ئه‌ڤرۆنيوز:
ژ بزاڤێن رێڤەبەریا گشتی یا رەوشەنبیری و هونەری ل دهۆكێ پشكا هونەرێ سینەمایێ فلمێ دکیومێنتاری ( نامەیێن ژ بەغدا ) ل هۆلا سینەما ماکس ل دهۆك مۆل هاتە نيشاندان ، ئەڤ فلمە بەرهەمێ حوكمەتا عیراقێ ب هەڤکاری ل گەل كونسۆلخانا بریتانیا ل عیراقێ یە.
رێڤه‌به‌ريا گشتى يا ره‌وشه‌نبيرى وهونه‌رى ل دهۆكێ دمالپه‌رێ خوه يێ فه‌رمى دا به‌لاڤكر”چەندین بەلگێن گەلەك یێن ب هێز یێن سەردەمێ سه‌را جیهانی یێ ئیکێ و دروستبوونا دەولەتا عیراقێ ب ڤیدیۆ د ڤی دکیومێنتاری دا ب شیوەکێ هونەی هاتنە نیشاندان”.
ئه‌ڤرۆنيوز:
سه‌رۆك وه‌زيرێن هه‌رێما كوردستانێ، نێچيرڤان بارزانى، دچارچۆڤێ ڤه‌كرنا سه‌نته‌رێ مه‌شق وپێشڤه‌برنێ ل وه‌زاره‌تا كاره‌بێ ل هه‌رێما كوردستانێ راگه‌هاند، دهه‌موو بوارێن حوكمه‌تێ دا دێ چاكسازيێ كه‌ين وپێنگاڤێن چاكسازيێ دديار وگرنگن.
نێچیرڤان بارزانی گۆت ژى” رۆژێن ب زه‌حمه‌ت نێزيكه دێ ده‌ربازبن وئاسۆيه‌كێ رۆهنتر يێ ل پێش هه‌رێما كوردستانێ”.
دياركر” ئارمانجا مه ب ده‌ستڤه‌ئينانا هه‌ڤپشكيا راسته‌قينه‌يه ل عيراقێ”.
سه‌نته‌رێ مه‌شق وپێشڤه‌برنێ يێ وه‌زاره‌تا كاره‌بێ يێ تايبه‌ته ب گوهۆرينا شێوێ دانا كاره‌بێ بۆ سيسته‌مێ ئه‌لكترۆنى.
ئه‌ڤرۆنيوز، نه‌وزاد هلۆرى:
هاڤینگه‌ها گه‌لیێ زوره‌گڤان ئێكه ژ هاڤینگه‌هێن ده‌ڤه‌را بارزان كو چه‌ندین دیمه‌نێن سه‌رنجراكێش و جوان هه‌نه، ئه‌ڤ یه‌ك بوویه ئه‌گه‌ر كو هژماره‌كا مه‌زن یا گه‌شتیار و وه‌لاتیان سه‌ردانا وێ بكه‌ن، به‌لێ نه‌بوونا خزمه‌تگوزاریان گه‌شتیار و خه‌لكێ ده‌ڤه‌رێ دلگرانكرینه.
ئاراز هوشیار، گه‌شتیاره‌كێ دهوكێ یه و سه‌ره‌دانا گه‌ليێ زوره‌گڤان كریه بۆ ئه‌ڤرۆ نیوز گۆت: (ب مه‌ره‌ما بوراندنا ده‌مه‌كێ خوه‌ش مه ژ نێزیك سه‌ره‌دانا هاڤینگه‌هێن ده‌ڤه‌را بارزان كریه ب تایبه‌تى گه‌ليێ زوره‌گڤان، سه‌ره‌راى كو جهه‌كێ خوه‌شه و ئارام و دلگیره، به‌لێ نه‌بوونا خزمه‌تگوزاریان و پاقژ رانه‌گرتنا ژینگه‌هێ چو تام و خوه‌شى نه‌هێلاینه تێدا).
رێڤان فاخر، ئێكه ژ خودان مولكێن گه‌ليێ زوره‌گڤان بۆ ئه‌ڤرۆ نیوز گۆت: (گه‌ليێ زوره‌گڤان ب هه‌بوونا دیمه‌نێن سرۆشتى و ئاڤه‌كا جوان و داروبارێن بناڤوده‌نگه و خه‌لكه‌كێ زۆر وه‌كو گه‌شتیار سه‌ره‌دانا وى دكه‌ن ،مه وه‌كو خودان مولكێن ده‌ڤه‌رێ چه‌ند جهه‌كێن گوزارى لێ درۆستكرینه وه‌كو كافیتریا و خارنگه و كه‌پر و جهێن خێزانى و ڤه‌حه‌ویانێ).
زێده‌تر گۆت: (رۆژانه زێده‌ترى 150 ترومبێلێن گه‌شتیارى سه‌ره‌دانا گه‌ليێ زوره‌گڤان دكه‌ن، به‌لێ نه‌بوونا خزمه‌تگوزاریان خه‌لك بێزاركریه، ژبه‌ركو رێیا وێ نه‌یا درۆستكریه و باژێرڤانی رۆلێ خوه نابینیت د پاقژكرنا گه‌لى دا).
ئه‌ڤرۆ نيوز:
په‌یڤدارێ سه‌رۆككۆمارێ توركیا ئیبراهیم كالن به‌ری حه‌فته‌یه‌كێ راگه‌هاند، شه‌ڤا 18ێ تیرمه‌هێ ل توركیا بارێ نه‌ئاسايى ب دووماهی هات و هه‌ر ده‌مه‌كێ مه‌ترسیا تيرۆرێ یان مه‌ترسیێن دن ل وه‌لاتى دروست دبيت. سه‌رۆككۆمار دشێت ئێكسه‌ر بارێ نه‌ئاسايى جاره‌كا دى رابگه‌هینيت
به‌ری دو سالان و پشتی بزاڤا د‌ربا له‌شكه‌ری یا 15ێ تیرمه‌هێ ب بهانه‌یا تيرۆرێ ره‌وشا نه‌ئاسايى ل توركیا هاتبوو راگه‌هاندن.
د چارچۆڤێ وێ ره‌وشا نه‌ئاسايى دا، ب هه‌زاران كه‌س هاتنه ده‌سته‌سه‌ركرن و ژ كار هاتنه دوورخستن و ب ده‌هان ده‌زگه‌هێن ميدیایی و رۆژنامه هاتن گرتن.
ژ ده‌ما راگه‌هاندنا ره‌وشا نه‌ئاسايى، ب ئاوایه‌كی به‌رده‌وام هه‌ر سێ مه‌هان جاره‌كێ دهاته درێژكرن.پارتیێن ئوپۆزیسیۆنێ و رێكخستنێن مافێن مرۆڤان ژی ب به‌رده‌وامی ره‌خنه ل به‌رده‌وامیا ره‌وشا نه‌ئاسايى دگرتن و ددان زانین كو د وێ ره‌وشێ دا بنپێكرن ل دژی مافێن مرۆڤان ل توركیا دهاته كرن.
ئه‌ڤرۆ نيوز:
زوو ھاتنا ئاڤا زەلامی دبیتە ئەگەرێ پەیدابوونا کومەکا ئاریشەیان، ملحەم و بەخاخ بۆ ئازراندن و فیریانا سێکسی دروستە دھندەک دەلیڤەیان دا بھێنە ب کارئینان، ھەکە زەلام ب زەحمەت بگەھیتە خوشیا سێکسی دیسان ئاریشەیە و ئەندامێ سێکسی یێ زەلامی ژی تووشی گەلەک نەخۆشیان دبیت و ھەر نەخوشیەکێ ژی نیشان و بەرژەنگ و چارەسەریا خۆ یا تایبەت ھەیە و زەلام حەزدکەن تشتەکی ژێ بزانن.
• ھندەک کەس ھەنە چەندین جورێن مرھەم و بخاخان ب کاردئینن وەکو چارەسەری کو ئاڤا وان زووکا نەھێت، ئەرێ مفایەک یان زیان د کارئینانا وان دا ھەیە؟
رامان ژ ڤێ پرسیارێ ئەوە کو ئاڤا زەلامی دھێت بەری ھەردو لا بگەھنە خوشیا سێکسی، ئەڤە ل دەڤ ھندەک کەسان دبیتە ئەگەرێ ئاریشەیێن دەروونی و ئاریشەیێن خێزانی ژی ژێ پەیدادبن، ئەڤە نەخۆشی نینە، بەلێ ل دەڤ کوران پەیدادبیت و ب تایبەت ژی ل دەمێ دەستپێکێ دبنە خودان ھەڤژین، چارەسەریا وێ ل پتریا دەمان ئەوە کو ھەڤژینا وی پیچەک ھاریکاریا وی بکەت، دا پیچەکێ گیرو ببیت و ھەلبەت دشیاندایە زەلام مرھەم و بخاخان ب کاربینیت کو پیچەک ژ فیریانا وی یا سێکسی گیرو دکەن و چ سەربارک ژڤێ چەندێ پەیدانابن.
• ھندەک گازندەیان دکەن کو ئاڤا وان زووکا ناھێت، ئەگەر و چارەسەریا ڤێ چەندێ چیە؟
ھەتا کو ئاڤا زەلامی ب دروستی بھێت، پێدڤی یە سەمامێ ژناڤدا بھێتە گرتن و ئەو زەڤلەکێن ل دورماندور ئەندامێ سێکسی تەنکبوون بکەڤیتێ، ھەر ئالوزیەک دڤان ھەردو کریاران دا دێ بیتە ئەگەر زەلام خوشیێ ژ سێکسی نەبینیت، ھندەک جاران نەخوشیێن تووشی کۆئەندامێ دەماران دبن دگەل خوارنا ھندەک دەرمانان، یانژی نشتەرگەریێن پروستاتان و ئەندامێ سێکسی دبنە ئەگەرێ ڤێ چەندێ و ھندەک جاران ژی ئەگەر زەلام ب زەحمەت گەھشتە خوشیا سێکسی یان رێکا دروست یا کریارا سێکسی نەزانیت ئەڤ چەندە پەیدادبیت.
• ئەرێ ھەبوونا خوریانێ د ئەندامێ سێکسی دا نیشانا ھەبوونا نەخۆشیەکا سێکسی یە؟
خوریان د ئەندامێ سێکسی دا وەکو ھەر خوریانەکا دیترە د لەشیدا و دبیت چ ئەگەر بو نەبن ب تایبەت ئەگەر یا وەختی بیت دبیت ئەگەرەکێ پیستی ھەبیت وەکو ھەستداریێ یان فتریاتا و ھەودانێن پیستی و دبیت ژی ھندەک دەرمان یان ھەودانێن سێکسی ببنە ئەگەرێ خوریانێ.
• گەلەک کەس گازندەیان دکەن کو ئەندامێ وان یێ سێکسی دوەرمیت ئەرێ ئەگەرێن وەرمینا ئەندامێ سێکسی چنە؟
ئەگەرێن وەرمینا ئەندامێ سێکسی یان گرێدای پشکەکا لەشی یە وەک ژ کارکەتنا دلی یان گولچیسکان، یانژی ژئەگەرەکێ خو جھی وەک ھەستداری و ھەودانان و نەخوشیێن پیس یانژی دبیت ژئەگەرێ شکەستنا ئەندامێ سێکسی بیت و ھندەک جاران ژی ژبەرکو زەلام کریارا سێکسی گەلەکدرێژ دکەت دبیتە ئەگەرێ وەرمینێ.
• ھندەک جاران خوین دگەل ئاڤا زەلامی دەردکەڤیت ئەگەرێن وێ چنە؟
دەرکەفتنا خوینێ دگەل ئاڤا زەلامی، نیشانەکا نەئاسایی یە و پێدڤی ب دووڤچونێ ھەیە و گەلەک ئەگەر ژی بۆ وێ چەندێ ھەنە وەک ھەودانا پروستاتان و ھەودانێن ئەندامێ نێرینە و ھندەک جاران ژی پشتی نشتەرگەریێن پرۆستاتان ئەڤ حالەتە پەیدادبن و ھەروەسان پەنجەشێرا پروستاتان دبیتە ئەگەرێ وێ چەندێ و دیسان خوارنا دەرمانێن دژی جەلتا خوینێ و نەخۆشیێن کو خوین بەربوونێ پەیدادکەن دبنە ئەگەر خوین دگەل ئاڤا زەلامی بھێت.
ئەڤرۆ نیوز ، زنار تۆڤی:
ژنەکا کورد ل سەر ئاستێ ئیرانێ تاکە ژنە کو ل رێیا دەرڤەی باژێران شۆفێریێ دکەت و رۆژانە ل دەروازەیان وەلاتیان دبەته تەهرانێ.
ئارەزوو زەرین کەفش، ژنەکا 45 سالە و کوردا رۆژھەلاتە و ل باژێرێ سنە دژیت و دبێژیت ،ئەڤە ماوێ 12 سالانە وەک ئێکەم ژن ل سەر ئاستێ ئیرانێ ل سەر رێیا دەرڤە شۆفێریێ دکەم و رۆژانە ل ڤێ رێۆێ ھاتنوچوونێ دکەم دەروازەیان و ژ تەهرانێ بۆ دەروازەیان و بۆ دەڤەرێن گەشتیاری یێن ئیرانێ وەلاتی و گەشتیاران ڤەدگوهێزم.
گوت ژی دەمێ من دەست ب ڤی کاری کری ل سەر رێیا سنە بۆ تەهرانێ، ئەڤ چەندە بۆ مرۆڤێن من و خەلکێ کارەکێ غەریب بوو ، لێ من گوهداریا ئاخفتنێن خەلکێ نەکر ئەز ل سەر کارێ خوە بەردەوام بووم هەتا نوکە.
هەروەسا رۆژانە دناڤبەرا سنە بۆ تەهرانێ 8 دەمژمێران ترۆمبێلێ دهاژۆت،نوکە ئەو کار بۆ کۆمپانیەکێ دکەت و ترۆمبێل نە یا وێیە، ب داھاتێ کارێ خوە زارۆیێن خوە بخودان دکەت. کو نوکە ل زانکۆیێ دخوینن، خەرجیێن وان دگرانن.
ئەڤرۆ نیوز ، زنار تۆڤی:
ئەڤرۆ 18 تەمۆزا 2018 بهایێ نەفتێ نزمبوونەکا بەرچاڤ تۆماركر، ئەڤە ژی پشتی کو دوهی سپێدێ بهایێ وێ بلندتربوو.
ئه‌ڤرۆ بهایێ بەرمیلەکێ نەفتا خاڤ یا برێنت نزمبوویە و هەر بەرمیلەک ب 71 دۆلار و 85 سەنتان دهێتە فروتن.
بەلێ بهایێ بەرمیلەکێ نەفتا خاڤ یا تێكساس بلندبوویە و بەرمیلەکێ وێ ب 67 دۆلار و 72 سەنتان مامەلە پێ هاتیە کرن.
ئه‌ڤرۆ نيوز:
شیرەتکارەکێ جڤاتا روحانیا ئێزدیان بۆ رۆژناما ئەڤرۆ ئاشکرا کر، ئالیێن سیاسیێن کوردستانی ترسەک ھەیە ھەمبەری کوتایا ئێزدیان ، ژبەرکو ئەو ھەست دکەن دبێت پارتی پتر مفای ژ کوتایا ئێزدیان وەربگریتن، وەکو کورسیێن کوتایێن مەسیحیان و تورکمانان، ھتا نوکە چو ئالیەکێ بەرسڤا مە نەدایە کو ب گۆتن ھەموو ل گەل بڕیارا مەنە بەلێ ب کریار چو دیار نینە، و ئەو پرۆژە نەکفتیە دبەرنامێ کارێ دانوستاندنێن پەرلەمانێ کوردستانێ دا.
کەریم سلێمان شیرەتکارێ جڤاتا روحانیا ئێزدیان بو رۆژناما ئەڤرۆ گۆت: بەری نوکە مە یاداشتنامەک ئاراستەی پەرلەمانێ کوردستانێ کریە دیدارەکا تایبەت ل گەل جەعفەر ئێمینکی کریە، داخازا مە د وێ یاداشتنامێ د اکو کوردێن ئێزدی وەک پێکھاتەک ئاینی تایبەت مەندیا خوە ھەبیت، ژ بەر کو رەوشا مە نەیا باشە بومە یا باشە ئەف مافە بھێت دان بەلکو ببیتە ئەگەرێ باوەریێ ھەرچەندە مەسەلێن مە یێن نەتەوەی ئەم چو جارا موساومێ سەرناکەین ئەڤە نەتەوێ مە یە دەمێ ئەم بەحسی کوردینیێ دکەین ئەڤە زمان و کەلتورێ مەیە ژبەرکو مە گەلەک ژبەر تایبەت مەندیا خو دیتی نە یا ئاینی ژبەر وێ چەندێ مە ئەڤ یاداشتنا مە پێش کێش پەرلەمانی کریە کو مە ھندەک کورسێن کوتێ ھەبن ،
شیرەتکارێ جڤاتا روحانیا ئێزدیان خویاکر، کو مە سەردانا وان ھەموو پارتێن سیاسی کریە یێن فراکسیون دناڤ پەرلەمانی ھەین دگەل مەکتەبا سیاسی یا پارتی دیموکراتی کوردستان دگەل رێزدار فازل میرانی دانیشتینە وی بەرسڤ ژی دایە کو ئەو باش ل داخازیا مە دگەھیت وان ژی ھاریکارن ئەڤ داخازیا مە بھێت جێ بە جێ کرن پارتێن دی ژی مە سەرەدانا مەکتەبێن وان یێن سیاسی کرن ھەمان “موقف” ھەبو بەلێ بەردەوام وان پارتێن دی یێن سیاسی ھەیە شعورەک ھەیە ئەو ھزر کریە کو کوتە بو ئێزدیان بھێت دان چێدبیت کو پتر پارتی مفاداربیت ژوان کورسیان وەکو کورسێن کوتێن مەسیحیان و تورکمانا بەلکو پارتی دیموکراتی کوردستان مفادارە ترسێن وان لایەنێن سیاسی ئەوە چ بریار ژی نەھاتینە دان لدور داخازیا مە گوتن ھەموو لایەنێن سیاسی دگەل مەنە ب گوتن بەلێ کریار حەتا نھا ئەو بەرنامە نەکەفتیە بەرنامێ کاری پەرلەمانێ کوردستانێ د اکو دانوستاندن ل سەر بھێت کرن و پشتی دانوستاندنێ دەنگ دان ل سەر بھێت کرن کا ئەڤ پرۆژە دھێت جێ بە جێ بیەجێکرن یان ماوێ داخازیا مە چ نەمایە ھەرچەندە بو ئەو خولا تنوی یا پەرلەمانی گەلەک یا ب زەحمەتە ژبەرکو نھا دەرگەھێ کیان سیاسی خو بو کوتێ ژی ھاتیە داخستن ل کومسیونا کوردستانێ بەس ئەڤە کارەکە دھێت کرن کو نھا ژی بریارێ سەر نەدەن بو پاشەروژێ دێ ھە ر بریار ل سەر ھێت دان.
کەریم سلێمان گوت: مە دووێ یاداشتنامێ دا داخوازا پێنج کورسیان کریە بۆ پەرلەمانێ کوردستانێ، دیموکراتیەت ئەوە کو ھەردەم تو داخوازا مافێ خوە بکەی، ھەکە نەھێت دان دێ بەردەوام بین ل سەر دەست ڤە ئینانا مافێن خوە، بس ب دیتنا مە رەوش دێ یا خراب بیت، ھەکە پەرلەمانەک ھەبیت 111 کورسی تێدابن ئێک ئێزدی تێدا نەبیت، ژ بەر کو د خولێن بوری دا یێن پەرلەمانێ کوردستانێ ئێزدیان ئێک پەرلەمانتار یێ ھەی سەر ب پارتی دیموکراتی کوردستان ڤە، ل پەرلەمانێ عیراقێ ژی خولا بوری مە دوو ھەبوون ل سەر لیستا پارتی و لیستا بزاڤا ئیسلاح یا ئێزدیان، بەلێ د ھەلبژراتنێن بۆری یێن عیراقێ سێ پەرلەمانتار دەرکەفتیە ئێک ژوان یێ لیستا پارتی و لیستا ئێکەتی و لیستا پێشڤەچوونا ئێزدی.
ناڤھاتی ل دووماھیێ دووپاتکر، ھەر ئێزدیەکێ ب بیتە پەرلەمانتارێ عیراقێ یان یێ کوردستانێ سەر ب چو لیست ڤە بیت، وی وەکو ئێزدیەک یێ ناچارە بەحسی رەوشا ئێزدیا ب گشتی بکەت، بو نمونە ل پەرلەمانێ عیراقێ ڤیان دەخیل ھەبوو دەورەکێ بالا ھەبو ژبو دەست ڤە ئینانا کورسێن کوتێ ئەو بەرنامە ئینا د ژورا پەرلەمانێ عیراقێ ڤە بەلێ ب مخابنی ڤە نەھات کرن ئەو شیانێن وان پەرلەمانتارێن ئێزدی دکەن بەلێ ئەوێن وان شیان لێ نەبن نەشێن بکەن.
ئەڤرۆ نیوز ، زنار تۆڤی:
دوهی پێشمەرگەک د بەنداڤا مۆسلێ دا خەندقی بوو، پشتی بورینا 27 دەمژمێران تیمێن نقوۆمڤانێن سەر ب رێڤەبەریا بەرەڤانیا باژێرێ دهۆکێ شیان تەرمێ وی ژ ئاڤێ بینە دەر.
بێوار عەبدۆلعەزیز بەرپرسێ راگەهاندنا بەرەڤانیا باژێرێ دهۆکێ بۆ ئەڤرۆ نیوز دا دیارکرن: کو ئەڤرۆ ل دەمژمێر 12:40 نیڤرۆ تیمێن نقومڤانێن سەر برێڤەبەریا بەرەڤانیا باژێرێ دهوکێ ڤە، کو پێکهاتبوون ژ بنگەهێن زاخۆ و سێمێلێ و دهۆکێ و ئامێدیێ و بنگەهێ پێشابیرێ و پشتی بورینا 27 دەمژمێرا ژ لێگەریانا بەردەوام شیان لەشێ وی پێشمەرگەی ژناڤ ئاڤێ بینەدەر، تەرمێ وی هاتە رەوانەکرن بۆ نۆشداریا داد ل دهوکێ.
ناڤهاتی گوت ژی : دوهی ل 16/7/2018 ل دەم ژمێر 10:00 پەیوەندی بیەکا کونترێلی هاتیەکرن ب هەبوونا روودانەکا خەندقینێ ل بەنداڤا مۆسل کو پێشمەرگەك بناڤێ ( ی – غ – ح ) دژیێ 20 سالیێ دا کەتیە دئاڤێ دا و خەندقیە.
ئه‌ڤرۆ نیوز:
په‌رله‌مانێ كوردستانێ پشتی چه‌ندین كۆمبوونا ئه‌ڤرۆ راستڤه‌كرنا په‌یره‌وێ ناڤخوه ب ته‌مامی په‌سه‌ند كر.
ژ گرنگترین ماددان، نه‌هێلانا سكرتێرێ په‌رله‌مانی یه و دانانا دو جێگرانه بۆ سه‌رۆكێ په‌رله‌مانی كو پێدڤیه ئێك ژ وان ژن بیت.
هه‌روه‌سا پێدڤیه حوكمه‌ت سالانه بودجا خوه یا ته‌خمینكری بهنێریته په‌رله‌مانی و په‌رله‌مان ل سه‌ر رازی ببیت.
دیسا هنده‌ك ژ گوهۆڕینێن په‌یره‌وێ ناڤخوه ب ڤی ره‌نگی نه:
– هه‌كه وه‌زیر ل ده‌مێ گازیكرنێ به‌رهه‌ڤ نه‌بوو بچیته په‌رله‌مانی، په‌رله‌مان دشێت ب شێوێ غیابی لێپرسینێ د گه‌ل دا بكه‌ت هه‌تا دگه‌هیته دوورخستنا وی ژ پۆستی وی.
– هه‌كه د ده‌مێ بهێنڤه‌دانێ دا بودجه گه‌هشته په‌رله‌مانی، پێدڤیه په‌رله‌مان بهێنڤه‌دانا خوه ب دووماهی بینیت و بودجێ گه‌نگه‌شه بكه‌ت.
– ده‌سته‌یا گشتی كو ژ سه‌رۆك فراكسیۆنان و سه‌رۆكاتیا په‌رله‌مانی پێكدهات نه‌ما.
– ئێدی جڤاتا دادوه‌ریێ ژی دشێت پرۆژه قانوونا پێشكێش بكه‌ت.
– دبیت فراكسیۆنه‌ك ژپه‌رله‌مانتاره‌كی پێك بهێت.
– هه‌ر په‌رله‌مانتاره‌كێ ژ په‌یره‌وێ فراكسیۆنا خوه ده‌ركه‌ڤیت یا جودا ببیت، فراكسیۆنا وی دشێت دوور بێخیت و كه‌سه‌كێ دی بۆ جهێ وی دیار بكه‌ت.
نيشاندان