالا ئیبراهیم ئەنداما پەرلەمانێ كوردستانێ ژ فراكسیۆنا پارتی.
جهێ ئاماژەكرنێ یە كو پارتی دیموكراتی كوردستان ل پەرلەمانێ كوردستانێ خودانا 38 كورسیانه و پێشبینی دهێتەكرن لخولا ئەڤجارە یا پەرلەمانی كورسیێن خوە زێدە بكەت.
ئه‌ڤرۆ نيوز:
سەرپەرشتێ ھولێن نەشتەگەریان ل نەخوشخانا ئازادی ل دھۆکێ بۆ نوش نیوز دیارکر کو رۆژانە ل نەخوشخانا ئازادی ژ لایێ نوشدارێن وان ڤە چەندین نشتەرگەری دھێنە ئەنجام دان لێ نوشدار ژ ھندەک رەفتاران دلگران دبن دەما دبینن بەری نەشتەگەریێ.
دلدار محەمەد سەرپەرشتێ ھولێن نەشتەرگەریان ل نەخوشخانا ئازادی ئاشکەرا کر کو ھندەک کچ دەما قەستا ھولا نشتەرگەریان دکەن بەری بھێن خو ل مال گەلەک میکیاج دکەن ز نینوکێن خو بویاغ دکەن و نوشدار ژ ڤێ دیاردێ دلگران دبن چونکە، دەما ئوکسجین کێم بیت ئێک ژ وان نیشانا ئەوە کو تبلێن مرۆڤی شین دبن و ئەگەر نینوکێن کچێ د بویاغ کری بن ئەو نیشانە بۆ نوشداری یا ب زەحمەتە و گۆت: گەلەک جارنا کچ دھێنە نەخوشخانێ بۆ نشتەرگەریێ و کچ یا ھەیی گەلەک میکیاژ یێ دانایی و ئەم نەچار کرینە مە گوتیێ ھەرە چاڤێن خۆ بشۆ و ئەڤ تەقالیدە یێ دلگرانە ھیڤیە ھەموو نەخۆش پێگریێ ب ڤان خالان بکەن دا کو رەوشا وان یا سلامەت بیت و میکیاج نەبیتە ئەگەر رەوشا وان و سلامەتیا وان یا گونجایی نەبیت.
ئه‌ڤرۆ نيوز:
د نووترین ڤەکولین دا کو ل پەیمانگەھەکا کوریا ھاتبوو ئەنجام دان ھاتیە کو پیڤاز تەرک ھاریکارە و کاریگەرە بۆ ژناڤبرنا کێشا زێدە و ھەموو ئەو ئاریشێن گرێدایی ب قەلەوی یێ ڤە.
سەرەرایی ھندێ کو وەکو پێکھاتەک بۆ ناڤ خوارنێ دا دھێتە ب کارئینان، ھەر ژ کەڤن دا وەک چارەسەریەک بۆ گەلەک نەخۆشیا دھاتە ب کارئینان وەک، ئەنفلەوەنزا، زک ئێشان، سەرئێشان، نەخۆشیا دلی.
ل گورەیی دەرئەنجامێن ڤەکۆلینێ، ڤەکۆلەران دیارکر کو پوختەیا پیڤاز تەرکێ دشێت ب شێوەکێ سەرەکی بھێتە بکارئینان وەکو ئامرازەکێ کاریگەر بۆ چارەسەری و بەرھەنگاربوونا قەلەویێ و خوارنێن رێژا دوھنی تێدا زێدە.
دیسان پیڤازتەرکێ گەلەک مفایێن ساخلەمی یێن دی ھەنە:
- کێمکرنا مەترسیا تووشبوون ب شێرپەنجێ
- کێمکرنا ئاستێ شەکرا خوینێ
- ھاریکارە بۆ ھەرسکرنێ
- باشترکرنا ئاستێ بینینێ
نيشاندان