ئەڤرۆ نیوز :
لیژنا ئەمنی ل پارێزگەها دهۆکێ بەیاننامەک ل دوور روودانا چاکسازیا مەزنا ل زرکا بەلاڤکر
نووترين نووچه
- سەرۆك بارزانی ل گەل شاندەكێ هەڤپشكێ سێ پارتێن باكوورێ كوردستانێ پرۆسەیا ئاشتیێ ل توركیا گەنگەشە كر
- سەرۆك بارزانی و ئەیاد سامەرائی دوپاتی ل پێگیریبوونێ ب بنەمایێن هەڤپشكیێ كر
- پارتی دیموكراتی كوردستان پیرۆزباهیێ ل پارتا داد و گەشەپێدانێ یا توركی دكەت
- لژنەیا پەترۆل و غازێ: هەموو بەرهەڤیێن هنارتنا پەترۆلا هەرێما كوردستانێ یێن تمام بووین
- ب سەركەڤتنا پرۆسەیا ئاشتیێ ل توركیا دێ ب سەدان گوندێن مە دوبارە هێنە ڤەژاندن
- قاسم شەشۆ: ئەو كەسێن چووینە بەغدا داخوازێن كەسۆكی هەبوون و تنێ نوونەرایەتییا چەند كەسان دكەن
- كەسایەتییەكێ ئێزدی: چو جاران ئێزدیان جهێ خوە د ناڤا لەشكەرێ ئیراقێ دا نەدیتییە
- سەرۆك بارزانی و فالح فەیاز رەوشا سیاسی و ئەمنی یا ئیراقێ و دەڤەرێ گەنگەشە كر
- چاڤدێرەكێ سیاسی: سەرۆك بارزانی بڕیاردەرێ چارەسەرییا پرسا كوردی یە ل دەڤەرێ
- وەزارەتا دەرڤەیا ئیراقێ: پەیاما عەبدوللا ئۆجەلانی بۆ ئیراقێ و هەرێما كوردستانێ یا گرنگە
سه‌ره‌كى Twitter
ئه‌ڤرۆ نیوز ناڤێن وان كه‌سان به‌لاڤ دكه‌ت ئه‌ڤێن ل چاكسازیا زرگا بوینه قوربانى
ئه‌ڤرۆ نیوز ، نه‌وزاد هلۆرى:
پشتى كو ئه‌ڤرۆ زیندانیه‌كێ بناڤێ سه‌دام ئالوزى ل چاكسازیا رزگا ئه‌نجامداى و بویه سه‌ده‌ما گیان ژ ده‌ستدانا حه‌فت كه‌س و برینداربوونا زێده‌تر ژ 12 كه‌سان كو پرانیا وان عه‌ره‌ب بوون.
ئه‌ڤێن ل خوارێ ناڤێن وان كه‌سانه ئه‌ڤێن كو گیانێ خوه ژ ده‌ستدایى.
1- فازل محو سه‌یاد شاهین تاوانبار ب ماددێ ته‌جسێ.
2- ئیبراهیم محه‌مه‌د ئیبراهیم جبورى ، تاوانبار ب ماددێ تیرورێ.
3- فه‌رحان حامد سبع فرحان شه‌مرى ، تاوانبار ب ماددێ تیرورێ.
4- محه‌مه‌د ئیبراهیم حدیدى ، تاوانبار ب ماددێ تیرورێ.
5- محه‌مه‌د راشد جدوع للویزى ، تاوانبار ب ماددێ ته‌جسێ.
6- ته‌ها سالح ئیسماعیل ، تاوانبار ب ماددێ تیرورێ.
7- نایف فه‌تحی محه‌مه‌د عه‌بدوللا ، تاوانبار ب ماددێ تیرورێ و دادگه‌هكرنى ب حوكمێ سێداره‌دان.
ئه‌ڤێن ل خوارێ ژى ناڤێن بریندارێن روودانێ نه
1- سالم ئیسماعیل
2- موئه‌یه‌د عه‌بدوللا.
3- محه‌مه‌د مه‌حمود
4- عه‌بدللا حسێن
5- عه‌لى شهاب
6- عه‌ل حسى خه‌له‌ف
7- وتبان ئه‌حمه‌د عه‌لى
8- عه‌بدوللا ئه‌حمه‌د
9- سالم محه‌مه‌د
10- ئه‌حمه‌د جاسم
هه‌ردوو بریندارێن دن ژى كارمه‌ندێن چاكسازیێ بوون.
پارێزگه‌رێ دهۆكێ به‌حسێ روودانا چاكسازيا زركا دكه‌ت
ئەڤرۆنيوز:
فەرهاد ئەترووشی، پارێزگەرێ دهۆكێ ل دۆر روودانا ئه‌ڤرۆ یا چاكسازیا زركا، د كونگرەكێ رۆژنامەڤانی دا راگەهاند” پشتی كەسەكی ب ناڤێ (سەدام جاسم حه‌مدان) كو سێ جاران حوكمێ سێدارەدانێ بو دەرچوویە ل گەل هندەك گرتیان، ل مەمەرێ تیرۆرستان ل ناڤ چاكسازیێ بزاڤا شكاندنا دەرگەهێ كرى و ڤیای خوە رزگار بكەن، پۆلیسێن چاڤدێر رێگری لێ كریە و رێڤەبەرێ چاكسازیێ ئاگاداری روودانێ بوویە، بزاڤ كریە رەوش بهێتە كونترولكرن، بەلێ هەر وی تاوانباری گازی عەرەبێن ناڤ چاكسازیێ كریە و گوتیە دڤێت هوون دەركەڤن، و هێرش كریە سەر دەرگەهێ مەزن یێ مەمەری كو بشكێنیت وئه‌ڤه رامانا وێ چه‌ندێ دده‌ت كو بزاڤا ره‌ڤينێ كريه وهه‌تا كو هێرش كريه سه‌ر رێڤه‌به‌رێ چاكسازيێ وچاڤێ وى برينداركريه.
فه‌رهاد ئه‌ترووشى دووپاتى ل وێ چه‌ندێ كريه كو چو شه‌ر دناڤبه‌را زيندانيان دا دروست نه‌بوويه، به‌لكو وى تيرۆرستێ حوكمكرى ب تۆمه‌تا تيرۆرێ ئه‌ڤ چه‌نده كريه كو پشتى وێ روودانێ ئاگر به‌ردايه هۆلا ئه‌و تێدا وژئه‌نجامێ ته‌نگه‌نه‌فه‌سێ 7 كه‌سان گيان خوه ژده‌ستدا و12كه‌س ژى بريندار بووينه وهێزێن ئێمناهيێ شياينه ره‌وشا چاكسازيێ كونترۆل بكه‌ن.
خوياكر ژى كو چو كه‌سه‌ك ژ چاكسازيا زركا نه ره‌ڤيه وچو كه‌سه‌ك ژى نه‌هاتيه كوشتن ب ده‌ستێ چو كه‌سه‌كى، به‌لكو ئه‌وێن گيانێ خوه ژده‌ستداين ب ته‌نگه‌نه‌فه‌سێ وخه‌ندقينێ بوويه ژبه‌ر دوكێلا ئاگرى.
ئاماژه دا ژى كو چو شه‌ر دناڤبه‌را زيندانيێن چاكسازيا زركا نه‌هاتيه روودان يان دناڤبه‌را زيندانيێن كورد وعه‌ره‌ب دا، به‌لكو وى كه‌سێ سێ حوكمێن سێداره‌دانێ ل سه‌ر پۆليسه‌كێ چاكسازيێ قوتايه وده‌رێخستيه وگوتيه ئه‌م قه‌بوول ناكه‌ين پۆليس بهێنه دهۆلێن مه‌ڤه وپاشى هه‌ول هاتيه دان كۆنترۆل بكه‌ن به‌لێ كونترۆل نه‌بووينه وده‌رگه‌هێ مه‌زن يێ مومه‌رى يێ هاتيه گرتن دا چو روودان په‌يدا نه‌بن، به‌لێ ئه‌و حوكمكرى يێن چووين ده‌رگه‌هێن هولێن دى ژى يێن شكاندين وهه‌ڤالێن خوه يێن ئيناينه ده‌رێ وقه‌ستا ده‌رگه‌هێ مه‌زن يێ مومه‌رى كرى دا بشكێنن.
دياركر ژى كو لژنه‌ك هاتيه پێكئينان ژ رێڤه‌به‌ريێن پۆليسان وئاسايشێ وداواكاريا گشتى ولايه‌نێن دى يێن په‌يوه‌نديدار بۆ ڤه‌كۆلينێ ل دۆر ڤێ روودانێ
سوسیالیست: ئەم چو جاران وەکی ئێکەتیێ خیانەتێ ل وەلاتێ خوە ناکەین
ئەڤرۆ نیوز ، زنار تۆڤی :
سکرتێرێ رۆژنامەڤانیێ سکرتێرێ پارتیا سوسیالیستا دیمۆکراتا کوردستانێ بەرسڤا سەعدی پیرەی پەیڤدارێ ئێکەتیێ دا و راگەھاند ، وان نەڤێت ببنە ئەگەرێ تێکدان و ژێکڤەبوونا ناڤمالا کوردی ل بەغدا، ژبەر کو حەمەی حاجی مەحموود، سکرتێرێ پارتیا سوسیالیست چار سالان چەک ل شەرێ دژی داعشێ ھەلگرتیە و کورەکێ وی شەھید بوویە.
پێشتر سەعدی ئەحمەد پیرە، ئەندامێ مەکتەبا سیاسی و پەیڤدارێ ئێکەتییا راگەھاند بوو ، خەلکێ کوردستانێ باوەری ب حەمەی حاجی مەحموود و پارتیا سوسیالیست نەمایە ، لەورا کێمترین دەنگێن ھەلبژارتنان ب دەستڤە ئیناینە.
پارتییا سوسیالیست د بەرسڤا سه‌عدی پیرەی دا راگەھاندیە ، کو ھەر دەمێ گەلێ کوردستانێ پێدڤی دبیت، ئەندامێن سوسیالیستێ بەرھەڤن گیانێ خوە بکەنە قوربان، لێ ئێکەتیێ ل رۆژا 16 ئۆکتوبەرێ مەزنترین خیانەت ب رادەستکرنا نیڤەکا ئاخا کوردستانێ بۆ دەستێن حەشدا شەعبی کر و سەختەکارییێن مەزن ژی د ھەلبژارتنان دا کرن.
سوسیالیستێ ئاشکرا ژی کر، هەکە ئەو ژی وەکو سەعدی پیرەی و حزبا وی دووڤەلانکێن ئاغایێ قاسم سولەیمانی بان، نە ب تنێ دەنگێن وان دا ھێن دزین، بەلکو دا سەختەکارییان ژی بۆ وان کەن، لێ ئەو چو جاران خیانەتێ ل گەل و ولاتێ خوە ناکەن.
گازپرۆم يا رووسى ل دو كێلگێن په‌ترۆلى ل كوردستانێ دێ ده‌ستبكاربيت
ئه‌ڤرۆنيوز:
كۆمپانيا په‌ترۆل وغازێ يا رووسى (گازپرۆم) ئاشكراكر، ل گه‌ل كۆمپانيا ريپسۆل يا ئيسپانى گه‌هشتينه رێككه‌فتنێ كو ل وان كيلگێن په‌ترۆلى ئه‌وێن كۆمپانيا ئيسپانى ل كوردستانێ تێدا كاردكه‌ت، ببنه هه‌ڤپشك وئه‌وژى پشكداربن دبه‌رهه‌مئينانا وزێ دا ل وان هه‌ردو كێلگان.
كۆمپانيا ريسپۆل يا ئيسپانى ل سالا 2011 سه‌ره‌راى گه‌فێن به‌غدا ودانانا كۆمپانيێ دليستا ره‌ش يا به‌غدا دا،گرێبه‌سته‌ك ل گه‌ل حوكمه‌تا هه‌رێما كوردستانێ ئيمزاكر بۆ گه‌ريانێ ل دووڤ وزێ ل قه‌لادزێ وپيره‌مه‌گروون.
د په‌راوێزا كۆربه‌ندا ئابوورى سان پترسپۆرگ ل رووسيا، كۆمپانيا گازپرۆم يا رووسى دانوستاندن ل گه‌ل كۆمپانيا ريسپۆل يا ئيسپانى كرن، ئاژانسا رويته‌رز به‌لاڤكر كو كۆمپانيا گازپرۆم ددانوستاندنێن خوه‌دا ل گه‌ل ريسپۆل گه‌هشته رێككه‌فتنێ بۆ كارێ هه‌ڤپشك ووه‌رگرتنا هنده‌ك ژ پشكێن ريسپۆل ل وان دو كێلگێن په‌ترۆلى ئه‌وێن كۆمپانيا ريسپۆل ل هه‌رێما كوردستانێ كارى تێدا دكه‌ت.
هه‌تا نوكه هوورده‌كاريێن زێده‌تر يێن وێ رێككه‌فتنا دناڤبه‌را گازپرۆم يا رووسى وريسپۆل يا ئيسپانى نه‌هاتينه ئاشكراكرن، به‌لێ ئه‌و رێككه‌فتنه پشتى وێ چه‌ندێ دهێت كو به‌رى دو رۆژان كۆمپانيا رووسنه‌فت يا رووسى به‌لاڤكرى كو ل گه‌ل حوكمه‌تا هه‌رێما كوردستانێ گه‌هشتيه رێككه‌فتنه‌كێ بۆ دروستكرنا بۆريه‌كا غازا سروشتى بۆ به‌نده‌رێ جه‌يهان يێ توركى.
8 كه‌س ل چاكسازيا زركا هاتن كوشتن
ئه‌ڤرۆنيوز:
شه‌ر دناڤبه‌را هژماره‌كا زيندانيێن چاكسازيا زركا يا مه‌زنان ل باژێرێ دهۆكێ روودا وچه‌ندين كوشتى وبريندار هه‌نه.
ل دووڤ پێزانينێن ئه‌ڤرۆنيوز، ئه‌ڤرۆ شه‌مبيێ شه‌ره‌ك دناڤبه‌را هژماره‌كا زيندانيان ل چاكسازيا زركا يا مه‌زنان ل دهۆكێ روودا وهه‌شت زيندانى هاتينه كوشتن وچه‌ندين زيندانى بريندار بووينه.
هه‌تا ڤى ده‌مى ئه‌گه‌رێن وێ روودانێ نه‌هاتينه زانين.
ئه‌ندامه‌كێ شاندێ پارتى نهێنيا دانوستاندنێن به‌غدا ئاشكرا دكه‌ت
ئه‌ڤرۆنيوز:
ئه‌ندامه‌كێ شاندێ دانوستاندكارێ پارتى ل به‌غدا، دداخۆيانيه‌كا رۆژنامه‌ڤانى دا راگه‌هاند، خالا ناكۆكيێ يا هه‌موو دانوستاندنێن دناڤبه‌را لايه‌نێن به‌غدا، حزبا ده‌عوه‌يه.
پشتى سێ رۆژان ژ دانوستاندنێ ل گه‌ل هه‌موو لايه‌نێن به‌غدا، شاندێ پارتى ب سه‌رۆكاتيا فازل ميرانى زڤرى هه‌رێما كوردستانێ، شوان محه‌مه‌د تاها ئه‌ندامێ وى شاندى دداخۆيانيه‌كا رۆژنامه‌ڤانى دا بۆ رۆژناما (شه‌رقولئه‌وسه‌ت) يا له‌نده‌نى به‌حسێ پرۆسا ئه‌نجامدانا دانوستاندنان دكه‌ت.
شوان ل دۆر دانوستاندنێن شاندێ پارتى گۆت”شاندێ كوردى چو دانوستاندنێن هوور ل گه‌ل چو لايه‌نه‌كى نه‌كرينه ول سه‌ر چونا دناڤ هه‌ڤپه‌يمانيێن بچووك يان مه‌زن دا ل گه‌ل چو لايه‌نه‌كى رێك نه‌كه‌فتيه”.
ل هه‌فتيا بۆرى ب ده‌هان كۆمبوون دناڤبه‌را لايه‌نێن عيراقى هاتن ئه‌نجامدان، شاندێ پارتى وشاندێ ئێكه‌تيێ ژى هه‌ر ئێك جودا مژوولى دانوستاندنان بوون، ل دۆر وان دانوستاندنان، شوان محه‌مه‌د تاها دبێژيت” به‌لاڤبوونه‌كا ئاشكرا ژلايێ هه‌موو لايه‌نان يا هه‌ى ل دۆر وێ چه‌ندێ چاوان ره‌فتار دێ ل گه‌ل به‌ربژارێ داهاتى يێ پۆستێ سه‌رۆك وه‌زيران هه‌بيت، لايه‌ن يێ هه‌ى دبێژيت پێدڤيه رێككه‌فتن بێ حزبا ده‌عوه بيت، هنده‌ك ژى دبێژن پێدڤيه ده‌عوه مالكى ل گه‌ل بيت وبێ عه‌بادى، يان به‌روڤاژى دبێژن ده‌عوه وعه‌بادى بيت بێ مالكى، ئه‌ڤه ژى رامانا وێ ئێكێ يه كو ل دووماهيێ هوكارێ ده‌رڤه دێ ڤێ پرسێ ئێكلاكه‌ت.
شوان دياردكه‌ت” دانوستاندن دمژه‌وى نه وئه‌گه‌رێ ڤێ چه‌ندێ ژى نه‌بوونا باوه‌ريێ يه”.
فرۆكێن ئيسرائيلى 9 چه‌كدارێ ئيرانى كوشتن
ئه‌ڤرۆنيوز:
ژێده‌رێن نوشدارى ل نه‌خوه‌شخانا حومس يا ناڤه‌ندى بۆ (سكاى نيوز عربيه) دياركر كو 21 سه‌رباز ژوان 9 چه‌كدارێن ئيرانى هاتن كوشتن ژ ئه‌نجامێ بوردومانا ئه‌سمانى يا ئيسرائيلى ل سه‌ر فرۆكخانا زه‌بعه يا له‌شكرى ل پاريزگه‌ها حومس يا سورى ل شه‌ڤا بۆرى.
فرۆكخانا ناڤبرى كه‌فتبوو به‌ر هێرشێن ئه‌سمانى يێن ئيسرائيلى كو عومبارێن چه‌كى وكه‌تيبا به‌رگريا ئه‌سمانى ل وێ فرۆكخانێ ئارمانجێن وێ هێرشا ئيسرائيلى بوون كو ئه‌و فرۆكخانه دهيته هژمارتن ئێك ژ مه‌زنترين بنگه‌هێن ميليشيا حزبوللا يا لوبنانى وبنگه‌هه‌كێ له‌شكرى بۆ ميليشيێن ئيرانى.
ل دووڤ سكاى نيوز عه‌ربيه، فرۆكخانا زه‌بعه هه‌فتيانه پێشوازى ل فرۆكێن بارى يێن ئيرانى دكر كو چه‌ك وخوارن بۆ چه‌كدارێن خوه دئينان.
رۆژناما شه‌رقولئه‌وسه‌ت:پارتى پۆستێ سه‌رۆك كۆمارا عيراقێ دێ ده‌ته ئێكه‌تيێ
ئه‌ڤرۆنيوز:
ل دووڤ هنده‌ك ده‌زگه‌هين راگه‌هاندنێ، پێنج به‌ربژار بۆ وه‌رگرتنا پۆستێ سه‌رۆك كۆمارا عيراقێ يێن هاتينه ده‌ست نيشانكرن، دهه‌مان ده‌م دا دبيت جاره‌كا دى پارتى وى پۆستى بده‌ته ئێكه‌تيێ، به‌لێ ب مه‌رج.
رۆژناما(شه‌رقولئه‌وسه‌ت) يا له‌نده‌نى ل سه‌ر زارێ ژێده‌ره‌كێ نيزيك ژ روودانان به‌لاڤكر” ئێكه‌تى نيشتمانى كوردستان دو به‌ربژار بۆ وه‌رگرتنا پۆستێ سه‌رۆك كۆمارا عيراقێ يێن هه‌ين ئه‌وژى فوئاد مه‌عسووم وله‌تيف ره‌شيد وه‌زيرێ به‌رێ يێ ژێده‌رێن ئاڤێ ل عيراقێ وسه‌رۆكێ نوكه يێ ده‌سته‌يا شيره‌تكاران ل سه‌رۆكاتيا كۆمارێ، به‌لێ هه‌تا نوكه بريارا دووماهيێ ژلايێ مه‌كته‌با سياسى يا ئێكه‌تيێ نه‌هاتيه دان”.
وى ژێده‌رى دياركريه” هه‌تا نوكه پارتى ديموكراتى كوردستان ب فه‌رمى چو كه‌س بۆ پۆستێ سه‌رۆكێ كۆمارێ ده‌ست نيشان نه‌كريه، به‌لێ هنده‌ك كه‌س به‌حس ل ده‌ستنيشانكرنا هه‌ر ئێك ژ هشيار زێبارى وفازل ميرانى وفوئاد حسێن دكه‌ن، به‌لێ ل دووماهيێ هه‌موو پێشبينى ئاماژێ بۆ وێ چه‌ندێ دكه‌ن كو پارتى دێ پۆستێ سه‌رۆكێ كۆمارا عيراقێ ده‌ته ئێكه‌تيێ به‌لێ ب مه‌رج”.
هه‌ر ل دۆر وى پۆستى، مه‌لا به‌ختيار، سه‌رۆكێ شاندێ ئێكه‌تيێ پشتى زڤرينا وان ژ به‌غدا دكۆنگره‌كێ رۆژنامه‌ڤانى دا گۆت” ئه‌م وه‌كو ئێكه‌تى پۆستێ سه‌رۆك كۆمار ب ئيستيحقاقێ كوردان دزانين وژناڤ كوردان دا ب مافێ ئێكه‌تى نيشتمانى كوردستان دزانين، هه‌كه بۆچوونێن دى هه‌بن، بلا نوكه بكه‌ڤينه دانوستاندنێ ل سه‌ر، ل كوردستانێ دێ دانوستاندنێ ل گه‌ل پارتى ولايه‌نين دى ل سه‌ر هه‌موو پاكيجان دێ كه‌ين،
ئۆتێلێن پێنج ستێر دشێن ل رەمەزانێ خوارنگەهان ڤەكەن
ئەڤرۆ، سالار دۆسكی:
سەرۆكێ لقێ هەولێرێ یا كۆمەلا خوارنگه‌ه و ئۆتێلان دیاركر كو ل دووڤ بەرنامێ هەیڤا رەمەزانا پیرۆز هەر خوارنگەهەكێ یان كافترییەكێ ماف هەیە دەستووريێ وەربگریت بۆ ڤەكرنا خوارنگەها خوە پشتی بجهئینانا مەرجێن سازیێن پەیوەنديدار.
زیرەك ، سەرۆكێ لقێ هەولێرێ یا كۆمەلا خوارنگه‌ه و ئۆتێلان بۆ ئەڤرۆنيوز گۆت: گەلەك خوارنگەهان داخازكرینە بۆ هەیڤا رەمەزانا پیرۆز دڤەكری بن، ب تنێ مەرجێ مە ئەوە ل رۆژێن جەژنێ ژی دڤێت بۆ گەشتیاران خوارنگەهێن خوە ڤەكەن.
ئاشكراكر ژی كو نابیت خوارنگەه ب ئاشكرا دڤەكری بن و دڤێت رێز ل هەیڤا رەمەزانا پیرۆز بهێتە گرتن، ئوتێلێن پێنچ ستێر ماف هەیە خوارنگەهێن خوە ڤەكەن بۆ گەشتیاران.
زیرەكی گۆت ژی : هاتنا گەشتیاران گەلەك كێم بوویە هەتا گرۆپ ژی كێم بووینە، ئەڤە دمینيت ل سەر پەیوەندیێن هەرێمێ و بەغدا هه‌كه دباش بن، دێ گەشتیار زێدەبن، چونكى پتریا گەشتیارێن مە ژ ناڤەراست و باشوورێ عیراقێ سەره‌دانا هەرێمێ دكەن.
زیرەك گۆت ژی كو (580) ئۆتێل و مۆتێل و كافتریا ل پارێزگەها هەولێرێ يێن هه‌ين، هندەك خوارنگەه ل هەولێرێ هەنە دماوێ ئێك دەمژمێر دا دشین پێشوازیا دو هزار مرۆڤان بكەن.
نيشاندان
WP Facebook Auto Publish Powered By : XYZScripts.com