ئه‌ڤرۆنيوز:

سه‌رۆك وه‌زيرێن هه‌رێما كوردستانێ، نێچيرڤان بارزانى ئه‌ڤرۆ دوشه‌مبى 23 تيرمه‌ها 2018 پێشوازى ل يان كۆبيش هنارتيێ تايبه‌ت يێ سكرتێرێ گشتيێ نه‌ته‌وێن ئێكگرتى ل عيراقێ كر.

دكۆمبوونه‌كێ به‌حس ل روودانێن ڤێ دووماهيێ ل عيراقێ وب تايبه‌تى گرژيێن باشوورێ عيراقێ هاته‌ كرن وكۆبيش دووپاتى ل سه‌ر وێ چه‌ندێ كر كو پێدڤيه‌ لايه‌نێن سياسى يێن عيراقى ده‌ست ب ديالۆكا جدى بۆ پێكئينانا كابينا نوو يا حوكمه‌تا عيراقێ بكه‌ن وداخوازيێن وه‌لاتيان بجهبينن، دووپاتى ل رۆلێ كاريگه‌رێ هه‌رێما كوردستانێ دوان دانوستاندنان ودپشكداريێ دكابينا نوو يا حوكمه‌تا عيراقێ كر.

نيچيرڤان بارزانى ئاماژه‌ ب پرۆسا سياسى يا عيراقێ وپرۆسا هژمارتنا ده‌نگان ب ده‌ست كر كو ب دووماهى هاتيه‌ وب پێدڤى زانى دادگه‌ها فيدرالى بريارا خوه‌ ل سه‌ر دووماهى ئه‌نجامێ هه‌لبژارتنان بده‌ت وپه‌سه‌ند بكه‌ت تاكو لايه‌نێن سياسى زێده‌تر دانوستاندنانێن پێكئينانا كابينا نوو يا حوكمه‌تێ ئه‌نجام بده‌ن.

نێچيرڤان بارزانى به‌رهه‌ڤيا هه‌رێما كوردستانێ بۆ هه‌ر هاريكاريه‌كێ ل دۆر وێ چه‌ندێ نيشان دا تاكو سه‌قامگيرى بۆ عيراقێ بزڤريت وداخوازيێن خوه‌نيشانده‌ران دچارچۆڤێ پرۆگرامێ حوكمه‌تێ يا نوكه‌ وداهاتى دا بهێته‌ جهگيركرن وچاره‌سه‌رى بۆ بهێنه‌ ديتن.

ئه‌ڤرۆنيوز:

ئه‌ندامه‌كێ سه‌ركردايه‌تيا پارتى ديموكراتى كوردستانێ راگه‌هاند، ئه‌و هێرشا ل سه‌ر ئاڤاهيێ پارێزگه‌ها هه‌ولێرێ هاتيه‌ ئه‌نجامدان يا تيرۆرستى وترسنوك بوو.

هێمن هه‌ورامى، ئه‌ندامێ سه‌ركردايه‌تيا پارتى د به‌رپه‌رێ خوه‌ ل سه‌ر تۆرا جڤاكى يا فه‌يسبووكى به‌لاڤكر” چو هێز ولايه‌نه‌ك نه‌شێت ئيرادا گه‌لێ كوردستانێ بشكێنيت”.

هه‌ورامى گۆت ژى” هه‌ولێرا كه‌لا كوردايه‌تيێ وپايته‌ختا كوردستانێ يا سه‌قامگيره‌ ودێ به‌رده‌وام سه‌ربلند مينيت”.

دياركر” هندى كوردستانێ پێشمه‌رگه‌ وقه‌هره‌مانێن وه‌كو ڤان عه‌زيزێن دژه‌ تيرۆر وسواتا ئاسايشێ هه‌بيت، چو هێز وگرۆپه‌كا تيرۆرستى نه‌شێت ئاراميا هه‌ولێرا پايته‌خت وكوردستانێ تێك بده‌ت”.

ئه‌ڤرۆنيوز:

په‌يچێ دژه‌ تيرۆر يێ سه‌ر ب ئاسايشا هه‌رێما كوردستانێ ڤه‌ به‌لاڤكر كو ئه‌و هه‌رسێ چه‌كدارێن ئه‌ڤرۆ سپێدێ هێرش كريه‌ سه‌ر ئاڤاهيێ پارێزگه‌ها هه‌ولێرێ، كوردن وخه‌لكێ هه‌ولێرێ نه‌ وئاكنجيێن تاخێ ( قه‌لا نوو) يێ نه‌.

په‌يچێ دژه‌ تيرۆر دياركر ژى كو ل دووڤ ڤه‌كۆلينێن ده‌ستپێكى، ئه‌و سێ چه‌كدار كو ئه‌ڤرۆ دوشه‌مبى 23 تيرمه‌ها 2018 هێرش كريه‌ سه‌ر ئاڤاهيێ پارێزگه‌ها هه‌ولێرێ ودروو ب رووبوونه‌كێ دا ل گه‌ل هێزێن ئه‌منى هاتينه‌ كوشتن، خه‌لكێ هه‌رێما كوردستانێ نه‌ وئاكنجيێن تاخێ قه‌لا نوو ل باژێرێ هه‌ولێرێ نه‌.

ئاشكرا كر ژى، هێرشبه‌ر هه‌ر ئێك ژ ( ره‌هێل محه‌مه‌د روستم موسا ژدايكبوويێ سالا 2002) و (بيلال سلێمان عه‌بدولره‌حمان ژ دايكبوويێ سالا 2000) و ( عه‌بدولره‌حمان ره‌حيم قادر ژدايكبوويێ سالا 2002) و هه‌رسێ هێرشبه‌ر قوتابيێن قۆناغا ئاماده‌يى بوون.

ئه‌ڤرۆنيوز:

پشتى ئه‌ڤرۆ سێ كه‌سێن چه‌كدار چووينه‌ دناڤ ئاڤاهيێ پارێزگه‌ها هه‌ولێرێ دا وپاشى ژلايێ هيزێن ئه‌منى يێن هه‌رێمێ هاتيه‌ دۆرپێچكرن وكوشتن، ژ ئه‌گه‌رێ وێ هێرشا چه‌كدارى فه‌رمانبه‌ره‌كێ خزمه‌تگوزارى ل ناڤ ئاڤاهيێ پارێزگه‌ها هه‌ولێرێ كو ژ پێكهاتێ مه‌سيحى يه‌ ( فه‌رحان ئيليا ) بريندار بوو وپاشى ژ ئه‌گه‌رێ دژواريا برينا وى گيانێ خوه‌ ژ ده‌ستدا.