ئه‌ڤرۆنيوز:
له‌شكرێ ئيسرائيلى ئه‌ڤرۆ سێشه‌مبى 24 تيرمه‌ها 2018 راگه‌هاند كو فرۆكه‌كا سوورى ژ جۆرێ (سۆخۆى 27) ل ده‌مێ نێزيكبوونا وێ ژ ئه‌سمانيێ ده‌ڤه‌را جۆلان، هاته ئێخستن.
له‌شكرێ ئيسرائيلى دياركر كو دو مۆشه‌كێن ژ جۆرێ باتريۆت ئاراسته‌ى فرۆكا سوورى كر پشتى بۆ ماوێ دو كيلۆمه‌تران چوويه دناڤ ئاخا ئيسرائيلێ دا،
ل دووڤ ده‌نگوباسێن رۆژنامه‌ڤانى ئه‌و فرۆكا سوورى كه‌فته دناڤ رووبارێ يه‌رمو‌ك دا دناڤ ئاخا سووريێ دا.
ئه‌ڤرۆنيوز:
رێڤه‌به‌رێ ئاسايشا هه‌ولێرێ راگه‌هاند، مه به‌لگێن ل به‌ر ده‌ست يێن هه‌ين كو ئه‌و كه‌سێن دوهى دناڤ ئاڤاهيێ پارێزگه‌ها هه‌ولێرێ خوه په‌قاندى ب سه‌ر داعشێ ڤه بوون، به‌لێ هه‌ڤالێن وان دژيانێ دا يێن ماين ويێن هاتينه ده‌سته‌سه‌ركرن، به‌رى سێ حه‌فتيان ژى مامۆستايه‌كێ ئايينى ب ناڤێ (مه‌لا ئيسماعيل سوسه‌يى) ژلايێ هێزێن ئاسايشێ ڤه هاتبوو ده‌سته‌سه‌ركرن كو پێشتر ئيمام وخوتبه خوين بوو و ل سه‌ر توندره‌ويێ هاتبوو دوورخستن،
تارق نورى، رێڤه‌به‌رێ ئاسايشا هه‌ولێرێ زێده‌تر بۆ مالپه‌رێ فه‌رميێ پارتى ديموكراتى كوردستان گۆت” دده‌مه‌كێ نێزيك دا دێ ئه‌نجامێ روودانا ئاڤاهيێ پارێزگه‌ها هه‌ولێرێ به‌لاڤكه‌ين وخه‌لكه‌كێ زۆر يێ هاتيه ده‌سته‌سه‌ركرن، به‌لێ دبيت هنده‌ك ژوان چو ل سه‌ر نه‌هێته چه‌سپاندن، ئه‌وێن ده‌ست دناڤ وێ تۆرا تيرۆرستى دا هه‌ى دێ هێنه سزادان وڤه‌كۆلين ژى يا به‌رده‌وامه، له‌وما ئامارا ده‌سته‌سه‌ركريان به‌لاڤ ناكه‌ين”.
ناڤبرى ئاماژه ب ده‌سته‌سه‌ركرنا تۆره‌كا تيرۆرستى ل باژێرێ هه‌ولێرێ كر وگۆت” ده‌مێ سێ حه‌فتيانه مه‌لا ئيسماعيل سوسه‌يى هاتيه ده‌سته‌سه‌ركرن ودانپێدان ژى يا كرى كو ل هه‌ولێرێ مژوولى بجهئينانا پيلانه‌كا تيرۆرستى بوو وچه‌ندين چه‌ك ژى دمالا وى دا ده‌ست ب سه‌ردا هاتيه گرتن”.
ل دۆر مه‌لا سه‌ليم شووشكه‌يى، په‌رله‌مانتارێ به‌رێ يێ كۆمه‌لا ئيسلامى، تارق نورى گۆت” مه‌لا سه‌ليم خوه ل سلێمانيێ يا حه‌شارداى وبه‌لگه ل سه‌ر يێن هه‌ين كو داعشه”.
گۆت ژى” پێشتر مه پێزانين نه‌بوون كو دێ هێرش ل سه‌ر ئاڤاهيێ پارێزگه‌ها هه‌ولێرێ هێته كرن، به‌لێ ده‌مێ مه‌لا ئيسماعيل سوسه‌يى هاتيه ده‌سته‌سه‌ركرن، مه زانى تشته‌ك يێ ل به‌ر ده‌ستێ وى ودخوازيت پيلانه‌كێ بجهبينيت، پشتى ده‌سته‌سه‌ركرنا وى چه‌ندين چه‌كێن جۆرا وجۆر دناڤ مالا مه‌لا ئيسماعيل دا هاته ده‌ست ب سه‌ردا گرتن، دياره پيلان هه‌بوو وخوه به‌رهه‌ڤ كربوو بۆ ئه‌نجامدانا كرياره‌كا تيرۆرستى”.
دياركر” ل به‌رده‌م دادوه‌رێ ڤه‌كۆلينێ، مه‌لا ئيسماعيل سوسه‌يى دانپێدان كريه كو به‌يعه‌ت دايه داعشێ، هه‌روه‌سا مه پێشتر ژى تۆره‌كا تيرۆرستى هاتبوو ده‌سته‌سه‌ركرن كو په‌يوه‌ندى ب گرۆپێ مه‌لا ئيسماعيلى ڤه هه‌بوو وهاريكاريا داعشێ كربوو”.
ئه‌ڤرۆ نیوز، نه‌وزاد هلۆرى:
وه‌لاتیه‌كێ شێلادزێ ئه‌ڤه 27 ساله كارێ چێكرنا تایرێن په‌نجه‌ر یێن ترومبێلێن بارهه‌لگر دكه‌ت ، به‌لێ ژبه‌ر نه‌بوونا جهه‌كێ تایبه‌ت ب كارێ ڤه ، ئه‌و گازندا ژ حوكمه‌ت و لایه‌نێن شوله‌ژێ دكه‌ت ب تایبه‌تى ژ وێ یه‌كێ كو پێشتر حوكمه‌تێ پارچه‌كا ئه‌ردى دابویێ بۆجهێ وى ،به‌لێ جاره‌ك دى ژێ وه‌رگرته‌ڤه.
محسن ئیبراهیم، ئه‌و وه‌لاتیه بۆ ئه‌ڤرۆ نیوز گۆت: (ئه‌ڤه 27 ساله وه‌كو په‌نجه‌رچى ئه‌ز ل شێلادزێ كاردكه‌م و كارێ من تایبه‌ته ب چێكرنا تایرێن په‌نجه‌رێن ترومبێلێن بارهه‌لگر وكارى وه‌كو قه‌لابه و شوفه‌ر و هه‌تا نها من هژماره‌كا زۆر یا تایرێن ترومبێلێن بارهه‌لگر چێكرینه ئانكو رۆژانه دناڤبه‌را 25-30 تایرێن ترومبێلان درۆست دكه‌م ڤه).
زێده‌تر گۆت: (ل سالا 2002 من دوكانه‌كا بچووك بۆ خوه كرى و هه‌تا نها ئه‌ز ل وێ دوكانێ كاردكه‌م ، ئه‌ڤ دوكانه ل وى ده‌مى یا گونجاى بوو، به‌لێ نها یا گونجاى نینه ژبه‌ركو نها ترومبێل زۆر بووینه و جیهان پێشكه‌فتیه و ئامیرێن تایبه‌ت ب چێكرنا تایران ده‌ركه‌فتینه).
ناڤبرى گازندا وێ یه‌كێ كر كو به‌رى نها حوكمه‌ت و لایه‌نێن شوله‌ژێ پارچه‌كا ئه‌ردى دابویه وان داكو ئه‌و جهێ خوه بۆ ده‌رڤه‌یێ سه‌نته‌رێ بازارێ شێلادزێ ڤه‌گوهێزن، به‌لێ جاره‌كا دى حوكمه‌تێ ئه‌و پارچا ئه‌ردى ژ وى وه‌رگرتیه و زێده‌تر گۆت: ( پێدڤیه جهێ مه بۆ ده‌رڤه‌ی بازارى بهێته ڤه‌گۆهاستن، چونكى كارێ مه بوویه ئه‌گه‌ر كو به‌رپیێن دوكاندار و وه‌لاتیان ته‌نگ ببهن و ئه‌ڤه سه‌ره‌راى سیمایێ باژێرى تێكدایه).
ب گۆره‌ى ئاخڤتنێن ناڤبرى قه‌یرانا دارایى كارتێكرن ل سه‌ر كارێ وان كریه و دیاركر كو 12 كارگه‌هێن حه‌سۆ و خیزى ل ده‌ڤه‌را ئامێدیێ هه‌نه و راوستانا وان ، كارێ وى ژى كێمكریه و گوت ژى: (تايرێن چوبلێس باشترین جۆرێ تایرێ یه شوفێر بكاربینن ژبه‌ركو هه‌كه په‌نجه‌ر ژى ببیت شوفێر دشێت دو هه‌تا سێ رۆژان بكاربینیت، به‌لێ تایرێن چوپه نه‌شێن ئێك خۆله‌ك ژى خوه بگرن پشتى په‌نجه‌ربوونى و نها ئامیرێن پێشكه‌فتى هه‌نه بۆ چێكرنا تایران، به‌لێ چێكرنا تایران ب ئامیرێن پێشكه‌فتى بۆمه باشه، به‌لێ بۆ شوفێران خراپه و چێكرنا وان ب ده‌ست و ب رێیا ئامیرێن ساده بۆ شوفێران باشتره).
ئه‌ڤرۆنيوز:
تيمه‌كا تايبه‌ت يا سه‌ر ب وه‌زاره‌تا ناڤخوه‌يا عيراقێ ده‌ست ب سه‌ر هه‌موو وان جۆرێن تايران دگريت كو ل جهان دهێنه كۆمكرن.
رۆژناما (القدس العربي) يا له‌نده‌نى به‌لاڤكر”وه‌زاره‌تا ناڤخوه‌يا عيراقێ ب رێيا فه‌رمانده‌يا ئۆپه‌راسيۆنێن به‌غدا فه‌رمان دايه پۆليسێن خوه‌جهى وپۆليسێن فيدرالى كونترۆلا هه‌موو وان جهان بكه‌ن كو تايرێن كه‌ڤن يێن ترومبێلان تێدا دهێنه كۆمكرن وئه‌ڤ هه‌وه پارێزگه‌هێن به‌سرا وميسان وكه‌ربه‌لا وبابل ونه‌جه‌ف ب خوه‌ڤه دگريت”.
دياركر ژى” ئه‌گه‌رێ ڤێ هه‌وا ژلايێ وه‌زاره‌تا ناڤخوه‌يا عيراقێ ڤه دهێته ئه‌نجامدان بۆ رێگرتنێ يه ل په‌نابرنا خوه‌نيشانده‌ران بۆ سوتنا تايرێن كه‌ڤن ل سه‌ر جاده‌يان”.
ئه‌ڤرۆنيوز:
ب به‌رهه‌ڤبوونا نێچيرڤان بارزانى، سه‌رۆك وه‌زيرێن هه‌رێما كوردستانێ وب پشكداريا هژماره‌كا مه‌زن ژ مامۆستايێن ئايينى، ئێكه‌تيا زانايێن ئايينى ئيسلامى ل كوردستانێ كۆنگرێ خوه يێ شه‌شێ ده‌ستپێكر.
ل ده‌ستپێكا كۆنگره‌ى دا، نێچيرڤان بارزانى سه‌رۆك وه‌زيرێن هه‌رێما كوردستانێ گۆت” ئێكه‌تيا زانايێن ئايينى رۆلێ سه‌ره‌كى هه‌بوو ل ده‌ركرنا فه‌توايه‌كێ ل سه‌ر نه‌شه‌رعيبوونا وێ كۆمه‌لكوژيا تيرۆرستێن داعشێ ل به‌رامبه‌ر خوشك وبرايێن ئيزدى ل ده‌ڤه‌را شنگالێ ئه‌نجامداى، هه‌روه‌سا ئێكه‌تيا زانايێن ئايينى به‌رده‌وام پشته‌ڤانا حوكمه‌ت وگه‌لێ كوردستانێ بوو ژبۆ ب هيز مانه‌ڤا پێكڤه‌ژيانا نموونه‌يى ل هه‌موو مه‌زهه‌ب ونه‌ته‌وان، هه‌موو ئه‌و هه‌لويستێن مامۆستايێن ئايينى جهێ ده‌ستخوه‌شيێ ورێزێ نه”.
هه‌روه‌سا گۆت” دوهى ئاڤاهيێ پارێزگه‌ها هه‌ولێرێ تووشى هێرشه‌كێ بوو كو دئه‌نجامدا فه‌رمانبه‌ره‌كێ خزمه‌تگوزاريان يێ مه‌سيحى شه‌هيد بوو، ل ڤێرێ سه‌ره‌خوه‌شيێ ل كه‌سوكار ومالباتا وى دكه‌م وهيڤيا چاكبوونێ بۆ برينداران دخوازم”.
نێچيرڤان بارزانى دياركر” پێدڤيه هه‌موو ده‌مان گرنگيا مينبه‌رێن مه ل به‌رچاڤ بيت ل هشياركرنێ ژ مه‌ترسيێن تيرۆرێ وهزرا تيرۆرستى ل هه‌رێما كوردستانێ، چاڤدێريكرنا مامۆستايێن ئايينى بۆ په‌روه‌ردێ ومينبه‌ران كاره‌كێ گرنگه وحوكمه‌تا هه‌رێمێ ژى به‌رده‌وام دێ يا هاريكار بيت بۆ ئێكه‌تيا زانايێن ئايينێ ئيسلامێ بۆ پێشڤه‌برنا گيانێ نيشتمان په‌روه‌رى وئيمانداريا راسته‌قينه وپاراستنا مافێن مامۆستايێن ئايينى”.
ئه‌ڤرۆنيوز:
رێڤه‌به‌رى ئاسايشا هه‌ولێرێ راگه‌هاند، ده‌مێ چه‌ند رۆژانه مه‌لايه‌كى باژێرێ هه‌ولێرێ ژلايێ ئاسايشێ ڤه هاتيه ده‌سته‌سه‌ركرن.
تارق نورى، رێڤه‌به‌رێ ئاسايشا هه‌ولێرێ بۆ كوردستان 24 ئاشكراكر” ده‌مێ چه‌ند رۆژانه مه‌لايه‌كێ ئايينى ل باژێرێ هه‌ولێرێ هاتيه ده‌سته‌سه‌ركرن”.
هه‌ر دوى چارچۆڤه‌ى دا، ئه‌ڤرۆ سێشه‌مبى 24 تيرمه‌ها 2018 رۆژناما باس ژزارده‌ڤێ تارق نورى رێڤه‌به‌رێ ئاسايشا هه‌ولێرێ به‌لاڤكر كو ئه‌و تيرۆرستێن دوهى هێرش كريه سه‌ر ئاڤاهيێ پارێزگه‌ها هه‌ولێرێ سه‌ر ب مه‌لا (ئيسماعيل سوسه‌يى) ڤه بوون ئه‌وێ ده‌مێ دو هه‌فتيانه هاتيه ده‌سته‌سه‌ركرن ول به‌رده‌م دادگه‌هێ دانپێدان كريه كو به‌يعه‌ت دايه رێكخراوا داعش يا تيرۆرستى.
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 24ى تيرمه‌ها 2018ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 120.2 |
| 1 يۆرۆيێ ئه‌ورۆپى | 1400 |
| 1 ليرێ توركى | 255 |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئه‌ڤرۆ نيوز:
سەرۆکێ کوتلا برایەتیی و پێکڤە ژیانێ ل جڤاتا پارێزگەھا مووسل بۆ ئەڤرۆ ئاشکرا کر، بابەتێ لادانا (لارا یوسف) رێڤەبەرا ناحیا ئەلقوش ھیشتا ئێکلا نەبوویە وعەشیرەتێن عەرەبان ژی پشتەڤانیا مانا خاتوون لارایێ د پوستێ وێ دا دکەن.
بەرەکات شەمۆ سەرۆکێ کوتلا برایەتیی و پێکڤە ژیانێ ل جڤاتا پارێزگەھا مووسل بۆ ئەڤرۆ راگەھاند، جڤاتا ناحیا ئەلقوش روونشتنەک ل سەر رێڤەبەرا ناحیێ ئەنجامداینە، ل گۆڕ دەستھەلاتێن جڤاتا ناحیێ، ھەکە گەندەلی بنک رێڤەرێ ناحیێ ھەبیت، یان دەستھەلاتا کارێ پۆستێ خوە بکارئینابیت، جڤات دشێت بگوھۆڕیت، دوسیەکا ب ڤێ رەنگی ل سەر ھەیە کومبوون یێن ھاتینە کرن بەرسڤا وێ یا قانوونی ھاتیە رەتکرن.
شێخ موزاحم حوێت، ئاخڤتنگەری عەشیرەتێن عەرەبێن نەینەوا دیارکر، حەشدا شەعبی بزاڤان دکەت، خاتوون لارا یا کریستیان ژ پوستێ رێڤەبەرا ناحیا ئەلقوش دوور بکەت، و کەسەکێ سەر ب ملێشاتان ل جھێ وێ ب دانیت و عەشیرەتێن عەرەبێن نەینەوا ل سەر کار لادانا وێ ژنا کریستیان قەبوول ناکەن، و بریارێن حەشدا شەعبی رازی نابن عەشیرەتێن عەرەبێن نەینەوا ھەلوەیستی خوە ژێ یێن گەھاندینە بالیۆزخانە ئەمریکا ل عیراقێ و کونسلی گشتیی یێ ئەلمانیا ل ھەولیرێ.
پشتی رزگارکرنا دەڤەرێن کوردستانێ ل دەشتا نەینەوا ژ دەستێن تیرۆرستێن داعش ب رازیبوونا خەلکێ دەڤەرا ئەلقوش لارا یوسف ھاتە دان وەکو رێڤەبەرا ناحیا ئەلقوش دەست بکارێ خوە کریە ل ڤێ دووماھیی بزاڤ دھێنە کرن، ئەو ژنا مەسیحیی بھێتە لادان ھیشتا بابەتێ نەھاتیە ئێکلا کرن.
نيشاندان
