ئەڤرۆ نیوز ، زنار تۆڤی :

شه‌ربه‌تا هناران بۆ لەشێ مرۆڤی یا ب مفایە و دبیته‌ ئەگەرێ ب ساناهیکرنا پرۆسا هه‌رسكرنێ،هەروەسا نۆشدارێن زانكۆیا هارڤارد د ڤەکۆلینەکێدا جه‌خت ل سه‌ر هندێ كریه‌ كو ب كارئینانا تیڤل و بەلگێن ‌هنارێ رۆلەکێ گرنگ هه‌یه‌ د چاره‌سه‌ركرنا نه‌خۆشیێن گه‌دێ و چاره‌سه‌رەکێ باشە‌ بۆ زكچوونێ و كۆلێرایێ‌،هەروەسا دیارکریە کو ڤەخوارنا چایا بەلگێن هنارێ یان ژی تیڤلێ وێ مفایەکێ زۆر‌ بۆ نه‌خۆشیێن گه‌دێ‌ هه‌یه‌.

. هنار دبیته‌ رێگر ل به‌رده‌م نه‌خۆشیێن دلی،ئێک ژ هۆكارێن گرنگ یێن تووشبوونێ ب جه‌لتا دلی و ‌ستویربوونا دیوارێ خوینبه‌ران،کو ئەڤە ژی ب ئەگەرێ زۆربوونا كۆلسترۆلێ خوینێ‌ دروست دبیت، ڤەکۆلەران دیارکریە کو خوارنا هنارێ یان ژی ڤەخوارنا شه‌ربه‌تا وێ دبیته‌ ئەگەرێ دابه‌زینا رێژا زێدە یا كۆلسترۆلی د له‌شیدا و دبیته‌ رێگر د‌ دروستبوونا كلۆتی د‌ خوینێدا.

. دبیته‌ ئەگەرێ كێمكرنا چه‌ند پەنجەشێرێن تایبه‌ت،ڤەکۆلینێن زانكۆیا هارڤارد دووپاتکریە کو‌ پێدڤیە‌ ئه‌و كه‌سێن‌ په‌نجه‌شێرا مه‌مكان یان ژی پرۆستاتان هه‌ی گەلەک شه‌ربه‌تا هناران ڤەخۆن، ئه‌ڤە ژ بلی هندێ کو شه‌ربه‌تا هناران ب‌ چاره‌سه‌رەکێ باش بۆ زۆربه‌یا جۆرێن دیتر یێن په‌نجەشێرێ دهێتە‌ دانان.

. شه‌ربه‌تا هناران مفایەکێ زۆر هه‌یه‌ بۆ ئه‌و كه‌سێن دوهنیات هه‌ین‌ وه‌ بۆ قۆلۆنێ ژی گەلەکا باشه‌.
. په‌ستانا خوینێ دئینیتە خوار.

. چاره‌سه‌ریە بۆ نه‌خۆشیێن دلی : خوارنا هنارێ یان ڤەخورنا شه‌ربه‌تا وێ ب شێوه‌کێ رێكخستی دبیتە ئەگەرێ دابەزینا كۆلسترۆلی ب شێوه‌کێ دیار.

. چالاك كرنا هزرکرنێ‌ .

. هاریکارە‌ بۆ وان كه‌سێن وه‌رزشێ د‌كه‌ن : خوارنا هنارێ بەری نیڤ دەمژمێرێ ژ وه‌رزش كرنێ دێ بیتە ئەگەرێ هندێ کو ئەو كه‌س‌ دره‌نگتر هه‌ست ب وەستیانێ‌ و بێزاریێ بكەت و زێدەتر دێ چالاك بیت بۆ وه‌رزش كرنێ.

. هنار دژی ‌ستویربوونا‌ دیوارێ خوینبەرانە‌.

. دژی‌ ده‌ركه‌فتن یان دروستبوونا مەیینا‌ خوینێ یە.

. دبیتە ئەگەرێ مرنا‌ خانێن‌ په‌نجه‌شێرێ .

. ب ‌گشتی هنار دژی په‌نجه‌شێرا‌ مه‌مكانە‌.

.شه‌ربه‌تا هناران حەزا جوتبوونێ زێدە دکەت.

.شه‌ربه‌تا هناران چه‌ندین ڤیتامین تێدانە‌ وه‌كو (بی،سی ،كه‌ی ).

د هەمان دەمدا هنارێ و شه‌ربه‌تا وێ چه‌ند زیان هه‌نە: نۆشدارێن نه‌خۆشخانا نایۆكلینك راگه‌هاندینه‌: کو هندەك جاران ڤەخوارنا شه‌ربه‌تا هناران ل گەل هندەك ژ ده‌رمانێن چاره‌سه‌ركرنا كۆلسترۆلی و نه‌خۆشیێن دلی كاریگه‌ریێ دکەتە ‌سه‌ر چالاكیێن گولچیسکان و ژ کار دئێخیت، هەروەسا رێژەکا زۆر یا شه‌كرێ تێدایه‌ ،لەوما ڤەخوارنا كوپەکێ شه‌ربه‌تا هناران هەڤشێوێ بوتلەکێ كۆكا كۆلا یێ شه‌كر تێدایه ، کو‌‌ ئه‌ڤە ژی بۆ نه‌خۆشیا شه‌كرێ یا خرابه‌.