ئه‌ڤرۆ نيوز:

بەرپرسێ ئوپەراسیۆنێن پێشمەرگەھی ل فەرماندەیا شنگال دیارکر، حکومەتا عیراقی وەکو بەرێ ھەڤکاریا وان ئیزدیان یێن چووینە دناڤ حەشداشەعبی دا ناکەت، ھەکە رۆژەکێ دەلیڤە بۆ حەشدا شەعبی دروست بیت دێ گەلەک کەسێن ئێزدی یێن بووینە حەشدا شەعبی رەوانەی دادگەھی کەن.

قاسم دربۆ، بەرپرسێ ئوپەراسیۆنێن پێشمەرگەی ل فەرماندەیا شنگال بۆ ئەڤرۆ گۆت: حەشدا شەعبی وبەغدا وەکو بەرێ نوکە ھەڤکاریا ئێزدیێن چووینە دناڤا حەشدا شەعبی دا ناکەن، دووڤ پێزانینان ژی حەشدا شەعبی ھندەک ئێزدی ژ چەککرینە، نوکە حەشدا شەعبی یا شیعی رێ نادەت حەشدا ئێزدی ب چەک بن ئەم وێ باوەری داینە ھەکە دەلیڤە بۆ حەشدا شەعبی یا شیعی ل شنگال روست بیت دێ گەلەک کەسێن ئێزدی یێن ناڤ حەشدا شەعبی دا رەوانەی دادگەھی کەت، ھەتا نوکە ژی حەشدا شەعبی یا شیعێ یا بەردەوامە ل سەر تێکدانا شنگال وگەڤیێن دانانا چەکێ ژ ئێزدیان دکەت کاردکەت ھەموو ھێزیێن نوکە ل شنگال، چەکی خوە دانن بتنی حەشدا شەعبی یا شیعان بتایبەتی ژی (کتائب ئیمام عەلی) ل شنگال دەستھەلادار بیت.

ئەڤرۆ نيوز:

پشتی 15 سالێن گەندلی و حوکمڕانیا نەدروستا دەستھەلاتا شیعی ل بەغدا، خەلکێ سڤیل و ھەژار و بێ دەستھەلات و بێ کار ل ناڤەندا باژێرێ بەسرا و دورووبەرێن وێ پارێزگەھێ دەست ب خوەنیشادانان کرن.

سەرۆکێ بزاڤا ھەژار و بێکاران ل پارێزگەھا بەسرا، ئەحمەد جاسم ئەلمالکی، بۆ رۆژناما ئەڤرۆ راگەھاند، خوەنیشادان دێ دبەردەوامبن و و ھێزێن حوکمەتێ دەست بکارێن توندوتیژیێ ل گەل خوەنیشادەران کریە.

ئەحمەد جاسم ئەلمالکی گۆت: خوەنیشادانێن خەلکێ بەسرا ژ ئەگەرێ وێ گەندەلی و سەردەریا حوکمەتێ یا نەڕوایا ل گەل ھەموو خەلکێ عیراقێ دھێتە کرن، کو گەشھتیە رادەکی خەلکێ بەسرا ب ھەموو بیرێن پەترۆلا خوڤە ئاڤا ڤەخوارنێ و کارەب لێ نەبیت، ئەڤە چو دگەھینیت؟، پرسیارە بۆ ھەموو سەرکردێن خوە کرینە سەرکردە ل عیراقێ.

ئەحمەد ئەلمالکی دووپاتکر، خوەنیشادانێن خەلکێ بەرسرا ب چوار میحورەێن دەورووبەرێن پارێزگەھا بەسرا، دەست ب خوەنیشادان کریە، ل دەڤەرێن ( مجنون و حەقل ئەلمای و شوعێبە و سەفان و زوبێر)، ھەموو ئەو دڤەر دنێزیکی زەڤیێن پەترۆلێ نە ل پارێزگەھا بەسرا.

سەرۆکێ بزاڤا ھەژار و بێکاران ل بەسرا ئاشکرا کر، ھێزێن حوکمەتا عیراقێ دەست بکارێن توندوتیژیێ ل گەل خوەنیشادەران کریە، ئاڤا گەرم و گازا رۆندک رێژ ل دەستپێکێ بکاردئینان، بەلێ ئەڤرۆ گوللە و چەک ھاتیە بکارئینان کەسەک ھاتیە کوشتن و دوو بریندار مە ھەنە، ئەڤ روودانە ل بەر دەرگەھێ پارێزگەھا بەسرا ھایتە کرن.

ئەحمەد جاسمی ھەروەسا گۆت: ئێک ژ داخوازیێن خوەنیشادەران، دامەزراندنا دەواەتا کوردیە ل ھەرێما کوردستانێ، چونکی ئەو دەولەت دێ برایەتیا مە کوردان زێدەتر بیت، نەک وەکی ھندەک ھزر دکەن، ھەبوونا دەولەتا کوردتا جودابوونا ژ عیراقێ یە.

سەبارەت بناڤکرنا خوەنیشادانێن خەلکێ، بناڤێ شۆرەشا برسیان، ئەحمەد جاسم ئەالمالکی رەتکر، گۆت: ئەو ناڤ کێماسیە بۆ خلکێ عیراقێ ب گشتی، خەلکێ عیراقێ نەیێ برسیە، بەلکێ خودان روومەت و دمەردن، بەلێ حوکمڕانیا 15سالێن گەندەلیێ ئەم ھەموو ھەژار کرین و بێ کار کرین، بدیتنا من ئەڤ ناڤە پتر نێزیکی مەیە، شۆرەشا ھەژار و بێکاران.